བོད་ཀྱི་རྩོམ་པ་པོ་སྒོ་ཡོན་བཙོན་ཁང་ནས་གློད་གྲོལ་བཏང་ཡོད་འདུག 

ཟླ་༡༢ པའི་ཚེས་༦ ཉིན་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་སྤེལ་བར་གཞིགས་ན། ཕྱི་ལོ་༢༠༢༡ ལོའི་ཟླ་བཅུ་གཉིས་ཀྱི་ནང་ཁམས་བྲག་མགོ་ནས་ཡིན་པའི་བོད་ནང་གི་རྩོམ་པ་པོ་སྒོ་ཡོན་སོགས་འཇུ་བཟུང་བྱས་ཏེ་བཙན་དབང་འོག་གར་སོང་ཆ་མེད་དུ་གྱུར་བའི་སྐོར་གྱི་ཁུངས་ལྡན་གྱི་གནས་ཚུལ་འབྱོར་རྗེས། ཡུན་རིང་ཁོང་གི་གནས་བབ་ཐད་རྒྱུས་ལོན་མི་ཐུབ་པ་གྱུར་ཡོད་པ་དང་། འདི་ལོ་ཟླ་བརྒྱད་པའི་ནང་དུ་ཁོང་ཉིད་གློད་གྲོལ་ཐོབ་ཡོད་ཚུལ་གྱི་གནས་ཚུལ་ཞིག་འབྱོར་ཡང་བདེན་མིན་རྩད་གཅོད་མཐིལ་ཕྱིན་མ་ཐུབ་པར་ལུས་ཡོད་འདུག འོན་ཀྱང་ལྟེ་གནས་ཁང་གིས་བརྗོད་དོན་ལ། ཉེ་ལམ་ཕྱི་ཟླ་ ༡༡ པའི་ཚེས་ ༣༠ ཉིན་སྒོ་ཡོན་གྱི་སྐད་འཕྲིན་རྒྱབ་ངོས་སུ་“ལོ་ངོ་གཉིས་ལྷག་ལ་དྲྭ་ལམ་དང་བྲལ་ཏེ། ད་ལྟ་ལེགས་སྐྱེས་ཆུང་ཆུང་འདི་འདྲ་ཞིག་འཁྱེར་ནས་ཐོན་ཡོད་”ཅེས་ཁོང་ཉིད་ཀྱིས་གསར་དུ་བསྒྱུར་བའི་ “སྐྱེས་ཐོབ་ཀྱི་གསོ་བྱེད་ Healing Without Medicine” ཞེས་པའི་འཚོ་བཅུད་རིག་པའི་འགྱུར་དེབ་ཅིག་གསར་དུ་ཐོན་ཡོད་པ་གསལ་བསྒྲགས་བྱས་འདུག་པས་ཁོང་ཉིད་གློད་གྲོལ་ཐོབ་ཟིན་པ་དངོས་བདེན་ཡིན་ཚོད་འདུག སྤྱིར་ཁོང་གིས་སྐད་འཕྲིན་རྒྱབ་ངོས་སུ་གནས་ཚུལ་སྤེལ་བ་ཅུང་མང་ན་ཡང་ཕྱི་ལོ་

