རྒྱ་གར་གྱི་འོས་འཕེན་པ་ཐོག་མ་ལོ་ན་༡༠༥ ལ་གྲོངས་འདུག 

རྒྱ་གར་རང་བཙན་ཐོབ་རྗེས་རྒྱལ་ཡོངས་གྲོས་ཚོགས་འོས་བསྡུ་དང་པོར་འོས་ཤོག་འཕེན་མཁན་ཐོག་མ་ཤཱམ་སཱ་རན་ནཱེ་གྷེ་ཟླ་༡༡ པའི་ཚེས་༥ ཉིན་གྲོངས་འདུག་པ་དང་། ཁོང་ལོ་ན་༡༠༥ ཡིན་འདུག 

Read more

སྲིད་སྐྱོང་སྤེན་པ་ཚེ་རིང་རྒྱ་གར་བྱང་ཤར་ཁུལ་དུ་འཚམས་གཟིགས་ཕེབས་བཞིན་འདུག 

བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ནས་ཟླ་༡༡ པའི་ཚེས་༢ ནས་༡༤ བར་དུ་རྒྱ་གར་བྱང་ཤར་ཁུལ་གྱི་བཙན་བྱོལ་བོད་མིའི་གཞིས་ཆགས་ཁག་ཏུ་གཞུང་འབྲེལ་འཚམས་གཟིགས་དང་། ཕྱིར་ཕེབས་སྐབས་ལྡི་ལིར་གནད་ཡོད་མི་སྣ་མཇལ་མོལ་གནང་འཆར་ཡོད་པ་ལྟར། ད་ལྟའི་ཆར་རྒྱ་གར་བྱང་ཤར་ཁུལ་དུ་འཚམས་གཟིགས་ཕེབས་བཞིན་འདུག 

Read more

བོད་དོན་དེ་རྒྱལ་སྤྱིའི་བདེ་འཇགས་ཀྱི་གནད་དོན་ཡིན་པས་གླེང་སློང་བྱེད་དགོས་པའི་སྐུལ་མ་བྱས་འདུག 

ཟླ་༡༡ པའི་ཚེས་༣ དང་༤ ཉིན་འཇར་མན་རྒྱལ་ཁབ་ནང་དུ་སྟོབས་ཆེན་རྒྱལ་ཁབ་བདུན་གྱི་ཕྱི་སྲིད་བློན་ཆེན་ཚོའི་ལྷན་ཚོགས་འཚོགས་ཀྱི་ཡོད་པ་དང་བསྟུན། རྒྱལ་སྤྱིའི་བོད་དོན་ལས་འགུལ་ཁང་གིས་ལྷན་ཚོགས་སྐབས་སུ་བོད་དོན་དེ་ནི་རྒྱལ་སྤྱིའི་བདེ་འཇགས་གནད་དོན་ཞིག་ཡིན་པས་གླེང་སློང་ངེས་པར་དུ་གནང་དགོས་པའི་སྐུལ་མ་བྱས་འདུག 

Read more

རྗོ་བྷའེ་ཌན་གྱིས་ཨ་རིའི་བར་མའི་འོས་བསྡུར་ཟིང་འཁྲུག་ཆེན་པོ་ལང་ཉེན་ཡོད་སྐོར་བརྗོད་འདུག 

ཨ་རིའི་བར་མའི་འོས་བསྡུ་སླེབས་ཉེ་བ་དང་བསྟུན། སྤྱི་མཐུན་ཚོགས་པའི་འོས་མི་དང་རྒྱབ་སྐྱོར་བ་མང་པོ་ཞིག་གིས་གལ་ཏེ་ཁོ་ཚོར་ཕམ་ཁ་བྱུང་ཚེ། འོས་བསྡུར་དྲང་བདེན་བྱུང་མེད་པ་ངོས་འཛིན་གྱིས་གྲུབ་འབྲས་ཁས་ལེན་བྱེད་རྒྱུ་མིན་པའི་སྡིགས་བསྐུལ་བྱེད་ཀྱི་ཡོད་པས། སྲིད་འཛིན་རྗོ་བྷའེ་ཌན་གྱིས་བྱ་སྤྱོད་དེ་རིགས་ཀྱིས་ཨ་རིའི་ནང་ཟིང་འཁྲུག་ཆེན་པོ་ལང་ཉེན་ཡོད་སྐོར་བརྗོད་འདུག 

Read more

གངས་ལྗོངས་དཔལ་འབྱོར་ཞབས་ཞུ་ཁང་དང་འབྲེལ་བའི་ཚོགས་ཆུང་གིས་ལས་དོན་དབུ་འཛུགས་གནང་འདུག 

