གཞུང་ཞབས་འདེམས་ལྷན་དང་འོས་བསྡུའི་འགན་འཛིན་གསར་པ།
ཟླ་འདིའི་ཚེས་༥ ཉིན་བཙན་བྱོལ་བོད་གཞུང་བཀའ་ཤག་གི་ཡང་སྟེང་ཚོགས་ཁང་དུ་བདེ་སྲུང་འཛིན་སྐྱོང་དྲུང་ཆེ་འཇམ་དཔལ་ཆོས་བཟང་ལགས། བཙན་བྱོལ་བོད་མིའི་བཅའ་ཁྲིམས་དོན་ཚན་༡༠༡ དང་༩༧ དགོངས་དོན་གཞིར་བཟུང་དམིགས་འཛུགས་ཚོགས་ཆུང་གིས་འཆར་འབུལ་ཕྱག་རྟགས་དགོངས་དོན་ལྟར་གཞུང་ཞབས་འདེམས་བསྐོ་ལྷན་ཁང་གི་འགན་འཛིན་དང། འོས་བསྡུའི་སྤྱི་ཁྱབ་འགན་འཛིན་གཅིག་ལྕོགས་སུ་བསྐོ་གཞག་བསྩལ་བའི་མཛད་སྒོ་ཞིག་འཚོགས་ཡོད་པ་དང། ལྷན་ཁང་ཁག་གི་དྲུང་ཆེ་སོགས་ཀྱིས་བཀྲ་ཤིས་རྟེན་འབྲེལ་མཚོན་བྱེད་དུ་ཁ་བཏགས་བསྒྲོན་པ་སོགས་གནང་ཡོད་པ་རེད།།