Read more

ཞི་ཅིང་ཕིང་གིས་རྒྱལ་ཁབ་གཞན་ནས་སྨན་ཁབ་མཁོ་སྒྲུབ་བྱེད་འདོད་མེད་པ་རེད་འདུག

ཟླ་འདིའི་ཚེས་༤ ཉིན་རྒྱ་གར་གྱི་ཧིན་རྡུ་དུས་བབས་གསར་ཁང་གིས་གནས་ཚུལ་སྤེལ་གསལ་ལྟར་ན། རྒྱ་ནག་ནང་ཏོག་དབྱིབས་གཉན་རིམས་འགོ་མཁན་མང་དུ་འགྲོ་བཞིན་པའི་ཐོག རྒྱ་ནག་ནང་བཟོས་པའི་སྔོན་འགོག་སྨད་ཁབ་ལ་ནུས་པ་ཐོན་གྱི་མེད་པ་དང་། ལྷག་པར་ཞི་ཅིང་ཕིང་གིས་རྒྱལ་ཁབ་གཞན་ནས་སྔོན་འགོག་སྨན་ཁབ་མཁོ་སྒྲུབ་བྱེད་འདོད་མེད་པའི་གནས་ཚུལ་ཐོན་འདུག ཟླ་བ་སྔོན་མའི་ནང་རྒྱ་ནག་གི་རྒྱལ་ས་པེ་ཅིང་དང་ཧྲང་ཧེ་གྲོང་ཁྱེར་སོགས་ཀྱི་ནང་ལ་མི་མང་དང་སློབ་ཕྲུག་སྟོང་ཕྲག་མང་པོས་རྒྱ་ནག་གི་ཏོག་དབྱིབས་གཉན་རིམས་ཀླད་ཀོར་ཞེས་པའི་སྲིད་བྱུས་དང་རྒྱ་ནག་གི་སྲིད་འཛིན་ཞི་ཅིང་ཕིང་ལ་ངོ་རྒོལ་བྱས་ཡོད་པ་བརྟེན། ད་ལྟའི་ཆར་རྒྱ་ནག་གི་གྲོང་ཁྱེར་ཁག་ཅིག་གི་ནང་། ནད་ཡམས་དང་འབྲེལ་བའི་དམ་དྲག་བྱེད་རྒྱུ་ཕྲན་བུ་ཆུང་དུ་ཕྱིན་ཡོད་ན་ཡང་། རྒྱ་ནག་གི་ནང་ཏོག་དབྱིབས་གཉན་རིམས་ཕོག་མཁན་ནི་སྔ་བཞིན་ཇེ་མང་དུ་འགྲོ་བཞིན་ཡོད་པའི་གནས་ཚུལ་ཐོན་འདུག ཞིབ་འཇུག་པ་ཁག་ཅིག་གིས་རྒྱ་ནག་གིས་བཟོས་པའི་སྔོན་འགོག་སྨན་ཁབ་ལ་ནུབ་ཕྱོགས་སུ་བཟོས་པའི་སྔོན་འགོག་སྨན་ཁབ་བཞིན་ཕན་ནུས་པ་ཆེན་མོ་ཐོན་གྱི་མེད་པ་དང་། ལྷག་པར་དུ་ད་ལྟའི་ཆར་རྒྱ་ནག་གིས་ཕྱི་རྒྱལ་ནས་སྔོན་འགོག་སྨན་ཁབ་མཁོ་སྒྲུབ་བྱེད་པར་བཀའ་འཁྲོལ་གནང་གི་མེད་པར་བརྟེན། ནད་ཡམས་སྔོན་འགོག་ལ་ལྷོད་ཡངས་ཤོར་བ་དེ་ཡིས་མ་འོངས་པ་ཉེན་ཁ་ཆེ་པོ་ཞིག་འཕྲད་སྲིད་རབས་བརྗོད་བཞིན་འདུག རྒྱ་ནག་གི་ནང་དུ་ཏོག་དབྱིབས་གཉན་རིམས་ཁྱབ་བརྡལ་དུ་འགྲོ་བཞིན་པ་དེ་ཡིས་རྒྱ་ནག་གི་དཔལ་འབྱོར་དང་སྤྱི་ཚོགས་ལྷིང་འཇགས་ལ་དོ་ཕོག་འགྲོ་བཞིན་ཡོད་ན་ཡང་། རྒྱ་ནག་གི་སྲིད་འཛིན་ཞི་ཅིང་ཕིང་གིས་རྒྱ་ནག་ཏུ་བཟོས་པའི་སྔོན་འགོག་སྨན་ཁབ་ལས་ནུབ་ཕྱོགས་སུ་བཟོས་པའི་སྔོན་འགོག་སྨན་ཁབ་མཁོ་སྒྲུབ་དང་ཁས་ལེན་བྱེད་འདོད་མེད་རབས་ཀྱི་གནས་ཚུལ་ཐོན་འདུག གསར་འགོད་པ། བློ་བཟང་རྒྱ་མཚོ།

