གཞས་པ་གྲགས་ཅན་ཝུ་ཡི་ཧྥན་ལ་བཙན་གཡེམ་གྱི་ནག་ཉེས་འོག་བཙོན་འཇུག་ཁྲིམས་ཐག་བཅད་འདུག

ཟླ་འདིའི་ཚེས་༢༦ ཉིན་བྷི་བྷི་སི་གསར་ཁང་གི་གནས་ཚུལ་སྤེལ་བ་ལྟར་ན། རྒྱ་ནག་པི་ཅིང་ཁྲིམས་ཁང་ནས་ཁེ་ན་ཌའི་མི་སེར་དང་སྐྱེས་ཡུལ་རྒྱ་ནག་ནས་ཡིན་པ་གཞས་པ་གྲགས་ཅན་ཝུ་ཡི་ཧྥན་འམ་ཁེར་སི་ཝུ་ཡིས། ཕྱི་ལོ་ ༢༠༢༠ ལོའི་ཕྱི་ཟླ་ ༡༡ དང་༡༢ ནང་ཚུད་དུ་ཁོ་པའི་ནང་ལ་སློབ་ཕྲུག་བུ་མོ་གསུམ་ལ་བཙན་དབང་གིས་ཆང་རག་རིགས་བཏུང་བཅུག་པ་དང་། རྗེས་སུ་ཁོང་ཚོ་ར་བཟི་རྗེས་བཙན་གཡེམ་བྱས་ཡོད་པ་ར་འཕྲོད་ནས། ཁོ་ལ་ལོ་ངོ་༡༣གྱི་བཙོན་འཇུག་ཁྲིམས་ཐག་བཅད་ཡོད་པའི་གནས་ཚུལ་ཐོན་འདུག      

