འཛིན་རིམ་བཅུ་གཉིས་ཀྱི་བོད་སློབ་ཁག་སྤྱི་ཡོངས་ཀྱི་རྒྱུགས་འཕྲོད་ཀྱི་བརྒྱ་ཆ་༩༠་༧
འདི་ལོར་བོད་པའི་སློབ་གྲྭ་ཁག་༡༧ རྒྱ་གར་རྒྱལ་ཡོངས་ཀྱི་འཛིན་རིམ་བཅུ་གཉིས་ཀྱི་ཡིག་རྒྱུགས་ཆེན་མོའི་ནང་ཞུགས་ཏེ། ཡིག་རྒྱུགས་འཕྲོད་ཚད་བརྒྱ་ཆ་༡༠༠ ནས་༡༠༠ ལེན་མཁན་བོད་པའི་སློབ་གྲྭ་བཞི་བྱུང་བ་ནི་སེ་ལ་ཁུ་བོད་ཁྱིམ་སློབ་གྲྭ་དང་། སུ་ཇཱ་བོད་ཁྱིམ། སྤོན་ཊ་གཏན་སློབ། སྦེལ་ཀོབ་བོད་ཁྱིམ་བཅས་ཡིན་འདུག
དེ་ཡང་ཟླ་འདིའི་ཚེས་༢༡ ཉིན་རྒྱ་གར་དབུས་འབྲིང་རིམ་ཤེས་ཡོན་ལྷན་ཚོགས་ CBSE ཀྱི་འཛིན་རིམ་བཅུ་གཉིས་ཀྱི་རྒྱལ་ཡོངས་ཡིག་རྒྱུགས་ཆེན་མོའི་གྲུབ་འབྲས་གསལ་བསྒྲགས་གནང་ཡོད་པ་དང་། འདི་ལོའི་ཡིག་རྒྱུགས་ཆེན་མོའི་ནང་བོད་པའི་སློབ་གྲྭ་ཁག་༡༧ ནས་སློབ་ཕྲུག་གྲངས་༡༣༥༩ ཀྱིས་ཡིག་རྒྱུགས་ནང་འཛུལ་ཞུགས་བྱས་ཏེ། སློབ་ཕྲུག་གྲངས་༡༢༢༤ ཡིག་རྒྱུགས་འཕྲོད་པ་དང་། བསྐྱར་དུ་ཡིག་རྒྱུགས་གཏོང་དགོས་པའི་སློབ་མ་གྲངས་༡༡༥། རྒྱུགས་མ་འཕྲོད་པའི་སློབ་མ་གྲངས་༡༨། འདི་ལོར་ཡང་འཛིན་རིམ་བཅུ་གཉིས་ཀྱི་ཡིག་རྒྱུགས་འཕྲོད་ཚད་ཀྱི་བརྒྱ་ཆ་དེ་བོད་སློབ་ཁག་གི་ནང་བུ་ལས་བུ་མོས་བརྒྱ་ཆ་མཐོ་བ་བླངས་འདུག
འདི་ལོར་བོད་སློབ་ཁག་གི་སློབ་ཕྲུག་གྲངས་༣༤༢ ཀྱིས་བརྒྱ་ཆ་༧༥ ཡན་ལོན་ཡོད་པ་དང་། དེའི་ཁོངས་ནས་སློབ་ཕྲུག་༡༠ ཡིས་བརྒྱ་ཆ་༩༠ ཡན་ལོན་ཡོད། བོད་སློབ་ཁག་གི་ནང་རྒྱུགས་མ་འཕྲོད་པའི་སློབ་མ་གྲངས་༧ ཉུང་དུ་ཕྱིན་ཡོད་པ་དང་། བསྐྱར་དུ་ཡིག་རྒྱུགས་གཏོང་དགོས་པའི་སློབ་མ་གྲངས་༡༥ མང་དུ་ཕྱིན་འདུག བོད་སློབ་ཁག་སྤྱི་ཡོངས་ཀྱི་རྒྱུགས་འཕྲོད་ཀྱི་བརྒྱ་ཆ་༩༠་༧ ཡིན་འདུག
