༧གོང་ས་མཆོག་གི་སྐུ་པར་བཤམས་པའི་ཉེས་མིང་འོག་བོད་མི་ཁག་ཅིག་འཛིན་བཟུང་བྱས་ཡོད་འདུག 

བཙན་བྱོལ་ནང་གི་བརྒྱུད་ལམ་ཁག་ཏུ་གནས་ཚུལ་སྤེལ་བར་གཞིགས་ན། ཉེ་བའི་ཆར་བོད་ནང་༧གོང་ས་མཆོག་གི་སྐུ་པར་བཤམས་པའི་ཉེས་མིང་འོག་བོད་མི་ཁག་ཅིག་འཛིན་བཟུང་བྱས་ཡོད་པ་རེད་འདུག  དེ་ཡང་ཉེ་ཆར་ཟླ་སྔོན་མའི་ནང་དཀར་མཛེས་རྫོང་གི་ཉེན་རྟོག་པ་ཁག་གཅིག་གློ་བུར་དུ་བོད་མི་རང་ལོ་༦༠ ཙམ་ཡིན་པ་ཞིག་གི་ཁྱིམ་དུ་བསླེབས་ཏེ། ཁོང་གི་ཁྱིམ་དུ་༸གོང་ས་མཆོག་གི་སྐུ་པར་ཆེན་པོ་ཞིག་བཤམས་ཡོད་པ་དེ་བཙན་འཁྱེར་བྱས་ཡོད་པ་མ་ཟད། ཁོང་ཡང་འཛིན་བཟུང་བྱས་ཏེ་རྫོང་ཉེན་རྟོག་ཁང་དུ་འཁྲིད་ཡོད་འདུག དང་ཐོག་བཙན་ཁྲིད་བྱེད་སྐབས་ཁོང་བདེ་པོ་ཐང་པོ་ཡོད་ཀྱང་། བཀག་ཉར་ཁང་དུ་ཁོང་ལ་ཉེས་མེད་ཉེས་འཛུགས་ཀྱིས་གཅར་རྡུང་དྲག་པོ་བཏང་བར་བརྟེན། བར་ལམ་ནས་སྨན་ཁང་དུ་འཁྲིད་དགོས་བྱུང་འདུག་ཀྱང་། ནད་མནར་ཅི་བྱུང་གི་གནས་ཚུལ་གང་ཡང་ཁྱིམ་མི་ཚོར་འགྲེལ་བརྗོད་བྱས་མི་འདུག་ལ། སྨན་ཁང་དུ་བསྟན་རྗེས་ཕྱིར་ཉེན་རྟོག་ཁང་དུ་ཁྲིད་ཡོད་ཀྱང་དེ་ནས་བཟུང་གནས་ཚུལ་གང་ཡང་ཤེས་རྟོགས་ཐུབ་ཀྱི་མེད་པ་རེད་འདུག  དེ་བཞིན་ཟླ་༦ པའི་ཚེས་༢༣ ཉིན་འཛུམ་དཀར་ཞེས་པ་ཞིག་གིས་རང་ཁྱིམ་དུ་མཆོད་ཁང་ཆེན་པོ་བཟོས་ཏེ་དེའི་ནང་དུ་༧གོང་ས་མཆོག་གི་སྐུ་པར་བཤམས་ཡོད་ལུགས་ཀྱི་ཉེས་མིང་འོག་རང་ཁྱིམ་ནས་འཛིན་བཟུང་བྱས་ཡོད་པ་དང་། ཚེས་ ༢༨ ཉིན་ནག་ཆུ་ཨ་མདོ་རྫོང་ནས་ལྷ་སར་བཙན་འཁྲིད་བྱས་ཡོད་འདུག རང་ལོ་ ༢༧ ཡིན་པའི་བུད་མེད་འཛུམ་དཀར་ནི་ནག་ཆུ་ས་ཁུལ་ཨ་མདོ་རྫོང་རྩ་རིང་གྲོང་རྡལ་རང་ནས་ཡིན་འདུག་པ་དང་།

Read more

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྙིང་སྟོབས་གཟེངས་རྟགས་ཨ་ཉག་སེང་སྒྲ་ལ་ཕུལ་འདུག 

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་རྒྱ་ནག་གི་བཙོན་ཁང་ནང་སྐུ་གྲོངས་ནས་ལོ་ངོ་༧ སོང་བའི་ཉིན་མོ་སྟེ། ཟླ་༧ པའི་ཚེས་༡༢ ཉིན་ཨ་རིའི་བྱང་ཁེ་ལི་ཧྥོ་ནི་ཡ་བོད་རིགས་སྤྱི་མཐུན་ཚོགས་པའི་ཚོགས་ཁང་དུ། བོད་དོན་ཚོགས་པ་༡༨༠ ལྷག་ཡོད་པའི་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་གོ་སྒྲིག་འོག སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྙིང་སྟོབས་གཟེངས་རྟགས་ཐེངས་༧ པ་འབུལ་བཞེས་ཀྱི་མཛད་སྒོ་འཚོགས་ཡོད་པ་རེད་འདུག  འདི་ལོའི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེའི་སྙིང་སྟོབས་གཟེངས་རྟགས་དེ། ད་ལྟའི་ཆར་རྒྱ་ནག་གི་བཙོན་འོག་ཏུ་ཡོད་པའི་བོད་མི་ཁོར་ཡུག་ལས་འགུལ་བ་དང་ལྐོག་ཟ་རུལ་སུངས་ཐེར་འདོན་པ། འབྲོག་མང་གི་འཚོ་གནས་ཐོབ་ཐང་རྩོད་ལེན་པ་ཨ་ཉག་(ཉ་)སེང་སྒྲ་ལ་ཕུལ་ཡོད་པ་རེད་འདུག ཁོང་གི་ཚབ་ཏུ་གཟེངས་རྟགས་དེ་ཆབ་སྲིད་བཙོན་ཟུར་དོན་གྲུབ་དབང་ཆེན་གྱིས་བཞེས་གནང་འདུག  ཕྱི་ལོ་༢༠༡༩ ལོའི་ཟླ་༡༢ པའི་ནང་རྒྱ་ནག་གཞུང་གི་ཁྲིམས་ཁང་ཞིག་གིས་ཁོང་ལ་དཀྲུག་རྐྱེན་བསླངས་བ་དང་སྤྱི་ཚོགས་ཀྱི་སྒྲིག་གཞིར་གཏོར་བཤིག་གཏོང་བའི་འདུ་འཛོམས་བྱས་པ་སོགས་ཀྱི་ཉེས་མིང་འོག ལོ་༧ བཙོན་འཇུག་ཁྲིམས་ཐག་བཅད་ཡོད་པ་དང་། ཁོང་གིས་ཁྲིམས་ཆད་དེར་ངོས་ལེན་མ་བྱས་པར་ཁྲིམས་ཁང་གོང་མར་ཞུ་གཏུག་བྱས་ཀྱང་། ཁྲིམས་ཆད་རང་སོར་བཞག་ཡོད་པ་རེད། 

