ཁྲིམས་དཔོན་མཆོག་ལ་ཡར་ཞུ།
བཀུར་འོས་ཁྲིམས་དཔོན་ལགས་སུ་ཞུ་རྒྱུར། གུས་པས་ནག་ཉེས་ངོས་ལེན་གྱིས་འདིར་བཅར་ཡོད།བཀའ་འདྲི་ཞུ་རྒྱུར་དཔར་སྐྲུན་དང་པར་སྐྲུན་ཅེས་གང་བྲིས་ན་ལེགས་ཚུལ་དང་མ་ཟད་སྤར་སྐྲུན་ཞེས་འབྲི་ན་འགྲིག་པ་གསུངས་འདུག་ཀྱང་དེ་ནི་ནོེར་བར་ངེས།གང་ལགས་ཤེ་ན་མཁས་དབང་ཚེ་ཏན་ཞབས་དྲུང་མཆོག་གིས་་པར་་་ཡིག་གཟུགས་འབུར་དུ་བརྐོས་པའི་པར་ལ་སྤར་བྲིས་ན་མི་འགྲིག་ཚུལ་ལ་་་ཁ་ཅིག་གིས་སྤར་ཞེས་བྲི་བ་ནི་ནོར་བར་སྨྲ་རྒྱན་ལས་གསུངས་ཤིང་ད་དུང་དཔར་ཞེས་འབྲི་བའང་ཡོད་དོ་ཞེས་གསུངས།དག་ཡིག་གཞན་དུ་དཔར་བའམ་པར་མ་སྟེ་ཞེས་སོགས་ཀྱང་གསུངས་འདུག།ངེད་ནས་ཀྱང་རྒྱུ་མཚན་མེད་པར་བྱིས་པའི་རྩེད་མཚར་བཞིན་མིན།ད་དུང་སྐུ་ཉིད་ཀྱིས་སྐ་ཅོག་ཞང་གསུམ་གྱི་ཡ་གྱལ་སྐ་བ་དཔལ་བརྩེགས་ཀྱི་སྐ་ལ་སྐལ་ཅེས་བྲིས་འདུག་ན་མཁས་པ་ཆེན་པོས་ཐུགས་མཉམ་མ་བཞག་པར་ངེས།