མི་རིགས་ནག་པོ་ཞིག་མང་གཙོ་ཚོགས་པའི་གྲོས་ཚོགས་འོག་མའི་འགོ་ཁྲིད་དུ་ཐེངས་དང་པོར་འདེམས་ཐོན་བྱུང་འདུག 

ཨ་རིའི་མང་གཙོ་ཚོགས་པའི་གྲོས་ཚོགས་འོག་མའི་འགོ་ཁྲིད་རྒྱུན་རིང་གནང་མྱོང་མཁན་ལྕམ་ནན་སཱི་པཱི་ལོ་སཱེ་ལས་འགན་དེ་ནས་དགོངས་པ་ཞུ་རྒྱུ་ཡིན་པ་ལྟར། ཐེངས་དང་པོར་མི་རིགས་ནག་པོ་ཞིག་མང་གཙོ་ཚོགས་པའི་གྲོས་ཚོགས་འོག་མའི་འགོ་ཁྲིད་དུ་འདེམས་ཐོན་བྱུང་འདུག་པ་དང་། དེ་ནི་ལོ་རྒྱུས་རང་བཞིན་ཅན་གྱི་གནད་དོན་ཞིག་རེད་འདུག 

Read more

རྒྱ་ནག་ནང་ཤོག་དཀར་ལས་འགུལ་ལ་རྒྱབ་སྐྱོར་གྱི་ལས་འགུལ་སྤེལ་འདུག

ཟླ་བ་༡༡ ཚེས་༣༠ ཉིན་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་དང་ས་གནས་གཞོན་ནུ་ལྷན་ཚོགས་ཀྱི་གོ་སྒྲིག་འོག་རྒྱ་ནག་གི་ཤོག་དཀར་ལས་འགུལ་ལ་རྒྱབ་སྐྱོར་དང་རྒྱ་གཞུང་ལ་ངོ་རྒོལ་ལས་འགུལ་ཞིག་སྤེལ་གནང་སོང་། ཟླ་༡༡ཚེས་༣༠ ཉིན་སྦེང་ལོར་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་སྦེང་ལོར་ཁུལ་དུ་ཡོད་པའི་ཏྰ་ལའི་བླ་མ་མཐོ་རིམ་སློབ་གཉེར་ཁང་གི་སློབ་མ་ཁག་ཅིག་དང་། བོད་ཁྱིམ་སྡོད་ཁང་གི་སློབ་ཕྲུག དེ་བཞིན་དེ་གར་ས་གནས་བོད་པ་ཚོ་མཉམ་ཞུགས་ཀྱིས་རྒྱ་ནག་ནང་གི་ཤོག་དཀར་ལས་འགུལ་ལ་རྒྱབ་སྐྱོར་དང་གདུང་སེམས་མཉམ་སྐྱེད་མཚོན་ཆེད་དུ་རྒྱ་ནག་གཞུང་ལ་ངོ་རྒོལ་སྐད་འབོད་ཀྱི་ལས་འགུལ་སྤེལ་ཡོད་འདུག གཞན་ཡང་ཟླ་ ༡༡ ཚེས་ ༣༠ ཉིན་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་གི་སྣེ་ཁྲིད་འོག། ལྡི་ལི་རོ་ཧི་ནི་དང་བསམ་གཡས་གླིང་ས་གནས་གཞོན་ལྷན་གྱི་རྒྱུན་ལས་དང་ཚོགས་མི་རྣམས་མཉམ་ཞུགས་ཀྱིས་རྒྱ་ནག་ནང་རིམས་ནད་དམ་དྲགས་ལ་ངོ་རྒོལ་དང་། ཞི་ཅིན་ཕིན་དང་དམར་ཤོག་སྲིད་གཞུང་ལ་ངོ་རྒོལ་སོགས་གནང་བཞིན་པའི་རྒྱ་རིགས་མང་གཙོ་དོན་གཉེར་བ་རྣམས་ལ་གདུང་སེམས་མཉམ་སྐྱེད་ཀྱི་རྣམ་འགྱུར་གསལ་སྟོན་གྱིས་ལས་འགུལ་ཞིག་སྤེལ་ཡོད་འདུག དེ་བཞིན་བོད་ཀྱི་གཞུང་འབྲེལ་མ་ཡིན་པའི་ཚོགས་པ་ཁག་གི་དྲྭ་ཐོག་ཏུ་གནས་ཚུལ་སྤེལ་བ་ལྟར་ན། བོད་རྒྱལ་ཡོངས་མང་གཙོ་ཚོགས་པ་དང་བོད་རང་བཙན་སློབ་ཕྲུག་ཚོགས་པ། རྒྱལ་སྤྱིའི་བོད་དོན་འབྲེལ་མཐུད་ཁང་དང་བོད་ཀྱི་བུད་མེད་ལྷན་ཚོགས་བཅས་ཀྱིས་རྒྱ་གར་གྱི་རྒྱལ་ས་ལྡི་ལི་ལ་ཡོད་པའི་རྒྱ་ནག་གི་གཞུང་ཚབ་ཁང་གི་མདུན་དུ། སྲིད་དབང་སྒེར་འཛིན་མི་དགོས་དམངས་གཙོ་དགོས་ཞེས་དང་། རྒྱ་ནག་གཞུང་གི་ཏོག་དབྱིབས་གཉན་རིམས་ཀླད་ཀོར་ཞེས་པའི་སྲིད་བྱུས་ལ་མི་མང་གིས་ངོ་རྒོལ་བྱེད་བཞིན་ཡོད་པ་དེར་ལ་རྒྱབ་སྐྱོར་ཡོད་རབས་ཀྱིས་ལས་འགུལ་ཞིག་སྤེལ་ཡོད་འདུག རྒྱ་ནག་ནང་གི་ཤོག་དཀར་ལས་འགུལ་ཞེས་པ་དེ་ནི་ཟླ་བ་སྔོན་མའི་ནང་རྒྱ་ནག་གི་རྒྱལ་ས་པེ་ཅིང་དང་ཧྲང་ཧེ་སོགས་གྲོང་ཁྱེར་མང་པོའི་ནང་མི་མང་སྟོང་ཕྲག་མང་པོ་ལག་ཏུ་ཤོག་དཀར་ཁྱེར་ནས་རྒྱ་ནག་གཞུང་གི་ཏོག་དབྱིབས་གཉན་རིམས་ཀླད་ཀོར་ཞེས་པའི་སྲིད་བྱུས་ལ་ངོ་རྒོལ་བྱས་ཡོད་པ་དང་།

