༧གོང་ས་མཆོག་སྨན་ཁང་དུ་ཛ་དྲག་ངང་ཕེབས་དགོས་བྱུང་ན་ཚོད་ལྟའི་སྦྱོང་བརྡར།
ཟླ་༥ པའི་ཚེས་༢༡ ཉིན་བཞུགས་སྒར་དྷ་ས་མེག་གྷན་ནས། ཉེན་རྟོག་པའི་སྲུང་སྐྱོབ་འོག་ཡོད་པའི་མྱུར་སྐྱོབ་རླངས་འཁོར་ཞིག་ཀང་རཱའི་ཉེ་འགྲམ་དུ་ཡོད་པའི་ཊན་ཌཱ་སྨན་ཁང་བར་དུ་ཕྱིན་ཡོད་པ་དང་། མི་མང་པོ་ཞིག་གིས་༧གོང་ས་མཆོག་གི་སྐུ་འཕྲོད་བཞེས་ཛ་དྲག་ཆགས་ཡོད་པའི་སེམས་འཚབ་བྱུང་ཡོད་པ་རེད།
གནས་ཚུལ་ཤེས་རྟོགས་བྱུང་བ་ལྟར་ན། དེ་ནི་གལ་ཏེ་༧གོང་ས་མཆོག་གི་སྐུའི་སྙུང་གཞི་ཛ་དྲག་བཞེས་ཚེ། བཞུགས་སྒར་ནས་ ་རྒྱང་ཐག་ཀི་ལོ་མི་ཊར་༢༠ ཙམ་ཡོད་པའི་དྷ་སའི་ཁུལ་གྱི་སྨན་ཁང་ཆེ་ཤོས་ལ་ཛ་དྲག་ངང་ཕེབས་སྐྱེལ་ག་འདྲ་དགོས་མིན་ཆེད་ཚོད་ལྟའི་སྦྱོང་བརྡར་ཞིག་ཡིན་སྐོར་ཀང་རཱ་རྫོང་གི་ཉེན་རྟོག་དཔོན་པོས་འགྲེལ་བརྗོད་བྱས་འདུག །
གསར་འགོད་པ་སྐལ་བཟང་དོན་གྲུབ།
