དཀར་མཛེས་ཡུལ་དགོན་གཉིས་ཀྱིས་ཡུལ་ཤུལ་ལ་རོགས་རམ།

ད་དུང་ཚོང་པ་ཁག་གཅིག་ནས་བསྡུ་རྒྱུ་ལུས་བསྡད་ཡོད་པས་དེ་དག་ཀྱང་མུ་མཐུད་ནས་བསྡུ་རུབ་ཀྱིས་འབུལ་ལམ་ཞུ་རྒྱུ་ཡིན་ལུགས་བཤད་བྱུང༌། དཀར་མཛེས་གྲོང་བརྡལ་གྱི་བོད་རིགས་མི་མང་ཤང་གཉིས་ནས། གྲོ་ནས་སྲན་གསུམ་དང་རྩམ་པ་སོགས་ཟས་རིགས་རྒྱ་མ་ ༡༤༠༠༠༠ ལྷག་དང༌། གོན་ཆས་སོགས་ཤར་རླུང་རྟགས་ཅན་གྱི་མོ་ཊ་གསུམ་བཏང་ཟིན་པ་དང༌། ད་དུང་མུ་མཐུད་ནས་བསྡུ་བཞིན་པར་མང་ཚོགས་ཀྱིས་འཚང་ཁའི་ངང་ཞལ་འདེབས་འབུལ་བཞིན་ཡོད་པའི་གནས་ཚུལ་ཐོན་འདུག
དཀར་མཛེས་ཡུལ་དགོན་གཉིས་ནི་ཏྲེ་ཧོར་ཁུལ་གྱི་རྫོང་ཁག་ལྔ་ཡོད་པའི་ནང་ནས་དཀར་མཛེས་རྫོང་གི་ཁོངས་ནས་ཤང་ཁག་༢༤ ཡོད་པའི་ནང་ནས་ཤང་ཁག་བཅུའི་ཁོངས་ཡིན། དེ་བཞིན་བོད་རིགས་གནས་བསྡད་ས་གནས་གང་ས་ནས་མི་རྒྱུ་ཟོག་གསུམ་གྱིས་རོགས་རམ་རྒྱ་ཆེར་གནང་དང་གནང་བཞིན་པ་རེད་འདུག།དེ་དག་ལས་རྒྱ་གཞུང་གི་གོ་སྒྲིག་འོག་ཡོད་པ་རྣམས་གསར་འགྱུར་དང་རླུང་འཕྲིན་བརྙན་འཕྲིན་ཁག་བཅས་ལ་སྟོན་བཞིན་ཡོད་པ་ལས་དགོན་པ་ཁག་དང་མི་མང་དྭངས་བླངས་ཀྱིས་རོགས་སྐྱོབ་གནང་མཁན་རྣམས་གསར་འགྱུར་དང་རླུང་འཕྲིན་བརྙན་འཕྲིན་བཅས་སུ་དེ་ཙམ་ཐོན་གྱི་མེད་པ་མ་ཟད། རྐྱེན་ངན་འཕྲད་པའི་ཕུང་པོ་བཏོན་པ་དང་རྨས་མ་སྐྱོབ་པའི་རིགས་ལ་ཁ་ཞེ་གཉིས་མེད་ཀྱིས་གདོང་མཆོང་བྱེད་མཁན་མང་ཆེ་བ་ནི་གྲྭ་པ་དང་མི་མང་ཚོ་ཡིན་ནའང༌། ཉེན་ཁ་ལས་བཏོན་ཚར་བ་དང་འདོན་མཁན་ཚོར་ཟུར་དུ་ཕུད་ནས། རྒྱ་རིགས་དམག་མི་ཚོ་དཀྱིལ་ལ་འཚང་ནས་འདྲ་པར་དང་བརྙན་འཕྲིན་བླངས་ནས་གང་སར་ཁྱབ་བསྒྲགས་བྱེད་བཞིན་ཡོད་འདུག

{jcomments on}