Read more

རྒྱ་ནག་གི་སྲིད་འཛིན་ཟུར་བ་ཅང་ཙེ་མིན་ཤི་འདུག

ཟླ་འདིའི་ཚེས་ ༣༠ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་བ་ལྟར་ན། རང་ལོ་ ༩༦ ལ་སོན་པའི་རྒྱ་ནག་གི་སྲིད་འཛིན་ཟུར་བ་ཅང་ཙེ་མིན་ཕྲ་ཕུང་དཀར་པོའི་ནད་ཀྱིས་མནར་བ་དང་། ལུས་ཀྱི་དབང་པོ་ཉམས་ཏེ་དེ་རིང་ཉིན་རྒྱབ་ཏུ་ཧྲང་ཧེ་གྲོང་ཁྱེར་སྨན་ཁང་དུ་མྱུར་སྐྱོབས་བྱས་ཀྱང་ཕན་འབྲས་མ་བྱུང་བར་འདས་གྲོངས་སུ་ཕྱིན་འདུག རྒྱ་ནག་གི་སྲིད་འཛིན་ཟུར་བ་ཅང་ཙེ་མིན་ནི་ཕྱི་ལོ་ ༡༩༨༩ ལོར་རྒྱ་ནག་གནམ་སྡེ་སྒོ་མོ་ཆེ་རུ་སློབ་ཕྲུག་དམར་གསོད་ཀྱི་དྲུག་བཞིའི་དོན་རྐྱེན་བྱུང་བའི་རྗེས་རྒྱ་ནག་གི་སྲིད་འཛིན་ཆགས་ཡོད་ལ། ཁོ་པས་རྒྱ་ནག་དམར་ཤོག་གི་སྲིད་དབང་ལོ་བཅུའི་རིང་བཟུང་བའི་སྐབས་དབང་ཆ་སྲ་བརྟན་དང་རྒྱ་ནག་གི་དཔལ་འབྱོར་ཡར་རྒྱས་ཐོག་ཤུགས་གནོན་བརྒྱབ་ཡོད་པ་ལས་རྒྱལ་ནང་གི་ཆབ་སྲིད་བཅོས་བསྒྱུར་གང་ཡང་བཏང་མེད་པ་དང་། ཁོང་གིས་ཐེ་ཝན་ཐོག་ལ་ལངས་ཕྱོགས་དྲག་པོ་བཟུང་བ་དང་ཆབས་ཅིག་དམར་ཤོག་ཚོགས་པའི་ནང་ཁུལ་གྱི་བསམ་འཆར་མི་འདྲ་བ་རྣམས་ལ་དྲག་གནོན་བྱས་ཡོད། ཕྱི་ལོ་ ༡༩༩༩ ལོར་རྒྱ་ནག་ནང་དུ་ཧྥ་ལུང་ཀུང་ངམ་ཆོས་འཁོར་རྩ་རླུང་ (Falun Gong) ཆོས་ལུགས་གྲུབ་མཐའི་རྗེས་འབྲང་བ་མང་དུ་སོང་བར་བརྟེན་ནས་། རྒྱ་ནག་གུང་ཁྲན་ཏང་དམར་ཤོག་སྲིད་གཞུང་ལ་འཇིགས་སྐུལ་བྱས་པ་ལ་དོགས་ཏེ། ཧྥ་ལུང་ཀུང་རྗེས་འབྲང་བ་རྣམས་ལ་དྲག་གནོན་དང་།

Read more

འབྲས་སྤུངས་སྒོ་མང་དང་ཆོ་འཕྲུལ་སྨོན་ལམ་ཆེན་མོའི་དགེ་རྩ་ནས་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས་སོང་།

