མི་ཡི་རིག་སར་ལྷ་ཡི་ཚུལ་སྟོན་པ།།
མ་རིག་མ་མཐོང་ས་ནས་གཞན་སྲོག་བསྡུ།།
བྱེད་སྟངས་འདི་ཡི་འཐག་པའི་ལུས་པོ་འདི།།
སྲུང་ནས་མི་ཚེ་བསྐྱེལ་བ་ཐང་རེ་ཆད།།
ཐུག་དུས་ཉེ་རིང་མེད་པའི་གཏམ་ཞིག་གསུང་།།
གྱེས་དུས་རང་དོན་ཁོ་ན་གཉེར་གཉེར་བས།།
འདི་བྲལ་བར་གྱི་གོ་ལྡོག་བྱེད་ལུགས་འདིས།།
མི་གཤིས་བཟང་བོ་གཏོར་མ་བཞིན་དུ་དོར།།
དྲན་ཚུལ་བཤད་ན་ཉིན་མཚན་མི་ཆོད་ལ།།
ལས་ཚུལ་མཐོང་དུས་མི་སེམས་གསོད་བྱེད་པས།།
སྒྱུ་མའི་གཡོ་འཁྲབ་གྱོན་པའི་འཚོ་ལུགས་འདིས།།
བརྩེ་བའི་དུངས་མ་ཆུ་ཁའི་ཝུ་བར་བཏང་།།
ཐག་རིང་རྒྱང་ན་དྲན་པའི་ཡུལ་ཞིག་ཡོད།།
ཐག་ཉེ་གམ་ན་འཚོ་བའི་འདུར་རྒྱུགས་རྒོད།།
མི་ཡི་སེམས་ལ་འགས་གཏོར་ཆེན་པོ་འདིས།།
ཚོར་བའི་རྨང་གཞི་གཙང་མ་དུག་གི་ཟོས།།
དྲན་ཚུལ་ཁ་ནས་གླེང་བར་རང་དབང་ཟེར།།
འཇོན་ཚུལ་ལག་ལེན་མེད་པ་སྒྱིད་ལུག་གིས།།
མཐོ་དམན་ཀུན་ལ་སྡང་བའི་སྤྱོད་པ་འདིས།།
བདེ་མོའི་ལམ་ཕྲན་སྟེང་ལ་ཐོག་ཞིག་བརྒྱབས།།