Read more

ཨ་རི་གཞུང་གིས་རྒྱ་ནག་དང་ཨི་རན་ནང་གི་ངོ་རྒོལ་བ་ཚོར་རྒྱབ་སྐྱོར་ཡོད་སྐོར་བརྗོད་འདུག 

ཟླ་༡༢ པའི་ཚེས་༤ ཉིན་ཨ་རིའི་ཕྱི་སྲིད་དྲུང་ཆེ་ཨན་ཐོ་ནཱི་བྷེ་ལི་ཀན་ལ་གསར་ཁང་ཞིག་གིས་བཅར་འདྲི་བྱས་པའི་སྐབས་སུ། གསར་འགོད་པ་དེས་ཁོང་ལ་ཨ་རིའི་སྲིད་གཞུང་གིས་རྒྱ་ནག་ནང་གི་ངོ་རྒོལ་བ་ཚོར་རྒྱབ་སྐྱོར་བྱེད་ཀྱི་ཡོད་མེད་དྲི་བ་དྲིས་འདུག་པ་དང་། ཁོང་གིས་ཨ་རིའི་སྲིད་གཞུང་གིས་འཛམ་གླིང་གང་སར་ཡོད་པའི་མི་ཚོའི་ཐོབ་ཐང་ལ་རྒྱབ་སྐྱོར་བྱེད་ཀྱི་ཡོད་པ་དང་། རྒྱ་ནག་དང་ཨི་རན། དེ་བཞིན་ས་གནས་གང་དུ་ཡིན་ནའང་། མི་མང་ཚོས་ཞི་བའི་ཐོག་ནས་སོ་སོའི་བསམ་ཚུལ་འདོན་ཆེད་ཀྱི་ངོ་རྒོལ་ལས་འགུལ་ལ་རྒྱབ་སྐྱོར་བྱེད་ཀྱི་ཡོད་སྐོར་བརྗོད་ནས། ཟླ་བ་རྗེས་མར་ཁོང་རྒྱ་ནག་ཏུ་སྐོར་སྐྱོད་དུ་འགྲོ་འཆར་ཡོད་པས། སྐབས་དེར་རྒྱ་ནག་གི་དཔོན་རིགས་ཚོར་རྒྱ་ནག་ནང་གི་ངོ་རྒོལ་ལས་འགུལ་ཐོག་གླེང་སློང་བྱེད་རྒྱུ་ཡིན་སྐོར་བརྗོད་འདུག 

