རྩོམ་ཡིག

གཅིག་རྒྱབ་གཅིག་ལངས་ཀྱི་ཚོགས་འདུ་ལ་ང་ཞུགས་ཀྱི་མིན།

གཅིག་རྒྱབ་གཅིག་ལངས་ཀྱི་ཚོགས་འདུ་ལ་ང་ཞུགས་ཀྱི་མིན།

ཕྱི་ཕྱོགས་སུ་ཡོད་པའི་བོད་ཀྱི་སྐྱིད་སྡུག་ཚོགས་པ་ཆུང་ཆུང་དེ་ཚོ། མིང་ཆེན་པོ་རི་འདྲ་རེ་བཏགས་ནས་དོན་ལ་མི་སྒེར་གྱི་སྦ་ཁུག་འགེངས་བྱེད་དང་ཁེ་ཕན་སྒྲུབ་བྱེད་ཀྱི་ལག་ཆ་རུ་བསྒྱུར་གྱིན་ཡོད་པ་དེ་ནི་མ་འོངས་བོད་ཀྱི་འཐབ་རྩོད་ལ་འཇིགས་སུ་རུང་བའི་ཉེན་ཁ་ཞིག་ཡིན་པ་མ་ཟད།

Bangchen admin· · 0 མཆན་འགྲེལ། ·

ཨ་ཕའི་འདས་མཆོད་བརྗེད་མི་ཉན་ལ། འདས་མཆོད་ཀྱི་དུས་ཚེས་དེ་བས་ནོར་མི་རུང་།

ད་ནང་ཞོགས་པར་ཡར་ལངས་ནས་སྤྱི་ཚོགས་དྲྭ་ལམ་དུ་བལྟ་སྐབས། ༧ཀུན་གཟིགས་པཎ་ཆེན་བཅུ་པ་ཆེན་པོ་མཆོག་དགོངས་རྫོགས་རྗེས་དྲན་དང་འབྲེལ། ཁོང་གི་བཀའ་དྲིན་རྗེས་དྲན་ཞུ་བའི་རྩོམ་ཡིག་དང་། སྐྱེས་མཆོག་ཁོང་གི་སྐུ་དཔར། རྩ་ཆེའི་བཀའ་སློབ་ཁག་འགོད་སྤེལ་གྱིས་བཀའ་དྲིན་ལ་རྗེས་དྲན་དང་།

Bangchen admin· · 0 མཆན་འགྲེལ། ·
འཇིགས་བྲལ་གློག་བརྙན་བྱེད་པོ། དཔའ་རྒོད་དོན་གྲུབ་དབང་ཆེན་ལགས་འོ་རྒྱལ་ཆེ་སོང་། 

འཇིགས་བྲལ་གློག་བརྙན་བྱེད་པོ། དཔའ་རྒོད་དོན་གྲུབ་དབང་ཆེན་ལགས་འོ་རྒྱལ་ཆེ་སོང་། 

དགྲ་བོའི་གདུག་རྩུབ་ཀྱི་འཇིགས་པ་ལ་གདོང་ལེན་ཕོད་པའི་མི་ཕོ་སྙིང་ཁམས་ཅན། འཇིགས་པ་དེར་སྙིང་སྟོབས་ཀྱིས་དང་ལེན་ཕོད་པའི་དཔའ་རྒོད་རྒྱལ་ཞེན་ཅན། རིགས་ཞེན་དཀར་པོས་འཇིགས་པ་དེ་རྒྱང་དུ་འདེད་པའི་མཁས་མཛངས་ལ་རྒྱ་ཅན། ངོ་མ་འཇིགས་བྲལ་གྱི་དོན་སྙིང་ལྡན།

