ྋགོང་ས་མཆོག་ཨ་ཧྥི་རི་ཀར་ཆིབས་བསྒྱུར།
ག་གྷལ་ནས་མཁའ་ཐོག་བརྒྱུད་ལྡི་ལིར་ཆིབས་སྒྱུར་གྱིས་བཞུགས་ཞག་དང༌། ཚེས་༢༦ སྔ་དྲོ་ལྡི་ལི་ནས་མཁའ་ལམ་བརྒྱུད་ནུབ་ཨ་ཧྥི་རི་ཁའི་གླིང་ཕྲན་ ནི་ཇི་རི་ཡའི་(Nigeria)གྲོང་ཁྱེར། ལ་གོ་སེའི་(Lagos ) གནམ་ཐང་དུ་ྋཞབས་སོར་འཁོད་སྐབས་ཨ་ཧཕི་རི་ཁའི་ནང་ཡོད་བོད་གཞུང་སྐུ་ཚབ་དོན་གཅོད་དང༌། ཆིབས་སྒྱུར་གདན་ཞུའི་མི་སྣས་ཕེབས་བསུར་བཅར་ཏེ་གདན་ཞུས་ཐོག་ཉིན་གྲངས་གཉིས་རིང་ཁུལ་དེར་མཛད་འཆར་ཁག་བསྐྱང་རྒྱུ་དང༌། དེ་རྗེས་ཡུ་རོབ་ཁུལ་དུ་མཛད་འཕྲིན་ཁག་བསྐྱང་རྒྱུའི་མཛད་འཆར་ཡོད་འདུག་པ་བཅས།།