གངས་ལྗོངས་དཔལ་འབྱོར་ཞབས་ཞུ་ཁང་དེ་ཉིད་རང་སྐྱོང་ལྡན་པའི་ཁེ་གཉེར་ཁང་མིང་དོན་མཚུངས་པ་ཞིག་ཏུ་བསྒྱུར་ཐབས་སུ་སྤྱི་འཐུས་ལྷན་ཚོགས་ཀྱི་གྲོས་ཆོད་དགོངས་དོན་བཞིན་ཚོགས་ཆུང་བསྐོ་འཛུགས་གནང་ནས་ལས་དོན་དབུ་འཛུགས་གནང་འདུག 

Read more

ཨི་རན་གྱི་ངོ་རྒོལ་ལས་འགུལ་ཁྲོད་ཉུང་མཐར་མི་གྲངས་༢༨༧ དམར་གསོད་བཏང་ཟིན་འདུག 

ད་ལྟའི་ཆར་ཨི་རན་གྱི་གཞུང་གིས་ངོ་རྒོལ་བ་ཚོར་དྲག་གནོན་བྱེད་བཞིན་ཡོད་མེད་ལ་མ་ལྟོས་པར། བུད་མེད་ཚོས་སྣེ་ཁྲིད་པའི་གཞུང་ལ་ངོ་རྒོལ་ལས་འགུལ་མུ་མཐུད་འགྲོ་བཞིན་འདུག་པ་དང་། ད་ལྟ་བར་བདེ་སྲུང་མི་སྣས་ལས་འགུལ་བ་མི་གྲངས་ཉུང་མཐར་༢༨༧ དམར་གསོད་བཏང་ཡོད་པ་རེད་འདུག 

Read more

མི་སྐྱ་ཚོས་འགན་ཁུར་ཐུབ་མི་འདུག

ཆེད་བརྗོད། ད་ལྟའི་ཆར་མི་སྐྱའི་ནང་དགེ་འདུན་པར་ཁ་གཏོང་བ་དང། དགེ་འདུན་པས་སྤྱི་ཚོགས་ལ་ཕན་པའི་བྱ་བ་སྒྲུབ་ཀྱི་མེད་སྐོར་བོད་ཕྱི་ནང་གཉིས་སུ་བརྗོད་མཁན་འདུག བསྔགས་བརྗོད་དང་སྐྱོན་བརྗོད་གཉིས་ཀ་ཡོད་ཆོག་པ་ཞིག་ཡིན་པ་མ་ཟད། མང་གཙོའི་སྤྱི་ཚོགས་ཤིག་ལ་མཚོན་ན་དེ་བས་ཀྱང་སྐྱོན་བརྗོད་དང་བསྔགས་བརྗོད་ཚང་མ་ཡོད་དགོས་ངེས་ཤིག་ཡིན་པས། དེ་དག་ནི་རྒྱུན་ལྡན་ལས་དམིགས་བསལ་གྱི་གནས་ཚུལ་ཞིག་གང་ཡང་མིན་ནའང། མཁས་པ་དང་མཁས་དབང་ཡིན་ཟེར་མཁན་རེ་ཟུང་གིས་གཙོས་མི་སྐྱ་ཁ་ཤས་ཀྱིས། བླ་མ་ཁ་ཤས་ཀྱིས་བོད་ཀྱི་བཀའ་བསྟན་གྱིས་གཙོས་ནང་པའི་ཆོས་གཞུང་ཁག་དབྱིན་ཇིའི་སྐད་ཡིག་དང། རྒྱ་ཡིག་ནང་བསྒྱུར་དང་སྒྱུར་བཞིན་པ་དག་གིས་བོད་སྐད་ཡིག་རྩ་མེད་གཏོང་བའི་རྒྱུ་ཉག་གཅིག་ཡིན་ཚུལ། བླ་མ་དང་མཁན་སྤྲུལ་དེ་དག་གིས་ཡིག་སྒྱུར་གྱི་ལས་གཞི་ཆེན་པོ་དེ་འདྲ་ཞིག་སྤེལ་དགོས་ན་དབྱིན་ཇི་སོགས་སྐད་ཡིག་གཞན་དུ་ཡོད་པའི་དེང་དུས་ཀྱི་རིག་གནས་རྣམས་བོད་ཡིག་ཏུ་སྒྱུར་ཐབས་མི་བྱེད་པ་ཧ་ཅང་ཐ་ཆད་ཡིན་ཚུལ་བརྗོད་བཞིན་འདུག སྤྱིར་བོད་ཀྱི་སྐད་ཡིག་ནང་དེང་དུས་རིག་གནས་ཀྱི་ཐོག་ནས་སྟོང་ཆ་ཇི་སྙེད་ཅིག་ཡོད་པ་དངོས་བདེན་ཡིན་པ་དང། དེང་དུས་ཀྱི་དགོས་མཁོ་དང་འཚམས་པའི་ཤེས་ཡོན་རྣམས་བོད་ཡིག་ཏུ་ནང་འདྲེན་ཐུབ་དགོས་པ་དེ་བོད་པ་ལ་མཚོན་ན་ཁ་ཚ་དགོས་གཏུག་གི་གནད་དོན་གལ་ཆེན་ཞིག་ཏུ་གྱུར་ཡོད། གནད་དོན་དེའི་ཐོག་བོད་པ་རང་གི་ངོས་ནས་བཤད་ན་ནང་བསྟན་གཞུང་ལུགས་ཕྱིའི་སྐད་ཡིག་ཏུ་ཕར་སྒྱུར་རྒྱུ་ལས། དེང་དུས་ཀྱི་རིག་གནས་དག་བོད་ཡིག་ཏུ་སྒྱུར་རྒྱུ་དེ་ཁ་ཚ་དགོས་གཏུག་ཡིན་པ་ནི་སྨྲོས་མི་དགོས་པས། ལྟ་ཕྱོགས་དེ་གཅིག་པུའི་ཐོག་ནས་བཤད་ན་རྒྱུ་མཚན་ཆེན་པོ་ཡོད། ཕྱོགས་གཅིག་ནས་ཆོས་ཕྱོགས་ཀྱི་མི་སྣ་ཞིག་ལ་མཚོན་ན་གཙོ་བོ་ནང་པ་སངས་རྒྱས་པའི་ཆོས་ཀྱི་གཞུང་ལུགས་ནས་བསྟན་པའི་ལྟ་གྲུབ་གཙོ་བོར་བཟུང་ནས་ལས་དོན་བསྒྲུབ་དགོས་པས། ཆོས་པ་ཚད་ལྡན་ཞིག་ཡིན་ན་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ལ་གཅིག་པར་བལྟ་བ་ལས། རང་ཉིད་བོད་པ་ཡིན་པའི་རྒྱུ་མཚན་གྱིས་བོད་པ་ཁོ་ནར་དམིགས་བསལ་གང་ཡང་བྱེད་མི་སྲིད། བོད་ཀྱི་ལོ་རྒྱུས་ནང་མི་སྐྱ་རིག་གནས་ཐམས་ཅད་ལ་མཁས་པ་ཧ་ཅང་ཉུང་ངུ་ཞིག་ལས་བྱུང་མྱོང་མེད་ནའང། ད་ལྟའི་ཆར་བོད་ཕྱི་ནང་གཉིས་སུ་སེར་སྐྱ་དང་ཕོ་མོ་ཁྱད་མེད་རིག་གནས་སློབ་སྦྱོང་བྱ་རྒྱུའི་གོ་སྐབས་གཅིག་པ་ཡོད་པ་མ་ཟད།

