སྤྱི་འཐུས་རྒྱུན་ལས་ཀྱི་འཐུས་ཤོར།

བོད་ཀྱི་བང་ཆེན་སྤྱིའི་འདོན་ཐེངས་ ༢༣༣ 

བོད་མི་མང་སྤྱི་འཐུས་ལྷན་ཚོགས་ལ་མཚོན་ན་མི་མང་གི་སྐུ་ཚབ་ཡིན་པ་དང༌། སྤྱི་འཐུས་ཡོངས་རྫོགས་དུས་རྒྱུན་བཞུགས་མི་དགོས་པར་ཆོལ་ཁ་གསུམ་ནས་སྐུ་ཚབ་གཉིས་རེ་དང༌། ཆོས་བརྒྱུད་ལྔ་ནས་སྐུ་ཚབ་གཅིག་རེ་བཅས་ད་ལྟའི་ཆར་སྤྱི་འཐུས་རྒྱུན་ལས་མི་གྲངས་བཅུ་གཅིག་ཡོད་པ་རེད། སྤྱི་འཐུས་རྒྱུན་ལས་ལ་མཚོན་ན་དུས་རྒྱུན་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་ཞུས་ནས་ལས་དོན་བསྒྲུབ་དགོས་པ་དང༌། གནད་དོན་ཐག་གཅོད་བྱེད་དགོས་པའང་ཧ་ཅང་མང་པོ་ཡོད་པ་རེད། རྒྱུན་ལས་ནས་དུས་རྒྱུན་ཐག་གཅོད་བྱེད་དགོས་པ་ཙམ་དུ་མ་ཟད། སུམ་ཆ་གཉིས་མ་ཚང་ན་ཚོགས་འདུ་ཡང་འཚོག་མི་ཆོག་པས་གྲུབ་ཆ་ཚང་དགོས་པ་དེ་ཧ་ཅང་གལ་ཆེན་པོར་གྱུར་ཡོད།

Read more

མདུན་དུ་དོན་ཐུབ་མཁན་ཞིག་དགོས།

བོད་ཀྱི་བང་ཆེན་སྤྱིའི་འདོན་ཐེངས་ ༢༣༢ 
བཙན་བྱོལ་བོད་མིའི་སྤྱི་ཚོགས་ཁྲོད་མ་འོངས་པའི་བཀའ་ཁྲིའི་སྐོར་ལ་བགྲོ་གླེང་དང་བསམ་ཚུལ་རབས་དང་རིམ་པ་སྤེལ་བཞིན་པའི་སྐབས་འདིར། ད་ལྟའི་བཀའ་ཤག་གིས་དགོངས་པ་ཞུས་ནས་བཀའ་མ་འཁྲོལ་བའི་གནས་ཚུལ་ཞིག་ཀྱང་བརྒྱུད་ལམ་ཁག་ཏུ་ཁྱབ་ཡོད་པ་དང༌། གནས་ཚུལ་འདིས་སྤྱི་ཚོགས་ཁྲོད་ཤུགས་རྐྱེན་ཅི་ཞིག་ཐེབས་སྲིད་པ་དང༌། མི་མང་ལ་གོ་བརྡ་ཅི་ཞིག་སྤྲད་ཡོད་པ་སོགས་ལ་དོ་སྣང་ངེས་པར་དུ་གནང་དགོས་པ་ཧ་ཅང་གལ་ཆེ། ཁག་ཅིག་གིས་བཙན་བྱོལ་བོད་མིའི་བཅའ་ཁྲིམས་ལ་འགྱུར་བ་བཏང་ནས་ད་ལྟའི་བཀའ་བློན་ཁྲི་པ་འདི་ཉིད་སྐབས་གསུམ་བཞུགས་ཆོག་པ་ཞིག་བཟོ་དགོས་པའི་བསམ་ཚུལ་འདོན་བཞིན་ཡོད་ཀྱང༌། བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་གིས་སྐབས་གསུམ་གནང་རྒྱུ་མིན་པ་ཙམ་དུ་མ་ཟད། ད་ལྟ་འགྲོ་བཞིན་པའི་ལས་དུས་འདི་ཡང་ཆ་ཚང་མཇུག་སྐྱོང་གནང་རྒྱུའི་དགོས་པ་མ་གཟིགས་པར་ྋགོང་ས་མཆོག་ལ་དགོངས་ཞུ་ཕུལ་བའི་གནས་སྟངས་འདིས་བཅའ་ཁྲིམས་ལ་བསྒྱུར་བཅོས་གཏོང་དགོས་པའི་བསམ་ཚུལ་འཛིན་མཁན་དག་ལ་གོ་བརྡ་གསལ་པོ་ཞིག་སྤྲད་ཡོད་དང༌། གནད་དོན་འདིའི་ཐད་བཀའ་བློན་ཁྲི་པ་མཆོག་གིས་མི་མང་ལ་གསལ་བཤད་སྔ་རྗེས་གནང་ཟིན་པ་རེད།

