བཀའ་བློན་ཁྲི་པ་ཞེས་པའི་ཚགས་པར་ཞིག་འདོན་རྒྱུའི་གསལ་བརྡ།

༢༽ དམིགས་ཡུལ། <<བཀའ་བློན་ཁྲི་པ་>>ཞེས་པའི་ཚགས་པར་འདི་འདོན་དགོས་དོན་ནི། བཙན་བྱོལ་བོད་མིས་རང་དབང་དང་མང་གཙོའི་སྒོ་ནས་སྐབས་གསུམ་པའི་བཀའ་བློན་ཁྲི་པ་གསར་དུ་འོས་འདེམས་བྱེད་རན་ལ་ཉེ་བའི་སྐབས་འདིར། བཀའ་ཁྲིའི་སྐོར་ལ་འགན་ལེན་དང་དོ་སྣང་བྱེད་སའི་ཕྱོགས་བསྡུས་རང་བཞིན་ཅན་གྱི་བརྒྱུད་ལམ་ཁག་ཧ་ཅང་ཉུང་བས། འདི་ག་ནས་ཤེས་ཡོན་ཅན་དང་མི་མང་བྱིངས་ཀྱི་ནང་ཕན་ཚུན་དགོངས་ཚུལ་བརྗེ་རེས་བྱེད་སའི་གླེང་སྟེགས་ཤིག་ཏུ་འགྱུར་རེའི་འཕེན་པ་རྣམ་དག་དང༌། མཁྱེན་ལྡན་ལམ་སྟོན་པ་དང་ཤེས་ཡོན་ཅན་རྣམས་ཀྱི་དགོངས་ཚུལ་དང༌། མི་མང་ཡོངས་ཀྱི་རེ་འདུན་དཀྱུས་གཅིག་ཏུ་གསལ་བའི་འབྲེལ་ཟམ་ཞིག་ཏུ་འགྱུར་རྒྱུ། ད་དུང་བཙན་བྱོལ་བོད་མིའི་མང་གཙོའི་ནུས་སྟོབས་གོང་འཕེལ་དང་མི་མང་གི་གོ་རྟོགས་དང་འགན་ལེན་གྱི་ནུས་ཤུགས་རྒྱ་ཆེ་རུ་དང་གཏིང་ཇེ་ཟབ་ཏུ་འགྲོ་ཐབས་སུ་དམིགས་པ་ཞིག་ཡིན།   
༣༽ ནང་དོན་མཚམས་སྦྱོར། ཚགས་པར་འདིའི་ནང་དོན་ནི། ༡ བཀའ་བློན་ཁྲི་པའི་སྐོར་གྱི་ལམ་སྟོན་བཀའ་སློབ་དང་རྒྱུན་ཤེས་ཀྱི་སྐོར་གང་ཡོད་མུ་འགོད་བྱ་རྒྱུ། ༢ མཁྱེན་ཡོན་ལྡན་པ་གང་མང་ཞིག་ལ་ ༢༠༡༡ ལོའི་བཀའ་ཁྲིའི་སྐོར་ལ་བཀའ་འདྲི་ཞུ་རྒྱུ། ༣ བཀའ་བློན་ཁྲི་པའི་སྐོར་གྱི་ཆེད་རྩོམ་དང་བསམ་ཚུལ་འགོད་རྒྱུ། ༤ ཚོགས་སྡེ་ཁག་དང་སྒེར་པ་ཚང་མར་བཀའ་ཁྲིའི་འོས་ཆོས་དམིགས་བསལ་གྱིས་གསལ་འདོན་བྱ་སའི་ས་མིག་ཡོད་པ། ༥ བཀའ་ཁྲི་གསར་པའི་ཁྱད་ཡོན་གང་འདྲ་ཞིག་ཚང་དགོས་པ། ཁོང་གིས་མ་འོངས་པའི་འཆར་གཞི་སློང་ཐབས་དང་ལས་འགན་ཇི་ལྟར་འཁྱེར་དགོས་མིན་སོགས་ཀྱིས་མཚོན་པའི་བརྗོད་གཞི་སྣ་ཚོགས་ཤིག་ཡོངས་ཁྱབ་སྤེལ་རྒྱུ། ༦ རྩོམ་སྒྲིག་པའི་གཏམ་དང་གླ་ཡོད་གསལ་བསྒྲགས་བྱ་ས་ཡོད་པ་བཅས་ཡིན།