ཟླ་འདིའི་ཚེས་༣༠ ཉིན་བཞུགས་སྒར་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་དཔལ་ལྡན་འབྲས་སྤུངས་སྒོ་མང་གྲྭ་ཚང་དང་། གདན་གསུམ་སྨོན་ལམ་ཆེན་མོའི་དགེ་རྩ་ཐུན་མོང་གིས་༧གོང་ས་མཆོག་ལ་སྒྲོལ་དཀར་ཚེ་སྦྱིན་ཡིད་བཞིན་འཁོར་ལོའི་སྒོ་ནས་བརྟན་བཞུགས་བསྟར་འབུལ་ཞུས་པ་དང་སྐབས་དེར་༧་གོང་ས་མཆོག་གིས་གདན་ས་ཚོས་ད་ལྟའི་བར་དུ་ཧུར་ཐག་གནང་བ་རེད་ལ་མུ་མཐུད་ནས་ཧུར་ཐག་གནང་ཤོག་ཅེས་བཀའ་སློབ་བསྩལ་སོང་། སྐབས་དེར་༧གོང་ས་མཆོག་གིས་དེ་རིང་ཆོས་གྲོགས་ཚོས་བརྟན་བཞུགས་གསུངས་པ་རེད། གདན་གསུམ་ཆོ་འཕྲུལ་སྨོན་ལམ་ཆེན་མོའི་དགེ་རྩ་ཚོགས་པ་དང་། འབྲས་སྒོ་མང་གྲྭ་ཚང་ཐུན་མོང་ནས་གཙོ་བོ་འཁུར་བཞེས་ནས་བརྟན་བཞུགས་ཕུལ་བ་དེ་ལྟར་རེད། དེ་རིང་ངོས་ཀྱིས་འདིར་ཆེད་མངགས་ཝ་ཏི་བཟང་པོའི་སྐུ་པར་སྒྲིག་ཡོད། ངོས་རང་སྡོད་ས་ལ་ཝ་ཏི་བཟང་པོའི་སྐུ་ཡོད། འཆར་ཅན་མ་ཎི་བགྲངས་ཏེ་གསོལ་བ་འདེབས་ཀྱི་ཡོད། འཕགས་པ་སྤྱན་རས་གཟིགས་བོད་ཁ་བ་གངས་ཅན་པའི་ལྷ་སྐལ་རེད། ངོས་རང་ལ་ཆ་བཞག་ན་འཕགས་པ་སྤྱན་རས་གཟིགས་ཀྱི་བྱིན་རླབས་ཡོད་པ་ཞིག་དང་། འཕགས་པ་སྤྱན་རས་གཟིགས་ཀྱི་སྐུ་ཡི་སྐུ་ཚབ། གསུང་གི་གསུང་ཚབ། ཐུགས་ཀྱི་ཐུགས་ཚབ་བྱས་ཏེ་དུས་ད་ལྟའི་བར་དུ་འཕགས་པ་སྤྱན་རས་གཟིགས་ཀྱི་དགོངས་པ་སྒྲུབ་ཡོད། སླད་ཀྱང་ལོ་ངོ་བཅུ་ཕྲག་གཉིས་གསུམ་རིང་ལ་འཕགས་པའི་དགོངས་པ་ནང་བཞིན་ཁ་ཞེ་གཉིས་མེད་ཀྱིས་བསྟན་པ་སྤྱི་ཕན་གྱི་ཕན་ཐོགས་སྒྲུབ་ཀྱི་རེད། འཕགས་པའི་བྱིན་རླབས་གནང་ཤོག་ཅེས་ཉིན་ལྟར་སྨོན་ལམ་རྒྱག་གི་ཡོད། དེ་རིང་ཡང་རྟེན་འབྲེལ་གྱི་རྩ་བ་བྱས་ཏེ་འདིར་ཝ་ཏི་བཟང་པོའི་འདྲ་པར་ཞིག་སྒྲིག་པ་དེ་ལྟར་ཡིན། ཁྱོད་རང་ཚོས་ངོས་ལ་རེ་བ་བརྒྱབ་སྟེ་ངོས་རང་ཚེ་རིང་པོ་ཡོང་བའི་ཆེད་དུ་བརྟན་བཞུགས་གསུང་གི་ཡོད་པ་རེད། ཡིན་ནའང་། ངོས་ཀྱི་མགོན་དང་སྐྱབས་དང་།

Read more

བྱང་ཆིངས་སྒྲིག་འཛུགས་ཀྱིས་ཡུག་ཀེ་རན་ལ་རྒྱབ་སྐྱོར་ཤུགས་ཆེ་རུ་གཏོང་རྒྱུ་ཁས་ལེན་བྱས་འདུག 

དགུན་ཁའི་དུས་སྐབས་སུ་ཡུག་ཀེ་རན་ནང་དུ་ཨུ་རུ་སུའི་དྲག་རྒོལ་ལ་བརྟེན་ནས་གློག་དང་ཆུ་སོགས་ཀྱི་མཐུན་རྐྱེན་ལ་དཀའ་ངལ་འཕྲད་བཞིན་ཡོད་པས། བྱང་ཆིངས་སྒྲིག་འཛུགས་ཀྱིས་མཐུན་རྐྱེན་དེ་དག་ལ་རོགས་རམ་དང་དེ་བཞིན་མཚོན་ཆ་མཁོ་སྤྲོད་ད་དུང་ཡང་མང་པོ་བྱེད་རྒྱུ་ཁས་ལེན་བྱས་འདུག 

