འཛིན་གྲྭ་དྲུག་པའི་སློབ་དེབ་ནང་གི་རྒོལ་སྔ་ཕྱི་དང་མུ་གསུམ་སྒྲིག་སྟངས་ལ་རགས་ཙམ་དཔྱད་པ།

 ཌལ་ཧོར་གནས་སྡོད། བྱམས་ཆེན།
དཔལ་ལྡན་རང་གཞུང་ཆེས་མཐོའི་སློབ་དེབ་བསྐྱར་ཞིབ་ཚོགས་ཆུང་གིས་བསྐྱར་ཞིབ་དང་གཏན་འབེབས་བྱས་ཤིང༌། བོད་གཞུང་ཤེས་རིག་ལས་ཁུངས་ནས་ཕྱི་ལོ་༢༠༠༢ ལོར་འགྲེམས་སྤེལ་ཐོག་མར་བྱས་པ་ནས། ཕྱི་ལོ་༢༠༠༥ བར་དཔར་སྐྲུན་ཐེངས་བཞི་ཙམ་བྱས་ཟིན་པའི་འཛིན་གྲྭ་དྲུག་པའི་རིགས་ལམ་ནང་ཆོས་སློབ་དེབ་ནང་རྩོད་པ་བྱེད་པའི་གང་ཟག་ངོས་འཛིན་བྱེད་པའི་སྐབས་སུ། ༼སློབ་དེབ་ལས། དམ་བཅའ་བའམ་རིགས་སློང་པ་སྟེ་སྔ་རྒོལ་དང༌། དམ་བཅའ་སུན་འབྱིན་བྱེད་པའི་ཕྱི་རྒོལ། དེ་གཉིས་ཀྱི་བར་ཡིན་མིན་ཐག་གཅོད་བྱེད་མཁན་དཔང་པོ་དང་བཅས་ཡོད།༽ ཅེས་རྩོད་པ་བྱེད་པའི་གང་ཟག་ངོས་འཛིན་བྱེད་སྐབས་གང་ཟག་མི་འདྲ་བ་གསུམ་ལ་ངོས་འཛིན་བྱས་ཡོད། ཐོག་མ་དེར་སྔ་རྒོལ་ངོས་འཛིན་བྱེད་སྐབས་དམ་བཅའ་བའམ་རིགས་སློང་པ་སྟེ་སྔ་རྒོལ་དང་ཞེས་བརྗོད་དེ། དམ་བཅའ་བའམ་རིགས་སློང་པ་ཟེར་པ་ནི་སྔ་རྒོལ་གྱི་གང་ཟག་དེ་རེད་ཅེས་གང་ཟག་གཅིག་ཉིད་ལ་ངོས་འཛིན་བྱས་ཡོད། གལ་སྲིད་ཐ་སྙད་དེ་གསུམ་སྔ་རྒོལ་གྱི་གང་ཟག་གཅིག་ཉིད་ལ་འཇུག་པ་ཡིན་ན། དེ་མ་ཉིད་དུ་༼སློབ་དེབ་ལས། རྩོད་པ་དངོས་ཀྱི་སྐབས་སུ། རིགས་སློང་པས་བརྩད་བྱའི་གཞི་སྟེ་རྩོད་གཞི་དང༌། ཐལ་བར་སློང་བའི་གསལ་བ། སྒྲུབ་པར་བྱེད་པའི་རྟགས་སོགས་ཚང་བའི་རིགས་ལམ་ཡང་དག་པ་མང་དུ་བཀོད་དེ། དམ་བཅའ་བའི་ཁས་ལེན་བཤིག་ཅི་ཐུབ་བྱ་བ་དང༌།༽ཞེས་རིགས་སློང་པ་ཞེས་པ་ནི་སྔ་རྒོལ་དང༌། དམ་བཅའ་བ་ཞེས་པ་ནི་ཕྱི་རྒོལ་ལ་ངོས་འཛིན་མཛད་དེ། གང་གི་དམ་བཅའ་བའམ་རིགས་སློང་པ་སྟེ་སྔ་རྒོལ་དང་ཞེས་པ་དང་སྔ་ཕྱི་འགལ་བར་གྱུར་ཡོད། བསྐྱར་ཞིབ་ཚོགས་ཆུང་ནང་ཡོད་པའི་མཁས་མྱོང་ལྡན་པའི་མི་ངོ་འདི་དག་བསྐྱར་ཞིབ་ཚོགས་ཆུང་གི་ཚོགས་མིའི་མཚན་བཀོད་པ་ཙམ་ལས་ཁ་ཡོད་ལག་ཡོད་ཀྱི་བལྟ་ཀློག་གིས་བསྐྱར་ཞིབ་ཚད་ལྡན་ཡག་པོ་ཞིག་གནང་གི་ཡོད་དམ་སྙམ། འོ་ན་སྐབས་འདིར་རྒོལ་སྔ་ཕྱི་གཉིས་འཇོག་ཚུལ་ཇི་ལྟར་ཡིན་ནམ་ཞེ་ན། དེ་ཡང་གདན་ས་ཆེན་པོ་འབྲས་སེར་དགའ་གསུམ་གྱི་ཆོས་རྭའི་ནང་དུ། ཕྱོགས་སྔའི་ནང་མ་ལོངས་གོང་དགག་པའི་ཉི་མ་ཤར་ཞེས་ཡོངས་སུ་གྲགས་པ་བཞིན། དམ་བཅའ་བའམ་སྔ་རྒོལ་གྱི་གང་ཟག་དེ་ལ། སྔ་རྒོལ་ཞེས་ཟེར། རིགས་སློང་པའམ་ཕྱི་རྒོལ་གྱི་གང་ཟག་དེ་ལ། ཕྱི་རྒོལ་ཞེས་ཟེར་བ་ཡིན། འདི་ཉིད་རྒྱབ་བརྟེན་གྱི་ཁུངས་ལུང་དང་བཅས་པའི་མཁས་པའི་བཞེད་དགོངས་རྨ་མེད་པའོ།།

