རྒྱ་ནད་ཀོ་རོ་ནཱ། རྒྱ་ནག་གིས་འཛམ་གླིང་ལ་ཁྱེར་ཡོང་བའི་ཆག་སྒོ་ཆེན་པོ།

ཅ་དངོས་རྫུན་མ་མང་ཤོས་རྒྱ་ནག་ནས་ཐོན་ཞིང་། རྒྱ་ནག་གི་ཐོན་རྫས་ཀྱིས་འཛམ་གླིང་གི་ཁྲོམ་རྭ་དང་འཛད་སྤྱོད་པར་དཀའ་ངལ་ཆེན་པོ་སྤྲོད་པས། Made in China འཁོད་པའི་ཐོན་རྫས་ལ་མི་རྣམས་ཞེ་ལོགས་པ་མ་ཟད། བྱི་བའི་ནད་ཡམས་དང་། ཕག་པའི་རིམ་ནད། སཱར་སི་ནད་ཡམས། ཀོ་རོ་ནཱ་རྒྱ་ནད་སོགས། ནད་ཡམས་མང་ཤོས་འབྱུང་ས་ཡང་རྒྱ་ནག་ཡིན་པས། ཅ་དངོས་རྫུན་མའི་ཐོན་འབོར་དང་། ནད་ཡམས་ཀྱི་ཐོན་འབོར་གཉིས་ཀའི་ཐད་ནས་འཛམ་གླིང་ལོ་རྒྱུས་ཁྲོད་རྒྱ་ནག་གིས་ཟིན་ཐོ་གཏོད་སོང་།

Read more

ཟབ་སྦྱོང་སྤྲོད་པར་ཟབ་མོ་ཤེས་དགོས།

བོད་ཀྱི་བང་ཆེན་སྤྱིའི་འདོན་ཐེངས་ ༧༩༤  ཕྱི་ལོ་ ༢༠༢༠/༠༣/༡༨ བཙན་བྱོལ་བོད་པའི་སྤྱི་ཚོགས་སུ་མིའི་ནུས་པ་གསོ་སྐྱོང་ཆེད་འདས་པའི་ངོ་ལོ་ཉི་ཤུ་ཙམ་གྱི་རིང་། ཟབ་སྦྱོང་གང་མང་ཞིག་སྤྲོད་སྲོལ་དར་བ་དང་། དེ་ལ་བརྟེན་ནས་སྤྱི་ཚོགས་ནང་ཕྱོགས་གཅིག་ནས་ལས་དོན་བྱེད་སྟངས་མང་པོ་ཞིག་ལ་རྒྱུས་མངའ་ཡོང་ཐབས་སོགས་ལག་ལེན་དངོས་ལ་ཕན་ཐོགས་ཆེན་པོ་བྱུང་ཡོད། སྐབས་རེ་ཟབ་སྦྱོང་དེ་སྐར་མ་ལྔ་ཅན་གྱི་མགྲོན་ཁང་དུ་གོ་སྒྲིག་བྱས་པ་སོགས་ཀྱིས་སྤྱི་ཚོགས་ནང་། ཟབ་སྦྱོང་མ་རེད་ཟ་སྦྱོང་རེད། ཟེར་མཁན་ཡང་ཡོད། གང་ལྟར་ཕྱི་རྒྱལ་གྱི་རོགས་ཚོགས་ཁག་ལ་མཚོན་ནའང་། ཟབ་སྦྱོང་ལ་རོགས་དངུལ་གནང་མཁན་མང་པོ་ཡོད་པས་ཟབ་སྦྱོང་ནི་ད་ལྟའི་ཆར་བཙན་བྱོལ་བོད་པའི་སྤྱི་ཚོགས་སུ་དར་སྲོལ་ཆེན་པོ་ཡོད། ལོ་འདིར་བཙན་བྱོལ་བོད་མིའི་སྲིད་སྐྱོང་དང་། སྤྱི་འཐུས་ཀྱི་འོས་བསྡུ་ཆེན་མོ་དང་ཐུག་ཡོད་པས་སྤྱི་ཚོགས་ནང་འོས་བསྡུ་དང་འབྲེལ་བའི་གོ་རྟོགས་སྤེལ་བའི་ལས་འགུལ་མང་པོ་ཞིག་ཡོང་ངེས་པ་དང་། ལྷག་པར་དུ་འོས་བསྡུའི་འགན་འཛིན་དང་འགན་འཛིན་ལས་འཕར་གཉིས་ས་ཕྱོགས་གང་སར་ཕེབས་ནས་ཟབ་སྦྱོང་གནང་ངེས་རེད། སྤྱིར་བཙན་བྱོལ་བོད་པའི་སྤྱི་ཚོགས་སུ་དུས་ཐུང་ཟབ་སྦྱོང་ཙམ་མ་ཡིན་པར། ཆེད་ལས་སྦྱོང་བརྡར་རག་མཁན་མང་པོ་ཞིག་ཀྱང་ད་ལྟའི་ཆར་ལས་གནས་དེ་དག་ཏུ་ཡོད་མཁན་དཀོན་ལ། སྐབས་རེ་ཆེད་ལས་དེ་དག་དང་བཙན་བྱོལ་སྤྱི་ཚོགས་དབར་འབྲེལ་བ་མེད་པ་ལྟ་བུ་དང་། སྐབས་རེ་ཆེད་ལས་དེ་གང་ཟག་སོ་སོའི་དམིགས་ཡུལ་དང་ཡང་འབྲེལ་བ་ཡོད་དམ་སྙམ་པ་ལྟ་བུ་སོགས་གནས་སྟངས་མི་འདྲ་བ་མང་པོ་མཐོང་རྒྱུ་ཡོད། འོན་ཀྱང་སྤྱི་ཚོགས་འདི་ཉིད་མུ་མཐུད་གནས་དགོས་སྟབས་འོས་བསྡུ་ཆེན་མོ་སོགས་ཀྱི་སྐབས་ལས་དོན་བྱེད་ཕྱོགས་ཀྱི་གོ་རྟོགས་ལས་འགུལ་ལམ་ཟབ་སྦྱོང་ངེས་པར་དགོས་པ་ཞིག་ཏུ་གྱུར་ཡོད། ད་ལོ་ཏོག་དབྱིབས་ནད་དུག་གིས་འགལ་རྐྱེན་མ་བྱུང་ན་ལས་འགུལ་འདི་རིགས་ལ་དབུས་ས་གང་ཐད་ནས་ཤུགས་རྒྱག་དགོས་པ་དེ་གལ་ཆེ་བ་མ་ཟད།

