༧གོང་ས་མཆོག་ཉི་ཧོང་དུ་ཆིབས་བསྒྱུར།

ནོར་ཝེ་བོད་ཀྱི་རླུང་འཕྲིན་ཁང་ནས་གནས་ཚུལ་སྤེལ་བ་ལྟར་ན། ཉིན་དེར་གསར་འགོད་གསལ་བསྒྲགས་ཤིག་སྤེལ་བའི་ཐོག གསར་འགོད་པའི་དྲི་བའི་ལན་དུ། ༧གོང་ས་མཆོག་གིས། བོད་དོན་ལ་རྒྱབ་སྐྱོར་བྱས་པ་དང། བོད་ལ་རྒྱབ་སྐྱོར་བྱས་པ་ཞིག་མ་རེད། དྲང་བདེན་ལ་རྒྱབ་སྐྱོར་བྱས་པ་ཞིག་རེད་ཅེས་དང། གསར་འགོད་པས་རྒྱ་ནག་གི་གཞོན་སྐྱེས་ཚོར་བརྡ་ལན་ཇི་ཡོད་ཞུས་པར། ༧གོང་ས་མཆོག་གིས། རྒྱ་ནག་གི་གཞོན་སྐྱེས་ཚོས་དེང་དུས་ཀྱི་སྤྱི་ཚོགས་དང་མཐུན་པའི་ཐོག་ནས་གོམ་པ་མདུན་སྤོས་དགོས་པ་དང། རང་ཉིད་ཀྱི་རྒྱལ་ཁབ་ལ་ཞེན་ཁོག་ཡོད་པ་དང། རྒྱ་ནག་གི་སྐད་ཡིག་དང་མི་རིགས་ཀྱི་ངོ་བོ་སྲུང་སྐྱོབ་བྱས་པ་དེར་བསྔགས་བརྗོད། ཡིན་ནའང་རང་ཉིད་ཀྱི་མིག་དང་ཨ་མཆོག་གྲུང་པོ་བྱས་ཏེ། རྒྱ་ནག་གཞུང་གི་ཡིག་ཆ་ལ་མིག་བཙུམས་ནས། དད་པ་དང་ཡིད་ཆེས་གཅིག་པུ་མ་ཡིན་པར་གནད་དོན་གང་ཡིན་ལ་དབྱེ་ཞིབ་བྱེད་རྒྱུ་གལ་ཆེན་པོ་ཡིན་སྐོར་གྱི་བཀའ་སློབ་གནང་འདུག

དེ་བཞིན་ན་གྷ་ལ་གྲོང་ཁྱེར་ནང་གི་མང་ཚོགས་ལ། འགྲོ་བ་མིར་ལྷན་སྐྱེས་སུ་ཡོད་པའི་བཟང་པོའི་ཡོན་ཏན་གོང་འཕེལ་གཏོང་དགོས་པ་དང། ནང་པ་ཡིན་པའི་ཆ་ནས་ཆོས་ལུགས་ཕན་ཚུན་མཐུན་སྒྲིལ་བྱེད་རྒྱུ་གལ་ཆེན་པོ་རེད། བོད་དོན་ལ་རྒྱབ་སྐྱོར་བྱས་པར་ཐུགས་རྗེ་ཞེས་བཀའ་སློབ་སློབ་གནང་ཡོད་པ་རེད།