Read more

གཞོན་ནུ་ལྷན་ཚོགས་ཀྱི་གོ་སྒྲིག་འོག་རྒྱ་གཞུང་ལ་ངོ་རྒོལ་གྱི་ལས་འགུལ་སྤེལ་འདུག

ཟླ་འདིའི་ཚེས་༢ ཉིན་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་བོད་མི་༡༥༠ ལྷག་གིས་རྒྱ་གར་གྱི་རྒྱལ་ས་ལྡི་ལི་ལ་རྒྱ་ནག་གཞུང་དང་ཏོག་དབྱིབས་གཉན་རིམས་ཀླད་ཀོར་ཞེས་པའི་རྒྱ་གཞུང་གི་སྲིད་བྱུས་ལ་ངོ་རྒོལ་དང་། དེ་བཞིན་རྒྱ་ནག་ནང་ཤོག་དཀར་ལས་འགུལ་སྤེལ་མཁན་དག་ལ་རྒྱབ་སྐྱོར་མཚོན་ཆེད་དུ་ལས་འགུལ་ཞིག་སྤེལ་གནང་སོང་། སྐབས་དེར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་བཀྲིས་དར་རྒྱས་ཀྱིས་རྒྱ་ནག་གི་ནང་དུ་རྒྱ་ནག་གི་སྲིད་འཛིན་ཞི་ཅིང་ཕིང་དང་དམར་ཤོག་ཚོགས་པའི་འགོ་ཁྲིད་ཚོ་ལ་ངོ་རྒོལ་གྱི་ལས་འགུལ་ཞིག་སྤེལ་བཞིན་ཡོད་པ་དང་། བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་ལས་འགུལ་དེ་ལ་རྒྱབ་སྐྱོར་ཡོད་ཅེས་དང་། དེ་བཞིན་ཏོག་དབྱིབས་གཉན་རིམས་ཀྱི་རྐྱེན་པས་བོད་ས་ཁྱོན་ཡོངས་ལ་དཀའ་ངལ་ཆེན་མོ་འཕྲད་ཡོད་པར་བརྟེན། བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་གཞི་རྒྱ་ཆེ་བའི་ལས་འགུལ་ཐེངས་གཉིས་ཤིག་སྤེལ་ཡོད་པ་དང་། ཐེངས་འདི་ལས་འགུལ་སྤེལ་བ་འདི་ཐེངས་གསུམ་པ་ཆགས་ཀྱི་ཡོད་ཅེས་བརྗོད་སོང་ལ། ད་ལྟའི་ཆར་རྒྱ་ནག་ནང་ལས་འགུལ་ཞིག་སྤེལ་བཞིན་ཡོད་པ་དེ་ཡང་གཙོ་བོ་རྒྱ་ནག་མི་དམངས་ཀུན་ལ་འགྲོ་འདུག་དང་འཚོ་བའི་དཀའ་ངལ་ཆེན་མོ་ཞིག་འཕྲད་པའི་དབང་གིས་བྱུང་ཡོད་པ་དང་། དེ་ནི་ཕྱི་ལོ་༡༩༧༦ ལོར་རྒྱ་ནག་གི་ནང་དུ་བྱུང་བའི་ལས་འགུལ་དང་གཅིག་མཚུངས་རེད་ཅེས་གཏམ་བཤད་གནང་སོང་། གཞན་ཡང་བོད་ཀྱི་རང་བཙན་འཐབ་རྩོད་པ་བསྟན་འཛིན་བརྩོན་འགྲུས་ཀྱང་ལས་འགུལ་ནང་མཉམ་ཞུགས་བྱས་ཡོད་པ་དང་། སྐབས་དེར་ཁོང་གིས་རྒྱ་ནག་ནང་གི་ངོ་རྒོལ་བྱེད་མཁན་ཚོ་ཡི་དགོས་འདུན་ནི་ཞི་ཅིང་ཕིང་ལས་གནས་ནས་དགོངས་པ་ཞུ་དགོས་ཞེས་དང་། དམར་ཤོག་ཚོགས་པ་མི་དགོས་ཞེས་པ་དེ་ཡིན་ལ། ལས་འགུལ་དེ་ཡང་རྒྱ་ནག་གི་ས་ཁུལ་གཅིག་དང་གྲོང་ཁྱེར་གཅིག་གི་ནང་སྤེལ་བ་མ་ཡིན་པ་རྒྱ་ནག་ཁྱོན་ཡོངས་ལ་ངོ་རྒོལ་གྱི་ལས་འགུལ་དེ་སྤེལ་ཡོད་བཞིན་ཡོད་པར་བརྟེན། དེ་ནི་ངོ་རྒོལ་གྱི་ལས་འགུལ་ཙམ་མིན་པ། དེ་ནི་གསར་བརྗེ་ཞིག་རེད་ཅེས་གཏམ་བཤད་གནང་སོང་། དེ་བཞིན་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག བྷེལ་ཀོབ་ས་གནས་བོད་ཀྱི་གཞོན་ནུ་ལྷན་ཚོགས་དང་།