Read more

རྩེད་རིགས་འགྲན་སྡུར་གྱི་གལ་གནད།

བོད་ཀྱི་བང་ཆེན་སྤྱིའི་འདོན་ཐེངས་ ༢༣༡
བཙན་བྱོལ་བོད་མིའི་སྤྱི་ཚོགས་ནང་དུ་ས་གནས་གང་ས་ནས་རྩེད་འགྲན་པ་འཛོམས་ཏེ་རྩེད་རིགས་འགྲན་སྡུར་གྱི་རིགས་ཧ་ཅང་དཀོན་པ་དང། རྩེད་རིགས་འགྲན་སྡུར་ལ་དོ་སྣང་ཡང་དེ་ཙམ་བྱེད་ཀྱི་མེད་མོད། ད་ལྟ་དྷ་སར་བོད་རྒྱལ་ཡོངས་རྩེད་རིགས་ཚོགས་པའི་གོ་སྒྲིག་འོག་རྒྱལ་ཡུམ་ཆེན་མོའི་རྐང་རྩེད་སྤོ་ལོའི་འགྲན་སྡུར་ཐེངས་བཅོ་ལྔ་པ་དེ་བྱེད་བཞིན་ཡོད་ལ། བཙན་བྱོལ་བོད་མིའི་ས་གནས་གང་ས་ནས་རྩེད་འགྲན་པ་རུ་ཁག་༡༨ སླེབས་ཡོད་པ་མ་ཟད། འགྲན་སྡུར་དེར་ལྟད་མོ་བ་ཡང་ཧ་ཅང་མང་པོ་སླེབས་ཀྱི་ཡོད་པ་རེད། སྤྱིར་རྩེད་རིགས་ནི་རྒྱལ་ཁབ་གང་ཞིག་ཡིན་རུང་རྩ་ཆེན་དུ་བརྩི་བཞིན་ཡོད་པ་དང། དེ་ལ་མིའི་སྤྲོ་སྣང་ཆེན་པོ་བྱེད་ཀྱི་ཡོད་ནའང། འགྲན་རྩོད་བྱེད་སར་འཁྲུག་རྩོད་ཤོར་མཁན་ཡང་མི་ཉུང་བ་ཙམ་འབྱུང་གི་ཡོད། འོན་ཀྱང་འཁྲུག་རྩོད་ཤོར་བ་དེ་ལ་བརྟེན་ནས་རྩེད་མོ་མཚམས་འཇོག་བྱེད་པའྀ་ལུགས་སྲོལ་ཡང་དེ་ཙམ་མེད་ལ། མུ་མཐུད་དུ་རྩེད་རིགས་སྣ་མང་ཡོང་ཐབས་དང་ཡར་རྒྱས་གཏོང་ཐབས་ལ་འབད་བརྩོན་བྱེད་བཞིན་ཡོད་པ་རེད།