Read more

གཏན་འཇགས་ཐབས་བྱུས་འཆར་འགོད་ཚོགས་ཆུང་གི་ཚོགས་འདུ་ཐེངས་གསུམ་པ་མཇུག་བསྒྲིལ་བ།

ཟླ་༡༡ པའི་ཚེས་༢༥ ནས་༢༧ བར་རྡ་ས་ནོར་གླིང་དུ། བོད་མིའི་སྒྲིག་འཛུགས་ཀྱི་གཏན་འཇགས་ཐབས་བྱུས་འཆར་འགོད་ཚོགས་ཆུང་གི་ཚོགས་འདུ་ཐེངས་གསུམ་པ་འཚོགས་གནང་འདུག ཚོགས་འདུའི་ཐོག་སྲིད་སྐྱོང་སྤེན་པ་ཚེ་རིང་། ཚོགས་ཆུང་གི་སློབ་སྟོན་པ་བཀའ་ཟུར་འབྲོང་ཆུང་དངོས་གྲུབ་དང་༸གོང་ས་མཆོག་གི་དམིགས་བསལ་སྐུ་ཚབ་ཟུར་པ་སྐལ་བཟང་རྒྱལ་མཚན། བཀའ་ཟུར་བསྟན་པ་ཚེ་རིང་། ཚོགས་ཆུང་གི་ཚོགས་མི་བདེ་སྲུང་དྲུང་ཆེ་ཀརྨ་རིན་ཆེན་དང་ཕྱི་འབྲེལ་དྲུང་ཆེ་ཀརྨ་ཆོས་དབྱིངས། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་ཟླ་བ་ཚེ་རིང་། བཀའ་ཤག་གི་ཆབ་སྲིད་དྲུང་ཆེ་བཀྲིས་རྒྱ་མཚོ། དགའ་ལྡན་ཕོ་བྲང་གི་དྲུང་ཆེ་རྔ་བ་ཚེ་རྒྱམ་བཅས་མཉམ་ཞུགས་གནང་ཡོད་འདུག  ཚེས་༢༧ ཉིན་བོད་མིའི་སྒྲིག་འཛུགས་ཀྱི་ཕྱི་དྲིལ་དྲུང་ཆེ་ཀརྨ་ཆོས་དབྱིངས་ཀྱིས་གསར་འགོད་པར་གསུང་དོན།  གཏན་འཇགས་ཐབས་བྱུས་འཆར་འགོད་ཚོགས་ཆུང་གི་རྒྱས་འཛོམས་ཚོགས་འདུ་ཐེངས་གསུམ་པ་དེ་བཞིན་ཕྱི་ལོ་ ༢༠༢༢ ཟླ་བ་ ༡༡ ཚེས་ ༢༥ ནས་ ༢༧ བར་ཉིན་གྲངས་གཉིས་དང་ཕྱེད་ཀའི་རིང་ཚོགས་གནང་བ་རེད། ཐེངས་འདིའི་ཚོགས་འདུའི་ཐོག་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་དབུས་པའི་ཚོགས་ཆུང་གི་སློབ་སྟོན་པ་དང་ཚོགས་མི་བཅས་ཚང་མ་མཉམ་ཞུགས་གནང་ཡོད། ཐེངས་འདིའི་ཚོགས་འདུ་ཐོག་གཙོ་བོ་དཔལ་ལྡན་ལྡན་སྲིད་སྐྱོང་མཆོག་ཉེ་ཆར་ཡུ་རོབ་དང་ཉི་ཧོང་བཅས་སུ་གཞུང་འབྲེལ་ཕྱོགས་ཕེབས་གནང་སྟེ་གཞུང་གི་དཔོན་རིགས་དང་། གྲོས་ཚོགས་འཐུས་མི་དང་ལྷན་མཇལ་འཕྲད་གནང་བའི་སྐོར་དང་། དེ་བཞིན་རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་ཉི་ཤུ་པའི་གནད་དོན་དང་མཇུག་འབྲས་ལ་ཚོད་དཔག་གང་གནང་གི་ཡོད་མེད། ཕྱོགས་མཚུངས་ཕྱི་ཟླ་ ༣ ནང་རྒྱ་ནག་མི་མང་འཐུས་མི་ཚོགས་ཆེན་འཚོགས་རྒྱུའི་སྐོར་ཐུགས་སྣང་གནང་དགོས་པ་སོགས་ཀྱི་ཐད་བཀའ་བསྡུར་ལྷུག་པོ་བྱུང་ཡོད་ཅེས་གསུངས་འདུག  ། གསར་འགོད་པ་སྐལ་བཟང་དོན་གྲུབ།

Read more

ལོ་རྒྱུས་ཐོག་བོད་རང་བཙན་གཙང་མ་ཡིན་པ་བསྒྲུབ་རྒྱུ་ནི་དབུ་མའི་ལམ་གྱི་སྲིད་བྱུས་ལ་གལ་ཆེན་པོ་ཆགས་ཡོད་སྐོར་གསུངས།

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་གིས། རྒྱལ་སྤྱིའི་སྟེང་རྒྱ་ནག་གཞུང་གིས་བོད་རྒྱ་ཁོངས་ཡིན་པའི་དཀྲོག་གཏམ་ཤུགས་ཆེན་པོ་སྤེལ་སྟབས་མི་མང་པོས་བོད་ཀྱི་ལོ་རྒྱུས་དངོས་ལ་གོ་ལོག་ཐེབས་ཉེན་ཆེ་བ་དང་། རྒྱ་ནག་གཞུང་གིས་བོད་ལ་བཙན་འཛུལ་བྱས་པ་དེ་རྒྱལ་སྤྱི་ལ་བརྟེན་ནས་ཁྲིམས་མཐུན་བཟོ་ཐབས་བྱེད་ཀྱི་ཡོད་མོད། རྒྱལ་སྤྱིའི་སྲིད་གཞུང་ཁག་ནས་དེ་ལྟར་ཁྲིམས་མཐུན་བཟོ་ཐབས་མེད་པ། ལོ་རྒྱུས་ཐོག་བོད་རང་བཙན་གཙང་མ་ཡིན་པ་བསྒྲུབ་རྒྱུ་ནི་དབུ་མའི་ལམ་གྱི་སྲིད་བྱུས་ལ་གལ་ཆེན་པོ་ཆགས་ཡོད་པ་སོགས་གསུངས་འདུག