Read more

རྒྱ་ནག་གིས་ཐའེ་ཝན་དང་འབྲེལ་ནས་དབྱིན་ཡུལ་ལ་སྡིགས་བསྐུལ་བྱས་འདུག 

དབྱིན་ཡུལ་གྱི་གྲོས་ཚོགས་ཀྱི་ཕྱི་སྲིད་ལས་དོན་ཚོགས་ཆུང་ཐའེ་ཝན་དུ་སྐོར་སྐྱོད་འགྲོ་བཞིན་པ་དང་བསྟུན། རྒྱ་ནག་གཞུང་གིས་གནད་དོན་དེར་སྐྱོན་བརྗོད་དང་སྡིགས་བསྐུལ་བྱས་འདུག 

Read more

ཨ་རིའི་གྲོས་ཚོགས་འཐུས་མི་གཉིས་ནས་མཉམ་འབྲེལ་རྒྱལ་ཚོགས་སུ་བོད་དོན་ཐད་རེ་སྐུལ་ཞུ་ཡིག་ཕུལ་འདུག 

ཟླ་༡༡ པའི་ཚེས་༣༠ ཉིན་ཨ་རིའི་གྲོས་ཚོགས་ཀྱི་རྒྱ་ནག་ལས་དོན་ཚོགས་ཆུང་གི་ཚོགས་གཙོ་དང་ཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་ཇིམ་མེག་གྷོ་ཝན་དང་། ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ཇེབ་མེག་ལེ་གཉིས་ཀྱིས། མཉམ་འབྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་གཙོ་སྐུ་ཞབས་ཝོལ་ཀར་ཊར་ཀི་ལ་རེ་སྐུལ་ཞུ་ཡིག་ཅིག་ཕུལ་ཏེ།རྒྱ་ནག་གཞུང་གིས་བོད་ནང་ལོ་ ༦ ནས་ ༡༨ ལ་སོན་པའི་བོད་པའི་སློབ་ཕྲུག་བརྒྱ་ཆ་ ༨༠ ལྷག་ཕ་མ་དང་ཁ་བྲལ་བཅུག་སྟེ། རྒྱ་ནག་གཞུང་གི་སྟངས་འཛིན་འོག་ཡོད་པའི་མི་སེར་སྤེལ་ཡུལ་གྱི་གཏན་འཇགས་སློབ་གྲྭ་ཁག་གི་ནང་བཏང་སྟེ་ཆབ་སྲིད་ཀྱི་སློབ་གསོ་སྤྲོད་བཞིན་ཡོད་པ་མ་ཟད། ཆབ་སྲིད་ཀྱི་སློབ་གསོ་དེ་བརྒྱུད་བོད་པའི་ངོ་བོའི་རྩ་བ་སྟེ་ཆོས་དང་རིག་གཞུང་། སྐད་ཡིག  ཡུལ་སྲོལ་གོམས་གཤིས་སོགས་རྩ་གཏོར་དུ་གཏོང་བཞིན་པའི་སྐོར་རྟོག་ཞིབ་ནན་མོ་གནང་དགོས་པའི་འབོད་སྐུལ་ཞུས་གནང་ཡོད་འདུག  དེ་ཡང་ཨ་རིའི་གྲོས་ཚོགས་འཐུས་མི་སྐུ་ཞབས་ཇིམ་མེག་གྷོ་ཝན་དང་ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ཇེབ་མེག་ལེ་གཉིས་ཀྱིས། བོད་དོན་ལས་འགུལ་བསྟི་གནས་ཁང་གིས་ཕྱི་ལོ་ ༢༠༢༡ ལོར་བཏོན་པའི་སྙན་ཐོ་གཞིར་བཞག་ཐོག་རྒྱ་ནག་གཞུང་གིས་བོད་ནང་ལོ་ ༦