Read more

ཚུལ་མཐུན་གྱི་མི་ཚེ་སྐྱེལ་ཐབས་བྱེད་དགོས།

བོད་ཀྱི་བང་ཆེན་སྤྱིའི་འདོན་ཐེངས་ ༢༣༠
ཉེ་བའི་ཆར་གྱི་གཟའ་ཉི་མ་ཞིག་ལ་དྷ་སའི་ཇ་ཁང་ཞིག་གི་ཐོག་ཏུ་གྲོགས་པོ་ཁ་ཤས་དང་མཉམ་དུ་སྡོད་སྐབས། འཁྲིས་ཀྱི་ཕོ་གསར་སྐྲ་རིང་པོ་ཅན་ཞིག་ཡར་ལངས་ནས་ཁོར་ཡུག་གཙང་སྦྲ་དགོས་སྐོར་མང་པོ་ཞིག་བཤད་ཞོར་དུ། ཟ་ཁང་གི་ཆུ་གསོག་སའི་ནང་དུ་ལག་པ་བཀྲུས་སོང། སྐབས་དེར་ཟ་ཁང་དེའི་འབྲེལ་ཡོད་ཅིག་སླེབས་ནས་ཁོང་ལ་གཤེ་གཤེ་གཏོང་སྐབས། ཁོས་གཙང་སྦྲ་བྱེད་ཀྱི་ཡོད་ཅེས་ལན་འདེབས་བྱེད་ཞོར་དུ་ཁོང་གཉིས་ཁ་རྩོད་ཅུང་ཤོར་སོང། ཕོ་གསར་དེའི་སྐད་ཆ་བཤད་སྟངས་ལ་བལྟས་ན། རྒྱ་གར་ནང་དུ་འཚར་ལོངས་བྱུང་བའི་བོད་རིགས་ཤིག་རེད་ལ། རྗེས་སུ་གཞན་པས་བཤད་པ་ལྟར་ན། ཁོ་ར་བཟི་འདུག ཐ་མ་ནག་པོ་འཐེན་མཁན་རེད་ཟེར།

Read more

མཐར་ཐུག་གི་ཁེ་ཉེན་ངོ་མ་ཤེས་པ་ཡིན་ནམ།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༩
བོད་ས་ཤོར་བ་ནས་བཟུང་བོད་མི་མང་པོ་ཞིག་རྒྱ་བལ་འབྲུག་གསུམ་གྱིས་གཙོས་ཕྱི་རྒྱལ་ཡུལ་གྲུ་ཁག་ཏུ་སྐྱབས་བཅོལ་དུ་ཡོང་བ་དང༌། བཙན་བྱོལ་བོད་པའི་ངོས་ནས་ད་བར་མི་ལོ་ལྔ་བཅུའི་རིང་ཞི་བའི་ངོ་རྒོལ་གྱི་ལས་འགུལ་རྒྱུན་ཆད་མྱོང་མེད་ལ། རྡོག་རྩ་གཅིག་སྒྲིལ་གྱི་ཐོག་ནས་བཤད་ཀྱང་མི་རིགས་གཞན་གྱི་རྗེས་སུ་མ་ལུས་པ་ལྟ་བུ་བྱུང་ཡོད་ཅེས་བརྗོད་ཆོག བཙན་བྱོལ་ནང་སྐྱེས་པའི་ན་གཞོན་བོད་ཕྲུག་རྣམས་ལ་མཚོན་ན་སློབ་གསོའི་ཁོར་ཡུག་གིས་ཡིན་ནམ། གང་ལྟར་རྒྱ་མི་ཡིན་ཚད་རྡུང་རྡེག་དང་དམར་གསོད་གཏོང་མཁན་འབའ་ཞིག་ཡིན་པར་ངོས་འཛིན་བྱེད་བཞིན་ཡོད་མོད། ཕྱི་རྒྱལ་ཡུལ་གྲུ་ཁག་ཏུ་རྒྱ་མིའི་ཟ་ཁང་གི་གཡོག་ལས་བྱེད་མཁན་གྱི་བོད་མི་མང་པོ་ཞིག་ཡོང་གི་ཡོད་པ་དང༌། རྒྱ་བལ་ཁུལ་དུ་རྒྱ་མིའི་ཐབས་མཁས་ཀྱི་སྤྱོད་པས་བཙན་བྱོལ་བོད་མིའི་ཁེ་ཕན་ལ་གནོད་པའི་བྱ་བ་མང་དག་ཅིག་རྩོམ་བཞིན་ཡོད་པ་དང༌། རེ་ཟུང་གིས་བཙན་བྱོལ་བོད་མིའི་ཕུགས་ཀྱི་འཚོ་ཐབས་ལ་གནོད་སྐྱོན་ཕོག་ངེས་ཀྱི་གནས་སྟངས་ཀྱང་མཐོང་གསལ་དུ་གྱུར་ཡོད་པ་རེད།