Read more

ལག་དམར་ལ་དཔའ་དར་ཡིན་ནམ། བོད་པ་ཚོ།

དབང་ལྡན་སྐྱབས། ཁ་སང་དེ་རིང་། རྒྱ་ནག་ཏུ་གྱེན་ལངས་ངོ་རྒོལ་གྱི་གཡོ་འགུལ་ཞིག་གང་ས་གང་དུ་འབྱུང་བཞིན་འདུག་ལ། གྱེན་ལངས་ངོ་རྒོལ་བའི་ཁྲོད་དུ་མི་སེར་དཀྱུས་མ་དང་སློབ་མ། ལས་བྱེད་ཀྱང་ཚུད་ཡོད། གྱེན་ལངས་ངོ་རྒོལ་གྱི་འབོད་སྒྲ་ནི་རྒྱ་ནད་ཏོགས་དབྱིབས་སྲིད་ཇུས་ལ་རྒོལ་གཏམ། ཞི་ཅིན་ཕིན་དཔོན་ས་ནས་འབབ་དགོས་པ། རྒྱ་དམར་གཞུང་འགོ་རྟིང་སློག་རྒྱུ་སོགས་དང་། ངོ་རྒོལ་གྱི་རྣམ་པ་ནི་མི་མང་འདུ་འཛོམས་ཀྱི་འབོད་སྒྲ་སྒྲོག་པ། འཕྲེད་དར་དང་ཤོག་བུའི་སྟེང་སྙོམས་རྩིས་རིག་པ་སོགས་གྱེན་ལངས་འབོད་ཚིག་བྲིས་པ། དེ་བཞིན་ཤོག་སྟོང་དཀར་པོ་འཕྱར་བ་སོགས་རེད།  གྱེན་ལངས་ངོ་རྒོལ་གྱི་རྒྱབ་ལྗོངས་དང་རྒྱུ་རྐྱེན་ཕལ་ཆེ་བ་ཞིག་འབོད་སྒྲ་རང་ནས་ཁ་གྲགས་ཡོང་གི་ཡོད་པའི་སྟེང་། ཐེངས་འདིའི་གྱེན་ལངས་ངོ་རྒོལ་གྱི་རྒྱབ་ལོགས་ན་འཇིགས་ཡེར་པའི་དཔོན་རིགས་བར་གྱི་དབང་ཆའི་འཐབ་རྩོད་ཅིག་ཀྱང་ཤུགས་ཀྱིས་ཚུད་ཡོད་པར་དཔྱད་མཁན་མང་།  གང་ལྟར། ད་ལྟ་འབྱུང་བཞིན་པའི་རྒྱ་ནག་ནང་གི་གྱེན་ལངས་ངོ་རྒོལ་འདི་ཕྱི་ཕྱོགས་སུ་ས་ཁྱབ་རྡོ་ཁྱབ་ཏུ་འགྲོ་བཞིན་པས། མི་ཚང་མར་འདིའི་སྐོར་ལ་གོ་ཐོས་རྒྱུས་མངའ་ཅུང་ཙམ་རེ་མེད་མཁན་མེད་པའི་ཚོད་དུ་མཆིས་པས་ན། སྐབས་སུ་བབ་པས་བཤད་འདོད་པ་ནི། གྱེན་ལངས་ངོ་རྒོལ་སྐོར་མིན་པར་ང་ཚོ་བཙན་བྱོལ་སྤྱི་ཚོགས་ཀྱི་ངོས་ནས་གནད་དོན་དེར་ཁ་ཕྱོགས་ནོར་ལམ་དུ་འགྲོ་མི་རུང་པའི་ཐད་ནས་སྐད་ཆ་འགའ་བཤད་འདོད།  ཐོག་མར་ང་ཚོས་དགྲ་དང་གཉེན་ནོར་མི་རུང་པའི་སྐད་ཆ་འདི་ཡིན། ང་ཚོ་བཙན་བྱོལ་དུ་ཚོགས་པ་སྒྲིག་འཛུགས་དང་སྒེར་པ་ཁག་ཅིག་གིས་ཐེངས་འདིའི་གྱེན་ལངས་ངོ་རྒོལ་བྱེད་མཁན་རྒྱ་རིགས་ཚོར་གདུང་སེམས་མཉམ་སྐྱེད་ཡོད་པའི་རྣམ་པ་འདྲ་མིན་ཞིག་སྟོན་ཅི་ཐུབ་བྱེད་བཞིན་པ་འདི་རེད།

