རྒྱ་ནག་ལ་བོད་དང་ཐའེ་ཝན། ཧོང་ཀོང་གི་ངོ་རྒོལ་སྐོར་མཚུངས་བསྡུར་གླེང་སློང་།

རྒྱ་ནག་ལ་བོད་དང་ཐའེ་ཝན། ཧོང་ཀོང་གི་ངོ་རྒོལ་སྐོར་བོད་རྒྱ་སྐད་གཉིས་ཀྱི་རྩོམ་པ་པོ་ལྷ་སྡེ་གནམ་ལོ་ཡག་ལ་བཅར་འདྲི་བྱས་པར་ཁོང་གིས། “ཧོང་ཀོང་རང་བཙན་གྱི་ལྟ་བ་དང་ལས་འགུལ་ཡང་ཤུགས་ཆེ་རུ་འཕེལ་བཞིན་ཡོད། དེ་ནི་ཧོང་ཀོང་མི་དམངས་ཀྱིས་རང་དབང་དང་ལམ་སྲོལ་རྒྱུན་གནས་ཡོང་ཐབས་ངོ་མ་དེ་རང་བཙན་ཡིན་པར་གོ་བ་ལེན་བཞིན་པར་ཐེ་ཚོམ་མི་འདུག་”ཅེས་གསུངས་སོང་། དྲི་བ། ཧོང་ཀོང་༡༩༩༧ ལོར་རྒྱ་ནག་འོག་ཏུ་སོང་ནས་ལོ་གཉིས་གསུམ་རིང་དང་། དེའི་རྗེས་ནས་ད་ལྟའི་བར་ཆབ་སྲིད་ལམ་ལུགས་ལ་འགྱུར་བ་ཆེ་ཤོས་ག་རེ་སོང་ཡོད་པར་ངོས་འཛིན་གྱི་ཡོད། ཡག་སྡུག་གཉིས་ཀྱི་ངོས་ནས་བཤད་ན་འགྲིག ལན། ཧོང་ཀོང་དེ་བཞིན་རྒྱ་ནག་དམར་ཤོག་གཞུང་གི་འོག་ཏུ་ཕྱི་ལོ་༡༩༩༧ ལོར་ལོག་པ་ནས་དེང་གི་བར་གྱི་ཆབ་སྲིད་ལམ་ལུགས་ཀྱི་འགྱུར་བ་ཆེས་ཤོས་དེ་“རྒྱལ་ཁབ་གཅིག་ལ་ལམ་ལུགས་གཉིས་”ཟེར་བ་ལག་བསྟར་བྱེད་ཀྱིན་པ་དེ་རེད། དེ་ནི་ཧོང་ཀོང་གི་ཕྱི་འབྲེལ་དང་རྒྱལ་སྲུང་གཉིས་ཀྱི་དབང་ཆ་རྒྱ་ནག་དམར་ཤོག་གཞུང་ལ་ཡོད་པ་ལས་ཧོང་ཀོང་མུ་མཐུད་དུ་དམངས་གཙོ་ཀ་བ་གསུམ་ལྡན་གྱི་ལམ་ལུགས་སམ། ཁྲིམས་སྒོ་རང་བཙན་ཏེ་སྔར་ཡོད་མ་རྩ་རིང་ལུགས་ཀྱི་ལམ་སྲོལ་དང་འཚོ་བ་སྐྱེལ་སྟངས་ཉུང་མཐར་ལོ་ངོ་༥༠ རྒྱུན་སྐྱོང་ཆོག་པ་དབྱིན་ཇི་གཞུང་དང་རྒྱ་དམར་གཞུང་གཉིས་བར་གྲོས་མོལ་བརྒྱུད་ནས་གཏན་འབེབས་དང་རྒྱ་ནག་དམར་ཤོག་རྒྱལ་ཁབ་བམ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མི་དམངས་འཐུས་མི་ཚོགས་ཆེན་ནས་ཆོག་མཆན་སྤྲད་པའི་“ཧོང་ཀོང་དམིགས་བསལ་སྲིད་འཛིན་ས་ཁུལ་གྱི་རྩ་བའི་ཁྲིམས་གཞི་”ནང་གསལ་ཡོད། དོན་ལ་རྒྱ་ནག་དམར་ཤོག་གཞུང་ནི་ཤོག་ཁག་གཅིག་གི་དབང་བསྒྱུར་འོག་གི་སྲིད་གཞུང་ཞིག་ཡིན་པས། ངོ་གདོང་ངམ་ཡིག་ཐོག་ཏུ་ཁྲིམས་སྲོལ་འདྲ་ཆགས་པོ་མང་ཡང་དོན་ལ་གང་ཟག་གི་དབང་བསྒྱུར་འོག་ཏུ་ཡོད། དེའི་དབང་གིས་གནའ་དེང་གཉིས་ཀར་ཁས་ལེན་དང་ལག་ལེན་གཉིས་མཉམ་དུ་ཡོང་མྱོང་མེད། ཁ་ཞེ་གཉིས་ཀ་མ་མཐུན་པའི་ཉེར་ལེན་ལ་བརྟེན་ནས་ཕྱི་ལོ༡༩༩༩ ལོ་ནས་ཧོང་ཀོང་ནང་རྒྱ་ནག་པ་ས་ཡ་མང་བོ་གནས་སྤོར་བའི་གནད་དོན་བྱུང་བ་རེད།