Read more

འཛམ་གླིང་བུམ་པའི་རྐང་རྩེད་སྤོ་ལོ་དང་འབྲེལ་བའི་གནས་ཚུལ་ཁག་ཅིག

ཟླ་༡༡ ཚེས་༢༠ ནས་ཉིན་༢༩ རིང་གི་འཛམ་གླིང་བུམ་པའི་རྐང་རྩེད་སྤོ་ལོའི་འགྲན་བསྡུར་དེ་ཉིད་དཀྱིལ་ཤར་ཨེ་ཤེ་ཡའི་རྒྱལ་ཁབ་ཁ་ཐར་གྱི་ནང་དུ་འཚོགས་བཞིན་ཡོད་པ་དང་། ཐེངས་འདིའི་འགྲན་བསྡུར་ཁྲོད་དུ་རྒྱལ་ཁབ་༣༢ ཡི་རྐང་སྤོལ་རུ་ཁག་མཉམ་ཞུགས་ཀྱིས་འགྲན་བསྡུར་༦༥ བྱེད་རྒྱུ་རེད་འདུག ཁ་ཐར་ནི་མི་འབོར་ས་ཡ་༢.༩ ལྷག་ཙམ་ཡོད་པའི་ཁ་ཆེའི་རྒྱལ་ཁབ་ཆུང་ཆུང་ཞིག་ཡིན་པ་མ་ཟད། མི་འབོར་བརྒྱ་ཆ་༡༥% ཙམ་མ་གཏོགས་མི་མང་ཆེ་བ་ནི་རྒྱ་གར་དང་བལ་ཡུལ། ཤྲི་ལང་ག་དང་བྷང་ལ་དྷེ་ཤེ་སོགས་ནས་ཡོང་མཁན་ཡིན་པ་དང་། ཁ་ཐར་གྱི་མི་འབོར་བརྒྱ་ཆ་༨༢% ཙམ་ནི་ཁ་ཐར་གྱི་རྒྱལ་ས་སྒྲོ་ཧ་(Doha) ཡི་ནང་ལ་གནས་སྡོད་བྱེད་ཀྱི་ཡོད་འདུག  ཁ་ཐར་ནི་འཛམ་གླིང་བུམ་པའི་རྐང་རྩེད་སྤོ་ལོའི་འགྲན་བསྡུར་གྱི་ནང་མཉམ་ཞུགས་བྱས་པ་ད་ལོ་ཐོག་མ་ཆགས་ཡོད་འདུག ཁ་ཆེའི་རྒྱལ་ཁབ་ཅིག་ཏུ་འཛམ་གླིང་བུམ་པའི་རྐང་རྩེད་སྤོ་ལོ་ཚོགས་པ་ཐོག་མ་དེ་ཆགས་ཡོད་འདུག་ལ། ད་བར་འཛམ་གླིང་བུམ་པའི་རྐང་རྩེད་སྤོ་ལོའི་འགྲན་བསྡུར་ཚོགས་སའི་རྒྱལ་ཁབ་ཆུང་ཤོས་དེ་ཡང་ཁ་ཐར་ཆགས་ཡོད་འདུག འཛམ་གླིང་བུམ་པའི་རྐང་རྩེད་སྤོ་ལོ་ནི་ལོ་ལྟར་ཟླ་བ་ལྔ་པ་དང་དྲུག ཡང་ན།

Read more

གར་སོང་ཆ་མེད་གྱུར་བའི་རྒྱ་ནག་གི་འགྲོ་བ་མིའི་ཐོབ་ཐང་ཁྲིམས་རྩོད་པའི་བུ་མོས་རྒྱ་ནག་ནང་གི་ངོ་རྒོལ་ལ་རྒྱབ་སྐྱོར་བྱས་འདུག