Read more

འཛམ་གླིང་ཡོངས་སུ་ཁྱབ་པའི་ནད་ཡམས་སློང་བྱེད་ཀྱི་ནད་འབུ་ལ་མིང་མ་ནོར་བ་ཞིག་འདོགས་དགོས། 

  ཨེ་ཕོ་ཁི་དུས་བབ་(The Epoch Times)ཀྱི་རྩོམ་སྒྲིག་པའི་གཏམ།  དཀོན་མཆོག་རབ་བརྟན་གྱིས་བོད་སྒྱུར་ཞུས། (ནང་དོན་ལ་གཙོ་བོར་དམིགས་ནས་བསྒྱུར་བ་ཡིན།) ཉེ་ཆར་འཛམ་གླིང་ཡོངས་སུ་ཁྱབ་པའི་ནད་ཡམས་སློང་བྱེད་ཀྱི་ནད་འབུ་ལ་མིང་ཅི་ཞིག་འདོགས་དགོས་མིན་ཐད་ལ་རྩོད་རྙོག་འབྱུང་གིན་ཡོད། རྒྱ་ནག་དམར་ཤོག་ཚོགས་པས་ནད་འབུ་དེར་“ཏོག་དབྱིབས་ནད་དུག་གསར་པ”(novel coronavirus)ཞེས་འབོད་ཀྱི་ཡོད་པ་དང་། གཞན་རྣམས་ཀྱིས་ནད་འབུ་དེའི་འབྱུང་ཁུངས་ཀྱི་ཆ་ནས་“ཝུའུ་ཝན་ནད་འབུ”ཅེས་ཟེར་ཞིང་། དེ་ནི་རྒྱུན་པར་ནད་རིགས་རྣམས་ཀྱི་མིང་འབྱུང་སའི་གནས་ཀྱི་རྗེས་སུ་འདོགས་པའི་ལུགས་སྲོལ་དང་མཐུན་ནས་ཡོད།  ངེད་ཨེ་ཕོ་ཁི་དུས་བབ་(The Epoch Times)ཀྱིས་ནད་འབུ་འདིའི་ཡང་དག་པའི་མིང་ལ་“དམར་ཤོག་ཚོགས་པའི་ནད་འབུ”ཞེས་འདོགས་དགོས་ཟེར་གྱི་ཡོད་ལ། གཞན་ཚོར་ཡང་མིང་འདི་རང་བེད་སྤྱོད་གཏོང་དགོས་པའི་འབོད་སྐུལ་ཞུ་ཡི་ཡོད། མིང་འདིའི་ནང་དུ་དམར་ཤོག་ཚོགས་པས་འཛེམ་བག་མེད་པར་གདུག་རྩུབ་ཆེན་པོས་འགྲོ་བ་མིའི་ཚེ་སྲོག་རྡོག་རོལ་བཏང་བ་དང་། དེའི་མཇུག་འབྲས་སུ་འཛམ་གླིང་ཡོངས་ཀྱི་རྒྱལ་ཁབ་ཁག་ཏུ་སྐྱེ་བོ་བགྲང་ལས་འདས་པའི་ཚེ་སྲོག་ལ་ཉེན་ཁ་སྤྲོད་མཁན་གྱི་ནད་ཡམས་ཤིག་རྒྱ་ཁྱབ་ཏུ་ཕྱིན་པ་དང་སྦྲགས། ནད་རིགས་འདིར་ཁ་གཏད་གཅོག་ཐབས་བྱེད་བཞིན་པའི་རྒྱལ་ཁབ་ཚོ་ལ་དཔལ་འབྱོར་གྱི་གྱོང་གུན་ཚབས་ཆེན་དང་། འཇིགས་སྣང་དང་དངངས་འཚབ་ཚད་མེད་སློང་བཞིན་ཡོད་པ་བཅས་འདུས་ཡོད། ཡང་གཅིག་བཤད་ན།