Read more

ཨ་རི་སྲིད་འཛིན་བྷ་ཌན་སླར་ཡང་སྲིད་འཛིན་གྱི་འོས་མི་རུ་མཉམ་ཞུགས་བྱེད་ཐུབ་བམ།

ཟླ་འདིའི་ཚེས་༡༢ཉིན་CNNགསར་ཁང་གིས་གནས་ཚུལ་སྤེལ་གསལ་ལྟར་ན། སྤྱི་ལོ་༢༠༢༤ལོ་ཨ་རི་སྲིད་འཛིན་གྱི་འོས་བསྡུ་བསླེབ་ཀྱི་ཡོད་པ་དང་། ད་ལྟའི་སྲིད་འཛིན་བྷ་ཌན་གྱི་ལོ་ཚད་དང་ལས་དོན་བྱེད་ཕྱོགས་ལ་གཞིགས་ན་ཨ་རི་མང་གཙོ་ཚོགས་པའི་མི་མང་དུ་མས་ཁོང་ཉིད་བསྐྱར་དུ་སྲིད་འཛིན་གྱི་འོས་བསྡུའི་ནང་དུ་མཉམ་ཞུགས་བྱེད་རྒྱུ་ལ་འདོད་པ་མེད་རབས་ཀྱི་གནས་ཚུལ་སྤེལ་འདུག ཨ་རི་སྲིད་འཛིན་བྷ་ཌན་ནི་དགུང་ལོ་༧༩་ཟིན་ཡོད་པ་དང་ཨ་རིའི་ལོ་རྒྱུས་ཀྱི་ཁྲོད་དུ་སྲིད་འཛིན་དགུང་ལོ་བགྲེས་ཤོས་དེ་ཆགས་ཡོད་འདུག གལ་སྲིད་ཁོང་ཉིད་སྤྱི་ལོ་༢༠༢༤ལོ་སྲིད་འཛིན་དུ་འདེམས་ཐོན་བྱུང་བ་ཡིན་ན། ཁོང་ཉིད་དགུང་ལོ་༨༦ བར་སྲིད་འཛིན་གྱི་ཕྱག་ལས་གནང་དགོས་ཀྱི་ཡོད་འདུག ཉེ་ཆར་ནེའུ་ཡོག་དུས་བབ་ཀྱིས་བསམ་ཤོག་བསྡུ་ལེན་གྱི་སྙན་ཐོ་ཞིག་བཏོན་ཡོད་པ་དང་བསམ་ཤོག་བསྡུ་ལེན་གྱི་སྙན་ཐོ་དེའི་ནང་དུ་ཨ་རི་མང་གཙོ་ཚོགས་པའི་འོས་ཤོག་འཕེན་མཁན་མི་མང་བརྒྱ་ཆ་༦༤%ཡིས་ཐེངས་རྗེས་མའི་སྲིད་འཛིན་གྱི་འོས་བསྡུའི་ཁྲོད་དུ་མང་གཙོ་ཚོགས་པའི་འོས་མི་སྲིད་འཛིན་བྷ་ཌན་ལས་གཞན་ཞིག་དགོས་ཀྱི་ཡོད་པའི་བསམ་ཚུལ་བརྗོད་ཡོད་འདུག་ལ། འོས་ཤོག་འཕེན་མཁན་མང་ཆེ་བས་ད་ལྟའི་སྲིད་འཛིན་ཁོང་ཉིད་ནི་དགུང་ལོ་མཐོོ་དྲགས་པས་སྟོང་ལོ་ཉེར་བཞི་ལོའི་སྲིད་འཛིན་གྱི་འོས་མི་ལ་མི་རུང་བའི་སྐོར་བཤད་ཡོད་ལ། འོས་ཤོག་འཕེན་མཁན་ཉུང་ཤས་ཤིག་གིས་ཁོང་ཉིད་ཀྱི་ད་ལྟའི་ལས་དོན་བྱེད་ཕྱོགས་ཐོག་འདོད་བློ་མ་ཁེངས་པས་ཐེངས་རྗེས་མའི་སྲིད་འཛིན་གྱི་འོས་མི་ལ་འདོད་པ་མེད་རབས་བརྗོད་ཡོད་འདུག གལ་སྲིད་ད་ལྟའི་སྲིད་འཛིན་བྷ་ཌན་མཆོག་ཐེངས་རྗེས་མའི་སྲིད་འཛིན་འོས་མི་ལས་ཕྱིར་འཐེན་བྱས་པ་ཡིན་ན་ཁོང་གི་ཚབ་ཏུ་དགུང་ལོ་༥༧ ལ་སོན་པའི་ད་ལྟའི་སྲིད་འཛིན་གཞོན་པ་ཀརྨ་ལ་(Kamala Harris)་སོགས་བསླེབས་སྲིད་པའི་གནས་ཚུལ་ཐོན་འདུག ཨ་རིའི་སྲིད་འཛིན་ཟུར་པ་ཊོམ་གྱིས་དགུང་ལོ་བརྒྱད་ཅུ་དང་དགུ་བཅུ་ལ་སོན་མཁན་གྱི་འགྲེས་པོ་མང་པོ་ཡོད་པ་དང་ཁོང་ཚོ་ནི་ལུས་གཟུགས་བདེ་ཞིང་བློ་རིག་བསལ་བ་བཅས་ཡིན་མོད་ཀྱང་། སྲིད་འཛིན་བྷ་ཌན་ནི་དེ་ལྟར་མིན་རབས་བརྗོད་ཡོད་འདུག་ལ། དེ་བཞིན་ཨ་རི་སྤྱི་མཐུན་ཚོགས་པས་ད་ལྟའི་སྲིད་འཛིན་ལ་དྲན་ཤེས་འཕྱོ་བའི་ན་ཚ་(Dementia)ཡོད་རབས་ཀྱི་སྐྱོན་བརྗོད་བྱེད་ཀྱི་ཡོད་འདུག ཨ་རིའི་རྩ་ཁྲིམས་ཀྱི་ནང་དུ་དགུང་ལོ་སུམ་ཅུ་སོ་ལྔ་ལ་སོན་མཁན་ཞིག་ཡིན་ན་སྲིད་འཛིན་གྱི་འོས་མི་ལ་ལངས་ཆོག་པ་ལས་དེ་མིན་དགུང་ལོ་མཐོ་ལོད་ཀྱི་ཐོག་ལ་གསལ་བོ་མེད་པ་རེད་འདུག་ལ། ད་ལྟའི་སྲིད་འཛིན་གྱི་དགུང་ལོ་འགྲེས་པོ་དང་ལུས་སེམས་ཀྱི་གནད་དོན་ནི་གླེང་འདོད་མེད་ཀྱང་གླེང་དགོས་པའི་གནས་དོན་ཞིག་ཏུ་གྱུར་ཡོད་པའི་གནས་ཚུལ་ཐོན་འདུག ། གསར་འགོད་པ་བློ་བཟང་རྒྱ་མཚོ།

