སྤུ་རག་གི་དུས་སྟོན།

 དེ་རུ་ཡོད་པའི་སྤུ་རག་ནི་འཛམ་གླིང་གི་ཤར་ནུབ་ཕྱོགས་བཞི་མཚམས་བརྒྱད་ནས་སླེབས་ཡོང་མཁན་ཤ་སྟག་རེད་འདུག་ལ། སྤུ་རག་ལ་ཐུགས་མཉེས་པོ་ཡོད་མཁན་དག་གི་དོ་ནུབ་ཀྱི་མཚན་མོ་འདི་ནི་བློས་གཏོང་མི་སྲིད་པའམ། བློས་གཏོང་མི་ཐུབ་པའི་མཚན་མོ་ཞིག་རེད་ཅེས་བཤད་ཀྱང་ཆོག

སྤུ་རག་གི་ཚོང་གཉེར་བ་དག་གིས་ཀྱང་རང་རང་གི་སྤུ་རག་བཙོང་ས་རུ། སྤུ་རག་འཐུང་བྱེད་ཀྱི་ཤེལ་དམ་དང་འགྱིག་དམ། ཡང་ན། ཤེལ་ཕོར་སོགས་བཟོ་ལྟ་འདྲ་མིན་སྣ་ཚོགས་ཀྱི་བཟོས་འདུག་སྟབས། མི་རེ་རེ་ཡི་རང་རང་གི་སྣང་བ་འགྲོ་སྟངས་སོགས་ཀྱང་མི་འདྲ་བའི་དབང་གིས་གང་ལ་དགའ་བ་དེ་དག་ཉོས་དེ་རང་རང་གི་སྣང་བ་མཐུན་ས་དང་རང་རང་གི་གྲོགས་དང་གྲོགས་མོའི་ལྷན་དུ་སྤྲོ་སྐྱིད་ཀྱི་སྣང་བས་བཟི་བ་ལ་ཕར་བལྟས་ཚོད་ཀྱི་འདི་ནི་གནམ་འོག་མཚན་མོ་གསར་བ་ཞིག་རེད་འདུག་སྙམ་པའི་སྣང་བ་ཞིག་རང་དབང་མེད་པར་སྟེར་གྱི་འདུག་ལ། རྒྱལ་ཁབ་ཡོད་པའི་མི་རིགས་ཤིག་སྤྲོ་སྣང་དང་རང་དབང་ཡང་ཞོར་ནས་རྟོགས་སུ་འཇུག

ངེད་གཉིས་ཀྱིས་གྲོགས་པོ་ཁོ་རང་ལ་འཚམ་པའི་འགྱིག་དམ་ཆེན་པོ་འདི་འདྲ་གཅིག་དང་ང་རང་ལ་ཆུ་མངར་མོ་ནག་པོ་ཞིག་བཅས་ཉོས་དེ་སྐྱེད་ཚལ་རྭ་བ་ཆེན་པོ་དེའི་ནང་གི་རྩྭ་ཐང་སྟེང་དུ་བསྡད་ནས་མི་ཚོགས་ཕོ་མོ་ན་གཞོན་གྱི་འཁང་བའི་བར་གསེང་དང་རོལ་མོའི་དབྱངས་རྟ་ལ་ཉན་ནས་བསྡད་པ་ཡིན། བར་སྐབས་ཤིག་ལ་མི་ཚོགས་ཀྱི་ཕར་འགྲོ་ཚུར་འགྲོ་ཡི་བར་གསེང་དུ་ངས་མིག་ལམ་དུ་གསར་བུ་ཞིག་གིས་ཚུ་ལེན་ཞིག་གི་སྟེང་དུ་རྒྱ་ཡིག་གི་བོད་ཅེས་པ་ཞིག་བྲིས་ཡོད་པ་གོན་ནས་འགྲོ་མཁན་ཞིག་མཐོང་བས་ངས་ཁོ་ལ་དེ་བསྟན་པ་ཡིན་མོད། མི་ཚོགས་ཀྱི་གསེང་ནས་འགྲོ་མཁན་དེ་ཡང་གར་སོང་ཆ་མེད་དུ་འགྱུར་རྒྱུར་ལས་སླ་བ་དང་ལྟ་མཁན་ཡང་དལ་དྲགས་པས་ཁོ་རང་གིས་མཐོང་ཡོད་པ་མ་རེད།

