ཀུན་དགའ་ཚངས་དབྱངས་ལ་ལོ་ལྔའི་ཁྲིམས་ཆད།
ཁོང་གིས་བྲིས་པའི་རྩོམ་ཡིག་《ང་ཚོའི་སྲིད་གཞུང་གང་དུ་ཡོད།》ཅེས་པ་དང། 《ལྷ་ས་སྔར་བཞིན་ལྷ་ས་མ་ཡིན།》 《ང་ཚོའི་ལྷིང་འཇགས་དཀྲོགས་མཁན་དེ་སུ་རེད།》 ཅེས་པ་སོགས་ལ་ནག་ཉེས་བཀལ་ནས། འདྲི་གཅོད་ནན་པོ་བྱས་ཡོད་འདུག ཁྲིམས་རྩོད་པས་《ལྷ་ས་སྔར་བཞིན་ལྷ་ས་མ་ཡིན།》ཞེས་པའི་དོན་ག་རེ་ཡིན་མིན་སྐོར་དྲིས་སྐབས། ཀུན་དགའ་ཚངས་དབྱངས་ཀྱིས། ཁྱོད་ཚོས་མེ་འཁོར་ལྕགས་ལམ་དང་ཁང་པ་སོགས་འཛུགས་བསྐྲུན་བྱས་པ་བདེན་པ་ཡིན་ཡང། དོན་དངོས་ཐོག་ལྷ་ས་ནི་བོད་མི་རྣམས་ཀྱི་སྙིང་གི་ནོར་བུ་ལྟ་བུ་ཡིན་པས། དེང་སྐབས་ལྷ་སར་མཚོན་ན་ཆོས་སྲིད་གཉིས་ཀྱི་ཐོག་ནས་ཉམས་གུད་ཆེན་པོ་བཏང་བར་བརྗོད་ཀྱི་ཡོད་ཅེས་ལན་བཏབ་ཡོད་འདུག 《ང་ཚོའི་སྲིད་གཞུང་གང་དུ་ཡོད།》 ཅེས་པའི་སྐོར་དྲིས་པར། ཁོང་གིས། ཀྲུང་དབྱང་གིས་རྩ་འཛིན་ཡིག་ཆ་གང་མང་ཞིག་གཏན་འབེབ་བྱས་ཡོད་ཀྱང། རང་སྐྱོང་ས་ཁུལ་ལ་མཚོན་ན་ཡིག་ཆ་དེ་དག་ལག་ལེན་རྩ་བ་ནས་བསྟར་གྱི་མི་འདུག་ཅེས་བརྗོད་སྐབས་ཁོང་གི་སྐད་ཆའི་འཕྲོ་བཅད་ཡོད་འདུག
ཁོང་དེང་སྐབས་ལན་ཀྲུའུ་གྲོང་ཁྱེར་དུ་འཛིན་བཟུང་བཀག་ཉར་བྱས་ཡོད་པ་ཙམ་བཙོན་ཁང་ངེས་གཏན་མེད་པའི་གནས་ཚུལ་སྤེལ་འདུག