Read more

ཧྥ་རན་སིར་རྒྱ་མིའི་ཟ་ཁང་དུ་ལས་ཀ་བྱེད་མཁན་བོད་མི་ཞིག་བསད་འདུག 

ཟླ་༧ པའི་ཚེས་༡༡ ཉིན་ཧྥ་རན་སིའི་ནཱོར་མན་ཌི་མངའ་ཁུལ་གྱི་ས་གནས་(Saint-Leonard)ཞེས་པར། བོད་མི་ཞིག་ལ་གྲི་བརྒྱབ་ནས་བསད་ཡོད་པ་རེད་འདུག  དེ་ཡང་དྲ་ཐོག་ཏུ་གནས་ཚུལ་སྤེལ་བར་གཞིགས་ན། བོད་མི་དེ་རང་ལོ་༣༠ ཡན་ཡིན་འདུག་པ་དང་རྒྱ་མིའི་ཟ་ཁང་ཞིག་ཏུ་ཞབས་ཞུ་བའི་ལས་ཀ་བྱེད་ཀྱི་ཡོད་འདུག ཁོང་དང་ཟ་ཁང་གི་འགན་འཛིན། དེ་བཞིན་ལས་རོགས་ཚོའི་བར་རྩོད་པ་བྱུང་ནས། མི་དེ་ཚོས་བོད་མི་དེར་གྲི་བརྒྱབ་འདུག ཁོང་ཕྱི་ལ་བྲོས་ཐུབ་ཀྱང་། མྱུར་སྐྱོབ་མི་སྣ་ཚོས་སྐྱོབ་མ་ཐུབ་པར་དེ་གར་རང་སྲོག་ཤོར་ཡོད་པ་རེད་འདུག  སྤྱི་ཚོགས་དྲ་ལམ་ཁག་ཏུ་ཧྥ་རན་སིར་གནས་སྡོད་བོད་མི་ཁག་ཅིག་གིས། བོད་ནང་དུ་བོད་མི་རྣམས་རྒྱ་མིའི་འོག་ཏུ་མནར་གཅོད་མྱོང་བཞིན་ཡོད་པ་དང་། ཧྥ་རན་སིར་ཡོད་པའི་བོད་མི་མང་པོ་ཞིག་རྒྱ་མིའི་ཟ་ཁང་དུ་ལས་ཀ་མི་བྱེད་དཀའ་མེད་ཆགས་ཀྱི་ཡོད་ཀྱང་། ཐེངས་འདིར་བོད་རིགས་ཤ་ཁྲག་གཅིག་པ་ཞིག་རྒྱ་མིའི་ཟ་ཁང་གི་སྦྱིན་བདག་སོགས་ཀྱིས་གྲི་བརྒྱབ་ནས་བསད་ཡོད་པས། བོད་མི་ཚོས་ཁུ་སིམ་བསྡད་ཚེ་ཡོང་ཐབས་མེད་པས། བོད་མི་ཚོས་ཟ་ཁང་དེའི་འགྲམ་དུ་ཡོང་ནས་ལས་འགུལ་སྤེལ་དགོས་པ་དང་། དེ་བཞིན་ཟ་ཁང་དེའི་སྦྱིན་བདག་གིས་གཉེར་བཞིན་པའི་ཟ་ཁང་གཞན་ལ་ཡང་ངོ་རྒོལ་ལས་འགུལ་སྤེལ་དགོས་པའི་སྐུལ་མ་བྱས་འདུག དེ་དང་བསྟུན་ནས་སྤྱི་ཚོགས་དྲ་ལམ་ཁག་ཏུ་ཟ་ཁང་དེའི་མདུན་དུ་བོད་མི་ཚོས་ས་ལ་བསྡད་ནས་ཁ་འདོན་བྱས་ཏེ་ལས་འགུལ་སྤེལ་གྱི་ཡོད་པའི་བརྙན་མཐོང་རྒྱུ་འདུག 