ཟླ་བ་༡༡ པའི་ཚེས་༢༧ཉིན་ཐའེ་ཝན་གྱི་རྒྱལ་ས་ཐའེ་པཱེ་ཐང་ཆེན་དུ་མི་མང་སྡེབས་འཛོམས་ཀྱིས། རྒྱ་ནག་ནང་གི་ཤོག་བུ་དཀར་པོ་ཡི་གསར་བརྗེ་ངོ་རྒོལ་ལས་འགུལ་ལ་རྒྱབ་སྐྱོར་བྱས་རྗེས། ཚེས་༢༩ ཉིན་ད་ལྟའི་ཆར་གར་སོང་ཆ་མེད་དུ་སོང་བའི་རྒྱ་ནག་གི་འགྲོ་བ་མིའི་ཐོབ་ཐང་གི་ཁྲིམས་རྩོད་པ་གི་བུ་མོ་ཡིས་ཀྱང་ཐའེ་པཱེའི་ཐང་ཆེན་གི་མདུན་དུ། རྒྱ་ནག་ནང་གི་ལས་འགུལ་ལ་རྒྱབ་སྐྱོར་མཚོན་ཆེད་དུ། ལག་ཏུ་ཤོག་བུ་དཀར་པོ་བཟུང་ནས། དེང་སང་རྒྱ་ནག་ནང་གི་གྲོང་ཁྱེར་ཆེ་ཁག་ནང་འབྱུང་བཞིན་པའི་ཤོག་བུ་དཀར་པོ་ཡི་གསར་བརྗེ་ལས་འགུལ་ལ་རྒྱབ་སྐྱོར་བྱས་ཡོད་པའི་གནས་ཚུལ་ཐོན་འདུག

Read more

མི་རིགས་ནག་པོ་ཞིག་མང་གཙོ་ཚོགས་པའི་གྲོས་ཚོགས་འོག་མའི་འགོ་ཁྲིད་དུ་ཐེངས་དང་པོར་འདེམས་ཐོན་བྱུང་འདུག 

ཨ་རིའི་མང་གཙོ་ཚོགས་པའི་གྲོས་ཚོགས་འོག་མའི་འགོ་ཁྲིད་རྒྱུན་རིང་གནང་མྱོང་མཁན་ལྕམ་ནན་སཱི་པཱི་ལོ་སཱེ་ལས་འགན་དེ་ནས་དགོངས་པ་ཞུ་རྒྱུ་ཡིན་པ་ལྟར། ཐེངས་དང་པོར་མི་རིགས་ནག་པོ་ཞིག་མང་གཙོ་ཚོགས་པའི་གྲོས་ཚོགས་འོག་མའི་འགོ་ཁྲིད་དུ་འདེམས་ཐོན་བྱུང་འདུག་པ་དང་། དེ་ནི་ལོ་རྒྱུས་རང་བཞིན་ཅན་གྱི་གནད་དོན་ཞིག་རེད་འདུག 

