རྒྱ་གཞུང་གིས་གསེར་རྟ་བླ་རུང་དགོན་གྱི་རོགས་རམ་བཙན་བཀག

ཁོང་ཚོ་དངོས་སུ་ཕེབས་ནས་མི་མང་ལ་དངུལ་དང་ཅ་དངོས་བསྐྱེལ་བ་མ་ཟད། ཡུལ་གང་སའི་མི་དམངས་རྣམས་ལ་དངུལ་དང་ཅ་དངོས་ཞིབ་ཕྲའི་སྒོ་ནས་བསྒོ་འགྲེམས་བྱས་སོང། འོན་ཀྱང་བསམ་ཡུལ་ལས་འདས་པ་ཞིག་ནི་དྲང་བདེན་གྱི་ཕྱག་གཉིས་བརྐྱངས་ནས་རོགས་སྐྱོར་ཆེད་དུ་ཕེབས་པའི་གསེར་རྟ་དགོན་གྱི་རབ་བྱུང་རྣམས་ལ་རྒྱ་ནག་གཞུང་གིས་ཧ་ཅང་དོ་ནན་གྱིས་ཚོད་བཀག་བྱས་སོང། བྱ་བྱེད་དེ་དག་ཡོངས་ནི་རྒྱ་ནག་དབུས་གཞུང་རིམ་པའི་གཙོ་དཔོན་ཀྲོའོ་ཡོང་ཁང་གིས་བཀའ་རྒྱ་བཏང་ནས་ལག་བསྟར་བྱས་ཡོད་ཚུལ་འདུག

ཉིན་འགའི་རིང་གསེར་རྟ་དགོན་པའི་འབྲེལ་ཡོད་དབུས་ལས་ཡོངས་རྫོགས་སྲིད་གཞུང་གི་འབོད་འགུག་བྱས་ཏེ། ཁོང་ཚོའི་རོགས་སྐྱོར་གྱི་བྱ་སྤྱོད་དེ་དག་ཁྲིམས་འགལ་ཡིན་ཚུལ་བརྗོད་པ་དང། རོགས་སྐྱོར་ནང་ཞུགས་པའི་བྱ་བ་དེ་དག་ནི་དྲིལ་བསྒྲགས་ཀྱི་ཆེད་དུ་ཡིན་པ་ལས་བྱམས་སེམས་དང་སྙིང་རྗེའི་རྩ་བའི་རྨང་གཞི་མིན་ལུགས་བཤད་པ་མ་ཚད། ད་དུང་རབ་བྱུང་ཚོས་རང་ངོས་ནས་ཤི་བོའི་གྲངས་ཀ་ཞིབ་བཤེར་བྱས་པ་སོགས་ནི་སྲིད་གཞུང་ལ་ཁ་གཏད་གཅོག་པའི་བྱ་བ་རེད་ཟེར་ནས་གསེར་རྟ་བླ་རུང་ནང་བསྟན་སློབ་གླིང་གི་རབ་བྱུང་ཚོ་རོགས་སྐྱོར་གྱི་བྱ་བར་ཞུགས་མི་ཆོག་པའི་བཀག་རྒྱ་བཀྲམས་ཡོད་ཅེས་གསལ་འདུག

ད་དུང་རྩོམ་དེའི་ནང་གསལ་བ་ལྟར་ན། འདི་ནི་ས་ཡོམ་བྱུང་ནས་ད་བར་བོད་མིར་མ་ཉེས་ཁ་གཡོག་བྱས་པའི་དོན་རྐྱེན་ཐོག་མ་དེ་ཡིན་ཞིང། འདིའང་རྒྱ་གཞུང་གིས་སྤེལ་བའི་མཐའ་མའི་བྱ་ངན་ཞིག་ཡིན་མི་སྲིད། རྒྱ་ནག་གཞུང་ངོས་ནས་ཉམ་ཆུང་མི་མང་རྣམས་ལ་ས་ཡོམ་གོད་ཆག་ཐད་སྲིད་གཞུང་ཁོ་ནར་མི་རེ་ཐབས་མེད་ཀྱི་ཚོར་ཤུགས་སྤྲད་ཅིང་། དོན་དངོས་ཐོག་དེའང་ད་ཐེངས་རྒྱ་གཞུང་གིས་ཡུལ་ཤུལ་ས་ཡོམ་གོད་ཆག་ཕོག་པའི་མི་མང་ལ་རོགས་སྐྱོར་བྱེད་དགོས་པའི་དམིགས་ཡུལ་གཙོ་བོ་ཡིན་པར་བརྟེན། རྒྱ་གཞུང་གིས་དགོན་པའི་ཕྱོགས་ཀྱི་རོགས་སྐྱོར་གྱི་བྱ་བར་དགའ་པོ་མེད་ལ། དེར་བཙན་ཚུགས་ཀྱིས་བཀག་བསྡོམ་བྱས་ཤིང། རོགས་སྐྱོར་ཚོགས་པ་མང་པོ་ས་ཁུལ་དུ་སྐྱོད་མི་ཆོག་པ་བཟོས་པ་མ་ཟད། ད་དུང་ཐོག་མཐའ་བར་གསུམ་དུ་སྟབས་བདེའི་ཐུག་པ་དང་འཐུང་ཆུ་སྤྲད་པ་ཙམ་གྱིས་དོན་དངོས་ལ་ཕན་འབྲས་མེད་སྐོར་བསྒྲགས་ཏེ་འགག་རྩར་ཐུག་དུས་རྒྱ་ནག་གཞུང་ལ་བརྟེན་དགོས་ཚུལ་བཤད་པ་རེད། རྒྱ་གཞུང་གིས་དེ་འདྲའི་རྩ་བའི་ཀུན་སློང་དང་དམིགས་ཡུལ་ཁྱེར་ནས་རྒྱ་གཞུང་རང་ཉིད་ལས་གཞན་རོགས་སྐྱོར་དཔུང་ཚོགས་གང་རུང་གི་རོགས་རམ་ལ་ངོས་ལེན་དང་མུས་མཐུན་བྱེད་ཀྱི་མེད་པ་རེད་ཅེས་གསལ་འདུག །

{jcomments on}