Read more

བོད་དོན་རྒྱབ་སྐྱོར་ཟེར་དུས་ང་ཚོར་ཐོབ་ཐང་ཡོད་པ་དེ་སྲུང་ཐབས་བྱེད་དགོས་སྐོར་གསུངས་སོང་།

ཨ་བོད་ཚོགས་པའི་(USTC) འགན་འཛིན་བསོད་ནམས་དབང་འདུས་ལ་བོད་དོན་ལས་འགུལ་དང་འབྲེལ་བའི་བཅར་འདྲི། ཨ་བོད་ཚོགས་པ་ནི་༡༩༧༧ ལོར་བོད་པ་དང་བོད་དོན་རྒྱབ་སྐྱོར་བ་མཉམ་རུབ་ཀྱིས་བཙུགས་པ་དང་། བོད་དོན་ལས་འགུལ་གང་མང་སྤེལ་གྱི་ཡོད་པ་རེད།

Read more

ཕྱི་སྡོད་བོད་མི་ཞེས་པ་ཆབ་སྲིད་ཀྱི་རྒྱབ་ལྗོངས་མིན་པར། གོ་བརྡ་འཕྲོད་ཆེད་རེད་ཅེས་འཆར་འགོད་འགན་འཛིན་གྱིས་གསུངས།

ཕྱི་རྒྱལ་ཁག་ཏུ་གནས་སྡོད་བཙན་བྱོལ་བོད་མིའི་མི་འབོར་ཞིབ་བཤེར་འགྲོ་བཞིན་པ་དང་སྟབས་བསྟུན། འགེངས་ཤོག་ནང་བོད་ཡིག་མི་འདུག་ཅེས་བསམ་ཚུལ་འདོན་མཁན་ཁག་ཅིག་དང་། ཕྱི་སྡོད་བོད་རིགས་བྲིས་པ་དེར་ངོས་ལེན་མེད་པའི་བསམ་ཚུལ་འདོན་མཁན་ཁག་ཅིག་ཡོང་གི་འདུག་ལ། བོད་མིའི་སྒྲིག་འཛུགས་ཀྱི་འཆར་འགོད་འགན་འཛིན་ཌོག་ཊར་དཀོན་མཆོག་བརྩོན་འགྲུས་ལ། གནས་ཚུལ་དེའི་བྱུང་རིམ་སྐོར་ལ་བཅར་འདྲི་བྱས་པ་ཡིན།

Read more

ལོ་ལྔའི་ནང་སློབ་ཕྲུག་༣༠༨༧ ལ་ཤེས་ཡོན་སྤྲད་ཐུབ་སོང་།

བོད་འཛམ་གླིང་(Tibet World)གསར་འཛུགས་གནང་མཁན་དང་འགན་འཛིན་ཡེ་ཤེས་ལྷུན་གྲུབ་ལ་འདས་པའི་ལོ་ལྔའི་རིང་ཚོགས་པའི་ལས་དོན་དང་གྲུབ་འབྲས། མ་འོངས་ལས་འཆར་བཅས་ཀྱི་ཐོག་བཅར་འདྲི་ཞུས་ཡིན།

Read more

བོད་པ་དང་མོན་པའི་བར་དུས་རབས་བདུན་པ་ནས་དམིགས་བསལ་འབྲེལ་བ་ཡོད་རེད།

ཨ་རུ་ན་ཅལ་མངའ་སྡེའི་ཆོས་རིག་བློན་ཆེན་འཇམ་དཔལ་དབང་འདུས་ཀྱིས་༢༠༡༨ ལོའི་ཕྱི་ཟླ་༧ ཚེས་༢༥ ནས་ཉིན་ཤས་རིང་དྷ་སར་བོད་མིའི་སྒྲིག་འཛུགས་དང་བོད་ཁྱིམ་སློབ་གྲྭ་སོགས་བཙན་བྱོལ་བོད་མིའི་སྤྱི་ཚོགས་ནང་གཟིགས་སྐོར་དང་། སྲིད་སྐྱོང་སོགས་མཛད་གཙོ་རྣམ་པར་མཇལ་འཕྲད་གནང་ཡོད་པ་རེད། ཕྱི་ཟླ་༧ ཚེས་༣༡ ཉིན་བོད་པ་དང་མོན་པའི་བར་གྱི་འབྲེལ་བའི་སྐོར་ཁོང་ལ་བཅར་འདྲི་བྱས་ཡིན།

