བལ་ཡུལ་ནས་བསྐྱར་དུ་རང་ལུས་མེར་སྲེག
དེ་རིང་ཞོགས་པར་བལ་ཡུལ་མཆོད་རྟེན་བྱ་རུང་ཁ་ཤོར་གྱི་སྐོར་ལམ་ནང་། དགེ་འདུན་པ་ཀརྨ་ངེས་དོན་རྒྱ་མཚོ་ཟེར་བ་ཞིག་གིས་རྒྱ་གཞུང་གི་དྲག་གནོན་སྲིད་ཇུས་ལ་ངོ་རྒོལ་ཆེད་རང་ལུས་མེ་སྲེག་བཏང་སྟེ་སྐུ་གྲོངས་ཡོད་འདུག
དེ་ཡང་ཟླ་འདིའི་ཕྱི་ཚེས་༦ ཉིན་གྱི་ཞོགས་པའི་ཆུ་ཚོད་༧ ཡས་མས་སུ་བལ་ཡུལ་མཆོད་རྟེན་བྱ་རུང་ཁ་ཤོར་གྱི་སྐོར་ལམ་ནང་། ཕ་ཡུལ་འདམ་གཞུང་ནས་ཡིན་པའི་དགེ་འདུན་པ་ཀརྨ་ངེས་དོན་རྒྱ་མཚོས་རྒྱ་གཞུང་གི་དྲག་གནོན་སྲིད་ཇུས་ལ་ངོ་རྒོལ་ཆེད་རང་ལུས་མེ་སྲེག་བཏང་སྟེ་སྐུ་གྲོངས་འདུག་ཡོད་འདུག་པ་དང་། ཁོང་གིས་རང་ལུས་མེར་སྲེག་བཏང་རྗེས་བལ་ཡུལ་ཉེན་རྟོག་པས་ཁོང་གི་ཕུང་པོ་བཙན་ཁྱེར་བྱས་ཏེ་འབྲེལ་ཡོད་ལ་རྩིས་སྤྲོད་བྱས་མེད་པ་རེད།
དགེ་འདུན་པ་ཁོང་ནི་རང་ལོ་༣༩ ཡིན་ཞིང་ཕྱི་ལོ་༢༠༡༢ ལོའི་ཕྱི་ཟླ་༡ ཚེས་༣༠ ཉིན་བལ་ཡུལ་སྣེ་ལེན་ཁང་དུ་འབྱོར་རྗེས་བལ་ཡུལ་དུ་བསྡད་ཡོད་འདུག་པ་དང་། ཁོང་གི་ཕའི་མིང་ལ་འཇམ་དབྱངས་བཀྲ་ཤིས་དང་མའི་མིང་ལ་ཨོ་རྒྱན་ཟེར་གྱི་ཡོད་པ་རེད།