Read more

རྒྱ་ནག་ཡར་ལང་བོད་ཀྱི་གོ་སྐབས།

ཆེད་བརྗོད། ཉེ་ཆར་རྒྱ་དམར་ཤོག་ཚོགས་པའི་ཚོགས་ཆེན་ཐེངས་༢༠ པ་ཟེར་བའི་ཐོག་ཏུ་ཞི་ཅིན་ཕིང་བསྐྱར་དུ་དམར་ཤོག་ཚོགས་པའི་འགོ་ཁྲིད་གྱི་དབང་ཆ་བསྐྱར་དུ་དམ་འཛིན་བྱས་ཡོད་ཅིང། དེ་ནི་སྔོན་མ་དུས་ཡུན་ལོ་བཅུ་ལས་བརྒལ་ཏེ་མུ་མཐུད་སྡོད་མི་ཆོག་པའི་རྒྱ་ནག་གི་རྩ་ཁྲིམས་ལ་འགྱུར་བ་བཏང་ནས་ས་མཚམས་མེད་པ་བཟོས་ཡོད་པ་དང། དེ་ནི་ཞི་ཅིན་ཕིང་ཇི་སྲིད་འཚོ་བའི་བར་རྒྱ་ནག་གི་དབང་ཆ་མཁྲེགས་འཛིན་བྱ་རྒྱུའི་ཧམ་སེམས་ཤིག་ཏུ་གྱུར་ཡོད། ད་ལྟའི་ཆར་ཞི་ཅིན་ཕིང་ནི་རྒྱ་ནག་ནང་མའོ་ཡི་རྗེས་སུ་དབང་ཆ་ཆེ་ཤོས་འཛིན་མཁན་དང་ཧམ་ཤེད་ཆེ་ཤོས་སུ་གྱུར་ཡོད། ཏིན་ཞའོ་ཕིང་རྒྱ་ནག་ཡར་རྒྱས་ཀྱི་ལམ་དུ་ཁྲིད་མཁན་གྱི་འགོ་ཁྲིད་ཅིག་ཡིན་པ་དང། དོན་གྱི་ཆ་ནས་ཁོ་རང་དབང་ཆ་ཆེ་ཤོས་ཡིན་ནའང། རྣམ་པའི་ཐོག་ནས་ཧྥ་གོ་ཧྥུང་དང། ཧུའུ་ཡོ་པང། ཀྲོ་ཙི་ཡང་སོགས་རྒྱ་ནག་དམར་ཤོག་ཚོགས་པ་དང། སྲིད་གཞུང་གི་འགོ་ཁྲིད་དུ་བསྐོ་གཞག་བྱས་ཡོད་པས། ཏིན་ཞའོ་ཕིང་ནི་རྣམ་པའི་ཐོག་ནས་ཞི་ཅིན་ཕིང་ལྟ་བུའི་སྒེར་གྱི་ངོས་ནས་ཧམ་ཤེད་ཅན་ཞིག་མིན་པ་མཚོན་ཐུབ། རྩ་བས་ཏིན་ཞའོ་ཕིང་གིས་ཕྱི་ལོ་༡༩༨༩ ལོའི་སློབ་མའི་ཡར་ལངས་དྲུག་བཞིའི་དོན་རྐྱེན་ལ་དྲག་གནོན་དང་དམར་གསོད་ཀྱི་ལས་འགུལ་སྤེལ་མྱོང་བས། གུ་ཡངས་ཅན་ཞིག་མིན་ནའང། མའོ་དང་། ཞི་ཅིན་ཕིང་ལྟ་བུའི་སྒེར་གཅོད་ཅན་ཞིག་ཀྱང་གཏན་ནས་མིན། རྒྱ་ནག་དམར་ཤོག་གི་སྲིད་དབང་འཛིན་མཁན་ནང་དབང་ཆ་ཡོངས་རྫོགས་དམ་འཛིན་བྱེད་ཐུབ་མཁན་ནི་གཙོ་བོ་མའོ་ཙི་ཏུང་དང། ཏིན་ཞའོ་ཕིང།