Read more

ལོ་རྗེས་མར་འཛམ་གླིང་ནང་མི་འབོར་མང་ཤོས་ཀྱི་རྒྱལ་ཁབ་རྒྱ་གར་ཆགས་རྒྱུ་རེད་འདུག 

མཉམ་འབྲེལ་རྒྱལ་ཚོགས་ཀྱིས་བརྗོད་དོན་ལྟར་ན། ལོ་རྗེས་མར་རྒྱ་གར་གྱི་མི་འབོར་དེ་རྒྱ་ནག་ལས་མང་བ་ཆགས་ནས། འཛམ་གླིང་ནང་མི་འབོར་མང་ཤོས་ཀྱི་རྒྱལ་ཁབ་ཆགས་རྒྱུ་ཡིན་འདུག  ཟླ་༧ པའི་ཚེས་༡༣ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཉེ་ཆར་འཛམ་གླིང་མི་འབོར་ཉིན་མོ་དང་བསྟུན་ནས། མཉམ་འབྲེལ་རྒྱལ་ཚོགས་ཀྱིས་མི་འབོར་དང་འབྲེལ་བའི་སྙན་ཐོ་ཞིག་བཏོན་ཡོད་པ་རེད་འདུག  དེ་ཡང་འདི་ལོའི་ཟླ་༡༡ ཟིན་སྐབས་འཛམ་གླིང་གི་མི་འབོར་ཁྱོན་བསྡོམས་དེ་ཐེར་འབུམ་༨ ཆགས་རྒྱུ་ཡིན་འདུག་ཀྱང་། མི་འབོར་འཕེལ་ཚད་དེ་སྔོན་མ་དང་བསྡུར་ན་དལ་པོ་ཡིན་འདུག དེ་ཡང་ད་ལྟའི་མི་འབོར་འཕེལ་ཚད་དེ་ཕྱི་ལོ་༡༩༥༠ ནས་ད་བར་འཕེལ་ཚད་དལ་ཤོས་དེ་ཡིན་འདུག་ཀྱང་། ག་ལེར་འཕེལ་ཚད་འཕར་ནས་ཕྱི་ལོ་༢༠༨༠ གྱ་གྲངས་ནང་དུ་འཛམ་གླིང་གི་མི་འབོར་དེ་ཐེར་འབུམ་༡༠.༤ ཆགས་རྒྱུ་ཡིན་འདུག འོན་ཀྱང་ཆེད་ལས་པ་ཁག་ཅིག་གིས་མི་འབོར་གྲངས་ཚད་དེ་ཕྱི་ལོ་༢༠༨༠ ཡི་སྔོན་ལ་ལོན་སྲིད་པའི་ཡིད་ཆེས་བྱེད་ཀྱི་ཡོད་འདུག  ལོ་རྗེས་མར་རྒྱ་གར་གྱི་མི་འབོར་དེ་ཐེར་འབུམ་༡.༤

