བཀའ་ཁྲིའི་ཕྱོགས་ཕེབས་མཛད་འཆར།
དེ་ཡང་ཕྱི་ལོ་༢༠༠༨ ཟླ་༡༡ ཚེས་༢༧ ཕྱེད་ཡོལ་ཆུ་ཚོད་༥ ཐོག་བཞུགས་སྒར་རྡ་ས་ནས་ལྡི་ལིར་ཕེབས་ཐོན་གནང་རྒྱུ་དང༌། ཕྱི་ཟླ་༡༡ ཚེས་༢༨ ཉིན་ལྡི་ལིར་ཕེབས་འབྱོར་གྱིས་ཕྱེད་ཡོལ་ཆུ་ཚོད་༣།༠ ཐོག་རྒྱ་གར་གཞུང་གི་གནས་ཡོད་མི་སྣ་ཁག་ཅིག་དང་མཇལ་འཕྲད་གནང་རྒྱུ། ཕྱི་ཟླ་༡༡ ཚེས་༢༩ ནས་ཕྱི་ཟླ་༡༢ ཚེས་༡ བར་བོད་དོན་རྒྱབ་སྐྱོར་ཚོགས་པའི་དམིགས་བསལ་ཚོགས་ཆེན་དུ་མཉམ་ཞུགས་གནང་རྒྱུ། ཕྱི་ཟླ་༡༢ ཚེས་༢ ཉིན་མཚན་མོའི་ཆུ་ཚོད་༠༣།༠༥ ཐོག་ལྡི་ལི་ནས་སྦར་སིལ་དུ་ཕེབས་ཐོན་གྱིས་ཆུ་ཚོད་༠༧།༥༠ སྦར་སིལ་དུ་ཕེབས་འབྱོར་གནང་རྒྱུ། ཕྱི་ཟླ་༡༢ ཚེས་༣ ནས་ཚེས་༤ བར་སྦར་སིལ་དུ་མཛད་འཆར་ཁག་གནང་རྒྱུ། ཕྱི་ལོ་༢༠༠༨ ཟླ་༡༢ ཚེས་༥ ཉིན་གྱི་སྔ་དྲོའི་ཆུ་ཚོད་༡༠།༠༥ ཐོག་སྦར་སིལ་ནས་ལྡི་ལིར་ཕེབས་ཐོན་གནང་རྒྱུ་དང་ཕྱི་ཚེས་༦ ཉིན་ལྡི་ལི་ནས་ཕེབས་ཐོན་གྱིས་ཕྱེད་ཡོད་ཆུ་ཚོད་༤།༣༠ ཐོག་བཞུགས་སྒར་རྡ་སར་ཕེབས་འབྱོར་གནང་རྒྱུ་ཡིན་པ་བཅས་ཀྱི་གནས་ཚུལ་དུ།།
