གོ་བོ་ཁམས་ཚན་གྱི་ཚོམས་ཆེན།
དེ་ཡང་མཛད་སྒོའི་སྐུ་མགྲོན་གཙོ་བོ་༧སྐྱབས་རྗེ་ལྡན་མ་བློ་ཆོས་རི་པོ་ཆེ་མཆོག་དང་། འབྲས་བློ་གླིང་མཁན་རྟོགས་ལྡན་རིན་པོ་ཆེ་མཆོག གོ་བོ་མཁན་ཟུར་རིན་པོ་ཆེ། རྒན་རྣམ་རྒྱལ་དབང་ཆེན། དགའ་ལྡན་གོ་བོ་ཕར་གཉིས་དང་འབྲས་སྤུངས་གོ་ཕར་གཉིས་ཀྱི་བླ་སྤྲུལ་དགེ་བཤེས་འདུས་མང་ཡོངས་དང་། ས་གནས་གཞིས་འགོ་དཔལ་ལྡན་དོན་འགྲུབ་དང་། ས་འཐུས་ཚོགས་གཞོན་བསོད་ནམས་རྡོ་རྗེ། ས་གནས་རང་བཙན་ཚོགས་ཆུང་གི་ཚོགས་གཙོ། ས་གནས་མདོ་ཁམས་ཆུ་བཞི་སྒང་དྲུག་གི་ཚོགས་གཙོ་གཙོས་པའི་རྒྱུན་ལས་རྣམ་པ་སོགས་དང་། བླ་སྤྱི་དང་གྲྭ་ཚང་ཁག་གི་སྐུ་ཚབ་ཕྱག་མཛོད་རྣམ་པ། གཞན་ཡང་ཁམས་ཚན་ཁག་གི་སྐུ་ཚབ་བཅས་། དད་ལྡན་སྦྱིན་བདག་ཁག་སོགས་མི་གྲངས་༤༠༠ ལྷག་འཛོམས་ཡོད་པ་དང་། སྐུ་མགྲོན་གཙོ་བོ་སྐྱབས་རྗེ་ལྡན་མ་བློ་ཆོས་རིན་པོ་ཆེ་མཆོག་གིས་སྒོ་འབྱེད་དར་ཚོན་གཅོད་འབྲེག་དང་མར་མེ་ཞལ་ཕྱེ་གནང་རྗེས། ཚོམས་ཆེན་གསར་པའི་ཨར་ལས་འགན་འཁུར་བ་གོ་བོ་བློ་བཟང་ཕན་བདེ་ལགས་ཀྱིས་ཁམས་ཚན་གྱི་ཚོམས་ཆེན་དང་གྲྭ་ཁང་སོགས་གསར་བཞེངས་འཛུགས་སྐྲུན་བྱས་པའི་གོ་རིམ་དང་དད་ལྡན་སྦྱིན་བདག་ཁག་གི་མཚན་བྱང་སྒྲོག་སྦྱངས་གནང་རྗེས། སྐུ་མགྲོན་གཙོ་བོ་མཆོག་གིས་སྦྱིན་བདག་ཁག་ལ་བཀའ་དྲིན་རྗེས་དྲན་དང་ཐུགས་རྗེ་ལེགས་འབུལ་མཚོན་སླད་དུ་འདྲ་སྐུ་རེ་གནང་ཡོད་པ་རེད། དེ་བཞིན་ཉིན་དེར་སྐུ་མགྲོན་ཁག་ལ་གསོལ་ཚིགས་ཟབ་རྒྱས་ཤིག་འདེགས་འབུལ་ཞུས་སོང་།
མོན་གྷོ་གསར་འགོད་པས།