ཕྱི་ལོ་ ༢༠༡༦ ལོའི་འཛིན་རིམ་བཅུ་གཉིས་ཀྱི་ཚན་རིག་དང་ཚོང་རིག འབྱུང་རིག་བཅས་སྡེ་ཚན་གསུམ་ཁོངས་ནས་བརྒྱ་ཆ་རྩེ་ཕུད་ཐོབ་མཁན་རྣམས་ནི། ཚན་རིག་སྡེ་ཚན་གྱི་ཨང་དང་པོ་སེ་ལ་ཁུ་བོད་ཁྱིམ་སློབ་གྲྭའི་སློབ་མ་བསྟན་འཛིན་མཚོ་མོ་ལ་བརྒྱ་ཆ་༩༤་༢། ཚོང་རིག་གི་སྡེ་ཚན་ཁོངས་ནས་ཨང་དང་པོ་དྷ་སྟེང་བོད་ཁྱིམ་སློབ་གྲྭའི་སློབ་མ་བསྟན་འཛིན་ནོར་སྒྲོན་ལ་བརྒྱ་ཆ་༨༨། སྒྱུ་རྩལ་སྡེ་ཚན་ཁོངས་ནས་ཨང་དང་པོ་མ་སུ་རི་བོད་ཁྱིམ་སློབ་གྲྭའི་སློབ་མ་བསྟན་འཛིན་ཕུན་ཚོགས་ལ་བརྒྱ་ཆ་ ༩༢༌༨ ཐོབ་ཡོད།
འདི་ལོའི་དགའ་ལྡན་ཕོ་བྲང་གི་བྱ་དགའ་ལེན་མཁན་ཁོངས། ཚན་རིག་སྡེ་ཚན་གྱི་ཨང་དང་པོ་སེ་ལ་ཁུ་བོད་ཁྱིམ་སློབ་གྲྭའི་སློབ་མ་བསྟན་འཛིན་མཚོ་མོ་ལ་བརྒྱ་ཆ་༩༤་༢། ཨང་གཉིས་པ་ཀ་སྦུག་གཏན་སློབ་ཀྱི་སློབ་མ་བསྟན་འཛིན་བདེ་ཆེན་ལ་བརྒྱ་ཆ་༩༡། ཨང་གསུམ་པ་སེ་ལ་ཁུ་བོད་ཁྱིམ་སློབ་གྲྭའི་སློབ་མ་ཚེ་རིང་བསོད་ནམས་ལ་བརྒྱ་ཆ་༨༩་༦། ཐོབ་ཡོད་པ་དང་།
ཚོང་རིག་སྡེ་ཚན་ཁོངས་ནས་ཨང་དང་པོ་དྷ་སྟེང་བོད་ཁྱིམ་སློབ་གྲྭའི་སློབ་མ་བསྟན་འཛིན་ནོར་སྒྲོན་ལ་བརྒྱ་ཆ་༨༨། ཨང་གཉིས་པ་མོན་གྷོོཌ་གཏན་སློབ་ཀྱི་སློབ་མ་བསྟན་འཛིན་རྣམ་གྲོལ་ལ་བརྒྱ་ཆ་༨༣༌༦། ཨང་གསུམ་པ་དྷ་སྟེང་བོད་ཁྱིམ་སློབ་གྲྭའི་སློབ་མ་བསྟན་འཛིན་ཡིད་དགའ་དང་འཕྲིན་ལས་དབང་མོ་ལ་བརྒྱ་ཆ་༨༢་༤ ཐོབ་ཡོད།
སྒྱུ་རྩལ་སྡེ་ཚན་ཁོངས་ནས་ཨང་དང་པོ་མ་སུ་རི་བོད་ཁྱིམ་སློབ་གྲྭའི་སློབ་མ་བསྟན་འཛིན་ཕུན་ཚོགས་ལ་བརྒྱ་ཆ་༩༢༌༨། ཨང་གཉིས་པ་སུ་ཇཱ་བོད་ཁྱིམ་སློབ་གྲྭའི་སློབ་མ་བསྟན་འཛིན་བུ་ཁྲིད་དང་བསྟན་འཛིན་ནོར་ལྡན་ལ་༩༡༌༦། ཨང་གསུམ་པ་སྦེལ་ཀོབ་གཏན་སློབ་ཀྱི་སློབ་མ་ཟླ་བ་ཆོས་སྒྲོན་ལ་བརྒྱ་ཆ་༩༡ ཐོབ་ཡོད།
གཤམ་གསལ་རིའུ་མིག་ནི་ཕྱི་ལོ་༢༠༡༠ ལོ་ནས་བཟུང་བོད་སློབ་ཁག་གི་སློབ་ཕྲུག་བརྒྱ་ཆ་༧༥ ཡན་ལོན་མཁན་རྣམས་ཡིན་པ་རེད།