འཛམ་གླིང་གང་ས་ནས་རྒྱ་དམར་གྱི་དུས་ཆེན་ལ་ངོ་རྒོལ།
རྒྱ་ནག་གི་སྐུ་ཚབ་ལས་ཁུངས་མདུན་དུ་ངོ་རྒོལ་བ་དང་། ཉེན་རྟོག་པའི་བར་འཛིང་རེས་ཀྱང་ཕྲན་བུ་ཤོར་ཡོད་པ་རེད། གཞན་ཡང་ཧྥ་ལུང་ཀུང་ཆོས་འཁོར་སྒོམ་སྒྲུབ་པ་རྣམས་ཀྱིས་ངག་བཅད་ངོ་རྒོལ་གྱིས་ལག་ཏུ་འཕྲེད་དར་འཁྱེར་ནས། དེའི་ཐོག་ཏུ་རྒྱ་ནག་དམར་ཤོག་གཞུང་ཁུ་བསྡུ་བྱེད་དགོས་པ་དང་། དམར་པོའི་འཇིགས་སྐུལ་ལས་ཐར་བ་བྱེད་དགོས་སྐོར་བཀོད་ཡོད་འདུག དེ་བཞིན་ཨ་རི་དང་། དབྱིན་ཇི། བལ་ཡུལ། རྒྱ་གར། སུད་སི་སོགས་བོད་པ་དང་བོད་དོན་རྒྱབ་སྐྱོར་བ་གནས་སྡོད་ཀྱི་ས་ཆ་གང་ས་ནས་རྒྱ་ནག་དམར་པོའི་གཞུང་བཙུགས་ནས། ལོ་ངོ་དྲུག་ཅུ་འཁོར་བའི་དུས་ཆེན་ཟེར་བ་དེ་ལ་ངོས་ལེན་མེད་པ་དང་། མི་འདོད་པའི་ངོ་རྒོལ་ཤུགས་ཆེན་བྱས་ཡོད་པ་རེད།།
