ཧོང་ཀོང་དུ་ཉེན་རྟོག་པ་དང་ངོ་རྒོལ་བ་གཉིས་གདོང་ཐུག་ཤོར་འདུག 

ཕྱི་ཟླ་༧ ཚེས་༡ ཉིན་རྒྱལ་སྤྱིའི་གསར་འགྱུར་བརྒྱུད་ལམ་ཁག་ནས་གནས་ཚུལ་སྤེལ་གསལ་ལ། དེ་རིང་ཧོང་ཀོང་དབྱིན་ཇིའི་མངའ་འོག་ནས་རྒྱ་ནག་གི་མངའ་འོག་ཏུ་ཡོང་ནས་ལོ་ངོ་༢༢ འཁོར་བའི་དུས་དྲན་སྲུང་བརྩིའི་ཉིན། ཉེན་རྟོག་པས་ངོ་རྒོལ་བ་ཚོར་དྲག་པོའི་རྒོལ་རྡུང་བྱས་པའི་གནས་ཚུལ་ཐོན་འདུག དེ་རིང་རེས་གཟའ་ཟླ་བའི་ཉིན་ཧོང་ཀོང་གྲོང་ཁྱེར་གྱི་སྤྱི་ཁྱབ་དཔོན་ཁེ་རི་ལེམ་(Carrie Lam) ལོ་རེའི་རྒྱལ་དར་སྒྲེང་འཛུགས་ཀྱི་མཛད་སྒོར་ཞུགས་སྐབས། ཉེན་རྟོག་པས་གཡེར་མའི་འཐོར་ཆུ་(Pepper Spray) གཏོར་ནས་ངོ་རྒོལ་བ་རྣམས་སྟངས་འཛིན་བྱས་འདུག ཉེ་བའི་བདུན་ཕྲག་འགའི་རིང་མི་མང་ས་ཡ་མང་པོས་ཧོང་ཀོང་གི་མི་རྣམས་རྒྱ་ནག་སྐམ་ས་ཆེན་མོར་ཁྲིད་དེ་ཁྲིམས་ཐག་བཅད་ན་ཆོག་པའི་ཁྲིམས་འཆར་དེར་ངོ་རྒོལ་བྱས་སྟབས། གཞུང་གིས་ཁྲིམས་འཆར་དེ་དུས་ཡུན་ངེས་མེད་ལ་ཕར་འགྱང་བཏང་ཡོད་ཀྱང། མི་མང་འདུ་འཛོམས་ཀྱི་ངོ་རྒོལ་དེ་མུ་མཐུད་འབྱུང་བཞིན་ཡོད་ལ། སྤྱི་ཁྱབ་དཔོན་ཁེ་རི་ལེམ་དཔོན་གནས་ལས་དགོངས་པ་ཞུ་དགོས་པའི་འབོད་ཚིག་སྒྲོག་བཞིན་ཡོད་འདུག མི་མང་གིས་བཏོན་པའི་དགོས་འདུན་ནང་རྩོད་རྙོག་ཅན་གྱི་ཁྲིམས་འཆར་དེ་ཡོངས་སུ་མེད་པ་བཟོ་དགོས་པ་དང་། སྤྱི་ཟླ་༦ ཚེས་༡༢ ཉིན་བྱུང་བའི་མི་མང་གི་ངོ་རྒོལ་འགྲེལ་བྱེད་དུ་”ཟིང་འཁྲུག་”ཅེས་པའི་ཐ་སྙད་བཀོལ་ཡོད་པ་དེ་ཕྱིར་འཐེན་དགོས་པ།

Read more

མང་གཙོའི་སྤྱི་ཚོགས་ནང་སྲིད་དོན་ཚོགས་པ་ཡོད་དགོས་ངེས་ཡིན་སྐོར་གསུངས་སོང་།

ཟླ་འདིའི་ཚེས་༦ ནས་ཉིན་གསུམ་རིང་དྷ་ས་མེག་གྷན་དུ་བོད་རྒྱལ་ཡོངས་མང་གཙོ་ཚོགས་པའི་ཚོགས་ཆེན་ཐེངས་བརྒྱད་པ་འཚོག་བཞིན་ཡོད་པ་དང་། སྐབས་དེར་སྤྱིར་མང་གཙོ་ཚོགས་པའི་ལས་དོན་བྱེད་ཕྱོགས་ཐོག་བགྲོ་གླེང་དང་། དབུས་རྒྱུན་གསར་པ་འོས་འདེམས་བྱེད་དགོས་ཀྱི་ཡོད་པ་རེད།