Read more

རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་བདུན་པ་མཇུག་བསྒྲིལ་འདུག

ཟླ་འདིའི་ཚེས་༢༨ ནས་ཉིན་གཉིས་རིང་། རྒྱ་གར་གྱི་རྒྱལ་ས་ལྡི་ལིར་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་བདུན་པ་དེ་ཉིད་ཚོགས་ཡོད་འདུག

Read more

ཐེ་ཝན་དུ་རྒྱ་ནག་མང་གཙོ་ཅན་དུ་འགྱུར་བར་ཤུགས་རྐྱེན་ཐེབས་ཐབས་ཀྱི་རྒྱལ་སྤྱིའི་བགྲོ་གླེང་ཆེན་མོ་སྐོང་འཚོགས་གནང་འདུག

ཟླ་འདིའི་ཚེས་ ༢༧ ཉིན་ཐའེ་ཝན་སྐུ་ཚབ་དོན་གཅོད་ལས་ཁུངས་ཀྱི་ལམ་སྟོན་འོག་ཐའེ་སྡོད་བོད་རིགས་ཚོགས་པས་ཐུན་མོང་གི་གཞི་རྟེན་འཚོལ་བ་ཞེས་པའི་བརྗོད་གཞིའི་ཐོག་ལོ་ལྟར་བགྲོ་གླེང་ཆེན་མོ་ཞིག་སྐོང་འཚོགས་ཞུ་བཞིན་ཡོད་པ་ལྟར། ལོ་འདིར་ཐའེ་ཝན་དུ་དགུ་གཅིག་འོས་བསྡུ་ཆེན་མོའི་སྐབས་སུ་ཐའེ་ཝན་གྱི་ཡང་དག་པའི་མང་གཙོ་འདི་བཞིན་རྒྱལ་སྤྱིའི་ནང་གོ་རྟོགས་གོང་སྤེལ་ཆེད་ཨ་རི་གཙོས་པའི་ཁེ་ན་ཊ་དང་། ཡུ་རོབ། ཨོ་གླིང་བཅས་རྒྱལ་ཁབ་ཁག་ནས་རྒྱ་རིགས་མང་གཙོ་དོན་གཉེར་བ་དང་། རྒྱ་མི་ཉམས་ཞིབ་པ་ཁག་ཅིག་འོས་བསྡུ་ཆེན་མོར་འཚམས་གཟིགས་ཕེབས་ཡོད་པ་དང་སྟབས་བསྟུན། ལོ་འདིའི་བགྲོ་གླེང་གི་བརྗོད་གཞི་ཐའེ་བོད་ཀྱིས་མང་གཙོ་ཡང་དག་པ་ལག་བསྟར་བྱེད་བཞིན་པ་དེས་མ་འོངས་རྒྱ་ནག་མང་གཙོ་ཅན་དུ་འགྱུར་བར་ཤུགས་རྐྱེན་ཐེབས་ཐབས། ཞེས་པའི་ཐོག་རྒྱལ་སྤྱིའི་བགྲོ་གླེང་ཆེན་མོ་ཞིག་ཐའེ་པེ་ཧྤུ་ཧཱ་མགྲོན་ཁང་དུ་སྐོང་འཚོགས་གནང་འདུག

Read more

རྒྱ་ནག་གི་གྲོང་ཁྱེར་མང་པོའི་ནང་མི་མང་གིས་ངོ་རྒོལ་བྱས་འདུག

ཟླ་འདིའི་ཚེས་༢༨ ཉིན་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། རྒྱ་ནག་གི་གྲོང་ཁྱེར་མང་པོའི་ནང་མི་མང་གིས་ངོ་རྒོལ་གྱིི་ལས་འགུལ་སྤེལ་བཞིན་ཡོད་པའི་གནས་ཚུལ་ཐོན་འདུག

Read more