Read more

འཆོལ་ཉོག་ཏུ་གྱུར་པའི་ཡང་སྲིད་ལམ་ལུགས།

    བོད་དེ་ཆོས་ལྡན་གྱི་མི་རིགས་ཤིག་ཡིན་པ་དང་དུས་ཡུན་གང་ཙམ་ནས་རིམ་བཞིན་ཡང་སྲིད་ངོས་འཛིན་བྱེད་པའི་ལུགས་སྲོལ་ཞིག་བོད་ཀྱི་ཆོས་བརྒྱུད་ཁག་ཚང་མར་དར་བ་དང༌། དེ་ལ་གནའ་དེང་གཉིས་སུ་ལྟ་སྟངས་མི་འདྲ་བ་མང་པོ་ཞིག་ཡོད་ནའང༌། སྤྱི་ཡོངས་ཀྱི་ཆ་ནས་བཤད་ན་བོད་མི་རིགས་ཀྱི་བསམ་བློ་གཅིག་གྱུར་དང་རིག་གཞུང་རྒྱུན་འཛིན་སོགས་ལ་ཕན་ནུས་རྒྱ་ཆེན་པོ་ཐོན་ཡོད། འདས་པའི་ལོ་རྒྱུས་ནང་ཡང་སྲིད་ངོས་འཛིན་བྱེད་སྟངས་དེ་དེང་དུས་ལྟར་མིན་པར་ཆོས་ཕྱོགས་ནས་བརྟག་ཐབས་འདྲ་མིན་ལ་བརྟེན་ནས་སྐུ་གོང་མའི་ཡང་སྲིད་དུ་ངོས་འཛིན་བྱེད་པ་སོགས་ལམ་སྲོལ་ཡག་པོ་ཡོད་ཀྱང༌། ད་ལྟའི་ཆར་རྒྱ་དམར་ཆོས་མེད་གཞུང་གིས་ཆབ་སྲིད་ཀྱི་དགོས་དབང་དང་བསྟུན་ནས་བོད་ཀྱི་སྤྲུལ་སྐུའི་སྐོར་ལ་བཙན་དབང་གིས་ལག་པ་འཆང་བཞིན་པ་མ་ཟད། བཀའ་ཨང་ལྔ་པ་ཟེར་བའི་ཁྲིམས་ཡིག་ཅིག་གཏན་འབེབས་དང་འབྲེལ་ནས་ཆོས་མཐུན་བོད་ཀྱི་སྤྲུལ་སྐུའི་ལམ་ལུགས་དེ། ཆོས་མེད་རྒྱ་དམར་གཞུང་གིས་སྲིད་དོན་གྱི་ལག་ཆ་རུ་བེད་སྤྱོད་བྱེད་བཞིན་ཡོད་པ་རེད།