མཚན་མོ་ཆུ་ཚོད་བཅུ་བ་ཙམ་ཞིག་ལ་རོལ་དབྱངས་ཀྱི་ཚོགས་པ་དེའི་གླུ་གཞས་གཏོང་རྒྱུའི་མགོ་བཙུགས་པ་དང་ལྷན་དུ་མི་ཚོགས་ཀྱི་ཞབས་བྲོའི་སྟངས་སྟབས་ལ་ཕར་བལྟས་ཚོད་ཀྱིས་རྒྱ་མཚོའི་རླབས་རྒྱུན་ཞིག་ལས་གང་ཡང་དྲན་ཐུབ་ཀྱི་མི་འདུག་ལ། སྤུ་རག་མཐོང་མཁན་གྱི་བུ་མོ་དེ་དག་ནི་གཅིག་ལས་གཅིག་ལས་གཅིག་མཛེས་པ་དང་གཅིག་ལས་གཅིག་ཞབས་བྲོའི་སྟངས་སྟབས་ལ་ཉམས་འགྱུར་ལྡན་པའི་དེང་རབས་བུ་མོའི་གྱོན་གོས་སོགས་གང་ལ་བལྟས་དེ་འོང་དུས། ཆགས་ལྡན་ང་ལྟ་བུ་ཁ་ཤས་ཀྱི་གློ་སྙིང་བྲང་གསུམ་སྤུ་རག་གི་བཟི་རུ་འཇུག་མ་ཐུབ་ཀྱང་། བུད་མེད་འདི་དག་གི་ཆགས་སྲེད་ཀྱི་ཉམས་འགྱུར་གྱིས་རྐ་རྐང་ལག་ཚང་མ་བཟི་རུ་འཇུག་པ་ནི་ཐེ་ཚོམ་ཞིག་མི་འདུག

འདི་འདྲའི་མི་ཚོགས་ཤིག་དང་འདི་འདྲའི་སྤུ་རག་འཐུང་མཁན་ཞིག་མང་ན་ཡང་། འདི་ན་དོན་རྐྱེན་སློང་མཁན་མི་འདུག་ལ། འཁྲིག་པ་རྒྱག་མཁན་ཡང་མི་འདུག ཕན་ཚུན་ལ་བརྙས་བཅོས་བྱེད་མཁན་ཀྱང་མི་འདུག བར་སྐབས་ཤིག་ལ་ངེད་གཉིས་ཀྱི་འཁྲིས་སུ་ཕོ་གསར་ཅུང་ཙམ་ར་བཟི་བ་ཞིག་སླེབས་ནས་ངེད་་གཉིས་ལ་ཁྱེད་གཉིས་རྒྱ་ནག་ཡིན་ནམ་ཟེར་ནས་དྲི་ཚིག་ལྷན་དུ་རྣམ་འགྱུར་མི་ཡག་ཀྱང་། ངེད་གཉིས་ཀྱིས་ངེད་གཉིས་བོད་པ་ཡིན་ཟེར་ནས་བཤད་དུས། ཁོ་རང་གིས་ཧ་ལས་པའི་ཉམས་དང་བཅས་དེ་ངས་བོད་པ་མཐོང་བ་ཐོག་མ་དང་བོ་ཡིན། ཁྱེད་གཉིས་ལྷན་དུ་འདྲ་དཔར་ཞིག་བརྒྱབ་ན་འགྲིག་གི་རེད་དམ་ཟེར་ནས་ངེད་གཉིས་ཀྱི་འཁྲིས་སུ་བསྡད་ནས་འདྲ་དཔར་ཞིག་བརྒྱབ་རྗེས། ཁོ་རང་གི་ལག་དུ་བཟུང་བའི་སྤུ་རག་གི་འགྱིག་དམ་ཆེན་པོ་དེ་ངའི་ལག་པར་གཏད་དེ་ཧུབ་བཀང་འཐུང་རོགས་ཟེར་ནས་སྐུལ་མ་གནང་དུས། ངའི་གྲོགས་པོས་ཁོ་ལ་ཁོ་རང་ཤ་མེད་ཟ་མཁན་རེད་ཅེས་བཤད་དུས། ཁོས་འདི་ཡང་ཤ་མེད་ཟེར་ནས་ང་ལ་ཨུ་ཚུགས་བརྒྱབ་དུས། ངས་ཁོང་ལ་ཐུགས་རྗེ་ཆེ་ལགས། ངས་གཏན་ནས་མི་ཚེ་གང་བོ་འདིའི་རིགས་འཐུང་གི་ཡོད་པ་མ་རེད་ལགས། དགོངས་དག་ཟེར་ནས་རང་གི་ཆུ་མངར་མོ་ནག་པོ་དེ་དང་ཁོང་གི་སྤུ་རག་གཉིས་ལྷན་དུ་སྤྱར་ནས་བཀྲ་ཤིས་ཁ་གཡང་ཞིག་བོས་པ་ཡིན།