Read more

གོ་སྐབས་དང་དྲན་གསོའི་ཉིན་མོ།

བོད་ཀྱི་བང་ཆེན་སྤྱིའི་འདོན་ཐེངས་ ༧༩༣  ཕྱི་ལོ་ ༢༠༢༠/༠༣/༡༡ རྒྱ་དམར་དྲག་པོའི་གཞུང་གིས་བོད་ས་བཙན་བཟུང་བྱས་ནས་མི་ལོ་ཧྲིལ་པོ་༦༡ འཁོར་ཟིན་པ་དང་། བོད་ལ་བཙན་འཛུལ་བྱས་ནས་མི་ལོ་༧༡ འདས་ཟིན་པ་རེད། འདས་པའི་མི་ལོ་དེ་དག་གི་རིང་བོད་ས་སྟོད་སྨད་བར་གསུམ་ཡོངས་རྫོགས་རྒྱ་དམར་གཞུང་གིས་བཙན་འཕྲོག་གིས་དབང་བསྒྱུར་བྱས་ཡོད་ཀྱང་། ས་ཁུལ་དེར་ཡོད་པའི་བོད་མི་དག་གི་སེམས་པ་རྒྱ་དམར་གཞུང་གི་ཕྱོགས་སུ་ད་དུང་ཡང་འགུག་ཐུབ་མེད། ༧གོང་ས་མཆོག་གིས་དབུ་ཁྲིད་པའི་བཙན་བྱོལ་བོད་པའི་སྤྱི་ཚོགས་ནས་འདས་པའི་ལོ་མི་དྲུག་ཅུ་ལྷག་གི་རིང་བོད་དོན་འཐབ་རྩོད་ཀྱི་ཤུགས་རྐྱེན་ལ་བརྟེན་ནས། ད་ལྟའི་ཆར་རྒྱལ་སྤྱིའི་ཁྱོན་ཡོངས་སུ་བོད་དོན་ལ་རྒྱབ་སྐྱོར་ཆེན་པོ་སླེབས་ཡོད་ལ། རྒྱ་དམར་གཞུང་གིས་རྒྱལ་སྤྱིའི་ཁྱོན་དུ་ཁ་ཞེ་མི་མཚུངས་པའི་གཡོ་སྒྱུའི་འཁྲབ་སྟོན་མང་པོ་ཞིག་བྱེད་པའི་གདོང་རིས་ཀྱང་། རྒྱལ་སྤྱིའི་ཁྱོན་ཡོངས་ལ་མངོན་གསལ་དུ་འགྱུར་བཞིན་པའི་སྐབས་ཤིག་ཏུ་གྱུར་ཡོད། བོད་དོན་བདེན་མཐའ་གསལ་བའི་དུས་ཚོད་སུ་གཅིག་གིས་གཏན་ཁེལ་གྱིས་བརྗོད་མི་ཐུབ་ནའང་། དེ་ལྟ་བུའི་གོ་སྐབས་ཤིག་ཡོང་ཐུབ་མིན་བོད་མི་རིགས་ཀྱི་སྙིང་རུས་དང་སེམས་ཤུགས་ལ་རག་ལས་ཡོད། རྒྱ་དམར་གཞུང་ལྟ་བུའི་ཁྲེལ་ངོ་ཚ་དང་ཤ་ཚ་སྙིང་རྗེ་གཏན་ནས་མེད་པའི་སྲིད་གཞུང་ཞིག་ལ་མཚོན་ན། དཔོན་རིགས་དག་གིས་རང་ཉིད་ཀྱི་གོ་གནས་དང་ཁེ་ཕན་སྲུང་སྐྱོབ་ཆེད་མཁྲེགས་འཛིན་ཁོ་ན་བྱེད་པ་ལས། འདྲ་མཉམ་དང་གུ་ཡངས་ཀྱི་བསམ་བློ་ལ་བརྟེན་ནས་གྲངས་ཉུང་མི་རིགས་རྣམས་ལ་སྙིང་རྗེ་དང་གཅེས་སྐྱོང་བྱེད་པའི་རེ་བ་བརྒྱབ་པ་ནི་སྟོང་བསམ་ཁོ་ན་རུ་ངོས་འཛིན་བྱེད་ཆོག གལ་སྲིད་བོད་རྒྱའི་འཐབ་རྩོད་ཆེད་གུ་ཡངས་ཀྱི་བསམ་བློ་ལ་བརྟེན་ནས་ཐག་གཅོད་བྱེད་ཐུབ་པའི་དབང་དུ་བཏང་ན། བོད་པའི་ངོས་ནས་གུ་ཡངས་དེ་རྩ་དོན་བློས་གཏོང་རྒྱུ་ཁོ་ན་ལས་མེད།