Read more

ཀློག་མཁན་གྱི་འཕྲིན།

༄༅།།མཁྱེན་ཡངས་བོད་ཀྱི་བང་ཆེན་རྩོམ་སྒྲིག་པ་ལགས་ཀྱི།དྲུང་དུ་ཞུ་དོན། སྐུ་ཉིད་ཀྱིས་རྩོམ་སྒྲིག་གནང་བའི་བང་ཆེན་གསར་ཤོག་འདི་བཞིན་ཉིན་རེ་ནས་ཉིན་རེ་བཞིན་ཡར་རྒྱས་སུ་ཕྱིན་ཏེ་ད་བར་མི་མང་གིས་གདེང་འཇོག་ཆེན་པོ་གནང་སྟེ་རྒྱབ་སྐྱོར་ཤུགས་ཆེ་ཐོབ་པ་དེ། སྐུ་ཉིད་ཀྱིས་གཙོས་ལས་བྱེད་རྣམས་ཀྱིས་དྲང་བདེན་ལ་གཞི་བཅོལ་ཏེ་གང་ཡིན་པ་དང༌། གང་མཐོང་བ་གཉིས་གཙོ་འདོན་བྱས་པའི་འབྲས་བུ་ཞིག་ཡིན་པ་གདོན་མི་ཟ་བས་སྙིང་ནས་རྗེས་སུ་ཡི་རངས་ཞུ། དེ་རིང་གུས་པའི་ཞུ་དོན་དེ་བོད་ཀྱི་བླ་ཆེན་ཞིག་གི་མཚན་འགོད་སྟངས་དེ་ཡིན། ས་སྐྱ་བདག་ཁྲི་རིན་པོ་ཆེ་ཞེས་པ་དེ་ྋགོང་ས་སྐྱབས་མགོན་ཆེན་པོས་བདག་ཁྲི་རིན་པོ་ཆེ་ཞེས་གསུངས་ནའང༌། དེ་ནི་དགོས་པ་ངེས་ཅན་ཞིག་ཡིན་པ་ལས་ང་ཚོ་འདྲ་བས་ཚོད་དཔག་གཏན་ནས་བྱེད་མི་ཐུབ། རྗེས་སུ་རིན་པོ་ཆེའི་མཚན་འགོད་དུས་དཔལ་ས་སྐྱ་ྋགོང་མ་བདག་ཁྲི་རིན་པོ་ཆེ་ལབ་ན་འགྲིག་རྒྱུ་དང༌། གལ་སྲིད་ཡིག་ཚོགས་ཆེ་ན་ས་སྐྱ་ྋགོང་མ་རིན་པོ་ཆེ་ཞུས་ན་ཤིན་ཏུ་འཐད། སྤྱིར་བླ་མའི་མཛད་པ་འཕྲིན་ལས་དེ་ཚོའི་རིགས་དེ་མིང་འགོད་སྟངས་དང་ཁྱབ་བསྒྲགས་སོགས་གཙོ་བོ་མིན་ནའང༌། དོན་གཉེར་ཅན་གྱི་རིགས་དང་ཕྱིས་འབྱུང་མི་རབས་གསར་པ་ཚོ་ལ་ངན་པ་ལང་ཤོར་མི་འགྲོ་བ་བྱ་རྒྱུ་གཙོ་བོར་བཟུང་སྟེ། རྩོམ་སྒྲིག་པ་ཁྱེད་ལ་གནས་ཞུ་འདི་འབུལ་དགོས་བྱུང་བས་དགོངས་འགལ་མེད་པ་མཁྱེན། སྤྱིར་ཁྱེད་ཀྱིས་གོང་མ་རིན་པོ་ཆེའི་མཛད་འཕྲིན་སྐོར་གསར་འགྱུར་ཕུལ་མཁན་བྱུང་ན་ངོས་བཞེས་གནང་སྟེ་དུས་ནས་དུས་སུ་ཁྱབ་བསྒྲགས་ལན་མང་གནང་སོང་བས་སྙིང་ནས་བཀའ་དྲིན་རྗེས་སུ་དྲན་ཆོག་པ་མ་ཟད། ཕྱིས་འབྱུང་ཡང་དེ་བཞིན་བྱ་རྒྱུའི་རེ་བ་གཙང་མ་ཡོད་པས་དེ་དོན་དགོངས་འཇགས་འཚལ།ས་སྐྱ་མ་དགོན་ནས་སྨར་ཁམས་པ་ཐུབ་བསྟན་རྒྱལ་མཚན་གྱིས་ཕྱི་ལོ་༢༠༠༩ ཟླ་༤ ཚེས་༩ ཉིན་ཕུལ།