༤༽ འགྲེམས་སྤེལ་དུས་ཚོད། ༢༠༡༠ ལོ་ཚེས་པ་དང་མཉམ་དུ་འགྲེམས་སྤེལ་བྱེད་རྒྱུ་ཡིན་ལ། ཟླ་བ་རེར་ཐེངས་གཅིག་རེ་འདོན་རྒྱུའི་འཆར་གཞི་ཡོད་མོད། འོན་ཀྱང་ང་ཚོའི་འཆར་འགོད་དུས་ཐོག་ཏུ་མངོན་འགྱུར་ཡོང་མིན་ནི་གཙོ་བོ་མཁྱེན་ལྡན་རྩོམ་པ་པོ་རྣམས་ཀྱིས་གཞོགས་འདེགས་དང༌། བཀུར་འོས་མི་མང་བྱིངས་ཀྱིས་དོ་སྣང་ཆེན་པོ་བྱེད་མིན་ལ་རག་ལས་པ་ཞིག་ཡིན་ཞིང༌། བཀའ་བློན་ཁྲི་པ་གསར་དུ་འདེམས་ཐོན་བྱུང་མ་ཐག་ནས་ང་ཚོས་ཚགས་པར་འདི་འདོན་མཚམས་འཇོག་རྒྱུ་ཡིན་པས། དེ་དོན་དགོངས་ཆུབ་ཡོང་བར་ཞུ་རྒྱུ།
༥༽ འགྲེམས་སྤེལ་བྱེད་ཕྱོགས། སྐྱབས་བཅོལ་བོད་མི་འཚོ་སྡོད་བྱེད་སའི་རྒྱལ་ཁབ་བཅུ་བཞི་དང༌། ལྷག་པར་རྒྱ་གར་ས་གནས་ཁག་ཉི་ཤུའི་ནང་དུ་འགྲེམས་སྤེལ་བའི་ཞབས་ཕྱི་ཞུ་མཁན་གྲ་སྒྲིག་བྱས་ཡོད་ལ། དེ་བཞིན་བོད་ནང་གཙོ་བོར་དམིགས་ཏེ་ཧི་གཟུགས་ཟིན་བྲིས་ནང་དུའང་འགོད་རྒྱུ་བཅས་ཡིན།
༦༽ ཐུགས་སྣང་བཞེས་ཕྱོགས། བཀའ་ཁྲིའི་སྐོར་ལ་མཁྱེན་ལྡན་པ་སུ་ཞིག་ལ་དགོངས་ཚུལ་དང་བཅར་འདྲི་ཞུ་དུས་སྐབས་ཐོག་དང་ལེན་ཡོང་བ་དང༌། ཤེས་ལྡན་རྩོམ་པ་པོ་རྣམས་ཀྱིས་མ་སྐུལ་རང་རྟོགས་ཀྱིས་བཀའ་ཁྲིའི་སྐོར་ལ་གནད་འཁེལ་འགན་ལེན་ལྡན་པའི་ཆེད་རྩོམ་སྣ་མང་ཞིག་སྤེལ་གནང་ཡོང་རྒྱུ། དེ་མཚུངས་ང་ཚོས་དམིགས་བཀར་གྱིས་བཀའ་ཁྲིའི་སྐོར་གྱི་རྩོམ་པ་པོ་སུ་ཞིག་ལ་ཆེད་རྩོམ་འབྲི་སྐུལ་བྱེད་སྐབས་དུས་ཐོག་རྒྱབ་སྐྱོར་གནང་རྒྱུ་དང༌