Read more

ཨབ་གྷན་ནང་མང་ཚོགས་མདུན་དུ་ལྕག་ཚན་གཞུ་བའི་ཉེས་ཆད་བསྐྱར་དུ་འགོ་བཙུགས་ཟིན་འདུག

ཨབ་གྷ་ནི་སེ་ཐན་གྱི་སྲིད་གཞུང་དེ་ཏ་ལི་བྷན་དྲག་སྤྱོད་རུ་ཁག་གིས་བཙན་བཟུང་བྱས་ཟིན་རྗེས། སྔ་མོར་མང་ཚོགས་དཀྱིལ་དུ་ལྕག་ཚན་གཞུ་ནས་ཉེས་ཆད་གཏོང་བའི་ལམ་ལུགས་དེ་བསྐྱར་དུ་འགོ་བཙུགས་ཟིན་འདུག 

Read more

སྤྱི་འཐུས་ཀྱི་ཐབས་བྱུས་ཚོགས་འདུ་ཐེངས་གཉིས་པ་དབུ་འཛུགས་གནང་འདུག 

ཟླ་༡༡ ཚེས་ ༢༢ ཉིན་རྡ་སར་རྟེན་གཞི་བྱས་པའི་ནི་བྷ་ན་གསོལ་མགྲོན་ཁང་དུ། བོད་མི་མང་སྤྱི་འཐུས་ལྷན་ཚོགས་ནས་ཉིན་གྲངས་བཞིའི་རིང་གོ་སྒྲིག་ཞུས་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཐབས་བྱུས་ཚོགས་འདུ་དབུ་འཛུགས་གནང་ཡོད་འདུག 

