དབུས་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས།
དགེ་རྒན་ས་མིག་གསལ་བསྒྲགས། ༼དུས་བཀག་འཕར་འགྱངས།༽
༄༅།། ཉེ་ཆར་རྒྱ་གར་དབུས་གཞུང་ནས་ལྡི་ལི་དབུས་བོད་སློབ་འཛིན་ཚོགས་ཀྱི་ཁྱབ་ཁོངས་གཏན་ཉིན་སློབ་གྲྭ་ཁག་དབུས་བོད་མིའི་སྒྲིག་འཛུགས་ལ་རྩིས་སྤྲོད་གནང་རྒྱུ་ཐག་གཅོད་གནང་ཡོད་སྟབས། རིང་མིན་སློབ་གྲྭ་འདི་ཚོའི་ནང་སློབ་སྤྱི་དང༌། སློབ་ཚན་འདྲ་མིན་ཆེད་མཐོ་རིམ་དགེ་རྒན་ངགཅའབྲིང་རིམ་དགེ་རྒན་ཅགཅམང་དག་ཅིག་ཛ་དྲག་དགོས་མཁོ་ཡོང་ངེས་ལ་སོང༌། རང་རེའི་སྤྱི་ཚོགས་ནང་གཤམ་གསལ་ཆ་རྐྱེན་ཚང་ཞིང་གོང་གསལ་ས་མིག་ཐོག་ཞབས་ཞུ་གནང་འདོད་ཡོད་རིགས་ནས་དགོས་མཁོའི་ལག་འཁྱེར་ཡིག་ཆའི་ངོ་བཤུས་དང་སྦྲགས་གཤམ་གསལ་ཞལ་བྱང་ཐོག
་ཕྱི་ལོ་ ༢༠༡༣ ཟླ་ ༤ ཚེས་ ༣༠ འགྱངས་མེད་ཤེས་རིག་དྲ་རྒྱwww.sherig.orgནང་ཡོད་པའི་འཚང་སྙན་འགེངས་ཤོག་ལྟར་འགེངས་འབུལ་ཞུ་དགོས། འཚང་སྙན་འབུལ་མཁན་རྣམས་ངག་རྒྱུགས་ལམ་ནས་འདེམས་སྒྲུག་བྱས་ཏེ་དབུས་བོད་སློབ་འཛིན་ཚོགས་ཁྱབ་ཁོངས་ཀྱི་སློབ་ཁག་ནང་གནས་སྐབས་རིང་ཆོད་གན་ཐོག་བསྐོ་གཞག་གནང་རྒྱུ་དང༌། རིམ་པས་དོ་བདག་སོ་སོའི་ཤེས་འཇོན་ལྷག་བསམ་ལ་གཞིགས་ཏེ་གཏན་འཇགས་བསྐོ་གཞག་གནང་འོས་གནང་རྒྱུ། ཆོད་གན་རིང་གསོལ་ཕོགས་གཤམ་གསལ་ལྟར་ཟླ་གྲངས་ ༡༢ རིང་ཐོབ་རྒྱུ།
དགོས་མཁོའི་ཡིག་ཆ་ཁག
༡༽ ཤེས་ཚད་ལག་འཁྱེར་ཁག་གི་ངོ་བཤུས།
༢༽ ཕྱི་ལོ་ ༢༠༡༢ ཟླ་ ༡༢ ཚེས་ ༣༡ བར་འབུལ་འབབ་གཙང་ཕུལ་ཟིན་པའི་དཔྱ་ཁྲལ་ལག་དེབ་ཀྱི་ཤོག་ངོས་དང་པོ་དང་མཐའ་མའི་ངོ་བཤུས།
༣༽ ངོས་འཛིན་ཡོད་པའི་སྨན་ཁང་ཞིག་ནས་གཟུགས་ཐང་ལས་འཕེར་ཡིན་པའི་སྨན་པའི་ངོས་སྦྱོར་ངོ་མ།
༤༽ ད་ལྟ་རང་རེའི་སྤྱི་ཚོགས་ཀྱི་སྡེ་ཚན་གང་རུང་དུ་ལས་ཞབས་ཞུ་མུས་ཡིན་ཚེ་ལས་ཡུལ་ནས་དགག་བྱ་མེད་པའི་ངོས་སྦྱོར་ངོ་མ། གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་ཐོག་དབུས་བོད་མིའི་སྒྲིག་འཛུགས་ཀྱི་ཁྱབ་ཁོངས་ལས་ཁུངས་གང་རུང་གི་ཟུང་དྲུང་ཡན་དང༌། ས་གནས་འགོ་འཛིན། ཡང་ན་བོད་མིའི་སློབ་གྲྭའི་སློབ་སྤྱི་བཅས་གང་རུང་གིས་ངོ་མཚུངས་ཡིན་པའི་དག་མཆན་ངེས་པར་དུ་འཁོད་དགོས་པ་བཅས་ཀྱི་གསལ་བསྒྲགས་སུ། ཤེས་རིག་ལས་ཁུངས་ནས་ཕྱི་ལོ་ ༢༠༡༣ ཟླ་ ༣ ཚེས ༣༠ ལ།
SECRETARY
Department of Education, CTA
Gangchen Kyishong, Dharamsala-176 215 (H.P.)
India- Fax: 01892-223481, E-mail: education@tibet.net