Read more

རྒྱ་ནག་ནང་ཤོག་དཀར་ལས་འགུལ་ལ་རྒྱབ་སྐྱོར་གྱི་ལས་འགུལ་སྤེལ་འདུག

ཟླ་བ་༡༡ ཚེས་༣༠ ཉིན་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་དང་ས་གནས་གཞོན་ནུ་ལྷན་ཚོགས་ཀྱི་གོ་སྒྲིག་འོག་རྒྱ་ནག་གི་ཤོག་དཀར་ལས་འགུལ་ལ་རྒྱབ་སྐྱོར་དང་རྒྱ་གཞུང་ལ་ངོ་རྒོལ་ལས་འགུལ་ཞིག་སྤེལ་གནང་སོང་། ཟླ་༡༡ཚེས་༣༠ ཉིན་སྦེང་ལོར་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་སྦེང་ལོར་ཁུལ་དུ་ཡོད་པའི་ཏྰ་ལའི་བླ་མ་མཐོ་རིམ་སློབ་གཉེར་ཁང་གི་སློབ་མ་ཁག་ཅིག་དང་། བོད་ཁྱིམ་སྡོད་ཁང་གི་སློབ་ཕྲུག དེ་བཞིན་དེ་གར་ས་གནས་བོད་པ་ཚོ་མཉམ་ཞུགས་ཀྱིས་རྒྱ་ནག་ནང་གི་ཤོག་དཀར་ལས་འགུལ་ལ་རྒྱབ་སྐྱོར་དང་གདུང་སེམས་མཉམ་སྐྱེད་མཚོན་ཆེད་དུ་རྒྱ་ནག་གཞུང་ལ་ངོ་རྒོལ་སྐད་འབོད་ཀྱི་ལས་འགུལ་སྤེལ་ཡོད་འདུག གཞན་ཡང་ཟླ་ ༡༡ ཚེས་ ༣༠ ཉིན་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་གི་སྣེ་ཁྲིད་འོག། ལྡི་ལི་རོ་ཧི་ནི་དང་བསམ་གཡས་གླིང་ས་གནས་གཞོན་ལྷན་གྱི་རྒྱུན་ལས་དང་ཚོགས་མི་རྣམས་མཉམ་ཞུགས་ཀྱིས་རྒྱ་ནག་ནང་རིམས་ནད་དམ་དྲགས་ལ་ངོ་རྒོལ་དང་། ཞི་ཅིན་ཕིན་དང་དམར་ཤོག་སྲིད་གཞུང་ལ་ངོ་རྒོལ་སོགས་གནང་བཞིན་པའི་རྒྱ་རིགས་མང་གཙོ་དོན་གཉེར་བ་རྣམས་ལ་གདུང་སེམས་མཉམ་སྐྱེད་ཀྱི་རྣམ་འགྱུར་གསལ་སྟོན་གྱིས་ལས་འགུལ་ཞིག་སྤེལ་ཡོད་འདུག དེ་བཞིན་བོད་ཀྱི་གཞུང་འབྲེལ་མ་ཡིན་པའི་ཚོགས་པ་ཁག་གི་དྲྭ་ཐོག་ཏུ་གནས་ཚུལ་སྤེལ་བ་ལྟར་ན། བོད་རྒྱལ་ཡོངས་མང་གཙོ་ཚོགས་པ་དང་བོད་རང་བཙན་སློབ་ཕྲུག་ཚོགས་པ། རྒྱལ་སྤྱིའི་བོད་དོན་འབྲེལ་མཐུད་ཁང་དང་བོད་ཀྱི་བུད་མེད་ལྷན་ཚོགས་བཅས་ཀྱིས་རྒྱ་གར་གྱི་རྒྱལ་ས་ལྡི་ལི་ལ་ཡོད་པའི་རྒྱ་ནག་གི་གཞུང་ཚབ་ཁང་གི་མདུན་དུ། སྲིད་དབང་སྒེར་འཛིན་མི་དགོས་དམངས་གཙོ་དགོས་ཞེས་དང་། རྒྱ་ནག་གཞུང་གི་ཏོག་དབྱིབས་གཉན་རིམས་ཀླད་ཀོར་ཞེས་པའི་སྲིད་བྱུས་ལ་མི་མང་གིས་ངོ་རྒོལ་བྱེད་བཞིན་ཡོད་པ་དེར་ལ་རྒྱབ་སྐྱོར་ཡོད་རབས་ཀྱིས་ལས་འགུལ་ཞིག་སྤེལ་ཡོད་འདུག རྒྱ་ནག་ནང་གི་ཤོག་དཀར་ལས་འགུལ་ཞེས་པ་དེ་ནི་ཟླ་བ་སྔོན་མའི་ནང་རྒྱ་ནག་གི་རྒྱལ་ས་པེ་ཅིང་དང་ཧྲང་ཧེ་སོགས་གྲོང་ཁྱེར་མང་པོའི་ནང་མི་མང་སྟོང་ཕྲག་མང་པོ་ལག་ཏུ་ཤོག་དཀར་ཁྱེར་ནས་རྒྱ་ནག་གཞུང་གི་ཏོག་དབྱིབས་གཉན་རིམས་ཀླད་ཀོར་ཞེས་པའི་སྲིད་བྱུས་ལ་ངོ་རྒོལ་བྱས་ཡོད་པ་དང་།

Read more