Bangchen admin· · 0 མཆན་འགྲེལ། ·

བོད་འཆི་མི་རུང་།

ད་ལྟའི་ཆར་བོད་མི་ཚོས་རྒྱ་མི་ལ་ཁ་གཏད་གཅོག་ཐབས་གང་འདྲ་ཡོད། མཚོན་ཆ་ཙག་ཙིག་འགའ་ཁུར་ནས་དམར་འཛིང་བྱ་དགོས་པ་རེད་དམ། རང་སྲེག་ངོ་རྒོལ་བྱ་དགོས་པ་རེད་དམ། ཁྲོམ་ལ་ཐོན་ནས་ངོ་རྒོལ་སྐད་འབོད་བྱ་དགོས་པ་རེད་དམ། གྱང་ལྡེབ་དང་རྩིག་ངོས་སུ་སྦྱར་ཡིག་སྦྱར་དགོས་པ་རེད་དམ། འབོད་ཚིག་ཡི་གེ་ཁྲོམ་གཞུང་དུ་གཏོར་དགོས་པ་རེད་དམ། དེ་ཚོ་གང་ཡང་མ་རེད།

Bangchen admin· · 0 མཆན་འགྲེལ། ·

ནོ་སྦེལ་ཞི་བདེའི་གཟེངས་རྟགས་དུས་དྲན་ཉིན་གྱི་སྤྱི་འཐུས་ཀྱི་གཏམ་བཤད།

༄༅། །ཕྱི་ལོ་ ༢༠༡༧ ཟླ་ ༡༢ ཚེས་ ༡༠ ཉིན་མོ་འདི་ནི་གཞིས་བྱེས་བོད་མི་ཡོངས་ཀྱི་བླ་ན་མེད་པའི་མགོན་སྐྱབས་དང་། བླང་དོར་ལམ་སྟོན་པ། འཇིག་རྟེན་ཞི་བདེའི་དེད་དཔོན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་སྙན་པའི་གྲགས་པ་ཕྱོགས་བཅུར་ཁྱབ་པའི་ནོ་སྦེལ་ཞི་བདེའི་གཟེངས་རྟགས་འབུལ་ལམ་ཞུས་པ་དགྱེས་བཞེས་མཛད་དེ་མི་ལོ་ ༢༨ འཁོར་བའི་དུས་ཚིགས་ཁྱད་པར་ཅན་གྱི་ཉིན་མོ་ཞིག་ཡིན།

Bangchen admin· · 0 མཆན་འགྲེལ། ·

ནོ་སྦེལ་ཞི་བདེའི་གཟེངས་རྟགས་དུས་དྲན་ཉིན་གྱི་བཀའ་ཤག་གི་གཏམ་བཤད།

༄༅། །ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག ཁམས་གསུམ་ཆོས་ཀྱི་རྒྱལ་པོ། འཇིག་རྟེན་ཞི་བདེའི་དེད་དཔོན། བོད་མིའི་འདི་ཕྱི་གཉིས་ཀྱི་མགོན་སྐྱབས་དང་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་ཕུལ་ནས་མི་ལོ་ཉེར་བརྒྱད་འཁོར་བའི་དུས་ཚིགས་ཁྱད་པར་ཅན་གྱི་སྐབས་འདིར་སྐྱེ་འགྲོ་སྤྱི་དང་།

Bangchen admin· · 0 མཆན་འགྲེལ། ·
འཇར་མེ་ནན་གྱི་བུད་མེད་ཅིག་གིས་བོད་པ་རྣམས་ལ་ཡོངས་ཁྱབ་འཕྲིན་ཡིག་ཅིག་བསྐུར་བ།