Read more

ཨ་རིའི་སྒོ་རྩིས་ཚོང་གཉེར་ཁང་དུ་མེ་མདའི་དོན་རྐྱེན་འོག་མི་ ༦ བསད་ཡོད་འདུག

ཟླ་འདིའི་ཚེས་ ༢༢ ཉིན་གྱི་དགོང་མོར་ཨ་རིའི་མངའ་སྡེ་ཝར་ཇཱེ་ནེ་ཡ་(Virginia)ཡི་གྲོང་ཁྱེར་ཅེ་སཱི་པིག (Chesapeake) ནང་རྟེན་གཞི་བྱེད་པའི་ཝོ་མཱ་ཌི་ (Walmart) སྒོ་རྩིས་ཚོང་གཉེར་ཁང་དུ་མི་ཞིག་གིས་མེ་མདའ་གང་བྱུང་བརྒྱབ་ནས་མི་གྲངས་༦ བསད་ཡོད་པ་དང་གཞན་ཡང་མི་མང་པོར་རྨས་སྐྱོན་ཕོག་ཡོད་འདུག རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་བ་ལྟར་ན། ཨ་རི་མངའ་སྡེ་ཝར་ཇཱེ་ནེ་ཡ་ཡི་གྲོང་ཁྱེར་ཅེ་སཱི་པིག་ནང་རྟེན་གཞི་བྱེད་པའི་ཝོ་མཱ་ཌི་སྒོ་རྩིས་ཚོང་གཉེར་ཁང་དུ་མེ་མདའ་བརྒྱབ་པའི་དོན་རྐྱེན་བྱུང་ཡོད་པ་དང་། དོན་རྐྱེན་དེའི་ཁྲོད་ད་ལྟའི་ཆར་མི་གྲངས་༦ བསད་ཡོད་པ་དང་གཞན་ཡང་མི་མང་པོར་རྨས་སྐྱོན་ཕོག་ཡོད་པ་མ་ཟད། དོགས་ཡོད་ཉེས་ཅན་པ་ཡང་རྐྱེན་ལམ་དུ་ཤོར་ཡོད་སྐོར་ས་གནས་ཉེན་རྟོག་པས་འགྲེལ་བརྗོད་བྱས་ཡོད་འདུག ས་གནས་ཉེན་རྟོག་ལས་ཁུངས་ཀྱི་མགྲིན་ཚབ་པས་བརྗོད་པ་ལྟར་ན། དོན་རྐྱེན་དེ་རེས་གཟའ་ཉི་མའི་དགོང་མོ་ཆུ་ཚོད་ ༡༠།༡༢ ཐོག་ས་གནས་ཉེན་རྟོག་པར་གྲོང་ཁྱེར་ཅི་སཱི་པིག་ཝོ་མ་ཌི་ཚོང་གཉེར་ཁང་དུ་མེ་མདའ་རྒྱག་བཞིན་ཡོད་པ་ཁ་པར་བརྒྱུད་ནས་ཉེན་རྟོག་པར་ལན་འབྱོར་ཡོད་སྐོར་དང་། ཉེན་རྟོག་པས་དོན་རྐྱེན་ལྷག་ཡུལ་གྱི་ས་གནས་སུ་སླེབས་པའི་སྐབས་སྒོ་རྩིས་ཚོང་གཉེར་ཁང་ནང་དུ་མི་མང་པོ་ཤི་རྨས་བྱུང་ཡོད་པ་དང་ཚོང་གཉེར་ཁང་གི་སྒོ་འགྲམ་དུ་མི་གཅིག་བསད་ཡོད་པའི་སྐོར་ལ་འགྲེལ་བརྗོད་གནང་ཡོད་པ་མ་ཟད། དོགས་ཡོད་ཉེས་ཅན་པས་མི་མང་ལ་མེ་མདའ་བརྒྱབ་དགོས་དོན་གྱི་རྒྱབ་ལྗོངས་གང་ཡིན་ད་ལྟའི་ཆར་ཁ་གསལ་ཆགས་མེད་པ་རེད་འདུག དེ་བཞིན་དོན་རྐྱེན་དེ་བྱུང་བའི་དགོང་མོར་དེར་ཝར་ཇཱེ་ནེ་ཡའི་མངའ་སྡེའི་གྲོས་ཚོགས་གོང་མའི་འཐུས་མི་སྐུ་ཞབས་ལུ་ཡེ་སཱེ་ལུཀ་སཱེ་(Louise

Read more

ཨིན་ཌོ་ནི་ཤི་ཡར་ས་ཡོམ་བརྒྱབ་ནས་ཉུང་མཐར་མི་གྲངས་༢༨༦ གྲོངས་ཡོད་འདུག 

ཨིན་ཌོ་ནི་ཤི་ཡར་ས་ཡོམ་ཤུགས་ཆེན་ཞིག་བརྒྱབ་ནས་ཉིན་ཤས་འགྲོ་བཞིན་ཡོད་ཀྱང་། ད་དུང་ཡང་རྗེས་ཡོམ་མང་པོ་ཞིག་བརྒྱབ་བཞིན་འདུག་པ་དང་། རང་བྱུང་གི་གནོད་འཚེ་དེའི་ཁྲོད་བྱིས་པ་མང་པོ་ཞིག་གྲོངས་ཡོད་པ་རེད་འདུག  དེ་ཡང་ཟླ་༡༡ པའི་ཚེས་༢༡ ཉིན་གྱི་ཉིན་རྒྱབ་ཏུ་ཨིན་ཌོ་ནི་ཤི་ཡའི་ནུབ་ཇཱ་ཝ་མངའ་སྡེར་ས་ཡོམ་ཤུགས་ཚད་༥.༦ དང་གཏིང་ཚད་སྤྱི་ལེ་༡༠ ཅན་ཞིག་བརྒྱབ་ནས་མི་རྒྱུ་གཉིས་ལ་གནོད་སྐྱོན་ཆེན་པོ་བཏང་ཡོད་པ་རེད་འདུག ཁུལ་དེའི་རི་སྒང་དུ་གནས་པའི་གྲོང་གསེབ་ཁག་ཏུ་གནོད་སྐྱོན་ཆེན་པོ་བྱུང་ཡོད་ཁར། ས་ཡོམ་ལ་བརྟེན་ནས་ས་རུད་བྱུང་ནས་རིའི་སྒང་གནས་པའི་གྲོང་གསེབ་ཡོངས་སུ་རྫོགས་པ་སའི་འོག་ཏུ་སྦས་པ་དེ་འདྲ་ཡང་བྱུང་འདུག  ཚེས་༢༣ ཉིན་ཏེ་ས་ཡོམ་བརྒྱབ་ནས་ཉིན་གྲངས་གསུམ་འགྲོ་བཞིན་ཡོད་ཀྱང་། ད་དུང་ཡང་རྗེས་ཡོམ་ཆུང་ཆུང་མང་པོ་ཞིག་བརྒྱབ་བཞིན་ཡོད་འདུག་པས། དེ་ལ་བརྟེན་ནས་མྱུར་སྐྱོབ་ཀྱི་ལས་དོན་ལ་བར་ཆད་ཆེན་པོ་བཟོ་བཞིན་འདུག ད་ལྟ་བར་དུ་རྗེས་ཡོམ་༡༠༠༠ ལས་མང་བ་བརྒྱབ་འདུག་པ་དང་། ཚེས་༢༥ ཉིན་རྗེས་ཡོམ་རྒྱག་རྒྱུ་མཚམས་ཆད་རྒྱུར་རེ་བ་བྱེད་བཞིན་འདུག  དེ་ཡང་ས་ཡོམ་བརྒྱབ་པའི་དུས་ཚོད་དེར་སློབ་གྲྭ་འཚོགས་བཞིན་ཡོད་འདུག་པས། བྱིས་པ་རྣམས་སློབ་གྲྭར་ཡོད་རྐྱེན།