Read more

ང་ཚོའི་འཐབ་རྩོད་ལ་དམིགས་ནས་ཚོགས་ཆེན་ཐོག་མཉམ་ཞུགས་བྱས་པ་ཡིན།

ཆབ་སྲིད་བཙོན་ཟུར་བསྟན་པ་དར་རྒྱས་ཉེ་ཆར་ཨོ་སི་ཀྲོ་ལི་ཡ་ནས་དྷ་སར་རྒྱལ་སྤྱིའི་བོད་རང་བཙན་ཚོགས་ཆེན་ཐོག་ཕེབས་པ་དང་སྟབས་བསྟུན་ནས། ཚོགས་ཆེན་ཐོག་མཐོང་སྣང་གང་བྱུང་དང་། ཁོང་གིས་ནམ་རྒྱུན་དུ་སྤེལ་བཞིན་པའི་ལས་འགུལ་སྐོར་ལ་བཅར་འདྲི་བྱས་ཡིན།

Read more

ད་ལྟ་ཡིན་ན་ཡང་ཚོགས་འདུར་ཤོག་ལབ་དུས་སྙིང་ཚ་ཤར་ཤར་བྱེད་ཀྱི་འདུག

ཨ་མ་ཡིད་དགའ་ལྷ་མོ་ནི་རྒྱ་ནག་གིས་བོད་ལ་བཙན་འཛུལ་དབང་བསྒྱུར་སྐབས་ཀྱི་དཀའ་ངལ་དངོས་ནང་ཚུད་མཐར་བཙན་བྱོལ་དུ་འབྱོར་བ་ཞིག་ཡིན་ཞིང་། མོས་མཐོང་ཐོས་མྱོང་གསུམ་གྱི་ཐོག་ནས་ཡིད་དགའ་ལྷ་མོའི་དམངས་ཀྱི་ལོ་རྒྱུས་རྒྱུ་ཆ་ཞེས་པའི་དཔེ་དེབ་ཅིག་བཏོན་ཡོད་པ་དེ་དང་འབྲེལ་ནས་བཅར་འདྲི་ཞིག་བྱས་ཡིན། དྲི་བ། ཁྱེད་རང་ངོ་སྤྲོད་མདོར་བསྡུས་ཤིག་གནང་རོགས། ལན། ངའི་མིང་ལ་ཡིད་དགའ་ལྷ་མོ་ཟེར། ཕྱི་ལོ་༡༩༥༡ ལོར་མདོ་ཁམས་ནང་ཆེན་གྱི་སྡོམ་པའི་མངའ་ཁོངས། རྒོད་ཚང་མདའ་ལ་སྦྲ་ཆེན་ཚང་གི་བུ་མོར་སྐྱེས་པ་རེད། ལོ་༧ བར་དུ་ཕ་མ་གཉིས་མཉམ་དུ་བསྡད་ཡིན། ལོ་༨ ལ་སོན་དུས་ཕ་ཡུལ་ལ་དུས་འགྱུར་བྱུང་ནས་སྔ་ཕྱི་ལོ་༢༠ ཙམ་ལ་དམངས་གཙོ་བཅོས་སྒྱུར་དང་། རིག་གནས་གསར་བརྗེ་ཆེན་མོའི་སྐབས་དངངས་སྐྲག་དང་བཀྲེས་སྐོམ། འཁྱག་གྲང་གི་དཀའ་ངལ་སྣ་ཚོགས་པ་འཕྲད་སོང་། མཐར་མ་ཤི་གསོན་གནས་བྱུང་ཐུབ་ཙམ་རེད་སོང་། ང་ལོ་༤༥ ཐོག་ཕྱི་ལོ་༡༩༩༦ ལོར་རྒྱ་གར་ལ་སྐྱབས་བཅོལ་དུ་འབྱོར་ནས་ད་ལྟའི་བར་བཙན་བྱོལ་ནང་གནས་སྡོད་བྱེད་བཞིན་ཡོད།

Read more

འདི་ལོའི་༧པཎ་ཆེན་རིན་པོ་ཆེའི་འཁྲུངས་སྐར་ཉིན་འཛམ་གླིང་གི་ཟིན་ཐོ་གསར་པ་འཇོག་འཆར་འདུག

