《ཕ་ཡུལ་སྡེ་དགེ་》 ཞེས་པའི་གཏམ་རྒྱུད་བརྙན་འཕྲིན།
མཛད་སྒོའི་ཐོག་སྡེ་དགེ་རྫོང་གི་འགོ་ཁྲིད་གཙོ་བོ་དང་། པར་ཁང་གི་འགན་འཛིན་ཚེ་དབང་འཇིགས་མེད་ལགས། གེ་སར་སྒྲུང་བ་སྐད་གྲགས་ཅན་ཨ་ཉི་ལགས་སོགས་ཞུགས་ཡོད་འདུག བརྙན་འཕྲིན་གཏམ་བརྗོད་དེའི་ནང་དུ་སྡེ་དགེ་རྫོང་གི་བོད་ཀྱི་རིགས་གནས་དར་སྤེལ་དང་། ཡུལ་སྲོལ་གོམས་གཤིས། རང་བྱུང་མཛེས་ལྗོངས་བཅས་དྲིལ་བསྒྲགས་བྱེད་པ་དམིགས་ཡུལ་བཟུང་ཡོད་པ་རེད།
བརྙན་འཕྲིན་འདི་ཐོག་མར་ཇུས་འགོད་བྱེད་སྐབས། རྡོ་རྗེ་ཕུན་ཚོགས་ལགས་དངོས་སུ་འཁྲབ་གཞུང་གསར་རྩོམ་ལ་ཞུགས་ཏེ། 《ཕ་ཡུལ་སྡེ་དགེ》 ཞེས་པའི་ལེ་ཚན་རེ་རེའི་ནང་མི་རིགས་ཀྱི་རིག་གནས་མཚོན་པར་བྱས་ཡོད་པ་དང། འཁྲབ་སྟོན་པ་གཙོ་བོ་ཁམས་པ་ཡིན་པ་དང་། འཁྲབ་སྟོན་པ་ཕལ་བ་དང་མི་སེར་འཁྲབ་མཁན་རྣམས་སྡེ་དགེའི་མི་ཡིན་ལ། 《ཕ་ཡུལ་སྡེ་དགེ》 ཞེས་པའི་བརྙན་འཕྲིན་འདི་ནི་ཁམས་པ་རང་གིས་འཁྲབ་གཞུང་བྲིས་ཤིང་འཁྲབ་ཁྲིད་དང་འཁྲབ་སྟོན་བྱས་པའི་ཁམས་པའི་གཏམ་རྒྱུད་བརྙན་འཕྲིན་ཐོག་མ་དེ་ཆགས་ཡོད་པ་རེད་འདུག །
བོད་ལྗོངས་ཆ་འཕྲིན་ལྟེ་གནས་དྲ་བ་ལས་བཏུས།