Read more

བརྩམས་སྒྲུང་གྲགས་ཅན་<<མཚན་མོ>>དང་དེའི་འགྱུར་སྐྱོན་གླེང་བ།

དཀོན་མཆོག་རབ་བརྟན་གྱིས་བརྩམས།  “གང་ཟག་ལ་མི་རྟོན་ཆོས་ལ་རྟོན།”  སངས་རྒྱས་ཤཱཀྱ་ཐུབ་པས།  འཛམ་གླིང་དམག་ཆེན་གཉིས་པའི་སྐབས་ཧེ་ཊི་ལཱར་གྱིས་སྣེ་ཁྲིད་པའི་ན་ཙིའི་སྲིད་གཞུང་གིས་ཡ་ང་སྙིང་རྗེ་སྤུ་ཙམ་མེད་པར་གདུག་རྩུབ་ཆེན་པོས་ཡ་ཧུ་ད་པའི་མི་རིགས་ཡོངས་སུ་རྩ་མེད་གཏོང་ཐབས་བྱས་ཚུལ་སྐོར་གྱི་བརྩམས་སྒྲུང་གྲགས་ཅན་<<མཚན་མོ>>ཞེས་པ་འདི་དང་ཁོ་བོ་གཉིས་ལ་དམིགས་བསལ་གྱི་འབྲེལ་བ་ཞིག་ཡོད་ཅེས་ལབ་ན་མི་ཆོག་པ་མེད་དེ། དེ་སྔོན་ཕྱི་ལོ་ ༢༠༡༠ ཡས་མས་སུ་ཁོ་བོ་ཀུན་ཕན་སློབ་གླིང་(ཡོངས་གྲགས་སུ་ཨ་ལོ་སློབ་གྲྭ་ཟེར)དུ་སློབ་གཉེར་བྱེད་སྐབས། Kristin ཞེས་པའི་ཨ་རིའི་དགེ་རྒན་ཤིན་ཏུ་བཟང་པོ་ཞིག་ཡོད་པ་ཁོང་གིས་ང་ཚོ་སློབ་མ་ཚོར་འཛམ་གླིང་གི་བརྩམས་ཆོས་གྲགས་ཆེ་བ་འགའ་(<<The Pearl>> དང་། <<The Kite Runner>> ལྟ་བུ་ཡོད།)དང་ལྷན་དུ་བརྩམས་སྒྲུང་འདི་ཡང་ངོ་སྤྲོད་གནང་ཞིང་། ཁོང་གིས་སྒྱུ་རྩལ་བརྩམས་ཆོས་དེ་དག་སློབ་དེབ་ཀྱི་ཚུལ་དུ་ཁྲིད་ནས་དེ་དག་གི་ནང་དོན་དང་འབྲེལ་བའི་ནང་སྦྱོང་ཡང་སྐུལ་མྱོང་།  སྐབས་དེ་དུས་ཁོ་བོའི་དབྱིན་ཡིག་གི་ཆུ་ཚད་ཤིན་ཏུ་ཞན་པས། བརྩམས་ཆོས་དེ་དག་གི་གོ་བ་ལོན་དཀའ་ཡང་། དགེ་རྒན་ཁོང་གིས་གོ་དཀའ་བའི་ཚིག་འབྲུ་རེ་རེ་ཟུར་དུ་ཕྱུང་ནས་འགྲེལ་བཤད་དང་། རྟོགས་དཀའ་བའི་གནད་དོན་རེ་རེའི་ལོ་རྒྱུས་ཀྱི་རྒྱབ་ལྗོངས་བཙལ་ནས་སྟོན་པ་སོགས་མཛད་སྟབས།

