འཚུབ་ཆ་ལངས་སོང
སྣ་མང་འདུས་པའི་བགྲོད་ལམ་ངོགས་སུ།།
འཚོ་བ་གསར་བའི་འཛུམ་རས་ངོམ་པའི།།
མདུན་བསྐྱོད་གོམ་པའི་རྡོག་སྒྲ་ཉན་དུས།།
ང་ཡི་སེམས་ལ་འཚུབ་ཆ་ལངས་སོང་།།
མཚམས་སྤྲིན་གསར་བའི་གོས་བཟང་གྱོན་པའི།།
འོད་སྟོང་འཕྲོ་བའི་བཅུ་གཉིས་བདག་པོ།།
ལྷ་ལམ་དབྱིངས་སུ་དལ་བུར་བསྐྱོད་ཚེ།།
ང་ཡི་སེམས་ལ་འཚུབ་ཆ་ལངས་སོང་།།
དཀར་དམར་བཞད་པའི་མེ་ཏོག་ཚལ་ན།།
མགྲིན་ངག་སྙན་མོའི་གླུ་དབྱངས་གྱེར་བའི།།
རྐང་དྲུག་གཞོན་ནུའི་གཤོག་རྩལ་ངོམ་ཚེ།།
ང་ཡི་སེམས་ལ་འཚུབ་ཆ་ལངས་སོང་།།
མུན་པ་བྱེར་བའི་རི་གྲོང་ཞིག་ན།།
ཁ་དོག་བྲལ་བའི་འཚོ་བ་རོལ་སྐབས།།
རྣ་བུར་སུམ་པའི་ཀི་རིང་ཞིག་གིས།།
ང་ཡི་སེམས་ལ་འཚུབ་ཆ་ལངས་སོང་།།
༢༠༡༡ ༨ ༢༡