ཁོར་ཡུག་ལས་འགུལ་བ་ཞིག་ལ་བཙོན་འཇུག་ཁྲིམས་ཐག་བཅད་འདུག

ཟླ་བ་འདིའི་ཚེས་༩ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། ཨོ་སི་ཁྲུ་ལི་ཡའི་སི་ཊི་ནི་གྲོང་ཁྱེར་གྱི་ཟམ་པ་ཧར་བྷོའོ་ཡི་གྲུ་ལམ་གཅིག་ཁོར་ཡུག་ལས་འགུལ་བ་ཁོ་ཁོ་ཟེར་བའི་བུད་མེད་ཞིག་གིས། སྐར་མ་༢༨ རིང་བཀག་པའི་རྒྱུ་རྐྱེན་ལ་བརྟེེན་ནས་། ཨོ་སི་ཁྲུ་ལི་ཡའི་ཁྲིམས་དཔོན་གྱིས་ཁོ་མོས་ཉེན་རྟོག་པའི་བཀའ་ལ་བརྩི་སྲུང་མི་བྱས་པར། འགྲིམ་འགྲུལ་གྱི་ཁྲིམས་ལས་འགལ་བའི་ཉེས་བ་བསགས་པར། ཁོ་མོ་ཁྲིམས་གཞིར་བཟུང་ཟླ་བ་༡༨ རིང་བཙོན་འཇུག་ཁྲིམས་ཐག་བཅད་ཡོད་པའི་གནས་ཚུལ་ཐོན་འདུག

Read more

དགའ་ལྡན་ཁྲི་ཟུར་༧སྐྱབས་རྗེ་རི་རྫོང་རིན་པོ་ཆེ་སྐུ་གཤེགས་འདུག

ཞྭ་སེར་བསྟན་པའི་གཙུག་རྒྱན་དགའ་ལྡན་ཁྲི་ཐོག་བརྒྱ་དང་གཉིས་པ་རི་རྫོང་སྲས་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་རིན་པོ་ཕྱི་ལོ་༢༠༢༢ ཟླ་༡༢ ཚེས་༨ རེས་གཟའ་ཕུར་བུའི་དགོང་དྲོ་ཆུ་ཚོད་༩།༢༠ ཐོག་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་འདུག དགའ་ལྡན་ཁྲི་ཐོག་བརྒྱ་དང་གཉིས་པ་རི་རྫོང་རིན་པོ་ཆེ་ནི། ཕྱི་ལོ་༡༩༢༧ ལོར་ལ་དྭགས་མང་སྤྲོ་རུ་སྐུ་འཁྲུངས། ྋགོང་ས་བཅུ་གསུམ་པ་ཆེན་པོས་སྐུ་གོང་མའི་ཡང་སྲིད་དུ་ངོས་འཛིན་མཛད་དེ་དགུང་ལོ་བཞི་ཙམ་ནས་རི་རྫོང་དགོན་དུ་འདོན་ཆོས་སྤྱོད་སོགས་ལ་སློབ་གཉེར་གནང། རིམ་པས་སྡོམ་གསུམ་དང། ལམ་རིམ་ཆེན་མོ། རྒྱན་འཇུག་གཉིས་བློ་འཛིན་མཛད། དགེ་བཤེས་ཀའུ་བརྩོན་འགྲུས་ཀྱིས་བསྡུས་གྲྭ་བསླབས་ནས་རིགས་ལམ་ཆགས་ཐུབ་པ་བྱུང༌ཞིང། དཔེ་ཐུབ་དགོན་གྱི་དགེ་བའི་བཤེས་གཉེན་དཀའ་ཆེན་ཡེ་ཤེས་དོན་གྲུབ་ཀྱིས་སུམ་རྟགས་དང་། དག་ཡིག སྙན་ངག་བཅས་ཁྲིད། ཕྱི་ལོ་༡༩༤༥ ལོར་དཀའ་ཆེན་ཡེ་ཤེས་དོན་གྲུབ་དང་ལྷན་བོད་དུ་བསྐྱོད་དེ་དགའ་ལྡན་ཁྲི་ཆེན་གོ་བཞི་པ་ཆེན་པོ་རྗེ་བཙུན་ལྷུན་གྲུབ་བརྩོན་འགྲུས་མཆོག་ནས་ལམ་རིམ་ཆེན་མོ་མཆན་བཞི་སྦྲགས་ཐོག་ནས་དངུལ་ཆུའི་ཡང་སྤྲུལ་དང་བཅས་མི་གྲངས་ཉུང་ཤས་ཀྱིས་དཔེ་ཁྲིད་ཟབ་རྒྱས་ཞུས། འདུལ་བ། རྣམ་འགྲེལ་སོགས་གཞུང་ཆེན་ཁག་ལ་དཔེ་ཁྲིད་ཀྱང་ཞུས་ཞིང༌།