Read more

བཙན་བྱོལ་དུ་གྱར་ནས་ལོ་རེ་གཅིག

བོད་ཀྱི་བང་ཆེན་སྤྱིའི་འདོན་ཐེངས་ ༧༩༢  ཕྱི་ལོ་ ༢༠༢༠/༠༣/༠༤   བོད་ས་ཡོངས་རྫོགས་རྒྱ་དམར་གཞུང་གིས་བཙན་འཕྲོག་བྱས་ཤིང་། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་དབུས་བོད་མི་དུ་མ་ཞིག་ཕྱི་ལོ་༡༩༥༩ ལོར་བཙན་བྱོལ་དུ་གྱར་ནས། ད་ལོ་ཕྱི་ལོ་༢༠༢༠ ལོའི་བར་མི་ལོ་༦༡ ཧྲིལ་པོ་འཁོར་སོང་བ་རེད། དུས་ཡུན་དེའི་རིང་ཕྱོགས་གཅིག་ནས་བཤད་ན། ༧གོང་ས་མཆོག་གིས་མཛད་འཕྲིན་དང་མཚན་སྙན་གྲགས། བཙན་བྱོལ་གཞུང་གི་ལས་ཀྱི་སྣེ་མོ་བ་རྣམ་པས་གཙོས་གཞུང་སྒེར་གྱི་ཚོགས་སྡེ་ཁག་དང་། བོད་དོན་རྒྱབ་སྐྱོར་བ་རྣམས་ཀྱིས་འབད་བརྩོན་དུ་མ་བྱས་པ་ལ་བརྟེན་ནས། ད་ལྟའི་ཆར་འཛམ་གླིང་གི་ས་ཕྱོགས་གང་སར་བོད་ཅེས་པ་དེ་མི་གོ་མཁན་ཕལ་ཆེར་མེད་པར་གྱུར་ཡོད་པ་མ་ཟད། བོད་དོན་ལ་རྒྱབ་སྐྱོར་གྱི་རྣམ་པའང་ཕྱོགས་གཅིག་ནས་ཚད་མཐོན་པོར་སླེབས་ཡོད་ཅེས་བརྗོད་ཆོག ཤར་ནུབ་ཀྱི་ཡུལ་གྲུ་དུ་མ་ཞིག་ནས་བོད་བརྒྱུད་ནང་བསྟན་ལ་ཨ་གསར་ལྟ་བུའི་ཐོག་ནས་སྦྱོང་བརྩོན་བྱེད་མཁན་ཡང་མང་དུ་འགྲོ་བཞིན་པའི་རྣམ་པ་ལྟ་བུ་ཞིག་ཡོད། དེ་དག་ནི་བཙན་བྱོལ་ནང་མི་ལོ་དྲུག་ཅུ་ལྷག་སྡོད་དགོས་བྱུང་བ་དང་། དེའི་ཤུགས་རྐྱེན་ལ་བརྟེན་ནས་བྱུང་བ་ནི་སྨྲོས་མི་དགོས་པ་རེད། ད་དུང་བོད་ཕྱི་ནང་གཉིས་སུ་ཡོད་པའི་བོད་མི་དག་གི་ངག་རྒྱུན་དུ་བཙན་བྱོལ་བོད་པའི་སྤྱི་ཚོགས་ནི། རང་དབང་ལུང་པར་གནས་སྡོད་བྱས་ཡོད་པ་དང་། བོད་ཀྱི་སྐད་ཡིག་རིག་གནས་རྒྱུད་འཛིན་གྱི་ཐོག་ལ་ནུས་པ་མ་བརྒྱབ་པ་མ་གཏོགས། ཁོར་ཡུག་མེད་པ་ཞིག་གཏན་ནས་མིན་པར་བརྗོད་མཁན་མང་པོ་ཡོད་ཀྱང་། དོན་དངོས་སུ་བོད་མི་གནས་སྡོད་བྱེད་ཡུལ་གཙོ་བོ་རྒྱ་གར་ལ་མཚོན་ན་བོད་མི་རྣམས་ཤར་ཨ་སམ་ནས། ལྷོ་ཀར་ན་ཊ་ཀ ནུབ་ལ་དྭགས་སོགས་རྒྱ་གར་གྱི་ས་ཕྱོགས་གང་སར་བོད་པ་ཁ་འཐོར་ནས་གནས་སྡོད་བྱས་ཡོད་པ་དང་། སྒོ་ཕྱི་ལ་ཐོན་ནས་ཚ་སྤྱི་རྒྱ་(ཀེ་ལོ་)གང་ཉོ་དགོས་ཀྱང་། ཕལ་ཆེར་བོད་སྐད་བཤད་ས་མེད་ཅེས་བརྗོད་ཀྱང་འུར་དུ་མི་འགྱུར་བ་ལྟ་བུ་ཡོད། གོམ་གང་འགྲོ་དགོས་ན་གླ་འཁོར་ཆེ་ཆུང་སོགས་ཚང་མ་བོད་སྐད་བརྒྱབ་ནས་གླ་རྒྱུའི་ཁོར་ཡུག་མེད་པ་ཞིག་ཏུ། བོད་ཀྱི་སྐད་ཡིག་རྒྱུད་འཛིན་གྱི་ཐད་ནས་རང་དབང་ཡོད་པ་ཞིག་ཏུ་གཏན་ནས་གྱུར་མེད་ཀྱང་། ད་བར་བཙན་བྱོལ་ནང་མི་ལོ་དྲུག་ཅུའི་རིང་བོད་པ་རྣམས་ཀྱིས་སྐད་ཡིག་རིག་གནས་རྒྱུད་འཛིན་གྱི་ཐོག་ལ་ཁོར་ཡུག་དང་གནས་སྟངས་ཀྱི་ཐོག་ནས་ནུས་པ་ཆེན་པོ་ཐོན་ཡོད། སྤྱིར་རྒྱ་གར་ལ་མཚོན་ན་རང་དབང་ཆེ་ཤོས་ཀྱི་རྒྱལ་ཁབ་ཅིག་ཡིན་ནའང་། སྐྱབས་བཅོལ་བོད་མི་རྣམས་ཕྱི་རྒྱལ་མི་རིགས་ཀྱི་ངོ་བོར་ལོ་གཅིག་རེའི་མཚམས་སུ་སླར་ཡང་སྡོད་ཆོག་པའི་དུས་འགྱང་བྱེད་དགོས་པ་དང་། རྒྱ་གར་དུ་སྐྱེས་པའམ། རྒྱ་གར་དུ་འབྱོར་ནས་མི་ལོ་ཧྲིལ་པོ་༢༠ སོང་ཟིན་པ་དག་ལ་ལོ་ལྔ་རེའི་མཚམས་བསྐྱར་དུ་སྡོད་ཆོག་པའི་ཆོག་མཆན་ཞུ་དགོས། ཁྲིམས་ལུགས་ཐོག་ནས་ས་གནས་གཞན་དུ་འགྲོ་སྐབས་ཉིན་གྲངས་༡༤ ལས་མང་བ་འགོར་གྱི་ཡོད་ན། རང་ཉིད་སྡོད་གནས་ཀྱི་ཉེན་རྟོག་ས་ཚིགས་ནས་ཐོན་ཆོག་པའི་ཆོག་མཆན་ཞུ་དགོས་པ་དང་། གང་དུ་འབྱོར་བའི་ས་གནས་དེའི་ཉེན་རྟོག་ས་ཚིགས་སུ་འབྱོར་ཡོད་པའི་ཐོ་འགོད་ཞུ་དགོས། ཕྱིར་ཡོང་བའི་སྐབས་ཀྱང་ཐོན་པའི་སྐབས་དང་། སླེབས་པའི་སྐབས་སོ་སོར་ཉེན་རྟོག་ལས་ཁུངས་སུ་ཐོ་འགོད་ཆོག་མཆན་ཞུ་དགོས་པས། རང་དབང་ཆེན་པོ་ཞིག་ཡོད་པའི་ཚོར་སྣང་དེ་རྒྱ་གར་གཞུང་གིས་རང་བཞིན་གྱིས་གུ་ཡངས་བཏང་བསྡད་པ་ཙམ་ལས་ཁྲིམས་ལུགས་ཀྱི་ཐོག་ནས་སྲུང་སྐྱོབ་བམ། ཁྲིམས་ཀྱི་རྒྱབ་ལྗོངས་ཡོད་པའི་ཐོག་ནས་རང་དབང་ཡོད་པ་ཞིག་མ་རེད། གང་ལྟར་ད་བར་བཙན་བྱོལ་བོད་པའི་སྤྱི་ཚོགས་ནང་ཆོས་དང་རིག་གནས་རྒྱུད་འཛིན་གྱི་ཐོག་ནས་ཁོར་ཡུག་ཡོད་པ་དང་། གོ་སྐབས་ཡོད་པ་ཕལ་ཆེ་བའམ་ཆ་ཚང་དམ་འཛིན་བྱེད་ཐུབ་ཡོད་ལ། མ་འོངས་པར་ཡང་གནད་དོན་འདི་རིགས་ཀྱི་ཐོག་ནས་འཐུས་ཤོར་དུ་མ་སོང་བ་ཞིག་བྱེད་དགོས་པ་དེ་གལ་ཆེ་ཤོས་སུ་གྱུར་ཡོད། འོན་ཀྱང་བོད་དོན་འཐབ་རྩོད་ཀྱི་ཐོག་ནས་ཁོར་ཡུག་དང་གོ་སྐབས་ཀྱང་དཀོན་པོར་གྱུར་ཡོད་པ་དང་། ཁོར་ཡུག་དང་གོ་སྐབས་ཡོད་པ་དེ་དག་ཀྱང་ཆ་ཚང་དམ་འཛིན་བྱེད་ཐུབ་པ་ཞིག་བྱུང་མེད། སྐབས་རེ་ཆོས་ལུགས་ཀྱི་ནང་དུ་ཆབ་སྲིད་ཀྱི་མཐུད་ཁ་བརྒྱབ། སྐབས་རེ་ཆབ་སྲིད་ཀྱི་ནང་དུ་ཆོས་ལུགས་ཀྱི་ལྷན་པ་བརྒྱབ་ནས་ཡོང་བའི་སྐབས་སུ་རྩ་དོན་འཐབ་རྩོད་ཀྱི་ཐོག་ནས་བཤད་ན་ཤུགས་རྐྱེན་ངན་པ་ཐེབས་མེད་པ་ཞིག་གཏན་ནས་མིན། དཔེར་ན་རྒྱ་དམར་གཞུང་ལ་ངོ་རྒོལ་བྱེད་པའི་སྐབས་སུ་བྱང་ཆུབ་སེམས་མཆོག་རིན་པོ་ཆེ་དབྱངས་སུ་གྱེར་ནས་གོམ་བགྲོད་བྱེད་པ་ལྟ་བུ་ལ་མཚོན་ན། དོན་དངོས་སུ་བྱང་ཆུབ་སེམས་མཆོག་སྐྱེ་བར་འབད་བརྩོན་བྱེད་པ་དང་བོད་དོན་འཐབ་རྩོད་བྱེད་པ་གཉིས་འཕྲལ་ཕུགས་གཉིས་ཐད་ནས་མཚུངས་བསྡུར་བྱེད་མི་འོས། མདོར་ན་ལོ་འདིར་ཡང་ཏོག་དབྱིབས་ནད་དུག་ཁྱབ་བརྡལ་དུ་འགྲོ་བའི་སྐབས་སུ་གསུམ་བཅུའི་དུས་དྲན་སོགས་སུ་མི་མང་འདུ་འཛོམས་བྱེད་དགོས་མིན་དང་། ངོ་རྒོལ་ལས་འགུལ་སྤེལ་དགོས་མིན་བསམ་བློ་དགོས་པ་ཞིག་ཡིན་མོད། སྐབས་དེར་གལ་སྲིད་མི་མང་འདུ་འཛོམས་བྱེད་པའི་དབང་དུ་བཏང་ན། ཆོས་ཕྱོགས་ཀྱི་བྱེད་སྒོ་འབའ་ཞིག་བྱས་ན་ཆོས་ཕྱོགས་ནས་རྣམ་པ་ཡག་པོ་ཙམ་དུ་འགྱུར་སྲིད་ནའང་། ཆབ་སྲིད་ཀྱི་ཐོག་ནས་གཉེན་ལ་ཁ་གཏད་བཅགས། དགྲ་ལ་སྙིང་རྗེ་སྐྱེ་བའི་ཉན་ལེན་བྱེད་ཐུབ་མཁན་ཞིག་ཕལ་ཆེར་མེད་ལ། སྐྱེ་བའི་དབང་དུ་བཏང་ཡང་། ཆབ་སྲིད་ཀྱི་ཐོག་ནས་ཁེ་ཁ་ཞིག་མ་ཡིན་པར་ཉེན་ཁ་ཞིག་ཏུ་འགྱུར་ངེས་རེད། གནད་དོན་འདི་དག་ལ་བསམ་བློ་བཏང་ན་ཆོས་སྒྲུབ་པའི་སྐབས་ཆབ་སྲིད་དང་འདྲེས་ན་འཇིག་རྟེན་ཆོས་བརྒྱད་དུ་འགྱུར་བ་དང་། ཆབ་སྲིད་བསྒྲུབ་པའི་སྐབས་སུ་ཆོས་ཕྱོགས་ཁོ་ནའི་སློབ་གསོ་ལག་བསྟར་བྱས་ན། ཆབ་སྲིད་ལ་ནུས་པ་གང་ཡང་མེད་པར་མི་མང་པོའི་སེམས་ཤུགས་གཅོག་ངེས་པ་དང་། ཁ་ཤས་ཀྱིས་གོ་སྐབས་དེ་བེད་སྤྱོད་ལོག་པར་ཡང་གཏོང་སྲིད་པས་གནད་དོན་འདི་ལ་ངེས་པར་དུ་གཟབ་དགོས་པར་སྣང་།།