འདི་ལོའི་ཟླ་༤ པའི་ཚེས་༢༥ ཉིན་ནི་༧པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་དགུང་གྲངས་༢༩ ལ་ཕེབས་ཀྱི་ཡོད་པ་དང་། རྒྱུན་དུ་ནས་ཁོང་གི་འཁྲུངས་སྐར་ཉིན་དང་འཛིན་བཟུང་བྱས་པའི་ཉིན་ལ་བཙན་བྱོལ་ནང་ལ་ལས་འགུལ་མང་པོ་ཞིག་སྤེལ་བཞིན་ཡོད་པ་རེད། འདི་ལོར་ཁོང་གི་འཁྲུངས་སྐར་ཉིན་རྒྱ་གར་བོད་རང་བཙན་སློབ་ཕྲུག་ཚོགས་པ་དང་བཀྲ་ཤིས་ལྷུན་པོ་དགོན་པ་གཉིས་ནས། འཁྲུངས་སྐར་གྱི་འཁུར་ར་ཤིན་ཏུ་ཆེན་པོ་ཞིག་གི་ཐོག བཞུ་མར་འབུམ་གཅིག་ལས་མང་བ་སྤར་ནས་འཛམ་གླིང་ནང་ཟིན་ཐོ་གསར་པ་འཇོག་རྒྱུའི་ལས་འགུལ་གྱི་རྣམ་པ་གསར་པ་ཞིག་སྤེལ་འཆར་ཡོད་འདུག་པས། འདི་གའི་གསར་འགོད་པས་རྒྱ་གར་བོད་རང་བཙན་སློབ་ཕྲུག་ཚོགས་པའི་འགན་འཛིན་བསྟན་འཛིན་ཚེ་ལྷ་ལགས་སུ་ལས་འགུལ་འདི་དང་འབྲེལ་བའི་བཅར་འདྲི་བྱས་པ་ཡིན།

Read more

བོད་དུ་སླེབས་དུས་དགའ་སྐྱོ་གཉིས་ལྡན་གྱི་ཚོར་བ་བྱུང་སོང་།

དྷ་སར་རྟེན་གཞི་བྱས་པའི་ནང་བསྟན་སྲི་ཞུ་ཁང་གི་མྱུར་སྦྱོང་སློབ་གྲྭའི་འགན་འཛིན་རིན་ཆེན་རྡོ་རྗེ་ཉེ་ཆར་བོད་ནང་གཉེན་འཕྲད་དུ་སོང་ནས་ཕྱིར་རྒྱ་གར་དུ་འབྱོར་བ་དང་བསྟུན། གནས་ཚུལ་ཁག་ཅིག་གི་ཐོག་བཅར་འདྲི་ཞིག་བྱས་ཡོད།

Read more

བོད་རང་བཙན་སློབ་ཕྲུག་ཚོགས་པས་འཐབ་རྩོད་ཆེད་དུ་ལས་འགུལ་སྦྱོང་བརྡར་སྤྲོད་བཞིན་པ།

བོད་རང་བཙན་སློབ་ཕྲུག་ཚོགས་པའི་རྒྱ་གར་དང་ཨ་རི། འཇར་མན། ཨོ་སི་ཀྲོ་ལི་ཡ་སོགས་ལ་བོད་ཀྱི་གཞོན་སྐྱེས་དང་འཐབ་རྩོད་པ། དེ་བཞིན་མི་རིགས་གཞན་གྱི་ལས་འགུལ་བ་རྣམས་ལ་ལས་འགུལ་གྱི་སྦྱོང་བརྡར་སྤྲད་དང་སྤྲོད་བཞིན་ཡོད་པ་རེད་ལ། འདི་ལོའི་ཟླ་བ་༡༠ པའི་ཚེས་༡༣ ནས་༡༩ བར་དྷ་སའི་ཉེ་འགྲམ་དུ་ལས་འགུལ་སྦྱོང་བརྡར་གོ་སྒྲིག་བྱས་ཡོད་པ་རེད། ཟླ་༡༠ པའི་ཚེས་༢༤ ཉིན་འདི་གའི་གསར་འགོད་པས་བོད་རང་བཙན་སློབ་ཕྲུག་ཚོགས་པའི་རྒྱ་གར་འགན་འཛིན་བསྟན་འཛིན་ཚེ་ལྷ་ལ། ལས་འགུལ་སྦྱོང་བརྡར་གྱི་ལོ་རྒྱུས་དང་དམིགས་ཡུལ་སོགས་ཀྱི་སྐོར་ལ་བཅར་འདྲི་བྱས་པ་ཡིན།

Read more
Page 1 of 2212345...Last »