འཇར་མེ་ནན་གྱི་བུད་མེད་ཅིག་གིས་བོད་པ་རྣམས་ལ་ཡོངས་ཁྱབ་འཕྲིན་ཡིག་ཅིག་བསྐུར་བ།

བོད་སྒྱུར་ཞུ་མཁན། ཕུར་རྡོར། བརྩེ་བའི་བོད་རིགས་སྤུན་ཟླ་རྣམ་པ། ངས་འཕྲིན་ཡིག་འདི་ཉིད་ཉེ་ཆར་ཁྲོམ་གཞུང་ཁག་ཏུ་སོ་སོའི་བཀའ་ཤག་དང་སྲིད་སྐྱོང་ལ་ངོ་རྒོལ་བྱེད་མཁན་རྣམས་ལ་འབྲི་བཞིན་ཡོད། དེའང་ཁ་གསང་པོ་བགྱིས་ཏེ་ཞུས་ན། ངས་ནི་སོ་སོའི་སྲིད་སྐྱོང་དང་བཀའ་ཤག་ལ་ངོ་རྒོལ་བྱས་པ་དེ་རྦད་དེ་ཞབས་འདྲེན་ཞིག་རེད་འདུག་སྙམ། དབུས་བོད་མིའི་སྒྲིག་འཛུགས་ནས་སོ་སོའི་ཁྱབ་ཁོངས་སུ་ཡོད་པའི་ལས་མི་གཅིག་གི་ལས་གནས་ལ་འཕོ་འགྱུར་གྱི་ཐག་གཅོད་གནང་པའི་རྒྱུ་མཚན་གྱིས། ཁྱེད་ཀྱིས་སོ་སོས་ཚད་ལྡན་ངང་ནས་འོས་འདེམས་བྱས་ཏེ་བདམས་པའི་སོ་སོའི་གཞུང་གི་དབུ་ཁྲིད་ལ་རྔམ་སྟོན་ཁྲོམ་སྐོར་གྱིས་ངོ་རྒོལ་བྱེད་གི་ཡིན་ནམ། དངོས་གནས་དེ་ལྟར་བྱེད་གི་ཡིན་ནམ། ཁྱོད་ཚོ་ཅི་མ་ཉན་པ་རེད། གལ་ཏེ། ཁྱེད་ཚོས་རྔམ་སྟོན་ཁྲོམ་སྐོར་བྱ་འདོད་ན། ཁྱོད་ཚོ་གཞུང་ཚབ་ཁང་གི་མདུན་ཐང་དུ་འགྲོ་དགོས་ངེས་རེད་ལ། གནས་དེ་རུ་ཁྱོད་ཚོས་སོ་སོའི་རྒྱལ་ཁབ་གཞན་ལག་ཏུ་ཤོར་བའི་དྲིས་ལན་དེ་ཐད་ཀར་རག་ངེས་རེད། ངས་བོད་ཡིག་ཀློག་རྒྱུ་དང་བོད་སྐད་མི་ཤེས་ཀྱང་། ངོ་དེབ་སྒང་དུ་བཏང་ཡོད་པའི་པར་རིས་དང་ཡི་གེ་རྣམས་མཐོང་གི་འདུག་ལ། སྐད་འཕྲིན་ཚོགས་པ་བརྒྱ་ཕྲག་ཁ་ཤས་ཀྱི་ནང་དུ་གང་གཏོང་བཞིན་པ་དང་འགྲོ་བཞིན་པ་རྣམས་བོད་པའི་གྲོགས་པོ་རྣམས་བརྒྱུད་ནས་ཤེས་རྟོགས་བྱུང་བ་ལྟར་ན། ང་ནི་ཞེན་པ་ལོག་གི་འདུག བོད་པ་རྣམས་ལ་ཡིད་ཆེས་བརླག་མགོ་ཚུགས་ཀྱི་འདུག