Read more

བློ་བཟང་ཆོས་དར།

གུས་མོའི་མིང་ལ་བློ་བཟང་ཆོས་དར་ཟེར་ཞིང༌། ད་ལྟ་ས་རཱ་མཐོ་སློབ་ཏུ་སློབ་སྦྱོང་བྱེད་བཞིན་པ་ཡིན། ངས་གོ་སྐབས་འདི་བཟུང་ནས་རེ་སྐུལ་ཞིག་ཞུ་འདོད་བྱུང༌། གངས་ཅན་པ་ཚོས་ད་ལྟ་ང་ཚོའི་གནད་དོན་དེ་ཇི་ལྟར་བྱས་ནས་བཟློག་ཐུབ་བམ། འདས་པའི་དུས་དང་དུས་རབས་གསར་པ་འདིའི་ཁྲོད་དུ་བཟོད་མི་ཐུབ་པའི་རྐྱེན་ངན་ཞིག་རེད། དེ་འདྲ་ཡིན་དུས་རྩམ་ཟན་བྱེ་བྲག་པ་རེ་རེ་ལ་འོས་འགན་ཡོད་པ་སྨྲ་མི་དགོས། ང་ཚོ་བཙན་བྱོལ་བ་རྣམས་རྐུབ་སྟེགས་ཡོད་པ་ཙམ་དང༌། ཡང་ན་འཚོ་བའི་མཐུན་རྐྱེན་འཛོམས་པ་ཙམ་གྱིས་ཡིད་ཚིམས་ཤིང༌། ཤེས་རིག་ལ་དོ་སྣང་མེད་པ། བརྩོན་འགྲུས་ལ་ཞེན་པ་དག་སྲོལ་རྒྱུན་དང་ལད་བཟློས་ཁོ་ན་བྱས་ནས་བསྡད་ན། ང་ཚོ་མི་རབས་གསར་པ་ཡིན་ནའང་ཤེས་རིག་གསར་གཏོད་ཀྱི་ཕྱོགས་ལ་འཕེལ་རྒྱས་དཀོན་ཞིང༌། འབྱུང་འགྱུར་གྱི་གོམ་སྟབས་གསར་པའི་མདུན་དུ་སྟ་གོན་གསར་པ་དེ་བས་ཀྱང་བྱེད་མི་ཐུབ། དུས་རབས་གསར་པ་འདིའི་སྐབས་རྙིང་ཞེན་དང་བག་འཁུམས་ཀྱི་སྒོ་ནས་དཀའ་ངལ་ལ་སྐྲག་ཅིང༌། ལེ་ལོའི་སྣང་ཚུལ་དེ་དག་གི་ཤུགས་རྐྱེན་འོག་རྗེས་ལུས་དང་ཉམས་དམས་ཀྱི་དྲ་རྒྱ་ལས་ཐར་ནས་རང་ཉིད་བསམ་ཕོད་པ་དང༌། སྒྲུབ་ཕོད་པའི་སྙིང་སྟོབས་དེ་བཀོལ་སྤྱོད་ཀྱི་ཐོག་ནས་མགོན་པོ་གང་ཉིད་ཀྱིས་བགྲོད་ལམ་གསར་གཏོད་གནང་བ་དེའི་ཕྱོགས་སུ་ང་ཚོས་གོམ་པ་མདུན་དུ་སྤོ་ཐུབ་པའི་འབོད་སྐུལ་ཞུ་བཞིན་ཡོད།།

