ན་ཟུག་གིས་རྐྱེན།
ལན་ཆགས་བུ་ལོན་ཆེ་བའི་མི་ཚེ་འདི།།
ཉེ་རིང་ཕྱོགས་ཞེན་མེད་ན་བཟང་བ་ལ།།
དགྲ་སྡང་གཉེན་སྐྱོང་མི་དགོས་སྐྱིད་ན་ཡང་།།
ད་ལྟའི་ཚེ་ཐོག་འདི་ལ་དཀའ་རབས་ཤིག།
ཕར་ལ་དུངས་ཀྱང་ཚུར་ལ་མི་བརྩེ་བ།།
ཚུར་ལ་དགའ་ཡང་ཕར་ལ་མི་སེམས་པས།།
འཇིག་རྟེན་གོ་རིམ་ནོར་བའི་མུན་ཁྲོད་དུ།།
མི་ཚེ་འདི་ལས་ཐར་རབས་མེད་དོན་ཅི།།
སོང་ས་བསྡད་སར་མྱི་ཁའི་ན་ཟུག་ལྕི།།
ཤི་གསོན་དབྱེ་བ་མི་ཆོད་འཆིང་ཐག་ཞིག།
སྔོན་བསགས་ལས་ཀྱིས་གནང་བ་མིན་རྒྱུ་ན།།
ཕྱི་མ་གར་འགྲོ་ཕྱོགས་སུ་སེམས་འཁྲལ་མེད།།
མདོར་ན་འཁོར་བའི་གཤིས་ཚུལ་སྐྱུར་མོ་འདི།།
རང་གཞན་སུས་ཀྱང་མྱོང་དགོས་མ་བྱུང་བར།།
སུ་དང་འཕྲད་པའི་དགའ་སའི་མི་དག་གིས།།
བསམ་དོན་ཡིད་བཞིན་འགྲུབ་པའི་སྐྱབས་མཇུག་ཡོད།།