Read more

རྒྱ་ཡི་ནད་དུག་དང་བོད་ཀྱི་ཆག་སྒོ།

རྒྱ་ནག་གི་ཡུལ་དུ་ད་ལྟའི་ཆར་དར་ཁྱབ་ཆེན་པོ་འགྲོ་བཞིན་པའི་ནད་དུག་ཅིག་ལ་བརྟེན་ནས། རྒྱ་ནག་གི་ས་ཁུལ་མང་པོར་འགྲོ་འོང་བཀག་སྡོམ་ནན་པོ་བྱེད་བཞིན་ཡོད་པ་དང་། འཛམ་གླིང་སྤྱི་ཡོངས་ནས་འཛེམ་ཟོན་ཆེན་པོ་བྱེད་བཞིན་པའི་སྐབས་ཤིག་ཏུ་གྱུར་ཡོད།

Read more

༸རྒྱལ་བའི་བཀའ་དྲིན་རྗེས་དྲན་སྲུང་བརྩི་ཞུ་རྒྱུའི་ཐབས་ལམ་ཡག་ཤོས་དང་ལས་སླ་ཤོས་ནི། བོད་ཀྱི་སྐད་ཡིག་སྦྱོང་སྤྱོད་སྤེལ་གསུམ་བྱེད་རྒྱུ་དེ་ཡིན།

བོད་མི་རྒན་གཞོན་བར་གསུམ་གྱིས་༸རྒྱལ་བའི་བཀའ་དྲིན་རྗེས་དྲན་གྱི་ལོ་དགའ་པོའི་ངང་སྲུང་བརྩི་ཞུ་རྒྱུའི་བསམ་བློ་དང་མདུན་པ་ཡོད་པ་མ་ཟད་འཆར་གཞིའང་ཡོད་སྲིད། དེའང་༸གོང་ས་མཆོག་གི་དུས་རྒྱུན་དུ་བཀའ་གང་དང་གང་གནང་གི་ཡོད་པ་དང་། ཁོང་གི་དགོངས་པ་གང་དང་གང་ཡིན་པ་ཤེས་པར་བྱས་ནས་ཁོང་གི་བཀའ་དགོངས་དེ་དག་བསྒྲུབ་རྒྱུའི་འབད་བརྩོན་ཧུར་ཐག་བྱས་ན་བཀའ་དྲིན་རྗེས་དྲན་ཡང་དག་པ་ཞིག་ཡིན་པ་ཐེ་ཚོམ་མེད།

Read more

འགན་ཁུར་ལས་གོ་གནས་ཤིག་མིན།

ལོ་རྗེས་མའི་ནང་ད་ལྟའི་སྲིད་སྐྱོང་ལས་ཐོག་པའི་དུས་ཡུན་ཚང་ནས་སྲིད་སྐྱོང་གསར་པ་འོས་འདེམས་བྱེད་དགོས་པ་དང་། སྲིད་སྐྱོང་གི་འོས་བསྡུའི་ལས་དོན་ནང་རྩོད་རྙོག་དང་གྲུབ་འབྲས་ག་འདྲ་ཞིག་ཡོང་གི་ཡོད་མེད་ཐོག ད་ལྟ་ནས་སེམས་ཁྲལ་བྱེད་མཁན་མང་པོ་ཡོང་གི་ཡོད།

Read more

རྒྱ་ནག་ནས་ཁྱབ་གདལ་བྱུང་བའི་ཏོག་དབྱིབས་ནད་དུག་དེ་བྱ་ཕ་ལྦང་ནས་མི་ལ་འགོས་པ་ཞིག་ཡིན་ནམ།