Read more

གཏམ་བཤད་ཅིག་ལ་ཉན་རྗེས།

རྡོ་རྗེ་རིན་ཆེན།
རྒྱ་ནག་དམར་ཤོག་གིས་བོད་ལ་དྲག་པོས་དབང་བསྒྱུར་བྱས་ནས་མི་ལོ་དྲུག་ཅུ་དང༌། བོད་མི་སྐྱབས་བཅོལ་བ་ཆགས་ཏེ་མི་ལོ་ལྔ་བཅུ་འཁོར་བའི་དེ་རིང༌། ད་དུང་བོད་པ་རེ་ཟུང་གིས་མི་ལོ་ལྔ་བཅུ་དེ་རྒྱ་གར་དབྱིན་ཇི་ཡི་དབང་བསྒྱུར་འོག་གནས་པ་དང་བསྡུར་ཚེ་ཅང་མ་རེད་ཅེས་རང་གིས་རང་ལ་ངལ་གསོ་སྟེར། བོད་པ་ཚང་ལ་འདི་ལྟའི་མི་གཤིས་ཅན་མང་སྟབས་ང་ཚོའི་ལས་དབང་འདི་ད་དུང་དེ་མུར་གནས་ཡོད། དབྱིན་ཇིས་རྒྱ་གར་ལ་དབང་བསྒྱུར་དང༌། རྒྱ་ནག་དམར་ཤོག་གིས་བོད་ལ་དབང་བསྒྱུར་བྱས་པའི་བརྒྱུད་རིམ་གཉིས་གཞི་གཅིག་ཏུ་བལྟ་ག་ལ་རུང༌། རྒྱ་གར་དེ་བཞིན་འཛམ་གླིང་ཐོག་མི་འབོར་མང་ཤོས་ཨང་གཉིས་པ་དང༌། ས་བབས་དབྱིན་ཡུལ་དང་ཁ་ཐག་རིང༌། བར་གནས་ཀྱི་རྒྱ་གར་རྒྱ་མཚོ་དེ་ཕྱི་དགྲ་འགོག་སྲུང་གི་སྒོ་གླེགས་ཆེན་པོ་ཞིག་རང་བྱུང་གིས་གྲུབ་ཡོད། དེར་བརྟེན་དབྱིན་ཇི་ཡི་མི་རྒྱ་གར་དུ་ཐོག་མར་ཡོང་རྐྱེན་ཡང་རྒྱ་གར་གྱི་བདག་ཐོབ་ཧམ་བཟུང་བྱེད་ཆེད་མིན།

Read more

རྒྱུན་རིང་བསགས་པའི་ཉམས་མྱོང་ནི་ཡར་རྒྱས་ཀྱི་གཞི་རྩ་ཡིན།

ལི་ཐང་བློ་བསྟན།
ད་ལྟ་ང་ཚོ་གངས་ཅན་པ་ཀུན་གྱི་མགོ་ཐོག་ཏུ་སྔར་བྱུང་མྱོང་མེད་པའི་ཆག་སྒོ་གཞིས་བྱེས་གཉིས་སུ་གྱེས་ནས་སྡུག་གི་ཁུར་པོ་ལྕི་མོ་ཞིག་གི་འོག་ཏུ་ལུས་བཞིན་ཡོད། འོན་ཀྱང་གཞིས་བྱེས་བོད་མི་ཀུན་གྱི་མགོན་སྐྱབས་རྒྱལ་བ་ཡབ་སྲས་ཟུང་གི་ཡང་དག་པའི་དབུ་ཁྲིད་དང༌། རྒན་རབས་མཁས་དབང་དམ་པའི་རམ་འདེགས་ལ་བརྟེན་ནས། ཆེས་ཐོག་མར་མ་འོངས་གངས་ཅན་པའི་བདག་པོ་གཞོན་སྐྱེས་རྣམས་ལ་ཤེས་ ༼དེང་རབས་༽ཡོན་བསྐྲུན་རྒྱུའི་རྨང་གཞིར་བཏིང་ནས་མི་ལོ་བཅུ་ཕྲག་འགའ་ཤས་ལས་སོང་མེད། དེའི་རིང་ལ་འཛམ་གླིང་ནང་ཆེས་འབུར་དུ་ཐོན་པའི་མཁས་༼དེང་རབས་༽པའི་དབང་པོ་ཞིག་མ་བྱུང་ཡང༌། ལོ་གྲངས་ཀྱི་ཉམས་མྱོང་ལ་དཔག་པའི་གྲུབ་འབྲས་ནི། དེང་སང་སྐྱེ་བོ་ཀུན་གྱི་ཡིད་དབང་ཅིག་ཅར་དུ་འཕྲོག་པའི་གོ་ལ་ཟླུམ་པོའི་དེང་རབས་ཅན་ལ་མིག་དབང་ཕྱོགས་རྒྱུ་བྱུང་བ་འདི་ནི་ཆེས་ཕུལ་དུ་བྱུང་བའི་གྲུབ་འབྲས་སུ་འདོད་དགོས་སྙམ།