Read more

ཆེས་མཐོའི་ཁྲིམས་ཞིབ་ཁང་དུ་ཁ་མཆུ་ཨང་༢༠ པར་ཉན་ཞིབ་དངོས་སུ་འཚོགས་སོང་།

ཟླ་འདིའི་ཚེས་༥ ཉིན་དྷ་ས་གངས་སྐྱིད་དུ་རྟེན་གཞི་བྱས་པའི་ཆེས་མཐོའི་ཁྲིམས་ཞིབ་ཁང་དུ་ཁ་མཆུ་ཞུ་སྦྱོར་དེབ་འགོད་ཨང་༢༠ པ་གྱོད་གཞི་མ་ཉེས་ཁག་གཡོགས་ཀྱི་ཉན་ཞིབ་དངོས་སུ་འཚོགས་ཡོད་པ་རེད།

Read more

ས་ག་ཟླ་བ་དཀར་ཟས་ཟླ་བ་ཡིན་འོས་ཚུལ།

འཛམ་གླིང་ཡུལ་གྲུ་ངེས་མེད་དུ་བཞུགས་པའི་བོད་སྐད་སྨྲ་བ་ཚང་མ་ལ་སྟོན་པའི་འཁྲུངས་སྐར་དང་འབྲེལ་བའི་བཀྲ་ཤིས་བདེ་ལེགས་ཞུ། མཁྱེན་གསལ་ལྟར། སང་ཉིན་ནས་ས་ག་ཟླ་བའི་ཚེས་བཅིག་རེད། ས་ག་ཟླ་བ་ནི་འཛམ་གླིང་ཡོངས་རྫོགས་ཀྱིས་ཕལ་ཆེར་གཅིག་མཐུན་དུ་ངོས་འཛིན་ཡོད་པའི་སྟོན་པ་ཐུགས་རྗེ་ཅན་སྐུ་བལྟམས་པའི་ཟླ་བ་རེད།

Read more

མི་མང་ལ་ཡོད་པའི་དབང་ཆ།

རྒྱ་གར་རྒྱལ་ཁབ་ཆེན་པོའམ། རྒྱ་གར་འཕགས་པའི་ཡུལ་ནི་འཛམ་གླིང་ཤར་ནུབ་ཡུལ་གྲུ་ཀུན་ནས་རང་དབང་དང་མང་གཙོའི་རྒྱལ་ཁབ་ཆེས་ཆེ་ཤོས་དེ་ཡིན་པ་དང་། གཞུང་གི་མཛད་གཙོ་རྣམ་པ་མི་མང་གིས་འོས་འདེམས་ཀྱི་ལམ་ནས་བསྐོ་གཞག་དགོས་ཤིང་།

Read more

རྒྱལ་ཡུམ་ཆེན་མོའི་དྲན་རྟེན་རྐང་སྤོལ་འགྲན་སྡུར་འགོ་འཛུགས་བྱས་སོང་།

ཟླ་༥ པའི་ཚེས་༣༡ ཉིན་དྷ་སའི་དྷ་སྟེང་བོད་ཁྱིམ་སློབ་གྲྭའི་རྩེད་ཐང་དུ། རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོལ་འགྲན་སྡུར་ཐེངས་༢༥ པ་དེ་འགོ་འཛུགས་བྱས་སོང་བ་དང་། སྐུ་མགྲོན་གཙོ་བོ་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་པདྨ་འབྱུང་གནས། དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་དང་། ཀང་རཱ་རྫོང་གི་ཉེན་རྟོག་དཔོན་གཞོན་པ་སཱན་ཏོ་ཤེ་བཅས་ཕེབས་འདུག