འདི་ང་རང་སྒེར་དང་འབྲེལ་བ་མེད་ལ། ཐ་ན་ཁྱོད་གཅིག་པུ་ལའང་འབྲེལ་བ་མེད་མོད། ཡིན་ནའང་འདི་ནི་རླབས་ཆེན་གྱི་བོད་པའི་འབྱུང་འགྱུར་གྱི་ཆེད་དུ་ཡིན། ཁྱོད་ཚོས་མང་གཙོའི་སྐོར་ལ་ཤེས་ཀྱི་ཡོད་དམ། ༧སྤྱི་ནོར་གོང་ས་སྐྱབས་མགོན་རིན་པོ་ཆེ་མཆོག་གིས་གསུངས་གནང་པའི་དགོངས་དོན་རྣམས་རྟོགས་ཀྱི་ཡོད་དམ། ཁྱོད་ཚོས་ཐ་ན་བཙན་བྱོལ་བ་ཞིག་བྱས་ཏེ་རྒྱལ་སྤྱིའི་ཆབ་སྲིད་ཁྲོད་དུ་གཞན་གྱིས་བཀའ་ཤག་ལ་ལངས་ཕྱོགས་འཛིན་སྟངས་ཀྱི་ཐད་ནས་དཀའ་ངལ་ཇི་ལྟར་འཕྲད་བཞིན་ཡོད་པ་ཤེས་ཀྱི་ཡོད་དམ། ཁྱོད་ཚོས་དེ་ལྟར་བྱས་པ་དེས་བོད་པའི་སྤྱི་ཚོགས་དང་། དགོས་སུ་གཞིས་བཞུགས་བོད་མི་རྣམས་ལ་རྨ་ཁ་ཇི་ལྟར་བཟོ་གི་ཡོད་པ་ཤེས་ཀྱི་ཡོད་དམ། སྟོབས་ཤུགས་ཅི་ཞིག་གིས་ཁྱོད་ཚོས་འདི་ལྟར་བྱ་ཐུབ་པར་གྱུར་བའི་ཐད་ལ་ང་ནི་ཡ་མཚན་སྐྱེས་བྱུང་། ངའི་རེ་བ་ལ་འདི་ནི་གནས་སྐབས་ཀྱི་ཚོར་བ་ཁོ་ན་ཙམ་ཡིན་པར་ཤོག དེ་ཡིན་ན་དྲག་སྐྱེད་ཡོད་པའི་ནད་གཞི་ཞིག་རེད། གང་ལགས་ཤེ་ན། ཁྱོད་ཚོའི་ལས་སྟངས་དེས་རྒྱབ་ཏུ་ཁུ་སིམ་མེར་བསྡད་ཡོད་པའི་མི་རེ་ཟུང་ཞིག་གི་འདོད་འདུན་སྒྲུབ་བྱེད་དུ་འགྱུར་བཞིན་ཡོད་ལ། ཁུ་སིམ་མེར་བསྡད་ཡོད་པའི་མི་རེ་ཟུང་གིས་ཁྱོད་རང་མིག་སྔུན་དུ་འདོན་འཇུག་གི་ཡོད། དེ་ཤེས་པར་གྱིས། ཁྱོད་ཚོས་གང་བྱས་པ་དེ་ནོར་འཁྲུལ་རེད་ཅེས་བཤད་པར། ང་རང་བོད་པ་ཡིན་མི་དགོས་ལ། ང་རང་སངས་རྒྱས་ཆོས་ལུགས་པ་ཞིག་ཀྱང་ཡིན་མི་དགོས། དངོས་ཡོད་དེ་སྤྱིར་བཏང་བའི་མི་ཞིག་ཡིན་ན་ཤེས་ཀྱི་རེད། དེ་ལ་སློབ་གྲྭ་ཆེན་མོ་ཞིག་ལ་ཕྱིན་ནས་སྤྱང་བ་བྱེད་མི་དགོས། གནད་དོན་དེ་ཁྱབ་ཆེ་ས་ནས་མཁྱེན་པར་མཛོད། ཁྱོད་ཚོའི་བྱ་སྤྱོད་དེས་བོད་པའི་སྤྱི་ཚོགས་ལ་ཞབས་འདེགས་ཞུ་མི་ཐུབ་ལ། གཞིས་བཞུགས་སྤུན་ཟླ་རྣམས་ལའང་ཞབས་འདེགས་ཞུ་མི་ནུས། ཁྱོད་ཚོས་ཁོང་ཁྲོ་དང་ཁ་བྲལ་སྐྲུན་གི་ཡོད། ཚང་མས་ནུས་པ་མཉམ་སྤུང་དང་རྡོག་རྩ་ཆིག་སྒྲིལ་བྱ་འོས་པའི་དུས་སྐབས་འདིར། ནང་ཁུལ་ནས་ཁ་བྲལ་གཏོང་རེས་བྱས་པ་དེ་ནི་རྫབ་ཆེན་གྱི་ནོར་འཁྲུལ་ཅན་ཞིག་རེད། དེ་ལྟ་བས་ན། ཁྱོད་ཚོས་སུ་ཞིག་གི་ཆེད་དུ་ཞབས་འདེགས་ཞུ་ཡི་ཡོད། ངའི་རེ་བ་ལ། གླེན་གོག་གི་ལས་འགུལ་དུ་དངོན་སུ་འཇུག་མཁན་དང་། དངོས་སུ་མ་ཞུགས་ཀྱང་འབྲེལ་བ་ཡོད་པའི་མི་ཡོད་དོ་ཅོག་གིས་ངའི་རྩོམ་ཐུང་འདི་བཀླག་པའི་རེ་བ་ཡོད། སྐུ་མཁྱེན། ལས་འགུལ་དེ་མཚམས་འཇོག་གནང་རོགས། བྱམས་སྙིང་རྗེ་དང་ཞི་བདེའི་ངང་ནས་མཐུན་སྒྲིལ་དང་རྡོག་རྩ་ཆིག་སྒྲིལ་གྱི་ལས་ལ་རྩོན་པར་གནོངས། མི་གཅིག་ནང་བཞིན། འཛམ་གླིང་འདིར་ཡོད་པའི་བོད་མི་ཚང་མས་མི་རིགས་རྩ་བརླག་གི་སྡུག་སྦྱོང་མྱོང་གིན་ཡོད། ཚང་མས་གཅིག་ནང་བཞིན་བྱེད་རོགས། ངའི་སེམས་པ་འདི་དུས་ནམ་ཡང་བོད་ཕྱི་ནང་གཉིས་སུ་ཡོད་པའི་བོད་མི་རྣམས་ཀྱི་ཕྱོགས་སུ་ཡོད། དུས་རྒྱུན་དབང་སྒྱུར་པའི་འོག་ནས་ཞེད་སྣང་དང་སྡུག་སྦྱོང་ཚད་མེད་མྱོང་བཞིན་པའི་བོད་མི་རྣམས་དང་ལྷན་དུ་ཡོད། དངོས་གནས་ཡིན། ཁྱེད་ཚོས་སོ་སོའི་བྱས་ཉེས་དེ་ངོ་ཚ་ཡིན་པ་ཧ་གོ་དགོས་ལ། ངའི་རེ་བ་ལ་ཁྱོད་ཚོས་ཐུགས་བསམ་ལེགས་པོ་བཞེས་ནས། རང་ཉིད་རང་ལ་གནོང་མི་དགོས་པའི་བདེན་པའི་ལམ་བུ་ཞིག་རྙེད་ནས་རང་སེམས་དངོས་ཀྱི་རྗེས་སུ་འབྲང་བར་བྱ་བ་དང་། སོ་སོ་སུ་ཡིན་པ་དང་། སུ་ལ་ཞབས་འདེགས་ཞུ་འོས་མིན་དེ་ཤེས་པར་མཛོད། ། ཞི་བདེ་དང་བྱམས་བརྩེས་སྐྱོང་པར་མཛོད། བོད་རང་བཙན། ༼མཆན། ཡོངས་གྲགས་ཀྱི་འཕྲིན་ཡིག་འདི་འབྲི་མཁན་ནི་དགུང་ལོ་54 སོན་པའི་འཇར་མེ་ནན་Germanyནས་ཡིན་པའི་བུད་མེད་ཨཱ་བེ་ལན་ ཕེ་ཋ་སེ་ཁི་Evelin Ptassekལགས་ཀྱིས་བྲིས་པ་ཞིག་རེད་འདུག༽ མ་རྩོམ་ཕ་ཡུལ་དྲ་རྒྱ།  