Read more

རྨོངས་དད་དང་འདྲེས་པའི་ཆབ་སྲིད།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༣
བཙན་བྱོལ་བོད་པའི་སྤྱི་ཚོགས་ལ་མཚོན་ན་མི་མང་པོ་ཞིག་གིས་རྒྱུ་མཚན་དང་གནས་ལུགས་གང་ཡང་བགྲང་རྒྱུ་མེད་པར་རྨོངས་དད་ཙམ་ལ་བརྟེན་ནས་དབུ་མའི་ལམ་ལ་ཤར་བསྐྱོད་བྱེད་མཁན་ཡིན་ཚུལ་བརྗོད་མཁན་མང་པོ་ཡོད་པ་དང༌། རང་ཉིད་ཀྱི་སྣང་བར་མི་འགྲོ་བའི་མི་ཞིག་ནག་པོ་བཟོ་ཐབས་སུ་དམིགས་ནས་གང་ཟག་ཆེ་གེ་མོ་དག་གིས་ྋགོང་ས་མཆོག་ལ་སྐུར་འདེབས་དང་དབུ་མའི་ལམ་ལ་སྐྱོན་བརྗོད་བྱེད་ཀྱི་ཡོད་སྟབས། ང་ཚོ་ྋགོང་ས་མཆོག་དང་དབུ་མའི་ལམ་སྲུང་སྐྱོབ་བྱེད་མཁན་ཡིན་མདོག་སྟོན་མཁན་ཡང་ཡོང་གི་ཡོད། ཡང་ཁག་ཅིག་གིས་བོད་གཞུང་གི་མཛད་གཙོ་རེ་ཟུང་ཞིག་སྣང་བར་མི་འགྲོ་བ་རྒྱུ་མཚན་དུ་བྱས་ནས་རང་ཉིད་ལ་ཆབ་སྲིད་ཀྱི་ལངས་ཕྱོགས་ཡན་གར་བ་གང་ཡང་མེད་ཀྱང༌། རང་བཙན་ཡིན་མདོག་གིས་གཞུང་གི་མཛད་གཙོ་རྣམས་ལ་ཁ་གཏོང་བ་སོགས་ཆབ་སྲིད་ཀྱི་ཟློས་གར་འདྲ་མིན་ཞིག་འཁྲབ་བཞིན་ཡོད་པ་ནི་བཙན་བྱོལ་བོད་པའི་སྤྱི་ཚོགས་ནང་གི་མིག་སྔའི་ཆབ་སྲིད་ལངས་ཕྱོགས་ཐད་ཀྱི་གནས་ཚུལ་ཐབས་སྡུག་ཤོས་དག་རེད། འདི་དག་ལ་བརྟེན་ནས་དོན་དངོས་ཐོག་ཡིད་ཆེས་དང་ངེས་པ་རྙེད་ནས་ལམ་དབུ་མར་ཤར་བསྐྱོད་བྱེད་མཁན་དང༌། བོད་རང་བཙན་མ་གཏོགས་བོད་ལ་མཐར་ཐུག་གི་ཁེ་ཕན་འཐོབ་མི་སྲིད་པར་ངེས་ཤེས་དང་ལངས་ཕྱོགས་བརྟན་པོའི་ཐོག་ནས་རང་བཙན་རྩོད་ལེན་ཆེད་ཧུར་བརྩོན་བྱེད་མཁན་དག་ལ་ཤུགས་རྐྱེན་ངན་པ་སྤྲོད་བཞིན་ཡོད།