ཐོག་མར་ནང་དུ་འཛུལ་དུས་སུ། ལག་ཁྱེར་སྟོན་དགོས་ཀྱི་འདུག་ལ། ལག་ཁྱེར་སྟེང་དུ་ལོ་ན་བཅོ་བརྒྱད་སོན་མེད་པ་ཡིན་ན་ནང་དུ་གཏོང་གི་མི་འདུག ནང་ནས་ཀྱང་སྤུ་རག་ཉོ་སར་འགྲོ་དུས་ལག་ཁྱེར་སྟོན་དགོས་ཀྱི་འདུག དེ་དག་ནི་ཁོང་ཚོས་བདེ་འཇག་དང་ལོ་བཅོ་བརྒྱད་ལ་མ་ལོན་མཁན་གྱི་བུ་དང་བུ་མོ་སུ་ལ་ཡང་སྤུ་རག་བཙོང་ཆོག་གི་མེད་པར་སྟོན་གྱི་འདུག

གྲོགས་པོས་ང་ལ་ཕྱིར་ཉིད་སྐྱེད་ཚལ་རྭ་བ་འདི་རུ་སྤོབ་མ་ལེ་མི་རིགས་ནག་པོའི་ཁྲོད་ཀྱི་སྐད་གྲགས་ཅན་གྱི་གླུ་བ་གྲགས་ཅན་དེའི་གཞས་ཀྱི་སྤྲོ་ཚོགས་ཤིག་འདི་ནས་ཚོགས་རྒྱུ་རེད་འདུག་ན་ཁྱེད་རང་ཡོང་གི་ཡིན་ནམ་ཟེར་ངས་སང་ཉིན་ང་རང་ཁོམ་པ་ཡོད་མེད་ལྟ་ཆོག ཡོད་ན་ཡོང་གི་ཡིན་ཅེས་བཤད་དེ་དགོང་མོར་དེར་ངེད་གཉིས་ཁ་ཁར་དེ་རང་རང་གི་བསྡོད་གནས་སུ་སོང་བ་ཡིན།

ཕྱིར་ཉིན་ང་རང་གཞས་ཀྱི་སྤྲོ་ཚོགས་དེར་མ་སོང་བ་ཡིན། ཕྱི་དྲོ་ང་རང་ཁོང་གི་ནང་དུ་སོང་དུས། ཁོས་ང་རང་ལ་འདང་ནུབ་འུ་གཉིས་ཀྱི་མ་མཐོང་བ་རེད་མ་གཏོགས། སྤུ་རག་གི་དུས་སྟོན་སྟེང་དུ་ཨོ་སུ་ཀྲི་ལའི་ཡ་ནས་ཡིན་པའི་ཕོ་གསར་ཞིག་གིས་བོད་ཀྱི་རྒྱལ་དར་ཞིག་འཕྱར་ནས་བོད་ཀྱི་སྟོད་ཐུང་འདི་ཚོ་བཙོང་བ་ཡིན་ཟེར་བ་དང་དེ་རིང་ཡང་ཁོས་སྐྱེད་ཚལ་དེ་རུ་བོད་ཀྱི་རྒྱལ་དར་འཕྱར་ནས་སྟོད་ཐུང་འདི་ཚོ་བཙོང་བཞིན་འདུག་ལ་ང་རང་བོད་པ་ཡིན་པ་ཤེས་ནས་ཁོ་རང་གིས་ང་རང་ལ་ཕྱེད་ཅག་གནང་དེ་བཙོང་སོང་། ངས་ཀྱང་འུ་ཅག་བོད་པ་ཚང་གི་ཚབ་བྱས་དེ་ཁོ་རང་ལ་བོད་པ་ཚང་མས་ཚབ་བྱས་དེ་བོད་དོན་ལ་ལས་ཀ་འདི་འདྲ་ཞིག་བྱས་པ་དེར་སྙིང་དབུས་ནས་ཐུགས་རྗེ་ཆེ་ཞུས་པ་ཡིན་ཟེར། ངས་དེ་ནི་དངོས་ནས་ཁྱེད་རང་གི་ཡག་པོ་བྱས་འདུག ལྟོས་དང་བོད་པ་ང་ཚོས་རང་གི་དོན་དུ་གང་ཡང་བྱེད་ཐུབ་ཀྱི་ཡོད་པ་མ་རེད། བོད་པ་མ་ཡིན་པས་མི་རིགས་ལྷག་བསམ་ཅན་རེ་ཟུང་གིས་རང་གི་འཚོ་བའི་དཀའ་ངལ་སོགས་ལ་མ་འཛེམས་པར་དྲང་བདེན་ལ་རྒྱབ་སྐྱོར་བྱེད་ཀྱི་ཡོད་པ་རེད། ད་དངོས་ནས་འུ་ཚོ་བོད་ལ་སྐྱེ་བ་འདི་ལ་ངོ་ཚ་བོ་ཞིག་མ་རེད་དམ་ཟེར་ནས་བཤད་པ་ཡིན། དེ་དུས་ཁོས་ཀྱང་རེད། དངོས་ནས་་་་