Read more

རྒྱལ་ཁབ་༡༩ཡི་དཔལ་འབྱོར་གྱི་གནས་སྟངས་ལ་ཉེན་ཁ་འཕྲད་འདུག

ཟླ་འདིའི་ཚེས་༡༢ཉིན་WIONཞེས་པའི་གསར་ཁང་གིས་གནས་ཚུལ་སྤེལ་གསལ་ལྟར་ན།ཤྲི་ལང་གའི་ཡུལ་དུ་དཔལ་འབྱོར་ཉམས་ཉེས་ཀྱི་དཀའ་ངལ་ཆེན་མོ་འཕྲད་བཞིན་ཡོད་པ་ལྟར།ད་ལྟའི་ཆར་ཡར་རྒྱས་འགྲོ་བཞིན་པའི་རྒྱལ་ཁབ་མང་པོ་ལ་དེ་བཞིན་དཀའ་ངལ་འཕྲད་ཉེན་ཡོད་པའི་གནས་ཚུལ་སྤེལ་འདུག ད་ལྟའི་ཆར་པ་ཀི་སི་ཐན་དང་ཛོམ་བྷ་ཡ(Zambia)།ལེ་བྷན་ནོ་(Lebanon)དང་གྷ་ན་(Ghana)སོགས་ཉུང་མཐར་ལ་ཡར་རྒྱས་འགྲོ་བཞིན་པའི་རྒྱལ་ཁབ་བཅུ་དགུའི་ནང་དུ་ཡོང་འབབ་ཉུང་དྲགས་པ་དང་བུ་ལོན་སྤྲད་ཚད་ཇེ་མཐོ་རུ་འགྲོ་པ།ཕྱི་དངུལ་བརྗེ་ལེན་གསོག་འཇོག་བྱས་པ་དེ་མར་ཆགས་བཞིན་པ་དང་རྒྱལ་ཁབ་ཀྱི་ནང་དུ་ཡོང་སྒོ་ལས་འགྲོ་སོང་ཆེ་བ་སོགས་ཀྱི་དཀའ་ངལ་འཕྲད་བཞིན་ཡོད་པར་བརྟེན།རྒྱལ་ཁབ་དེ་དག་ཀྱང་ཤྲི་ལང་ག་བཞིན་དཔལ་འབྱོར་ཉམས་ཉེས་ཀྱི་དཀའ་ངལ་འཕྲད་ཉེན་ཡོད་རབས་ཀྱི་གནས་ཚུལ་སྤེལ་འདུག རྒྱལ་ཁབ་དེ་དག་ལ་དཀའ་ངལ་དེ་འདྲ་འཕྲད་དགོས་དོན་ནི་གཙོ་བོ་ནི་ཏོག་དབྱིབས་གཉན་རིམས་ཁྱབ་བརྡལ་དུ་ཕྱིན་པའི་རྐྱེན་གྱིས་ཡིན་འདུག དེ་ཡང་ནད་ཡམས་དེ་ཡི་དབང་གིས་སྨན་ཁང་དང་ནད་པ།སྨན་ཁབ་སོགས་འཕྲོད་བསྟེན་གྱི་ཐོག་ལ་འགྲོ་སོང་ཕོན་ཆེན་གཏོང་དགོས་བྱུང་ཡོད་པའི་ཐོག་ཡུལ་སྐོར་སྤྲོ་འཆམ་པ་ལས་བྱུང་བའི་ཡོང་འབབ་འགག་པ་སོགས་གཞུང་གི་ཡོང་འབབ་ཀྱིས་འགྲོ་སོང་མ་འདང་བའི་དཀའ་ངལ་བྱུང་ཡོད་རབས་དང་།དེ་བཞིན་ཨ་སྒོར་གྱི་འཛའ་འཕར་པ་བརྟེན་བུ་ལོན་དང་དངོས་ཟོག་ནང་འདྲེན་ལ་དངུལ་ཇེ་མང་དུ་སྤྲད་དགོས་པ་སོགས་ཀྱི་དཀའ་ངལ་འཕྲད་ཡོད་འདུག གཞན་ཡང་རྒྱལ་ཁབ་སོ་སོའི་འགོ་ཁྲིད་ཀྱི་ནུས་པ་ཞན་པའི་སྟབས་ཀྱི་ཡིན་ཚུལ་བརྗོད་ཡོད་དེ།ཤྲི་ལང་གའི་སྲིད་འཛིན་གྱིས་རྫས་ལུས་ནང་འདྲེན་བྱེད་རྒྱུ་བཀག་སྡོམ་བྱས་པར་བརྟེན་ཞིང་པ་རྣམས་ཀྱི་སྟོན་འབྲས་ལ་དཀའ་ངལ་སྤྲད་ཡོད་པ་དང་དཔྱ་ཁྲལ་བསྡུ་རྒྱུ་ཇེ་ཉུང་དུ་བཏང་བས་རྒྱལ་ཁབ་ཀྱི་དཔལ་འབྱོར་ཡོང་འབབ་ལ་ཤུགས་རྐྱེན་སྤྲད་པ་སོགས་ཁོང་གིས་ནོར་འཁྲུལ་མོང་པོ་ཞིག་ཡང་ནས་བསྐྱར་དུ་བཟོས་ཡོད་པ་དང་།ནོར་འཁྲུལ་དེ་དག་ནི་ད་ལྟའི་དཀའ་ངལ་གྱི་འབྱུང་རྩའི་ཆ་ཤས་སུ་འགྱུར་ཡོད་ལྟར།རྒྱལ་ཁབ་དེ་དག་གི་དབུ་ཁྲིད་ཚོའི་ནུས་པས་མ་འདང་བ་ཡིན་ཚུལ་བརྗོད་འདུག་ལ།རྒྱུ་མཚན་དེ་དག་གི་སྒང་ལ་ཨུ་རུ་སུ་དང་ཡུག་རེན་བར་གྱི་དམག་འཁྲུག་དང་ནུབ་ཕྱོགས་པ་ཚོས་ཨུ་རུ་སུ་ལ་དཔལ་འབྱོར་ཉེས་ཆད་བཅད་པ།རྒྱ་ནག་གི་ཏོག་དབྱིབས་གཉན་རིམས་༡༩མེད་པ་བཟོ་བྱེད་ཀྱི་ཀླད་ཀོར་གྱི་སྲིད་བྱུས་སོགས་ཀྱིས་ཀྱང་རྒྱལ་ཁབ་དེ་དག་གི་དཔལ་འབྱོར་ཉམས་ཉེས་ལ་ཤུགས་རྐྱེན་སྤྲད་ཡོད་པའི་སྐོར་གྱི་གནས་ཚུལ་སྤེལ་འདུག ལོ་འདིའི་སྤྱི་ཟླ་གཉིས་པའི་ནང་དུ་ཨུ་རུ་སུས་ཡུག་རེན་ལ་བཙན་འཛུལ་མ་བྱེད་པའི་སྔོན་དུ་འཛམ་གླིང་དངུལ་ཁང་གིས་རྒྱལ་ཁབ་བདུན་ཅུའི་མིང་བཏོན་ནས་རྒྱལ་ཁབ་དེ་དག་ལ་དཔལ་འབྱོར་ཉམས་ཉེས་དང་བུ་ལོན་གྱི་དཀའ་ངལ་འཕྲད་ཉེན་ཡོད་པའི་ཉེན་བརྡ་ཞིག་བཏང་ཡོད་ལ།ལོ་འདིའི་སྤྱི་ཟླ་གསུམ་པའི་ནང་དུ་འཛམ་གླིང་མཉམ་འབྲེལ་རྒྱལ་ཚོགས་ཀྱི་སྙན་ཐོ་ཞིག་བཏོན་ཡོད་པ་དང་།སྙན་ཐོ་དེའི་ནང་དུ་རྒྱལ་ཁབ་༡༠༧ལ་ཟ་མའི་རིན་གོང་དང་ནུས་པའི་རིན་གོང་འཕར་རྒྱུ་དང་དཔལ་འབྱོར་གྱི་གནས་སྟངས་ཇེ་ཆེ་འགྲོ་བ་བཅས་དཀའ་ངལ་གསུམ་ལས་གང་རུང་གཅིག་འཕྲད་རྒྱུ་ཡིན་པ་དང་།རྒྱལ་ཁབ་དེ་དག་ལས་རྒྱལ་ཁབ་༦༩་དཀའ་ངལ་དེ་གསུམ་ཀ་ཕྲད་ནས་ཤྲི་ལང་གའི་གནས་སྟངས་བཞིན་ཡོང་སྲིད་པའི་སྐོར་བརྗོད་ནས་ལམ་སྟོན་ཁག་གཅིག་ཀྱང་བྱས་ཡོད་འདུག ། གསར་འགོད་པ་བློ་བཟང་རྒྱ་མཚོ།  