Read more

བྷི་ཇེ་བྷི་ཧི་མ་ཅལ་གྱི་འོས་བསྡུ་ནང་ཕམ་ཡང་གྷུ་ཇུ་ར་ཏཱེ་ནང་རྒྱལ་ཁ་ཆེན་པོ་ཐོབ་འདུག

རྒྱ་གར་དབུས་གཞུང་འཛིན་སྲིད་དོན་ཚོགས་པ་དང་ཧི་མ་ཅལ་མངའ་སྡེའི་གཞུང་འཛིན་སྲིད་དོན་ཚོགས་པ་བྷི་ཇེ་བྷི་ལ། ཧི་མ་ཅལ་མངའ་སྡེའི་གྲོས་ཚོགས་འོས་བསྡུར་ཕམ་ཁ་བྱུང་འདུག་ཀྱང་། གནད་འགག་ཆེ་བའི་གྷུ་ཇུ་ར་ཏཱེ་མངའ་སྡེའི་གྲོས་ཚོགས་འོས་བསྡུར་རྒྱལ་ཁ་ཆེན་པོ་ཐོབ་འདུག  དེ་ཡང་ཟླ་༡༢ པའི་ཚེས་༨ ཉིན་ཧི་མ་ཅལ་མངའ་སྡེ་དང་གྷུ་ཇུ་ར་ཏཱེ་མངའ་སྡེའི་གྲོས་ཚོགས་འོས་བསྡུའི་འོས་གྲངས་རྩིས་བཤེར་བྱས་ཡོད་པ་དང་། གྲུབ་དོན་དུ་ཧི་མ་ཅལ་མངའ་སྡེའི་གྲོས་ཚོགས་འོས་བསྡུར་ཕྱོགས་འགལ་སྲིད་དོན་ཚོགས་པ་ཀོང་རེ་སཱིར་རྐུབ་སྟེགས་གྲངས་༤༠ ཐོབ་ནས་མང་མོས་ཀྱི་དགོས་ངེས་རྐུབ་སྟེགས་གྲངས་༣༥ ལས་བརྒལ་ནས་རྒྱལ་ཁ་ཐོབ་ཡོད་པ་དང་། གྲོས་ཚོགས་ཀྱི་ཁྱོན་བསྡོམས་རྐུབ་སྟེགས་གྲངས་༦༨ ནས་བྷི་ཇེ་བྷི་སྲིད་དོན་ཚོགས་པར་རྐུབ་སྟེགས་གྲངས་༢༥ ཐོབ་ནས་ཕམ་ཁ་བྱུང་འདུག སྤྱིར་བཏང་འདས་པའི་ལོ་ངོ་༣༧ གྱི་རིང་ཧི་མ་ཅལ་མངའ་སྡེའི་གྲོས་ཚོགས་འོས་བསྡུར། གཞུང་འཛིན་སྲིད་དོན་ཚོགས་པ་ཞིག་ལ་རྒྱལ་ཁ་བསྐྱར་དུ་ཐོབ་པ་བྱུང་མྱོང་མེད་འདུག་པས། ཐེངས་འདིར་ཡང་གཞུང་འཛིན་སྲིད་དོན་ཚོགས་པ་བྷི་ཇེ་བྷི་ལ་ཕམ་ཁ་བྱུང་ནས། ཕྱོགས་འགལ་སྲིད་དོན་ཚོགས་པ་ཀོང་རེ་སཱིར་རྒྱལ་ཁ་ཐོབ་པ་བྱུང་འདུག  དེ་བཞིན་རྒྱ་གར་ནང་གནད་འགག་ཆེ་བའི་མངའ་སྡེ་གྷུ་ཇུ་ར་ཏཱེའི་མངའ་སྡེའི་གྲོས་ཚོགས་འོས་བསྡུར། གཞུང་འཛིན་བྷི་ཇེ་བྷི་སྲིད་དོན་ཚོགས་པར་གྲོས་ཚོགས་ཀྱི་རྐུབ་སྟེགས་གྲངས་༡༨༢ ནས་རྐུབ་སྟེགས་གྲངས་༡༥༦

