ནམ་ཟླ་དུས་བཞིའི་ནང་ནས་དགུན་གྱི་གྲང་ངར་ནི་ཆེས་བཟོད་དཀའ་ཤོས་ཀྱི་ནམ་ཟླ་དང་འཛམ་གླིང་ཤར་ནུབ་ཀྱི་མི་རྣམས་གྲང་ངར་གཡོལ་ནས་མཐོ་ས་ནས་དམའ་སར་བབ་དམའ་ས་ནས་དྲོ་སར་བབ་པའི་དུས་སྐབས་ཞིག་ཡིན། འོན་ཀྱང་ཆེས་སྟབས་ཉེས་པའི་རང་རེའི་ཕ་ཡུལ་བོད་གངས་ཅན་ལྗོངས་ལ་སྟོད་ལྷོའི་ཕྱོགས་སྟོད་དིང་རིའི་གཙོས་པའི་རི་བོ་ཇོ་མོ་གླང་མ་དང་ཁད་ཉེ་བའི་ས་གནས་ཁག་ལ་མུ་གེ་ཐོག་གི་ཟླ་ལྷག་ལྟར་གནམ་གཤིས་གྲང་ངར་གྱིས་མནར་བའི་ཐོག་ས་ཡོམ་རིམ་པ་ ༧ ཅན་ཞིག་རྒྱབ་ནས་མི་རྒྱུ་ཟོག་གསུམ་ལ་ལྟ་བ་མི་ནུས་པའི་གོད་ཆགས་ཆེན་པོ་ཞིག་བྱུང་སོང་། སེམས་བསམ་པའི་ཡུལ་ནས་སྡུག་སྔལ་དང་ཤ་ཚ་བར་ཚད་ཅིག་མི་འདུག་ཀྱང་རང་བྱུང་གིས་གནོད་པར་སུ་ལ་འཁང་ར་བྱས། བོད་གངས་ཅན་ལྗོངས་སུ་སྤྲུལ་པའིི་ལོ་པཎ་རྒྱལ་བློན་རྣམ་པའི་ཉམས་པ་མེད་པའི་ཐུགས་བསྐྱེད་དང་ཟད་པ་མེད་པའི་རྨི་ལམ་གྱིས་མཐུ་ལ་བརྟེན་ནས་བོད་མདོ་དབུས་ཁམས་གསུམ་གང་དུ་དཀའ་ངལ་ཞིག་འཕྲད་ན་དེ་ལ་ཆོལ་གསུམ་ཕུ་ནུ་མིང་སྲིང་གི་ལག་གདངས་མཉམ་དུ་སྒྲིལ་ནས་དམ་ཚིག་དར་གྱི་མདུད་པ་ནམ་ཡང་མ་ལྷོད་པ་ཡོད་ཡོད་རེད། དེ་མཚུངས་ད་ལན་ལ་སྟོད་དིང་རིའི་གནས་ཚུལ་ཕྱིར་གྲགས་མ་ཐག་མདོ་སྟོད་སྨད་གཉིས་ཀྱིས་གཙོར་འཛིན་པའི་བོད་ཡུལ་སྟོད་སྨད་བར་གསུམ་ནས་ཟས་གོས་གནས་མལ་གཙོས་པའི་བུད་ཤིང་ཚུན་ཆད་འཁུར་ནས་སྣུམ་འཁོར་བརྒྱ་ཕྲག་མང་པོའི་བསྟར་སྒྲིག་ནས་ལ་སྟོད་དིང་རི་སྤུན་ཟླ་ཚོའི་ཕྱོགས་སུ་ཐོན་ཏེ་དངུལ་དམར་གྱི་གཏོང་ཕོད་དང་ཤ་ཁྲག་གཅིག་པའི་ལ་རྒྱ། ཕུ་ནུ་མིང་སྲིང་གི་བརྩེ་སེམས་སོགས་མཇལ་དུས་ང་ཚོ་རི་བོ་ཧི་མ་ལ་ཡ་ཕྱི་ལོག་ལ་ཡོད་པའི་བཙན་བྱོལ་བོད་མིའི་གདོང་ལ་ཁྲག་དང་ཁོག་ལ་སེམས་ཡོད་ན་ངོ་ཚ་སོང་། ཐབས་དེ་ལས་སྡུག་པ་ཞིག་ལ་བླ་མ་སྤྱན་རས་གཟིགས་བཞུགས་སའི་ཉེ་འགྲམ་ལ་བསྡད་མཁན་དིང་རི་བའི་མཚན་འཁུར་མཁན་ཁག་ཅིག་གིས་བཙན་བྱོལ་ནང་ཆོལ་གསུམ་གཏོར་བཤིག་གིས་ལས་འགུལ་རྩོམ་བཞིན་པའི་དུས་སྐབས་དང་ཡང་ཏག་ཏག་འཁེལ་སོང་།༸རྒྱལ་བ་བསྟན་འཛིན་རྒྱ་མཚོས་སྔ་ཕྱི་རིམ་པ་མང་པོར་ཆོལ་ཁ་གསུམ་སྐྱིད་ན་སྐྱིད་མཉམ་དང་སྡུག་ན་སྡུག་མཉམ་ཡིན་ཞེས་བཀའ་ཡང་ཡང་ཕེབས་ཡོད་ནའང་།
རྒྱས་པར་གཟིགས།