Read more

གཞུང་འབྲེལ་མཆོད་འབུལ་སྨོན་ལམ་འཚོགས་པ།

ཉི་ཧོང་གི་སྲིད་བློན་ཟུར་པ་ཤིན་ཛོ་ཨ་བྷེ་ (Shinzo Abe)ཕྱི་ལོ་ ༢༠༢༢ ཟླ་ ༧ ཚེས་ ༨ ཉིན་འདས་གྲོངས་སུ་གྱུར་པའི་ཡིད་སྐྱོའི་གནས་ཚུལ་ཐོན་པར་བོད་མིའི་སྒྲིག་འཛུགས་བཀའ་ཤག་ནས་ཐུགས་ཕམ་དང་འབྲེལ། དམ་པ་ཁོང་བཞུགས་ཡུན་རིང་བོད་དོན་ཐོག་རྒྱབ་སྐྱོར་གཡོ་མེད་གནང་བར་རྗེས་དྲན་ཞུ་སླད། ཕྱི་ལོ་ ༢༠༢༢ ཟླ་ ༧ ཚེས་ ༡༡ ཉིན་གྱི་ཕྱེད་ཡོལ་ཆུ་ཚོད་ ༣  ཐོག་གངས་སྐྱིད་སྲིད་སྐྱོང་ཚོགས་ཁང་དུ་བོད་མིའི་སྒྲིག་འཛུགས་ཀྱི་མང་གཙོ་ཀ་བ་གསུམ་གྱི་མཛད་གཙོ་རྣམ་པས་དབུས་ལྷན་ཁང་ཁག་གི་དྲུང་ཆེ་ཆུང་རྣམ་པ་དང་། དེ་བཞིན་སྲི་ཞུའི་ལས་བྱེད་བཅས་ཚང་འཛོམས་ཐོག་གཞུང་འབྲེལ་མཆོད་འབུལ་སྨོན་ལམ་ཞིག་འཚོགས་གནང་འདུག 

Read more

ཨ་བྷེ་གྲོངས་རྗེས་ཉི་ཧོང་གི་མཉམ་འབྲེལ་ཚོགས་པར་རྒྱལ་ཁ་ཆེན་པོ་ཐོབ་འདུག

 ཟླ་འདིའི་ཚེས་ ༨ ཉིན་ཉི་ཧོང་གི་སྲིད་བློན་ཟུར་པ་ཤིན་ཛོ་ཨ་བྷེ་གྱིས་ཉི་ཧོང་ནུབ་རྒྱུད་ཀྱི་ན་ར་(Nara) གྲོང་ཁྱེར་དུ་མང་གཙོ་ཚོགས་པའི་འོས་བསྡུ་དྲིལ་་བསྒྲགས་ཀྱི་གཏམ་བཤད་སྐབས། སྐྱེས་པ་ཞིག་གིས་ཁོང་ལ་མེ་མདའ་བརྒྱབ་ནས་འདས་གྲོངས་ཕྱིན་པའི་རྗེས་ཉི་ཧོང་གི་མང་གཙོ་ཚོགས་པ་དང་མཉམ་འབྲེལ་ཚོགས་པར་འོས་བསྡུའི་རྒྱལ་ཁ་ཆེན་པོ་ཐོབ་ཡོད་འདུག དེ་སྔའི་སྲིན་བློན་ཟུར་པ་སྐུ་ཞབས་ཤིན་ཛོ་ཨ་བྷེ་དམར་གསོད་བྱས་རྗེས། ཉི་ཧོང་གི་གཞུང་འཛིན་པ་མང་གཙོ་ཚོགས་པ་དང་། མཉམ་འབྲེལ་ཚོགས་པ། ཀུ་མི་ཌོ་ཚོགས་པ་བཅས་ལ་རེས་གཟའ་ཉི་མར་གྲོས་ཚོགས་ཀྱི་འོས་བསྡུ་ནང་རྒྱལ་ཁ་ཆེན་པོ་ཐོབ་ཡོད་པ་དང་། ཐེངས་འདིའི་འོས་བསྡུ་འགྲན་རྩོད་ཁྲོད། ཉི་ཧོང་གི་མཉམ་འབྲེལ་ཆབ་སྲིད་ཚོགས་པ་ཁག་ལ་འོས་གྲངས་བརྒྱ་ཆ་ ༥༥% ཐོབ་ཡོད་པ་དང་། དེ་སྔོན་འོས་བསྡུའི་གྲུབ་འབྲས་དང་བསྡུར་ན་བརྒྱ་ཆ་ ༣ % གི་མང་བ་འཕར་ཡོད་འདུག མང་གཙོ་ཚོགས་པའི་མཉམ་འབྲེལ་ཆབ་སྲིད་ཚོགས་པར་ཉི་ཧོང་གི་གྲོས་ཚོགས་གོང་མའི་རྐུབ་སྟེགས་ཕྱེད་ཀ་ལྷག་གིས་མང་མོས་འོས་རྒྱལ་ཁ་ཐོབ་ཡོད་པར་བརྟེན། ད་ལྟའི་སྲིད་འཛིན་ལས་ཐོག་ཧྥོ་མུ་(Fumio Kishida)ཡི་གཞུང་འཛིན་ཚོགས་པས་ཕྱི་ལོ་