Read more

ཧི་མ་ཅལ་མངའ་སྡེའི་འོས་བསྡུར་ཀོང་རི་སི་ཚོགས་པར་རྒྱལ་ཁ་ཐོབ་འདུག

ཕྱི་ལོ་༢༠༢༢ ཟླ་༡༢ ཚེས་༨ ཉིན་རྒྱ་གར་ཧི་མ་ཅལ་མངའ་སྡེའི་འོས་ཤོག་གྲངས་བཤེར་ཕྱོགས་བསྡོམས་བྱས་ཡོད་པ་དང། མངའ་སྡེ་འདིར་གྲོས་ཚོགས་འཐུས་མི་གྲངས་༦༨ ཡོད་པའི་ནང་ནས་ཀོང་རི་སི་ཚོགས་པར་ཞབས་སྟེགས་༤༠ དང། བྷི་ཇེ་བྷི་ཚོགས་པར་ཞབས་སྟེགས་༢༥ གཞན་༣ བཅས་ཐོབ་ནས་ལོ་འདིར་ཀོང་རི་སི་ཚོགས་པར་གཞུང་འཛིན་གྱི་རྒྱལ་ཁ་ཐོབ་འདུག ལོ་འདིའི་ཕྱི་ཟླ་༡༡ ཚེས་༡༢ རེས་གཟའ་སྤེན་པའི་ཉིན་རྒྱ་གར་བྱང་ཕྱོགས་ཧི་མ་ཅལ་མངའ་སྡེའི་འོས་བསྡུ་བྱས་ཡོད་པ་དང། ཧི་མ་ཅལ་མངའ་སྡེ་ནི་རྫོང་ཁག་བཅུ་གཉིས་ཙམ་ཡོད་པའི་ནང་དུ་མི་འབོར་ས་ཡ་༧ དང་འབུམ་༣ ལྷག་ལས་མེད་པའི་རྒྱ་གར་ནང་གི་མངའ་སྡེ་ཆུང་གྲས་ཤིག་ཡིན་པ་དང། ས་ཁོངས་ཀྱི་ཆ་ནས་བཤད་ན་སྤྱི་ལེ་གྲུ་བཞི་མ་༥༥༦༧༣ (55,673 square km).ཡོད་པ་རེད།

Read more

རྒྱ་ནག་ནང་སྐུ་གཤེགས་དཔའ་བོ་ལ་མྱ་ངན་ཞུ་བཞིན་འདུག

ཟླ་འདིའི་ཚེས་༨ ཉིན་བྷི་བྷི་སི་གསར་ཁང་གིས་གནས་ཚུལ་སྤེལ་གསལ་ལྟར་ན། རྒྱ་མི་མང་པོས་རྒྱ་ནག་གི་སྐུ་གཤེགས་དཔའ་བོའི་དྲྭ་ངོས་སུ་སེམས་ཀྱི་སྐད་ཆ་མང་པོ་ཞིག་སྤེལ་བཞིན་ཡོད་པའི་གནས་ཚུལ་ཐོན་འདུག

Read more

འཇར་མན་ནང་སྲིད་གཞུང་བཙན་བཟུང་གི་འཆར་གཞི་འཐེན་མཁན་མི་སྣ་༢༥ འཛིན་བཟུང་བྱས་འདུག 

འཇར་མན་ནང་དུ་ལྟ་བ་མཁྲེགས་འཛིན་པའི་གསང་བའི་ཚོགས་པ་ཞིག་གིས་རྒྱལ་ཁབ་ཀྱི་སྲིད་དབང་དྲག་པོའི་ཐོག་ནས་བཙན་བཟུང་བྱས་ཏེ། སྐུ་དྲག་རྙིང་པ་ཞིག་རྒྱལ་ཁབ་ཀྱི་འགོ་ཁྲིད་དུ་བསྐོ་བཞག་བྱེད་རྒྱུའི་འཆར་གཞི་འཐེན་ཡོད་པའི་གནས་ཚུལ་དང་འབྲེལ་ནས། མི་སྣ་༢༥ ཞིག་ཉེན་རྟོག་པས་འཛིན་བཟུང་བྱས་འདུག 

Read more

གཞུང་འབྲེལ་མིན་པའི་ཚོགས་པ་བཞིས་རྒྱ་ནག་ནང་གི་ངོ་རྒོལ་ལས་འགུལ་ལ་གདུང་སེམས་མཉམ་བསྐྱེད་གནང་སོང་།

ཟླ་༡༢ པའི་ཚེས་༧ ཉིན་བཞུགས་སྒར་རྡ་ས་མེག་གྷན་དུ། བོད་ཀྱི་གཞོན་ནུ་ལྷན་ཚོགས་དང་བོད་ཀྱི་བུད་མེད་ལྷན་ཚོགས། བོད་རྒྱལ་ཡོངས་མང་གཙོ་ཚོགས་པ། བོད་རང་བཙན་སློབ་ཕྲུག་ཚོགས་པ་བཅས་ཀྱིས། རྒྱ་ནག་ནང་གི་ངོ་རྒོལ་ལས་འགུལ་ལ་གདུང་སེམས་མཉམ་བསྐྱེད་ཀྱི་ལས་འགུལ་ཞིག་སྤེལ་གནང་སོང་། 