Read more

ཕྱི་རྒྱལ་ཁག་ཏུ་ཡོད་མཁན་ཚོར་ཡིག་ཆ་བརྟན་པོ་མེད་ན་དཀའ་ངལ་ཆེ་ཤོས་རེད།

ཡོ་རོབ་ནས་ཕེབས་པའི་བོད་མི་མང་སྤྱི་འཐུས་བསོད་ནམས་ཚེ་རིང་ཧཕ་སི་ལགས་སུ་བཅར་འདྲི།
དྲི་བ། ཡོ་རོབ་ནང་གི་བོད་མིའི་གྲངས་འབོར་དང༌། འཚོ་བ་སྐྱེལ་སྟངས་ངོ་སྤྲོད་གནང་རོགས།
ལན། ཡོ་རོབ་རྒྱལ་ཁབ་བཅུ་གསུམ་བཅུ་བཞིའི་ནང་དུ་བོད་པ་ཡོད་པ་རེད་བསམ་གྱི་འདུག བོད་པ་མང་ཤོས་ཡོ་རོབ་ནང་གི་སུད་སི་རུ་ཡོད་པ་རེད། མི་འབོར་ཞིབ་བཤེར་བྱས་ཡོད་པ་མ་རེད་མོད། བཞི་སྟོང་ལྔ་བརྒྱ་ཡས་མས་ཡོད་པ་རེད། བྷེལ་རྗམ་ནང་དུ་ཕལ་ཆེར་ཆིག་སྟོང་ལྷག་དང༌། དབྱིན་ཡུལ་དུ་ལྔ་བརྒྱ་ལྔ་བཅུ། ཧཕ་རན་སིར་བཞི་བརྒྱ་ལྔ་བཅུ། འཇར་མན་ལ་ཉིས་བརྒྱ་ཡས་མས། སི་པན་དང༌།

Read more

ཕྱི་རྒྱལ་ཁག་ཏུ་ཡོད་མཁན་ཚོར་ཡིག་ཆ་བརྟན་པོ་མེད་ན་དཀའ་ངལ་ཆེ་ཤོས་རེད།

ཨ་རི་ནས་ཕེབས་པའི་བོད་མི་མང་སྤྱི་འཐུས་བསྟན་འཛིན་ཆོས་ལྡན་ལགས་སུ་བཅར་འདྲི།
དྲི་བ། ཨ་རི་དང་ཁ་ན་ཌའི་ནང་གི་བོད་མིའི་གྲངས་འབོར་དང༌། འཚོ་བ་སྐྱེལ་སྟངས་ངོ་སྤྲོད་མདོར་བསྡུས་གནང་རོགས།
ལན། ཕལ་ཆེར་བོད་རིགས་སྤྱི་མཐུན་ཚོགས་པ་ཁ་ན་ཌའི་ནང་དྲུག་དང༌། ཨ་རིའི་ནང་ཉི་ཤུ་རྩ་དྲུག་བཅས་སུམ་ཅུ་སོ་གཉིས་ཡོད་པ་རེད། མི་གྲངས་ཆིག་ཁྲི་སུམ་སྟོང་མ་ཟིན་ཙམ་ཡོད་པ་དང༌། ཨ་རིར་སྟོང་ཕྲག་དགུ་མ་ཟིན་ཙམ་དང༌། ཁ་ན་ཌར་སྟོང་ཕྲག་བཞི་ལྷག་ཅིག་ཡོད་པ་རེད། འཚོ་བ་སྐྱེལ་སྟངས་འདྲ་མིན་རེད། སྔོན་མ་ཕེབས་མཁན་ཚོ་མང་ཆེ་བའི་ལས་ཀ་བརྟན་པོ་ཆགས་བསྡད་ཡོད་པ་རེད། རྩིས་པ། སྨན་པ་ཁ་ཤས། སྨན་ཞབས། སྨན་ཁང་དང་འབྲེལ་བ་ཡོད་པའི་ལས་ཀ་བྱེད་མཁན་ཡོད་པ་རེད། དེ་བཞིན་མང་ཆེ་བ་ཟ་ཁང་དང༌། མགྲོན་ཁང༌། བཟོ་གྲྭའི་ནང་ལས་ཀ་བྱེད་མཁན། ཁང་པ་བདག་གཉེར་དང༌། བུ་རྫི་བྱེད་མཁན་དེ་འདྲ་སྣ་ཚོགས་ཤིག་ཡོད་པ་རེད། སློབ་གྲྭར་འགྲོ་མཁན་ཡང་ཡོད་པ་རེད། སོ་སོར་ཚོང་ཁང་དང་ཟ་ཁང་ཡོད་མཁན་ཡང་ཁ་ཤས་ཡོད་པ་རེད།

