འབྲི་གུང་བཀའ་བརྒྱུད་གདན་ས་བྱང་ཆུབ་གླིང་དུ་བསྔོ་སྨོན།
སྤྱིར་འཛམ་གླིང་འདིར་ད་ལོ་འབྱུང་བཞིའི་གོད་ཆགས་འོག་མི་གྲངས་ཧ་ཅང་མང་པོ་འཆི་རྐྱེན་བྱུང་ཡོད་པ་དང༌། ཁར་སྔོན་སྤྱི་ཚེས་ ༨ ཉིན་བོད་ཀྱི་ས་གནས་མདོ་སྨད་ཀན་ལྷོ་འབྲུག་ཆུ་རྫོང་དུ་དྲག་ཆར་ཤུགས་ཆེན་བྱུང་སྟེ་རི་ཉིལ་འདམ་ལུད་ཀྱི་དོན་རྐྱེན་འོག་ད་ཕན་མི་གྲངས་ ༡༢༣༠ ལྷག་འདས་གྲོངས་སོང་ཡོད་པ་དང༌། མི་གྲངས་ ༥༠༠ ལས་རྒལ་བ་བོར་བརླག་སོང་ཡོད་པ་དང༌། དེ་བཞིན་མི་གྲངས་ཁྲི་ལས་རྒལ་བ་འདུག་གནས་སོགས་དཀའ་ངལ་ཆེན་པོ་འཕྲད་བཞིན་ཡོད་པ་དང༌། དེ་བཞིན་ལ་དྭགས་ཕྱོགས་སུ་ཆུ་ལོག་འགལ་རྐྱེན་བྱུང་སྟེ་མི་ཤི་རྐྱེན་ཆགས་བྱུང་བ་དེ་དག་གི་ཆེད་དུ་དམིགས་ཏེ།
འབྲི་གུང་བཀའ་བརྒྱུད་གདན་ས་བྱང་ཆུབ་གླིང་གི་འདུས་མང་ཡོངས་ཀྱིས་ཤི་བོར་བསྔོ་སྨོན་དང༌། གསོན་པོར་གདུང་སེམས་མཉམ་སྐྱེད་མཚོན་བྱེད་ཐུགས་སྨོན་དང་མཆོད་འབུལ་རྒྱ་གང་ཆེ་བྱས་དང་བྱེད་བཞིན་པ་རེད་འདུག