བོད་སོག་ཆིངས་ཡིག་དང་འབྲེལ་བའི་བགྲོ་གླེང་ཚོགས་འདུ།
ཆུང་ཚེ་རིང་ལགས་ཀྱིས་ twitter ཐོག་ཟླ་འདིའི་ཚེས་༡༣ ཉིན་སྤེལ་བའི་གནས་ཚུལ་ནང་འཁོད་དོན། དེ་རིང་བོད་སོག་ཆིངས་ཡིག་དང་འབྲེལ་བའི་བགྲོ་གླེང་ཚོགས་འདུ་ཉིན་དང་པོའི་དབུ་འབྱེད་མཛད་སྒོར་ཚོགས་འདུ་གོ་སྒྲིག་པས་ཕེབས་བསུའི་གསུང་བཤད་གནང་རྗེས། སྤྱི་འཐུས་འབའ་པ་སྐལ་བཟང་རྒྱལ་མཚན་གྱིས་ཕྱི་རྒྱལ་མཁས་པ་དང་བྱེ་བྲག་བོད་ཀྱི་མཁས་པའི་ཚབ་གནང་སྟེ་གསུང་བཤད་གནང་།
དེ་རྗེས་ཚོགས་འདུ་དངོས་གཞིའི་ནང་སོག་རིགས་མཁས་དབང་ J. Bor གྱིས་བོད་སོག་ཆིངས་ཡིག་གི་ལོ་རྒྱུས་རང་བཞིན་གྱི་གལ་འགངས་སྐོར་དང་། ཕྲན་གྱིས་ཆིངས་ཡིག་གི་རྒྱབ་ལྗོངས་སུ་རྡོ་རྗེ་ཡིབ་དང་༸གོང་ས་བཅུ་གསུམ་པ་ཆེན་པོ་ཕག་རིར་གསང་བའི་མཇལ་མོལ་གནང་བའི་སྔོན་རྗེས། མཁས་དབང་ Sperling གྱིས་ཆིངས་ཡིག་འདི་རྒྱལ་སྤྱིའི་ནང་ཁྱབ་འགྲེམས་བྱུང་སྟངས། མཁས་དབང་བྱམས་པ་བསམ་གཏན་གྱིས། ཆིངས་ཡིག་འདི་ཁྲིམས་མཐུན་ཡིན་སྟངས། མཁས་དབང་ཚེ་རིང་ཤཀྱ་ལཌ་ཀྱིས། དུས་རབས་ཉི་ཤུ་པའི་ནང་བོད་སོག་གཉིས་ཀྱིས་རྒྱལ་ཁབ་བསྐྱར་གསོའི་ལས་འགུལ་སྤེལ་སྟངས་གཤིབས་བསྡུར། མཁས་དབང་ Van Praag གྱིས་བོད་སོག་ཆིངས་ཡིག་ལ་རྒྱལ་སྤྱིའི་ཁྲིམས་ཐོག་ནས་བརྟག་ཞིབ། མཁས་དབང་Sergius ཡིས་བོད་སོག་ཆིངས་ཡིག་འདི་རྒྱལ་སྤྱིའི་ཐོག་ཁྲིམས་ནུས་ཡོད་པའི་ཡིག་ཆ་ཡིན་སྟངས། རྒྱ་རིཌ་ལིན་ཨན་ཤོང་གིས། བོད་སོག་ཆིངས་ཡིག་དང་འབྲེལ་བའི་གནད་དོན་ཁ་ཤས། ས་རཱ་མཐོ་སློབ་ཀྱི་སློབ་དཔོན་བསོད་ནམས་རྒྱལ་མཚན་གྱིས། བོད་སོག་གཉིས་ཀྱི་ལོ་རྒྱུས་ཀྱི་འབྲེལ་བ་དང་བོད་སོག་ཆིངས་ཡིག Susan Meinheit གྱིས་རི་བོ་རྩེ་ལྔར་༸གོང་ས་བཅུ་གསུམ་པ་མཆོག་དང་ཨ་རིའི་གཞུང་དོན་མི་སྣ་རོག་ཧིལ་ཐོག་མར་མཇལ་འཕྲད་གནང་བའི་སྐོར། Barkmann གྱིས་རྒྱལ་ཁབ་ཀྱི་བདག་དབང་དང་བོད་སོག་ཆིངས་ཡིག་གི་སྐོར། རུ་སུ་བ་ Nikolay Tsyrempilov གྱིས་བོད་སོག་ཆིངས་ཡིག་གི་ཟིན་བྲིས་དང་ཡིག་ཟིན་ཁག་གི་སྐོར། མཁས་དབང་Bayasakh.J ཡིས་རྒྱལ་སྤྱིའི་འབྲེལ་ལམ་ཁྲོད་དུ་བོད་སོག་ཆིངས་ཡིག་གི་གལ་གནད་བཅས་སྐོར་རང་རང་གི་རྩོམ་ཤོག་སྒྲོགས་སྦྱང་དང་དྲི་བར་ལན་འདེབས། བསམ་འཆར་འདོན་པ་སོགས་ཧ་ཅང་ཡག་པོ་བྱུང་།
ཚོཌ་ཞུཌ་པ་བརྒྱ་ཆ་ ༩༩ ཡིས་ཆིངས་ཡིག་འདི་ཁྲིམས་མཐུན་ཡིན་པ་དང་བོད་སོག་གཉིས་ཀྱི་མངོན་འདོད་ངོ་མ་ མཚོན་པར་དགོངས་མཐུན་བྱུང་། ལྷག་པར་རྡོ་རྗེ་ཡིབ་ལ་ཆིངས་ཡིག་བཞག་ཆོག་པའི་དབང་ཆ་༸གོང་ས་མཆོག་གིས་གནང་བའི་དཔང་རྟགས་གསར་པ་དང་། བོད་སོག་ཆིངས་ཡིག་གི་མ་ཕྱི་ངོ་མ། བོད་སོག་ཆིངས་ཡིག་གི་ཟིན་བྲིས་བཅས་དེ་སྔོན་མཐོང་དཀོན་པ་དང་རྩ་བ་ནས་མཐོང་མ་མཐོང་བའི་འབྲེལ་ཡོད་ཡིག་ཆ་དངོས་སུ་མིག་མཐོང་བྱུང་། ཚོཌ་འདུ་དངོས་གནས་དོན་སྙིང་ལྡན་པ་ཞིག་ཆགས་བཞིན་འདུག དགོང་མོ་བོད་པའི་ཚོཌ་ཞུགས་པ་རྣམས་དང་གྲོཌ་པོ་ཕྱི་རྒྱལ་བ་རྣམས་མཉམ་དུ་དགོང་ཟས་ལ་རོལ། ནང་མོལ་ཧ་ཅང་ལྷུག་པོ་བྱུང་། ད་དཀའ་ལས་ཁག་འདུག ཉལ་གྱི་ཡིན། ཚོགས་འདུ་འདིའི་སྐོར། བགྲོ་གླེང་ཚོཌ་འདུ་ཚར་རྗེས། གསར་འགྱུར་བརྒྱུད་ལམ་དུ་གནས་ཚུལ་སྤེལ་ན་ཡག་པ་མེད་དམ་སྙམ།
{jcomments on}