བོད་མི་གཉིས་ལ་ཁྲིམས་ཆད།
འདི་ལོར་བོད་ནང་ནས་རྒྱ་ནག་གཞུང་གིས་བོད་མི་ཞི་རྒོལ་བ་འཇུ་བཟུང་བཙོན་འཇུག་གང་མང་བྱས་པའི་ཁྲོད་ནས་ཨ་མདོ་ར་རྒྱ་དགོན་པའི་ཆུ་བ་སྡེ་བ་ནས་ཡིན་པ་གྲྭ་བློ་དར་དང། མན་ངག་རྡོ་རྗེ་གཉིས་ཀྱང་འཇུ་བཟུང་བྱས་ཡོད་པ་རེད། ཟླ་འདིའི་ཚེས་༨ ཉིན་རྒྱ་ནག་གཞུང་གི་རྨ་ཆེན་རྫོང་ཁྲིམས་ཁང་ནས་བློ་དར་ལ་ལོ་གཅིག་གི་ཁྲིམས་ཐག་དང། མན་ངག་རྡོ་རྗེ་ལ་ལོ་གསུམ་གྱི་ཁྲིམས་ཐག་བཅད་ཡོད་འདུག ཁྲིམས་ལུགས་ཀྱི་འགྲོ་སྟངས་ལྟར་ཁྲིམས་རྩོད་པས་ཞིབ་བཤེར་བྱེད་པ་སོགས་ཀྱི་ཐོབ་ཐང་སྤྲད་མེད་པ་རེད།།
