གྲགས་ཅན་བཟོ་གྲྭ་སོ་ནིས་དྲ་རྒྱར་ཡང་བསྐྱར་གཏོར།
གཏོར་རྒོལ་བས་དྲ་མཛོད་ལྟེ་བ་གཏོར་ཏེ་སོ་ནིས་པར་མཛོད་ནང་ལ་འཛུལ་འདུག་ཅེས་ལུལ་ཛི་ཞེས་པའི་དྲ་རྒྱའི་ཉེན་སྲུང་པས་ཕྱིར་བསྒྲགས་བྱས་འདུག་ཀྱང་། ལུལ་ཛི་དྲ་རྒྱའི་ཉེན་སྲུང་པའི་གསལ་བསྒྲགས་དེ་དོག་ཟོན་དང་ཞིབ་འཇུག་བྱེད་རྒྱུ་ཡིན་ཞེས་སོ་ནིས་དྲ་རྒྱས་གསར་འགོད་ཚོགས་པར་གསུང་འདུག
དེ་སྔོན་ཕྱི་ཟླ་༤ པའི་ནང་གཏོར་རྒོལ་བ་དག་སཱོ་ནིས་དྲ་གནས་ཀྱི་རྟེན་གཞི་ཞིག་གཏོར་རྒོལ་གྱིས་ཡིག་ཆ་ས་ཡ་༧༧ ལྷག་རྐུ་འཁྱེར་བྱས་ཡོད་པ་དང་། སཱོ་ནིས་དྲ་གནས་ཀྱི་རྟེན་གཞི་དེ་སྒོ་རྒྱག་དགོས་པ་བཟོས་པ་དང་། དེ་མིན་གྱི་དྲ་གནས་གཞན་རྣམས་ཟླ་གཅིག་རིང་སྒོ་རྒྱག་དགོས་བཟོས་པ་དེ་འདས་པའི་དྲ་ལམ་གྱི་ལོ་རྒྱུས་ཐོག་གཏོར་རྒོལ་ཤུགས་ཆེ་ཤོས་ཡིན་པའི་ངོས་འཛིན་བྱེད་ཀྱི་ཡོད་པ་རེད།
ཐེངས་འདིའི་གཏོར་རྒོལ་གྱིས་སོ་ནིས་བཟོ་གྲྭར་གྱོང་གུད་ཨ་སྒོར་ས་ཡ་༡༧༠ ཐེབས་ཡོད་པར་ཚོད་དཔག་བྱེད་བཞིན་པ་དང། འཇར་པན་དུ་ཡོད་པའི་སོ་ནིས་མུ་སིག་ཚོགས་ཆུང་གིས་ ལུལ་ཛི་ཞེས་པའི་དྲ་རྒྱའི་ཉེན་སྲུང་ཚོགས་པ་ནི་གཏོར་རྒོལ་བ་བཞི་ཡོད་པའི་ནང་གི་གཅིག་ཡིན་པར་བསྙད་འདོག་བྱས་ཡོད་པ་རེད།
དོགས་གཞི་ཅན་གྱི་གཏོར་རྒོལ་བ་རླུང་ཡན་དེ་འཇར་པན་གྱི་ཚོང་ལས་ཁང་ལ་་རྒྱབ་པ་དང། ཆུ་ཚོད་ཉེར་བཞིའི་རྗེས་ལ་སོ་ནིས་དྲ་གནས་དེ་ཨ་རི་དང་ཡོ་རུབ་ནང་ཁག་སོ་སོར་སྐྱར་གསོ་ལེགས་གྲུབ་བྱུང་ཡོད་པ་རེད་འདུག
