ཕྱི་ཟླ་༨ ཚེས་༢༣ ཉིན་གྱི་ཕྱི་དྲོ་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་གིས་དབུ་ཁྲིད་པའི་སྤྱི་འཐུས་ཀྱི་སྐུ་ཚབ་ཚོགས་ཆུང་དེ་ཨོ་སི་ཊི་ལི་ཡ། སེ་ཌ་ནི་རྒྱལ་སྤྱིའི་གནམ་ཐང་དུ་འབྱོར་བ་དང་། དེར་ཨོ་སི་ཊི་ལི་ཡའི་སྐུ་ཚབ་དོན་གཅོད་སོགས་ཀྱིས་སྣེ་ལེན་ཞུས་ཡོད་པ་རེད།
འཛམ་གླིང་ཐོག་གི་སྙན་གྲགས་ཅན་གྱི་འཁྲབ་སྟོན་པ་དང་ཕྱུག་བདག ཨ་རིའི་སྲིད་འཛིན་ཟུར་པ་བཅས་མི་མང་པོ་ཞིག་ཆུ་ཟོ་འགྲན་རྩོད་ཀྱི་ལས་འགུལ་ནང་ཞུགས་ཏེ། སྐྲན་ནད་ཉམས་ཞིབ་ཀྱི་མ་རྩ་བསྡུ་རུབ་ཆེད་ཕྱར་གྲུ་མཉམ་འདེགས་བྱས་ཡོད་པ་རེད།
ཟླ་འདིའི་ཚེས་ ༢༢ ཉིན་གྱི་སྔ་དྲོ་༸གོང་ས་མཆོག་འཇར་མན་གྱི་གྲོང་ཁྱེར་ཕེ་རེཀ་ཕོཌ་གནམ་ཐང་དུ་༸ཞབས་སོར་བདེ་བར་འཁོད་རྗེས། གྲོང་ཁྱེར་ཧམ་བྷག་(Hamburg)ཏུ་ཆིབས་སྒྱུར་བསྐྱངས་ཡོད་པ་རེད།
ཁ་སང་ཨ་རིའི་རྒྱལ་སྲུང་བློན་ཆེན་ཧཱ་གྷལ་ཡིས་ཁ་ཆེའི་རྒྱལ་ཁབ་ཀྱི་དྲག་སྤྱོད་སྒྲིག་འཛུགས་ནི་སའི་གོ་ལའི་ཁྱོན་ཡོངས་སུ་དེ་སྔར་བྱུང་མྱོང་མེད་པའི་འཇིགས་སྐུལ་རིང་ལུགས་པ་ཞིག་ཆགས་ཡོད་ཅེས་བརྗོད་འདུག
ཁམས་འདན་མ་ས་གནས་སུ་རྒྱ་གཞུང་གིས་དྲག་གནོན་བྱས་པ་དང་། ཨ་རིའི་ནུའུ་ཡོག་གྲོང་ཁྱེར་གྱི་མཉམ་འབྲེལ་རྒྱལ་ཚོགས་ཀྱི་མདུན་དུ་བོད་མི་སྒེར་པ་དང་བླངས་ལས་འགུལ་བ་ཚོས་ཉིན་མང་པོར་རྒྱ་ནག་གཞུང་ལ་ངོ་རྒོལ་རྔམ་སྟོན་ཁྲོམ་སྐོར་དང་། ཟས་བཅད་ངོ་རྒོལ་གྱི་ལས་འགུལ་སྤེལ་ཡོད་པ་རེད།
ཟླ་འདིའི་ཚེས་༡༨ ཉིན་གནས་ཚུལ་ཤེས་རྟོགས་བྱུང་བ་ལྟར་ན། ཁམས་དཀར་མཛེས་དགོན་པའི་སྤྲུལ་སྐུ་སྤང་རི་སྣ་རིན་པོ་ཆེ་རྒྱ་གཞུང་གིས་འཇུ་བཟུང་བཙོན་འཇུག་བྱས་ནས་ལོ་དྲུག་དང་ཟླ་བ་གསུམ་ལྷག་འགྲོ་ཡི་ཡོད་པ་དང་།
ཕྱི་ཟླ་༨ ཚེས་ ༡༨ཉིན་སེར་ཤུལ་རྫོང་། འདན་མ་(ལོ་ཕྱུག་) དྲན་འཁོང་ཡུལ་ཚོའི་མི་མང་རྒྱ་གཞུང་གིས་ཚོགས་འདུ་བསྡུས་ཏེ་དབང་གྲགས་འཛིན་བཟུང་བྱེད་དོན་ནི། རྟ་རྒྱུགས་སོགས་ཀྱི་གནད་དོན་མིན་པར།ཁོས་སྤྱི་རྒྱུ་ལྐོག་ཟ་བྱས་ཡོད་པ་རེད་ཅེས་བརྗོད་དགོས་སྐོར་བཤད་འདུག
ཁམས་འདན་མར་རྒྱ་གཞུང་གིས་དྲག་གནོན་ཤུགས་ཆེ་རུ་གཏོང་བཞིན་ཡོད་པས། བོད་མི་ཁག་ཅིག་གིས་ཨ་རི་ནུའུ་ཡོག་མཉམ་སྦྲེལ་རྒྱལ་ཚོགས་མདུན་དུ་ ཉིན་གསུམ་རིང་བོད་སྐྱོབ་རེ་འབོད་དང་། རྒྱ་གཞུང་ལ་ངོ་རྒོལ་ལས་འགུལ་སྤེལ་གྱི་ཡོད་པ་དང་། ཉིན་གཉིས་རིང་ཟས་བཅད་ངོ་རྒོལ་བྱེད་ཀྱི་ཡོད་པ་རེད།
དེ་རིང་ཉིན་རྒྱབ་ཆུ་ཚོད་༢ པ་ཙམ་ལ་དཔལ་ས་སྐྱ་བདག་ཁྲི་རིན་པོ་ཆེ་མཆོག་སྦིར་དུ་ཡོད་པའི་སྤྲུལ་སྐུ་ཨོ་རྒྱན་སྟོབས་རིན་པོ་ཆེའི་བླ་བྲང་ཚེ་རིང་ལྗོངས་སུ་ཞབས་སོར་འཁོད་པ་དང། ཕྱི་ཚེས་༡༩ ཉིན་རྒྱབ་རྫོང་སར་བཤད་གྲྭ་རུ་རྟ་ཕྱག་ཁྱུང་གསུམ་གྱི་བཀའ་དབང་གནང་རྒྱུ་སོགས་ཕྱི་ཚེས་༢༩ བར་སྦིར་ས་ཁུལ་དུ་བཞུགས་རྒྱུ་ཡིན་འདུག
ལི་བྷར་རི་ཡ་ཡི་རྒྱལ་ས་མོན་རི་ཝི་ཡ་རུ་ཡོད་པའི་ཨེ་པོ་ལ་སྨན་བཅོས་ལྟེ་གནས་ཤིག་ལ་ཇག་པས་འཕྲོག་བཅོམ་བྱས་པའི་རྗེས། ཨེ་པོ་ལོ་(Ebola)ཡི་ན་ཚ་ཡོད་མཁན་གྱི་ནད་པ་༡༧ གར་སོང་ཆ་མེད་དུ་གྱུར་ཡོད་པ་རེད།