Read more

བོད་ལ་དབང་བསྒྱུར་བྱས་པ་དེ་ཁྲིམས་མཐུན་བཟོ་དགོས་ཀྱི་ཡོད་ན་དབང་ཆ་༧གོང་ས་མཆོག་དང་བོད་མི་མང་ལ་ཡོད་སྐོར་གསུངས་འདུག

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་གིས་རྒྱ་ནག་གཞུང་གིས་བོད་དེ་རྒྱ་ནག་གི་ཆ་ཤས་རེད་ཅེས་ཅིའི་ཕྱིར་བརྗོད་དུ་བཅུག་གི་ཡོད་དམ་ཞེ་ན། རྒྱ་ནག་གཞུང་གིས་བོད་ལ་དབང་བསྒྱུར་བྱེད་རྒྱུའི་ཁྲིམས་མཐུན་གྱི་གནས་བབ་མེད་སྟབས་འཛམ་གླིང་གི་རྒྱལ་ཁབ་ཁག་ལ་བོད་རྒྱ་ནག་གི་ཆ་ཤས་རེད་ཅེས་བཤད་དུ་འཇུག་གི་ཡོད། ངས་རྒྱལ་སྤྱིའི་སྤྱི་ཚོགས་ལ་ཁྱེད་རང་ཚོས་ཇི་ཙམ་བཤད་པ་ཡིན་ནའང་ཁྲིམས་མཐུན་བཟོ་ཐུབ་ཀྱི་མ་རེད་ཅེས་དང་། རྒྱ་ནག་གཞུང་གིས་བོད་ལ་དབང་བསྒྱུར་བྱས་པ་དེ་ཁྲིམས་མཐུན་གྱི་གནས་བབ་བཟོ་དགོས་ཀྱི་ཡོད་ན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་བོད་རྒྱ་ཆེ་མི་མང་ལ་དབང་ཆ་ཡོད་པ་ལས་གཞན་སུ་ལའང་མེད་ཅེས་བཤད་ཀྱི་ཡོད་སྐོར་གསུངས་འདུག 