Read more

རྒྱ་ནག་ཏུ་དངུལ་བཅོལ་འཇོག་བྱེད་མཁན་དག་གིས་ངོ་རྒོལ་ལས་འགུལ་སྤེལ་འདུག

ཟླ་འདིའི་ཚེས་༡༡ཉིན་CNNགསར་ཁང་གིས་གནས་ཚུལ་སྤེལ་གསལ་ལྟར་ན། རྒྱ་ནག་གི་ནང་དུ་དཔལ་འབྱོར་གྱི་དཀའ་ངལ་འཕྲད་བཞིན་པར་བརྟེན། ལོ་འདིའི་སྤྱི་ཟླ་བཞི་པའི་ཟླ་དཀྱིལ་ནས་རྒྱ་ནག་ཧེ་ནན(Henan)ཞིང་ཆེན་ནང་གི་དངུལ་ཁང་བཞི་ཡི་ནང་ནས་དངུལ་ལེན་ཐུབ་ཀྱི་མེད་པ་དང་། དངུལ་ཁང་དུ་དངུལ་བཅོལ་འཇོག་བྱེད་མཁན་དག་ལ་དཀའ་ངལ་ཆེན་མོ་འཕྲད་བཞིན་ཡོད་པར་བརྟེན། ཟླ་འདིའི་ཚེས་༡༠ཉིན་དངུལ་ཁང་དུ་དངུལ་བཅོལ་འཇོག་བྱེད་མཁན་ཆིག་སྟོང་ལྷག་ལྷན་འཛོམས་ཀྱིས་ས་གནས་དཔོན་པོ་དག་གི་དྲག་སྤྱོད་དང་ལྐོག་ཟ་རུལ་སུངས་ཀྱི་ཐོག་ལ་ངོ་རྒོལ་ལས་འགུལ་ཞིག་སྤེལ་ཡོད་པའི་གནས་ཚུལ་ཐོན་འདུག འདས་པའི་ཟླ་བ་གཉིས་ཀྱི་ནང་དུ་དངུལ་ཁང་དུ་དངུལ་བཅོལ་འཇོག་བྱེད་མཁན་དག་གིས་ངོ་རྒོལ་ཐེངས་ཁ་ཤས་བྱས་ཡོད་ཀྱང་གྲུབ་འབྲས་གང་ཡང་ཐོན་མེད་པ་དང་། ཏོག་དབྱིབས་གཉན་རིམས་༡༩་པའི་དབང་གིས་མི་མང་ཚོ་ལ་ཡར་མར་འགྲོ་འོང་གི་དམ་དྲག་དང་བཀག་སྡོམ་བྱས་པའི་སྟབས་ཀྱིས་དངུལ་བཅོལ་འཇོག་བྱེད་མཁན་དག་གི་ངོ་རྒོལ་ལས་འགུལ་ལ་འགོག་རྐྱེན་སྣ་ཚོགས་འཕྲད་ཡོད་རབས་དང་། ཐེངས་འདིར་ངོ་རྒོལ་བྱེད་མཁན་མང་པོ་ཞིག་ནི་ཞོགས་པའི་སྐྱ་རེངས་མ་འཆར་གོང་ནས་ཡོང་ཡོད་པ་དང་། ཁག་གཅིག་ནི་ཞོགས་པའི་ཆུ་ཚོད་བཞི་པ་ཙམ་ནས་ངོ་རྒོལ་བྱེད་དུ་ཡོང་ཡོད་པའི་གནས་ཚུལ་ཐོན་འདུག ངོ་རྒོལ་ལས་འགུལ་སྤེལ་བའི་སྐབས་དེར་ས་གནས་ཀྱི་ཉེན་རྟོག་པ་སྒྲིག་ཆས་གྱོན་ཡོད་པ་དང་གཞན་ཡང་སྟོད་ཐུང་དཀར་པོ་གྱོན་མཁན་བརྒྱ་ཕྲག་ཁ་ཤས་བསླེབས་ཡོད་པ་དང་། ལས་འགུལ་བ་ཚོས་ཁོང་ཚོ་ལ་ཇག་ཚོགས་ཞེས་སྐད་སྒྲོག་ཡོད་འདུག ཉེན་རྟོག་པ་ཚོས་ལས་འགུལ་བ་དག་ལ་ཉེན་བརྡ་གང་ཡང་མ་གཏོང་བ་ངོ་རྒོལ་བ་ཚོ་ལ་རྡུང་རྡིག་གཏོང་བ། རེ་འགའ་འཛིན་བཟུང་བྱེད་ཡོད་པ་སོགས་ཀྱི་གནས་ཚུལ་ཐོན་འདུག ད་ལྟའི་ཆར་མི་མང་བརྒྱ་ཕྲག་མང་པོས་ཚེ་གང་གསོག་འཇོག་བྱེད་པའི་དངུལ་དག་རང་ཉིད་ཀྱི་ལག་ཏུ་མ་རག་པའི་དཀའ་ངལ་འཕྲད་བཞིན་འདུག་ལ། ཐེངས་འདིའི་ངོ་རྒོལ་གྱི་ལས་འགུལ་དེ་ནི་རྒྱ་ནག་གི་ནང་དུ་ཏོག་དབྱིབས་གཉན་རིམས་༡༩་ཁྱབ་གདལ་ཕྱིན་པ་ནས་བཟུང་ད་ལྟའི་བར་དུ་ངོ་རྒོལ་གྱི་ལས་འགུལ་ཆེ་ཤོས་སུ་ངོ་འཛིན་བྱེད་བཞིན་འདུག །   གསར་འགོད་པ་བློ་བཟང་རྒྱ་མཚོ།

Read more

ཤྲི་ལང་གའི་སྲིད་འཛིན་ས་གནས་གཞན་དུ་གྲོལ་ཡོད་པ་དང་ཚེས་༡༣ཉིན་ལས་གནས་ནས་དགོངས་པ་ཞུ་རྒྱུ་རེད་འདུག