Read more

མ་སུ་རི་བོད་ཁྱིམ་སློབ་གྲྭ་དབུ་བརྙེས་ནས་མི་ལོ་༦༠ འཁོར་བ། 

༡༠ པའི་ཚེས་༣༠ ཉིན་མ་སུ་རི་བོད་ཕྲུག་ཁྱིམ་སྡེ་སློབ་གྲྭ་དབུ་བརྙེས་ནས་ལོ་ངོ་༦༠ འཁོར་བའི་དགའ་སྟོན་གྱི་མཛད་སྒོ་འཚོགས་ཡོད་པ་རེེད་འདུག 

Read more

ལྷོ་ཀོ་རི་ཡ་ནང་མང་ཚོགས་འཚང་ཁ་ཐེབས་ནས་མི་གྲངས་༡༥༠ ལས་མང་བ་ཤི་འདུག 

ཟླ་༡༠ པའི་ཚེས་༢༩ ཉིན་གྱི་དགོང་མོར་ལྷོ་ཀོ་རི་ཡའི་རྒྱལ་ས་ཁུལ་དུ། མཚན་ཚོགས་ཁང་དང་ཆང་ཁང་མང་བའི་ས་གནས་ཨི་ཊེ་ཝོན་ཞེས་པ་དེར། ཡེ་ཤུའི་དུས་ཆེན་ཧཱེ་ལོ་ཝེན་སྲུང་བརྩི་བྱེད་མཁན་མི་ཚོགས་སྟོང་ཕྲག་མང་པོ་སླེབས་རྐྱེན། ས་གནས་དེའི་སྲང་ལམ་གུ་དོག་པའི་དཀྱིལ་དུ་མང་ཚོགས་རྣམས་འཚང་ཁ་ཐེབས་ནས་མི་མང་པོའི་ཚེ་སྲོག་ཤོར་འདུག 

Read more