Read more

བོད་དོན་ཐད་འུ་ཐུག་པའི་རྒྱ་གཞུང༌།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༨
ཕྱི་ཟླ་༦ པའི་ནང་ཧྥ་རན་སིས་ྋགོང་ས་ྋསྐྱབས་མགོན་ཆེན་པོ་མཆོག་གདན་ཞུས་ཀྱིས་གཟི་བརྗིད་ཅན་གྱི་མི་སེར་གྱི་ཆེ་བསྟོད་ཕྱག་འཁྱེར་འབུལ་རྒྱུའི་གསལ་བསྒྲགས་གནང་བ་དང༌། རྒྱ་ནག་གཞུང་གིས་ངོ་རྒོལ་གྱི་རྣམ་འགྱུར་ཤུགས་ཆེ་སྟོན་བཞིན་ཡོད་པ་རེད། དེ་ཡང་ཕྱི་ལོ་༢༠༠༩ ཟླ་༥ ཚེས་༨ ཉིན་རྒྱ་ནག་ཞིན་ཧྭ་གསར་ཁང་གིས་སྤེལ་བའི་གནས་ཚུལ་ནང་རྒྱ་དམར་གཞུང་གིས་ཕྱི་འབྲེལ་མགྲིན་ཚབ་པ་མཱ་ཁྲོ་ཞུའུ་ཡིས་“ྲོང་ཁྱེར་ཕེ་རི་སིས་ཀྲུང་གོའི་ནང་སྲིད་ལ་ཐེ་གཏོགས་བྱེད་རྒྱུ་མཚམས་འཇོག་པ་དང༌། བོད་དོན་དུ་ཡང་བསྐྱར་ནོར་འཁྲུལ་མི་འབྱུང་བའི་བླང་བྱ་བཏོན་ཡོད་པ་རེད”ེས་གནས་ཚུལ་སྤེལ་ཡོད་པ་རེད། རྒྱ་ནག་གཞུང་གིས་ནུབ་ཕྱོགས་ཀྱི་རྒྱལ་ཁབ་ཁག་གིས་ྋགོང་ས་མཆོག་གདན་འདྲེན་ཞུ་བའི་སྐབས་མཐོ་རིམ་དཔོན་རིགས་ཁག་དང་མཇལ་འཕྲད་གནང་རྒྱུ་སོགས་ལ་གནོན་ཤུགས་དང་འབོད་སྐུལ་འདྲ་མིན་བྱེད་བཞིན་ཡོད་པ་དང༌། “འ་ལའི་རུ་ཚོགས་”ྱིས་བོད་ཀྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་བསྐྱར་གསོ་བྱེད་རྒྱུའི་འཆར་གཞི་ཡོད་ཚུལ་སོགས་སྒྲོག་བཞིན་ཡོད་པ་རེད།

Read more

སྐྱབས་བཅོལ་ལག་དེབ་ཀྱི་དཀའ་ངལ་ངོ་མ།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༧ 
ད་ལྟའི་ཆར་༢༠༠༣ ལོར་བོད་ནས་གསར་དུ་འབྱོར་བ་རྣམས་ལ་བོད་གཞུང་གིས་རྒྱ་གར་གཞུང་ལ་འབོད་སྐུལ་ཞུས་པ་བརྒྱུད་ས་གནས་གང་ས་ནས་སྐྱབས་བཅོལ་ལག་དེབ་ཚད་ལྡན་གསར་བཟོ་ཟིན་ཡོད་པ་དང། ཁག་ཅིག་གིས་གསལ་བསྒྲགས་སྔ་ཕྱི་བྱས་ཀྱང་ཐོ་འགོད་མ་བྱས་པ་དང། མང་པོ་ཞིག་གིས་ཐོ་འགོད་བྱས་ཀྱང་ལག་དེབ་གསར་བཟོའི་གསལ་བསྒྲགས་སྐབས་བཅར་མཁན་མེད་པའི་གནས་ཚུལ་མང་པོ་བྱུང་ཡོད། ༢༠༠༣ གྱི་སྔོན་དུ་འབྱོར་བའི་ནང་ནས་ལག་དེབ་མེད་པར་ཐོ་འགོད་བྱེད་མཁན་དྷ་སར་མཚོན་ན་བརྒྱད་བརྒྱ་ལྷག་ཡོད་ཀྱང། དངོས་སུ་བཟོ་སྐབས་སུམ་བརྒྱ་ལྷག་ལས་བཅར་མེད་པའི་གནས་ཚུལ་བྱུང་ཡོད་པ་རེད། གང་ལྟར་ད་ལྟའི་ཆར་དམིགས་བསལ་འཛུལ་ཞུགས་ལག་ཁྱེར་ཡོད་མཁན་རྣམས་ཀྱི་ནང་དུ་གདམ་ག་བཞི་ཡོད་པ་དང། དེ་ཡང་སྐྱབས་བཅོལ་དང། སློབ་སྦྱོང། གནས་སྐོར། གཞན་དག་ཅེས་ཡོད་པའི་ནང་ནས་སྐྱབས་བཅོལ་ཞེས་པ་དེར་རྟགས་བརྒྱབ་ཡོད་མཁན་ཧ་ཅང་དཀོན་པ་དང། སློབ་སྦྱོང་ཡང་དེ་ཙམ་མང་པོ་འཁོད་མེད་པ་དང། མང་པོ་ཞིག་ལ་གནས་སྐོར་འཁོད་ཡོད་པའི་གནས་ཚུལ་ཡོད་པ་རེད།