Bangchen admin· · 0 མཆན་འགྲེལ། ·
ཨ་རིའི་ནང་གི་སྨྲ་བརྗོད་རང་དབང་ལ་པེ་ཅིང་སྲིད་གཞུང་གིས་གེགས་བྱེད་བཞིན་པ།

ཨ་རིའི་ནང་གི་སྨྲ་བརྗོད་རང་དབང་ལ་པེ་ཅིང་སྲིད་གཞུང་གིས་གེགས་བྱེད་བཞིན་པ།

ཕྱི་ལོ་༡༩༨༩ ལོའི་གནམ་སྡེ་སྒོ་མོའི་ཐང་ཆེན་དུ་ངོ་རྒོལ་ལས་འགུལ་སྐབས་འགོ་ཁྲིད་མཁན་ཁོངས་ནས་ང་རང་གཅིག་ཡིན་པས། རྒྱ་ནག་གི་བཙོན་ཁང་ནང་དུ་ལོ་ངོ་༨ མ་ཟིན་ཙམ་བསྡད་པ་ཡིན། ཕྱི་ལོ་༡༩༩༨ ལོར་བཙོན་གྲོལ་ཐོབ་རྗེས་རྒྱ་ནག་གཞུང་གིས་ཕྱིའི་རྒྱལ་ཁབ་ལ་ཐོན་དུ་བཅུག་སོང་བས། ངས་ཨ་རི་ལ་འགྲོ་རྒྱུ་བདམས་པ་ཡིན། དེ་ཡང་དེ་གར་རང་ལ་བསམ་ཚུལ་གང་ཡོད་པ་ཞེད་སྣང་མེད་པའི་ཐོག་ནས་རང་དབང་ངང་བཤད་ཐུབ་རྒྱུ་ཡོད་པས་ཡིན།

Kalsang Dhondup· · 0 མཆན་འགྲེལ། ·

སྤེན་པ་ཚེ་རིང་ལགས་ལ་ཉེས་པ་ཡོད་མི་ཆོག་པ་ཡིན་ནམ།

བྱང་ཨ་རིའི་སྐུ་ཚབ་དོན་གཅོད་ཀྱིས་ཕྲག་ཏུ་བབ་པའི་ལས་དོན་ཁག་ཅིག་གི་ཐོག་ལ་འཐུས་ཤོར་བཏང་པ་དང་བོད་མིའི་སྒྲིག་འཛུགས་ཀྱི་བླང་དོར་སྒྲིག་གཞི་དོན་ཚན་འགར་བརྩི་སྲུང་ཚུལ་བཞིན་མ་བྱས་པའི་ཉེར་ལེན་ལ་བརྟེན་ནས། རང་གཞུང་འཛིན་སྐྱོང་བཀའ་ཤག་ནས་དོ་བདག་གི་ལས་གནས་འཕོ་འགྱུར་བཏང་པའི་གནས་ཚུལ་ཐོན་པའི་རྗེས།

Bangchen admin· · 0 མཆན་འགྲེལ། ·

མདོ་དབུས་ཁམས་གསུམ་ནི་བོད་ཀྱི་ཀླད་སྙིང་རུས་གསུམ་ཡིན།

ཇི་སྐད་དུ། ཇི་ལྟར་བདེ་གཤེགས་སྐུ་གཟུགས་ཤིང་ལས་ཀྱང་། བགྱིས་པ་ཅི་འདྲའང་རུང་སྟེ་མཁས་པས་མཆོད་གསུང་པ་ལྟར། ང་ཡི་བོད་ཡིག་ཤེས་ཚད་སྐྱོ་ཞིང་འབྲི་རྩལ་ཞན་ཡང་། དྲང་བདེན་བརྗོད་ལ་བརྟེན་ནས་ཀློག་པར་མཛོད།

Bangchen admin· · 0 མཆན་འགྲེལ། ·