Read more

དུས་རྒྱུན་བརྗེད་མི་རུང་བའི་བཀའ་དྲིན།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༢
ཕྱི་ཟླ་༣ ཚེས་༣༡ ཉིན་བཙན་བྱོལ་བོད་མིའི་ས་གནས་གང་སར་ྋགོང་ས་མཆོག་དང་བོད་རིགས་གང་མང་ཞིག་སྐྱབས་བཅོལ་དུ་འབྱོར་ནས་མི་ལོ་ལྔ་བཅུ་འཁོར་བའི་དུས་དྲན་དང་སྟབས་བསྟུན། རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུ་བའི་དུས་ཆེན་ཞིག་སྲུང་བརྩི་ཞུས་ཡོད་པ་རེད། གནད་དོན་འདིའི་ཐོག་ནས་ཕྱི་འདང་ཞིག་བརྒྱབ་ན་ཧིན་བོད་མི་མང་གི་མཛའ་འབྲེལ་དེར་ཆོས་རྒྱལ་མེས་དབོན་རྣམ་གསུམ་གྱི་དུས་ནས་བཟུང་ལོ་ཆིག་སྟོང་ལྷག་གི་ལོ་རྒྱུས་ཡོད་པ་དང༌། བོད་མི་རིགས་ཀྱི་བསམ་བློའི་ནང་དུ་རྒྱ་གར་འཕགས་པའི་ཡུལ་ཞེས་རྒྱ་གར་གྱི་ས་ཆ་དང་རྒྱ་གར་མི་རིགས་དེ་ཉིད་གཞན་ལས་ཁྱད་དུ་འཕགས་པའི་བག་ཆགས་སམ་ལྟ་ཚུལ་ཞིག་རང་བཞིན་གྱིས་ཡོད་པ་བཞིན། རྒྱ་དམར་པེ་ཅིང་གཞུང་གིས་བོད་བཙན་བཟུང་བྱས་པར་བརྟེན་ྋགོང་ས་མཆོག་གིས་དབུས་བོད་རིགས་གང་མང་ཞིག་བཙན་བྱོལ་དུ་གྱར་ནས་ངོ་ཤེས་པ་ས་དང་གནམ་ལས་མེད་པའི་སྐབས། རྒྱ་གར་གཞུང་གིས་སྣེ་ལེན་ཡག་པོ་གནང་བ་ཙམ་དུ་མ་ཟད། བོད་པའི་གཞིས་ཆགས་ཁག་གསར་འཛུགས་དང༌། བོད་པའི་བུ་ཕྲུག་རྣམས་ཀྱི་ཆེད་ཟུར་དུ་སློབ་གྲྭ་གང་མང་ཞིག་གསར་འཛུགས་གནང་ནས་ད་ལྟའི་ཆར་ཡང་སློབ་གྲྭ་དེ་དག་འཛིན་སྐྱོང་དང་འགྲོ་གྲོན་ཡོངས་རྫོགས་རྒྱ་གར་གཞུང་གིས་གནང་བཞིན་ཡོད་པ་རེད།

Read more
Page 143 of 158« First...141142143144145...Last »