Read more

ནག་ཚོང་ཁྲོམ་རའི་ནང་གི་ལག་དེབ་ལྗང་གུ།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༦

བཙན་བྱོལ་བོད་མི་རྣམས་ཀྱིས་དང་བླངས་ཐོག་ནས་བསྡུ་འབུལ་ཞུས་དང་ཞུ་བཞིན་པའི་དང་བླངས་དཔྱ་ཁྲལ་ལ་མཚོན་ན་བཙན་བྱོལ་བོད་གཞུང་གི་རྒྱུན་གྲོན་གྱི་ཡོང་དམིགས་ཆེ་ཤོས་ཀྱི་གྲས་ཤིག་ཏུ་གྱུར་ཡོད་པ་དང༌། བཙན་བྱོལ་བོད་མིའི་སྤྱི་ཚོགས་ཁྲོད་རོབ་རྩིས་བྱས་ན་དང་བླངས་དཔྱ་ཁྲལ་འབུལ་མཁན་ཆིག་འབུམ་སུམ་ཁྲི་ལྷག་ཡོད། ལག་དེབ་ལྗང་གུ་འདི་ཉིད་མེད་ན་བསྒྲུབ་མི་ཐུབ་པ་དང༌། ཡོད་ན་བདེ་བླག་ཏུ་འགྲུབ་ཐུབ་པའི་བྱ་བ་ཆེ་ཕྲ་མང་པོ་ཞིག་ཀྱང་ཡོད་པ་དང༌། དཔེར་ན་ཨ་རི་ལྟ་བུར་སྐྱབས་བཅོལ་ཞུ་བའི་སྐབས་བོད་པ་ཡིན་པའི་དཔང་རྟགས་སུ་དང་བླངས་དཔྱ་ཁྲལ་ལག་དེབ་ངེས་པར་དུ་དགོས་པ་སོགས་རྒྱུ་མཚན་མི་འདྲ་བ་མང་པོ་ཞིག་ལ་བརྟེན་ནས་ད་ལྟའི་ཆར་དང་བླངས་དཔྱ་ཁྲལ་ལག་དེབ་བམ། དེབ་ལྗང་གུ་རུ་འཁོད་པའི་རང་ཉིད་ཀྱི་མིང་དང༌། སྐྱེས་ཚེས། ཕ་མའི་མིང་དང་སྐྱེས་ལོ་སྐྱེས་ཚེས་སོགས་འགྱུར་བ་ཡང་ཡང་བཏང་བའི་གནས་ཚུལ་ཞིག་ཡོང་བཞིན་ཡོད་ལ། སྔོན་མ་དམ་དྲག་དེ་ཙམ་མེད་པའི་སྐབས་དྷ་རམ་ས་ལར་གནས་སྡོད་བྱེད་མཁན་བུད་མེད་ཅིག་གིས་སྐྱབས་བཅོལ་ལག་དེབ་ནང་གི་རང་ཉིད་ཀྱི་མིང་དང་ལོ་རྒྱུས་ལ་འགྱུར་བ་སྔ་ཕྱི་ཐེངས་ལྔ་བཏང་བའི་གནས་ཚུལ་ཡང་བྱུང་མྱོང༌།

Read more

འཚར་ལོངས་འབྱུང་བཞིན་པའི་བོད་ཀྱི་བུད་མེད།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༥ 