Read more

རྒྱ་ནག་གིས་ཁྲིམས་མཐུན་མ་ཡིན་པའི་ཉེན་རྟོག་ལས་ཁུངས་༡༠༢ བཙུགས་ཡོད་འདུག

ཟླ་འདིའི་ཚེས་༦ ཉིན་(ZEENEWS) གསར་ཁང་གིས་གནས་ཚུལ་སྤེལ་གསལ་ལྟར་ན། རྒྱ་ནག་གིས་རྒྱལ་ཁབ་༥༤ ནང་ཁྲིམས་འགལ་གྱིས་ཉེན་རྟོག་ལས་ཁུངས་༡༠༢ བཙུགས་ཡོད་པའི་གནས་ཚུལ་ཐོན་འདུག རྒྱ་ནག་གཞུང་གིས་འདས་པའི་ལོ་མང་པོའི་རིང་རྒྱལ་ཁབ་འདྲ་མིན་ནང་ཁྲིམས་འགལ་གྱིས་ཉེན་རྟོག་ལས་ཁུངས་མང་པོ་བཙུགས་ཡོད་པའི་དབང་གིས་ལོ་འདིའི་ཕྱི་ཟླ་༩ པའི་ནང་། རྒྱལ་ཁབ་༢༠ ལྷག་གི་ནང་དུ་ཁྲིམས་མཐུན་མ་ཡིན་པའི་ཉེན་རྟོག་ལས་ཁུངས་༥༤ ཡོད་པ་ར་སྤྲོད་བྱུང་ཡོད་པ་དང་། དེ་དག་མང་ཆེ་བ་ཡུ་རོབ་རྒྱལ་ཁབ་ཁག་གི་ནང་ལ་བཙུགས་ཡོད་རབས་བརྗོད་ཡོད་ཀྱང་།  ད་ལྟའི་ཆར་རྒྱལ་ཁབ་༥༣ ནང་ཁྲིམས་མཐུན་མ་ཡིན་པའི་ཉེན་རྟོག་ལས་ཁུངས་ཁྱོན་བསྡོམས་༡༠༢ བཙུགས་ཡོད་པ་དང་། ཉེན་རྟོག་པའི་ལས་ཁུངས་ནི་རྒྱལ་ཁབ་གཞན་དུ་གནས་སྡོད་བྱེད་མཁན་རྒྱ་མི་ཚོ་དང་། ལྷག་པར་དུ་རྒྱ་ནག་གི་ནང་དུ་ཁྲིམས་འགལ་བྱས་ནས་རྒྱལ་ཁབ་གཞན་དུ་བྲོས་བྱོལ་དུ་ཡོང་མཁན་དང་། རྒྱ་ནག་གཞུང་ལ་སྐྱོན་བརྗོད་དང་ངོ་རྒོལ་བྱེད་མཁན་ཚོ་ལ་དམིགས་ནས་བཙུགས་པ་ཞིག་ཡིན་འདུག ཉེན་སྲུང་དག་སྐྱེལ་བྱེད་མཁན་(Safeguard Defender)

Read more

མང་གཙོ་ཚོགས་པའི་གྲོས་ཚོགས་གོང་མའི་འོས་མིར་རྒྱལ་ཁ་ཐོབ་འདུག 

ཟླ་༡༢ པའི་ཚེས་༦ ཉིན་ཨ་རིའི་མངའ་སྡེ་རྗོརརྗི་ཡའི་གྲོས་ཚོགས་གོང་མའི་འཐུས་མི་ཆེད་དུ་མཐའ་མའི་འོས་བསྡུ་བྱས་འདུག་པ་དང་། གྲུབ་དོན་དུ་མང་གཙོ་ཚོགས་པའི་འོས་མི་ད་ཡོད་གྲོས་ཚོགས་གོང་མའི་འཐུས་མི་རཱ་ཧྥེལ་ཝར་ནོག་ལ་རྒྱལ་ཁ་བསྐྱར་དུ་ཐོབ་འདུག 

Read more

ཉི་ཧོང་ནང་དུ་བོད་དང་ཡུ་གུར། ལྷོ་སོག་བཅས་དང་འབྲེལ་བའི་གྲོས་ཚོགས་ཚོགས་ཆུང་ཞིག་གསར་འཛུགས་གནང་འདུག

རྒྱ་ནག་གཞུང་གིས་བོད་དང་ཡུ་གུར། ལྷོ་སོག་བཅས་ཀྱི་ནང་དུ་འགྲོ་བ་མིའི་ཐོབ་ཐང་རྡག་རོལ་གཏོང་བཞིན་པར་ཉམས་ཞིབ་དང་ལས་དོན་སྤེལ་ཆེད་དུ། ཉི་ཧོང་གི་གྲོས་ཚོགས་ཚོགས་ཆུང་ཞིག་གསར་འཛུགས་གནང་འདུག

Read more