ཟླ་འདིའི་ཚེས་༡༡་ཉིན་Hindustan དུས་བབ་གསར་ཁང་གིས་གནས་ཚུལ་སྤེལ་གསལ་ལྟར་ན། ཤྲི་ལང་གའི་མི་མང་སྟོང་ཕྲག་མང་པོས་ངོ་རྒོལ་སྐད་འབོད་དང་སྲིད་འཛིན་གྱི་ཕོ་བྲང་དུ་འཛུལ་ཡོད་པའི་སྟབས་ཀྱིས་སྲིད་འཛིན་གྷོ་དྷ་བྷ་ཡ་(Gotabaya Rajapaksa)ས་གས་གཞན་དུ་བྲོས་བྱོལ་ཕྱིན་ཡོད་པ་དང་ཟླ་འདིའི་ཚེས་༡༣ཉིན་ཁོང་ཉིད་ལས་གནས་ནས་དགོངས་པ་ཞུ་རྒྱུ་ཡིན་པའི་གནས་ཚུལ་ཐོན་འདུག ཤྲི་ལང་གའི་ཡུལ་དུ་དཔལ་འབྱོར་ཉམས་ཉེས་ཀྱི་དཀའ་ངལ་ཧ་ཅང་ཆེན་མོ་འཕྲད་བཞིན་པར་བརྟེན། ལོ་འདིའི་སྤྱི་ཟླ་གསུམ་པ་ནས་བཟུང་མི་མང་གིས་ཞི་བའི་ཐོག་ངོ་རྒོལ་སྐད་འབོད་དང་རྔམ་སྟོན་ཁྲོམ་སྐོར་རིམ་པ་བྱས་ཡོད་ཀྱང་། ད་བར་དུ་མི་མང་གི་དགོས་འདོན་བཞིན་ཤྲི་ལང་གའི་སྲིད་འཛིན་ལས་གནས་ནས་དགོངས་པ་ཞུས་མེད་པ་དང་། ཟླ་འདི་ཚེས་༩ཉིན་མི་མང་སྟོང་ཕྲག་མང་པོས་སླར་ཡང་ངོ་རྒོལ་གྱིས་སྲིད་འཛིན་སྡོད་སའི་ཕོ་བྲང་གི་ནང་དུ་ཡང་འཛུལ་ཡོད་པའི་གནས་ཚུལ་ཐོན་འདུག ཤྲི་ལང་ག་ལ་དཔལ་འབྱོར་གྱི་མ་རྩ་རྡིབ་ཡོད་པ་དང་ཉེ་ཆར་རྒྱལ་སྤྱིའི་མ་དངུལ་ཐེབས་རྩ་དང་མཉམ་དུ་གྲོས་མོལ་བྱས་ཡོད་ཀྱང་གྲུབ་འབྲས་གང་ཡང་བྱུང་མེད་པའི་སྟབས་ཀྱིས་ཤྲི་ལང་གའི་སྲིད་འཛིན་མཆོག་བྲོས་བྱོལ་དུ་འགྲོ་རྒྱུ་ཐག་གཅོད་བྱེད་ཡོད་རབས་བརྗོད་འདུག་ལ་མི་མང་ཕོན་ཆེན་གྱིས་ངོ་རྒོལ་དང་སྲིད་འཛིན་གྱི་ཕོ་བྲང་དུ་བཙན་འཛུལ་བྱེད་པའི་དབང་གིས་ཤྲི་ལང་གའི་སྲིད་འཛིན་མཆོག་གིས་ཕོ་བྲང་བསྐྱུར་ནས་ས་གནས་གཞན་དུ་གྲོལ་དགོས་པ་ཆགས་ཡོད་འདུག ད་ལྟའི་ཆར་ཤྲི་ལང་གའི་སྲིད་འཛིན་གྱི་ཕོ་བྲང་དང་སྲིད་བློན་གྱི་སྡོད་གནས་གཉིས་ཀ་མི་མང་གིས་བདག་བཟུང་བྱེད་བཞིན་ཡོད་པ་དང་། ལས་འགུལ་སྣེ་ཁྲིད་པ་ཚོས་ཤྲི་ལང་གའི་སྲིད་འཛིན་དང་སྲིད་བློན་གཉིས་ཀ་ལས་གནས་ནས་དགོངས་པ་མ་ཞུའི་བར་དུ་ཁོང་ཚོ་ཕོ་བྲང་ནས་ཕྱི་ལ་འགྲོ་རྒྱུ་མིན་རབས་བརྗོད་འདུག ཤྲི་ལང་གའི་ཕོ་བྲང་དུ་ཡུལ་མི་ཡིས་ཁེངས་བཞིན་ཡོད་པ་དང་ལས་འགུལ་བ་མང་པོས་སྲིད་འཛིན་གྱི་རྐྱལ་རྫིང་གི་ནང་དུ་ཆུ་རྐྱལ་པ་དང་ལུས་རྩལ་ཁང་དུ་ལུས་སྦྱོང་བྱེད་པ། ཕོ་བྲང་གི་ནང་རོལ་དུ་རང་པར་སྐྱོན་པ་སོགས་ཀྱིས་སྲིད་འཛིན་གྱི་ཕོ་བྲང་ནི་ཡུལ་སྐོར་སྤྲོ་འཆམ་འགྲོ་ས་ལྟ་བུ་ཞིག་ཏུ་གྱུར་ཡོད་པའི་གནས་ཚུལ་ཐོན་འདུག དེ་རིང་སྤྱི་ཚེས་༡༡་ཉིན་ཤྲི་ལང་གའི་སྲིད་བློན་གྱི་ལས་ཁུངས་ནས་བསྒྲགས་གཏམ་ཞིག་སྤེལ་ཡོད་པ་དང་། དེའི་ནང་དུ་ཤྲི་ལང་གའི་སྲིད་འཛིན་མཆོག་རེས་གཟའ་ལྷག་པའི་ཉིན་ལས་གནས་ནས་དགོངས་པ་ཞུ་རྒྱུ་ཡིན་རབས་བརྗོད་ཡོད་ཀྱང་། སྲིད་འཛིན་ཁོང་ཉིད་སྒེར་གྱིས་ངོས་ནས་ཚིག་གཅིག་ཀྱང་བརྗོད་མེད་པའི་གནས་ཚུལ་ཐོན་འདུག ད་ལྟའི་ཆར་ཤྲི་ལང་གས་རྒྱལ་སྤྱི་ཐོག་གི་ཚོགས་སྡེ་ཁག་དང་རྒྱལ་ཁབ་ཁག་ལ་བུ་ལོན་ཨ་སྒོར་ཐེར་འབུམ་༥༠་སྤྲད་རྒྱུ་ལྷག་སྡོད་ཡོད་པ་དང་། དེའི་ཁྲོད་ནས་ཨ་སྒོར་ཐེ་འབུམ་༢༨ཞིག་སྤྱི་ལོ་༢༠༢༧ ལོར་སྤྲད་དགོས་ཀྱི་ཡོད་འདུག་པ་བཅས་ཀྱི་གནས་ཚུལ་སྤེལ་འདུག །

Read more