Read more

ཨོ་སི་ཀྲོ་ལི་ཡར་བོད་དོན་ཞུ་གཏུག་ལས་འགུལ་སྤེལ་འདུག

ཟླ་༡༡ པའི་ཚེས་ ༢༡ ཉིན་བོད་མི་ཚོས་ཨོ་སི་ཀྲོ་ལི་ཡའི་གྲོས་ཚོགས་འཐུས་མི་རྣམས་ལ་བོད་དོན་ཞུ་གཏུག་གིས། ༸གོང་ས་མཆོག་གི་ཡང་སྲིད་ངོས་འཛིན་གནང་ཕྱོགས་ལ་རྒྱ་ནག་གཞུང་གི་ཐེ་བྱུས་མི་ཡོང་སླད། ཨོ་སི་ཀྲོ་ལི་ཡ་གཞུང་ནས་སྲིད་བྱུས་གཏན་འབེབས་གནང་སྐྱོང་ཡོང་བའི་རེ་འབོད་ཞུས་ཡོད་འདུག དེ་ཡང་ཨོ་སི་ཀྲོ་ལི་ཡ་བོད་དོན་ལྷན་ཚོགས་ཀྱིས་གོ་སྒྲིག་ཞུས་པའི་བོད་དོན་ཞུ་གཏུག་ཉིན་མོ་ཐེངས་བཅུ་གཅིག་པའི་ནང་། ཨོ་སི་ཀྲོ་ལི་ཡའི་བོད་ཕྲུག་གྲངས་ ༡༥ ཡིས་རྒྱལ་ཁབ་དེའི་སྲིད་དོན་ཚོགས་པ་འདྲ་མིན་གྱི་གྲོས་ཚོགས་གོང་འོག་གི་འཐུས་མི་ ༣༠ ལ་ཉེ་བར་མཇལ་འཕྲད་ཀྱིས་བོད་དོན་ཞུ་གཏུག་གནང་འདུག གྲོས་ཚོགས་གོང་མའི་འཐུས་མི་ལྕམ་སྐུ་ཇེ་ནིཊ་ར་ཧིས་ (Janet Rice) ཀྱིས་གྲོས་ཚོགས་སུ་སྐུ་ཚབ་དོན་གཅོད་ཀརྨ་སེངྒེ་དང་། ཕྱོགས་བཞུགས་སྤྱི་འཐུས་རྡོ་རིང་བསྟན་འཛིན་ཕུན་ཚོགས་ཀྱིས་གཙོས་བོད་མིའི་སྐུ་ཚབ་རྣམས་ལ་ཆེ་མཐོང་ངོས་འཛིན་གནང་བ་དང་སྦྲགས། བོད་མིའི་སྐུ་ཚབ་རྣམས་ཀྱིས་ཆབ་སྲིད་ཚོགས་པ་རིས་མེད་ཀྱི་གྲོས་ཚོགས་འཐུས་མི་དང་མཇལ་ནས་བོད་ནང་ཞི་བདེ་དང་། རང་དབང་། འགྲོ་བ་མིའི་ཐོབ་ཐང་ཆེད་ཞུ་གཏུག་གནང་བས་ཉིན་མོ་དེ་ནི་ཧ་ཅང་གལ་གནད་ཆེ་བའི་ཉིན་མོ་ཆགས་ཡོད་ཅེས་གསུངས་པ་མ་ཟད།

Read more

ཡང་སྲིད་དང་ཆབ་སྲིད་ཀྱི་རྩེད་མོ།

ཆེད་བརྗོད། བླ་མའི་ཡང་སྲིད་རྩད་གཅོད་དང་ངོས་འཛིན་བྱེད་རྒྱུའི་ལུགས་སྲོལ་དེ་བོད་ནས་དར་བ་ལྟ་བུ་ཡོད་ལ། ད་ལྟའི་ཆར་འཛམ་གླིང་ཤར་ནུབ་ཀུན་ཏུ་བོད་བརྒྱུད་ནང་བསྟན་དར་སྤེལ་ཅུང་ཙམ་རེ་ཡོད་སའི་ས་གནས་ཕལ་མོ་ཆེར་དར་ཡོད་པའམ། ཡང་ན་ཤུགས་རྐྱེན་ཆེན་པོ་ཡོད་པ་ཞིག་ཏུ་གྱུར་ཟིན། སྤྱིར་སྐྱེ་བ་སྔ་ཕྱི་ངོས་འཛིན་གྱིས་མི་འདི་སྐྱེ་བ་སྔོན་མར་སངས་རྒྱས་དང་བྱང་སེམས། མི་དང་དུད་འགྲོ་སོགས་འདི་དང་འདི་ལྟ་བུ་ཞིག་ཡིན་པར་ངོས་འཛིན་མཛད་པའི་ལོ་རྒྱུས་ནི་བདག་ཅག་གི་སངས་རྒྱས་ཞལ་བཞུགས་སྐབས་ནས་མང་པོ་བྱུང་ཡོད་པ་ནི། མདོ་སྡེ་མཛངས་བླུན་དང། ལས་བརྒྱ་པ་སོགས་སུ་ཧ་ཅང་མང་པོ་ཡོད། བོད་ལ་མཚོན་ན་མཁན་སློབ་ཆོས་གསུམ་གྱི་དུས་ནས་ལོ་ཆེན་བཻ་རོ་ཙ་ན་སངས་རྒྱས་ཀྱི་ཉེ་གནས་ཀུན་དགའ་བོའི་རྣམ་སྤྲུལ་ཡིན་པར་ངོས་འཛིན་བདག་སྐྱོང་མཛད་པ་སོགས་ཡོད་ལ། ཡོངས་གྲགས་སུ་སྤྲུལ་སྐུ་ངོས་འཛིན་བྱེད་པའི་ལམ་སྲོལ་འདི་༧རྒྱལ་དབང་ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེ་ནས་བྱུང་ཡོད་པས། ༧རྒྱལ་དབང་ཀརྨ་པ་ལ་བོད་ཀྱི་སྤྲུལ་སྐུ་ཐོག་མ་ཞེས་འབོད་སྲོལ་བྱུང་བ་ཞིག་རེད། རིམ་པས་བོད་ཀྱི་ཆོས་བརྒྱུད་ཚང་མ་ལ་ཁྱབ་ཅིང་ད་ལྟའི་ཆར་ག་ས་གང་དུ་སྤྲུལ་སྐུའི་ལམ་སྲོལ་དར་ཁྱབ་ཤུགས་ཆེ་བྱུང་སྟེ། སྤྲུལ་སྐུའི་མཚན་ཡོད་མཁན་ནང་བསྟན་འཛིན་གྱི་སྐྱེས་ཆེན་བསམ་གྱིས་མི་ཁྱབ་མང་པོ་ཡོད་ལ། ཐུན་མོང་གི་ལྟ་ཚུལ་དུ་སྤྲུལ་སྐུའི་མིང་ཁུར་ནས་གཡོ་སྒྱུ་ཁྲམ་གསུམ་བྱེད་མཁན་ཡང་རེ་ཟུང་མཐོང་རྒྱུ་ཡོད། རྩ་བས་བྱ་དངོས་གང་ཡིན་ཡང་། དག་མ་ཞིག་ཡོད་པ་དང་མཉམ་དུ་དེའི་རྫུན་མ་ཞིག་ཡོད་པ་དེ་ཡང་ཆོས་ཉིད་ཡིན་པས། ད་ལྟའི་ཆར་འཕྲུལ་ཆས་ཡག་ཤོས་དག་འདྲ་བཟོ་བྱས་པའི་རྫུན་མ་གང་སར་ཡོད་པ་ལྟ་བུ་རེད། བོད་ལ་མཚོན་ན་སྤྲུལ་སྐུའི་ལམ་ལུགས་ཀྱིས་ཆོས་སྲིད་གཉིས་ཐད་ནས་ཤུགས་རྐྱེན་ཆེན་པོ་ཐེབས་ཡོད་ལ། སྤྲུལ་སྐུའི་ལམ་ལུགས་རྩ་མེད་གཏོང་དགོས་ཟེར་མཁན་དང། རྒྱལ་པཎ་གཉིས་མ་གཏོགས་སྤྲུལ་སྐུ་གཞན་གཅིག་ཀྱང་མེད་པ་བཟོ་དགོས་ཚུལ་གསུང་མཁན་ཡོད་ཀྱང།

Read more