། དེ་བཞིན་བོད་མི་སྤྱི་ཡོངས་ཀྱིས་བཀའ་ཁྲི་གསར་པའི་འོས་འདེམས་སྐོར་ལ་དོ་སྣང་དང་འགན་ལེན་ཕན་ནུས་ཐོན་པ་ཞིག་ངེས་པར་དུ་བྱ་རྒྱུ། གཞན་ཡང་ང་ཚོས་རྩོམ་སྒྲིག་བྱེད་སྟངས་ཀྱིས་མཚོན་པའི་ནོར་སྐྱོན་ནམ་ཤོར་ལ་ཐད་ཀར་ཡོ་བསྲང་ལམ་སྟོན་གནང་རྒྱུ་དང༌། ཐེངས་འདིའི་ལས་གཞིའི་མཐུན་རྐྱེན་ཕྱོགས་ལ་ལྷག་བསམ་ཡངས་པ་སུ་ཞིག་གིས་རྒྱབ་སྐྱོར་གནང་ན་ཚགས་པར་ནང་གི་ཐུགས་རྗེ་ཆེ་ཞུ་བའི་ལེ་ཚན་དུ་འགོད་རྒྱུ་ཡིན་པ་བཅས་སོ།།
༧༽ གོ་སྒྲིག་དང་རྩོམ་སྒྲིག་པ། ༢༠༠༨ ལོའི་<<སྒྲོན་མེ་>>ཞེས་པའི་ཆེད་དེབ་དཔེ་ཚོགས་ཀྱི་རྩོམ་སྒྲིག་པ། ༢༠༠༩ ལོར་<<སྒྲོན་མེ་ཆེད་རྩོམ་འགྲན་བསྡུར་>>ཞེས་པའི་གོ་སྒྲིག་དང་འགྲན་རྩོམ་ཕྱོགས་བསྒྲིགས་<<ཤེས་རྟོགས་དང་ལག་ལེན་>>ཞེས་པའི་ཆེད་དེབ་ཀྱི་སྤྱི་ཁྱབ་རྩོམ་སྒྲིག་པ་དཔལ་ཤེར་བློ་བསྟན། ལག་བསྟར་རྩོམ་སྒྲིག་པ་རྨེའུ་དཀོན་རྒྱམ་དང་འབྲོག་པ་གསུམ་ཡིན།
༨༽ འབྲེལ་གཏུགས་བྱེད་ཡུལ། བཀུར་འོས་རྩོམ་པ་པོ་དང་དོ་སྣང་ཅན་རྣམས་ཀྱིས་བཀའ་ཁྲིའི་སྐོར་གྱི་རྩོམ་ཡིག་དང་བཅར་འདྲི། དྲི་བ་དང་འོས་མིའི་ཁྱད་ཆོས་སོགས་འདི་གར་གློག་ཀླད་ནང་དུ་བཅུགས་ནས་གཤམ་གསལ་མྱུར་འཕྲིན་ཁ་བྱང་གང་རུང་ཐོག་ཏུ་བསྐུར་ཐུབ་ན། ང་ཚོའི་ལས་དོན་ལ་ཕན་ནུས་ཆེན་པོ་ཡོད་པས། དེ་ལྟར་ཡོང་བའི་རེ་སྐུལ་ཡང་ནན་གྱིས་ཞུ།
རྨེའུ་དཀོན་རྒྱམ།     0091-9816356766  འབྲོག་པ། 0091-9816612889
མྱུར་འཕྲིན་ཁ་བྱང༌།  lamp_editor@yahoo.com/jam2005yang@yahoo.com  
འབྲེལ་གཏུགས་བྱ་ཡུལ་གྱི་ཁ་བྱང༌། Jam yang kunchok  House NO. 120 D.K. Road Dharamsha INDIA