བོད་ལུགས་སྨན་པ་བསྟན་འཛིན་དགེ་ལེགས། ཆེ་མཐོང་ཕྲ་ཤེལ་ནང་བརྟག་དཔྱད་བྱེད་སྐབས་ནད་འབུའི་བཟོ་དབྱིབས་ལ་ལྟོས་ནས་བཏགས་པའི་ཏོག་དབྱིབས་ནད་དུག་ (coronavirus) ཅེས་པ་འདི་ནི་གཉན་རིམས་གློ་ཚད་ཀྱི་འགོས་ནད་ཚབས་ཆེན་ཞིག་ཡིན་པ་དང་། ནད་དུག་འདི་ནི་ཐོག་མར་རྒྱ་ནག་གི་ཝུ་ཧན་གྲོང་ཁྱེར་ནས་བྱུང་ཞིང་རིམ་པས་འཛམ་གླིང་གི་ཡུལ་གྲུ་བོད་དང་ཨ་རི་ལ་སོགས་པ་མང་པོ་ཞིག་ནང་ཁྱབ་གདལ་དུ་འགྲོ་བཞིན་པ་དང་། དེང་སྐབས་ནད་དུག་འདིས་རྐྱེན་པས་མི་མང་པོ་ཞིག་འདས་གྲོངས་སུ་སོང་ཞིང་དངངས་འཚབ་ཆེ་བའི་རྒྱལ་སྤྱིའི་རང་བཞིན་གྱི་གནད་དོན་ཞིག་ཏུ་འགྱུར་ཡོད། དེ་བས་རང་རེ་གཞིས་བྱེས་གཉིས་སུ་ཡོད་པའི་བོད་ཀྱི་གསོ་བ་རིག་པའི་འཚོ་བྱེད་སྨན་པ་རྣམས་དང་དེ་བཞིན་ནུབ་ཕྱོགས་སྨན་ལུགས་ཀྱི་སྨན་པ་ཚོས་ཏོག་དབྱིབས་ནད་དུག་འདིའི་སྔོན་འགོག་བཅོས་ཐབས་སོགས་ཀྱི་སྐོར་ལ་རང་རང་གི་སྨན་ལུགས་ཀྱི་རྣམ་གཞག་དང་སྦྱར་ནས་རིམས་ནད་འདིའི་རྒྱུ་རྐྱེན་ངོ་བོ་དང་མངོན་རྟགས་སོགས་ལ་གཞིགས་ནས་མགྱོགས་མྱུར་སྟངས་འཛིན་ཡོང་རྒྱུའི་འབད་བརྩོན་བྱེད་མུས་རེད། ཏོག་དབྱིབས་ནད་དུག་གི་འབྱུང་རྐྱེན་ངོ་མ་གང་ཡིན་མིན་ད་དུང་ཡང་ཡོངས་གྲགས་ཀྱིས་ངོ་འཕྲོད་མེད་ཀྱང་ཕལ་མོ་ཆེས་ཟེར་ན་ནད་འབུ་འདི་ནི་བྱ་ཕ་ཝང་ལས་མི་ལ་འགོས་པའི་གཉན་རིམས་ཤིག་ཡིན་ལུགས་དང་། ན་ཚ་འདིས་གཙོ་བོ་དབུགས་འབྱིན་རྔུབ་ཀྱི་མ་ལག་ལ་གཉན་ཁ་རྒྱས་ཏེ་གློ་བར་ཚ་བ་ཞུགས་ནས་མཐར་དབུགས་གཏོང་ལེན་ཚུལ་བཞིན་མ་ཐུབ་པར་ནད་པ་འདས་གྲོངས་སུ་འགྲོ་བའི་ནད་ཡམས་ཞིག་རེད་ཅེས་བརྗོད། དེ་བས་ད་རིང་སང་གི་སྤྱི་ཚོགས་དྲྭ་ལམ་ནས་ཟེར་ན་བྱ་ཕ་ཝང་ལ་སོགས་པའི་འགུལ་ཚད་བཟའ་མཁན་རྒྱ་མི་རིགས་ལ་ལས་འབྲས་འཁོར་བ་རེད་ཅེས་དང་། བྱ་ཕ་ཝང་ལ་ཤ་དུག་ཡོད་པར་སྔ་མོ་ནས་དཔེ་རྙིང་ནང་གསལ་ཡོད་ཟེར། དེ་ལྟར་བཤད་པ་ནི་ཕྱོགས་གཅིག་ཙམ་ཡིན་མོད་ཕྱོགས་གཞན་ནས་བཤད་ན་བྱ་ཕ་ཝང་གི་ཤ་བཟའ་མཁན་ནི་ཝུ་ཧན་གྲོང་ཁྱེར་ཙམ་མིན་པར་ཞིང་ཆེན་གཞན་གྱི་རྒྱ་མི་རིགས་ཚང་མས་སྔ་མོ་ནས་བཟའ་ཡི་ཡོད་ཚོད་ཀྱང་ནད་དུག་གི་དཀའ་ངལ་གང་ཡང་མེད་པར་ད་ཆ་གློ་བུར་དུ་ཝུ་ཧན་དུ་འཕྲད་པའི་ཏོག་དབྱིབས་ནད་དུག་གི་དོན་རྐྱེན་འདི་ཕ་ཝང་གི་ཤ་ཟོས་པ་ལས་བྱུང་དོན་ཅི་ཡིན་ནམ། མ་ཟད་རྒྱ་རིགས་སྨན་པ་ལིའི་ཝན་ལང་མཆོག་གིས་ཆེས་ཐོག་མར་ཏོག་དབྱིབས་ནད་དུག་འདི་འགོས་ནད་རང་བཞིན་གྱི་ན་ཚ་ཞིག་ཡིན་པར་ཉེན་བརྡ་བཏང་སྐབས་ཁོང་ལ་བསྔགས་བརྗོད་དང་བཀའ་དྲིན་མ་བསམ་པར་མངགས་གཏོང་ཁང་ནས་ཕྱིན་ཆད་མ་བརྟག་པའི་གཏམ་བཤད་མ་ཡོང་ཞེས་ཐ་ཚིག་བསྒྲགས་དོན་ཅི་རེད། ད་དུང་ཆེས་ཡ་མཚན་པ་ཞིག་ལ་ཏོག་དབྱིབས་ནད་དུག་གི་དོན་རྐྱེན་བྱུང་རྗེས་འཕྲལ་དུ་ཝུ་ཧན་ནས་རྒྱ་ནག་གི་ཞིང་ཆེན་གཞན་ཁག་ཏུ་མཁའ་ལམ་འགྲུལ་བཞུད་བཀག་ཀྱང་ཝུ་ཧན་ནས་བོད་ཀྱི་ས་ཁུལ་མཚོ་སྔོན་སོགས་ལ་གནམ་གྲུ་སྔར་ལྟར་འཕུར་ཆོག་པའི་རྒྱུ་མཚན་གང་ཡིན་ནམ། ད་ནི་མང་པོ་བཤད་ཀྱང་ཡིག་རྙོག་ཙམ་དུ་ལུས་རྒྱུ་ལས་མེད་ཀྱང་རྒྱལ་སྤྱིའི་འཕྲོད་བསྟེན་ལྷན་ཚོགས་ནས་ཀྱང་ཏོག་དབྱིབས་ནད་དུག་འདི་ནད་གཞི་ཆེས་ཚབས་ཆེན་ཞིག་ཡིན་པ་དང་རིམས་ནད་ད་དུང་འགོས་ཁྱབ་ཆེས་ཆེར་འགྲོ་བཞིན་པ་ཤེས་བཞིན་དུ་རྒྱ་ནག་ལ་བསྔགས་བརྗོད་བྱེད་དོན་གང་ཡིན་ནམ།།

Read more
Page 1 of 15912345...Last »