སློབ་སྦྱོང་ཆུང་ཆུང་ཉེན་ཁ་ཆེན་པོ་ཅན་ཞིག་མ་ཆགས་པ་བྱེད་དགོས།

སྤྱིར་ ད་ལྟ་རྒྱལ་སྤྱིའི་ས་གནས་གང་སར་བུད་མེད་ཀྱི་ཐོབ་ཐང་དང། ཕོ་མོ་འདྲ་མཉམ་བྱེད་དགོས་པའི་ཚ་རླབས་འཕྱུར་བཞིན་ཡོད་ལ། བཙན་བྱོལ་བོད་མིའི་སྤྱི་ཚོགས་ནང་དུ་ཕོ་མོའི་ཐོབ་ཐང་རྩོད་ལེན་གྱི་རྙོག་གྲ་ མེད་ནའང། བུད་མེད་ཀྱི་ནུས་ཤུགས་སྤེལ་ཏེ་སྤྱི་ཚོགས་ཀྱི་ལས་དོན་ཚང་མར་ཕོ་མོ་མཉམ་ཞུགས་ ཡོང་ཐབས་ལ་གཞུང་མང་གཉིས་ཀྱིས་འབད་བརྩོན་བྱེད་བཞིན་ཡོད་པ་དང། བོད་ཀྱི་བུད་མེད་ལྷན་ཚོགས་ནི་བཙན་བྱོལ་ནང་གཞུང་འབྲེལ་མ་ཡིན་པའི་ཚོགས་པ་ཆེ་ ཤོས་ཀྱི་གྲས་ཡིན་པ་མ་ཟད། བུད་མེད་ཀྱི་གནས་བབས་ཐོག་ལ་གལ་ཆེན་གྱི་ཚོགས་པ་ཞིག་ཀྱང་ཆགས་ཡོད།

Read more

འཆོལ་ཉོག་ཏུ་གྱུར་པའི་ཡང་སྲིད་ལམ་ལུགས།

    བོད་དེ་ཆོས་ལྡན་གྱི་མི་རིགས་ཤིག་ཡིན་པ་དང་དུས་ཡུན་གང་ཙམ་ནས་རིམ་བཞིན་ཡང་སྲིད་ངོས་འཛིན་བྱེད་པའི་ལུགས་སྲོལ་ཞིག་བོད་ཀྱི་ཆོས་བརྒྱུད་ཁག་ཚང་མར་དར་བ་དང༌། དེ་ལ་གནའ་དེང་གཉིས་སུ་ལྟ་སྟངས་མི་འདྲ་བ་མང་པོ་ཞིག་ཡོད་ནའང༌། སྤྱི་ཡོངས་ཀྱི་ཆ་ནས་བཤད་ན་བོད་མི་རིགས་ཀྱི་བསམ་བློ་གཅིག་གྱུར་དང་རིག་གཞུང་རྒྱུན་འཛིན་སོགས་ལ་ཕན་ནུས་རྒྱ་ཆེན་པོ་ཐོན་ཡོད། འདས་པའི་ལོ་རྒྱུས་ནང་ཡང་སྲིད་ངོས་འཛིན་བྱེད་སྟངས་དེ་དེང་དུས་ལྟར་མིན་པར་ཆོས་ཕྱོགས་ནས་བརྟག་ཐབས་འདྲ་མིན་ལ་བརྟེན་ནས་སྐུ་གོང་མའི་ཡང་སྲིད་དུ་ངོས་འཛིན་བྱེད་པ་སོགས་ལམ་སྲོལ་ཡག་པོ་ཡོད་ཀྱང༌། ད་ལྟའི་ཆར་རྒྱ་དམར་ཆོས་མེད་གཞུང་གིས་ཆབ་སྲིད་ཀྱི་དགོས་དབང་དང་བསྟུན་ནས་བོད་ཀྱི་སྤྲུལ་སྐུའི་སྐོར་ལ་བཙན་དབང་གིས་ལག་པ་འཆང་བཞིན་པ་མ་ཟད། བཀའ་ཨང་ལྔ་པ་ཟེར་བའི་ཁྲིམས་ཡིག་ཅིག་གཏན་འབེབས་དང་འབྲེལ་ནས་ཆོས་མཐུན་བོད་ཀྱི་སྤྲུལ་སྐུའི་ལམ་ལུགས་དེ། ཆོས་མེད་རྒྱ་དམར་གཞུང་གིས་སྲིད་དོན་གྱི་ལག་ཆ་རུ་བེད་སྤྱོད་བྱེད་བཞིན་ཡོད་པ་རེད།

Read more
Page 45 of 48« First...4344454647...Last »