རྐང་ཚ་སྡེ་པའི་བོད་མི་ཞིག་གིས་རང་ལུས་མེར་སྲེག་གི་ངོ་རྒོལ།
བོད་མདོ་སྨད་མཚོ་ཤར་ཁུལ། ཡ་རྫི་རྫོང་རྐང་ཚ་བོད་རིགས་རང་སྐྱོང་ཞང་རྐང་ཚ་སྡེ་པའི་བོད་མི་དབང་ཆེན་ནོར་བུས་ཟླ་འདིའི་ཚེས་༡༩ ཉིན་རྐང་ཚ་སྡེ་བའི་ཐག་ཉེ་དགའ་ལྡན་ཆོས་འཕེལ་གླིང་དུ་རང་ལུས་མེར་སྲེག་གིས་རྒྱ་གཞུང་ལ་ངོ་རྒོལ་བྱས་ཏེ། སྐུ་གྲོངས་ཡོད་འདུག
ཁོ་རང་ལོ་ན་༢༥ དང་། རང་ལུས་མེར་སྲེག་སྐབས་༧རྒྱལ་བ་བསྟན་འཛིན་རྒྱ་མཚོ་བོད་ཡུལ་དུ་ཕེབས་དགོས། པཎ་ཆེན་རིན་པོ་ཆེ་བཙོན་གྲོལ་ཐོབ་དགོས། བོད་ལ་རང་དབང་དགོས་ཞེས་སྐད་འབོད་བྱེད་བཞིན་པ་དགའ་ལྡན་ཆོས་འཕེལ་གླིང་གི་དགེ་འདུན་པ་ཚོས་གོ་ཐོས་བྱུང་ཡོད་པ་མ་ཟད། དེ་རྗེས་ཚ་སྡེ་པའི་མང་ཚོགས་དང་དགོན་པའི་དགེ་འདུན་པ་ཚོས་དབང་ཆེན་ནོར་བུའི་ སྐུ་ཕུང་དགོན་པར་གདན་དྲངས་ཏེ་བསྔོ་སྨོན་ཆུ་ཚོད་གཉིས་ཙམ་རིང་གནང་རྗེས་དུར་ ཁྲོད་དུ་གདན་དྲངས་ཏེ་ཞུགསའབུལ་བྱས་ཡོད་འདུག ཞུགས་འབུལ་བྱེད་སར་༧རྒྱལ་བ་ བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག་ཅེས་ས་གནས་མང་ཚོགས་ཀྱི་སྐད་ཤུགས་ཆེན་པོས་སྨྲེ་ངག་བཏོན་ཡོད་པ་རེད་འདུག །