Read more

རྒྱ་ནག་གིས་བོད་ཀྱི་སྐད་ཡིག་བརྒྱུད་སློབ་ཁྲིད་བྱེད་རྒྱུ་བཀག་འགོག

བོད་མདོ་སྨད་མགོ་ལོག་རང་སྐྱོང་ཁུལ་གྱི་ས་ཁུལ་དུ་རྒྱ་ནག་གཞུང་གི་ཤེས་རིག་ཚོགས་ཆུང་ནས་གཞི་རིམ་དང་། འབྲིང་རིམ་སློབ་གྲྭའི་ནང་གི་སློབ་ཚན་རྣམས་འདི་ལོའི་དབྱར་ཁའི་གུང་སེང་རྫོགས་ནས་སྟོན་དུས་སུ་སློབ་དུས་གསར་པ་འགོ་འཛུགས་སྐབས་ནས་བཟུང་།  དེ་སྔ་བོད་ཡིག་སློབ་ཚན་ཙམ་མ་ཟད།  སློབ་ཚན་གཞན་རྣམས་ཀྱང་བོད་སྐད་བརྒྱུད་ལམ་ཐོག་ནས་སློབ་ཁྲིད་བྱ་རྒྱུའི་ལམ་སྲོལ་དེ་དག་མཚམས་འཇོག་བྱེད་དགོས་སྐོར་བརྗོད་ཡོད་འདུག

Read more

༧གོང་ས་མཆོག་གིས་ཁོང་དགུང་ལོ་བརྒྱ་དང་བཅུ་གྲངས་ལ་བཞུགས་ཐུབ་སྐོར་གསུངས།

ཟླ་འདིའི་ཚེས་༡༧ ཉིན་གྱི་སྔ་དྲོ་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་བརྟན་ཆེད། བོད་ཀྱི་ལྷ་མི་ཟུང་འབྲེལ་ཐོག་ནས་བརྟན་བཞུགས་ཕུལ་བ་དང་། ༧གོང་ས་མཆོག་གིས་ལྷ་བླའི་ལུང་བསྟན་དང་ཁོང་གི་གཟིམ་ལམ། སྐུའི་འཕྲོད་བསྟེན་གང་ལ་བརྟགས་ཀྱང་དགུང་ལོ་བརྒྱ་དང་བཅུ་གྲངས་ལ་བཞུགས་ཐུབ་པའི་བཀའ་སློབ་གནང་།

Read more

བྲག་རི་རིན་པོ་ཆེས་ཉེས་འཛུགས་རྣམས་ལ་གསལ་བཤད་གནང་འདུག

ཉེ་ཆར་བྲག་རི་རིན་པོ་ཆེར་བུད་མེད་གཉིས་ཀྱིས་ཚུལ་མིན་རེག་ཐུག་གི་ཉེས་འཛུགས་བྱས་ཡོད་པས། ཁོང་གིས་ཉེས་འཛུགས་དེ་གཉིས་ལ་གསལ་བཤད་བྱས་ཏེ་ཉེས་པ་གང་ཡང་བྱས་མེད་སྐོར་དང་། དེ་བཞིན་ཁོང་དགའ་ལྡན་ཕོ་བྲང་གི་ལས་བྱེད་མིན་པ་དང་ཡིན་ཚུལ་ཡང་གཏན་ནས་བརྗོད་མྱོང་མེད་སྐོར་གསུངས་འདུག

Read more

རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐོག་༧གོང་ས་མཆོག་གིས་གསུང་འཕྲིན་གནང་།

ཟླ་འདིའི་ཚེས་ ༨ ཉིན་ལ་ཏི་ཝི་ཡའི་(Latvia)  རྒྱལ་སར་རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་བདུན་པ་དེ་འཚོགས་ཡོད་པ་དང་། ཚོགས་ཆེན་དབུ་འབྱེད་མཛད་སྒོའི་ཐོག་༸གོང་ས་༸སྐྱབས་མགོན་ཆེན་པོ་མཆོག་གིས་ཐོག་གསུང་འཕྲིན་གནང་ཡོད་པ་རེད།

Read more
Page 2 of 2212345...Last »