རྩོམ་ཡིག

ཆབ་མདོ་བསྟན་པ་ཡར་འཕེལ། རྡ་རམ་ས་ལ།

རྡ་སའི་ནགས་ཀླུང་སྟུག་པོར་སྨུག་སྤྲིན་དང་ཐལ་རྡུལ་གྱིས་གཡོགས་ཤིང་གུ་དོག་པའི་ལམ་འཕྲང་ཀྱག་ཀྱོག་དེའི་ནང་རླངས་འཁོར་མང་པོས་འཚང་ཀ་ཤིག་ཤིག་གིས་ལམ་ཟུར་ནས་རྐང་ཐང་ལ་འགྲོ་མཁན་རྣམས་ལའང་སུན་སྣང་འཕར་མ་རེ་སྟེར་བཞིན་པ་ནི་རྒྱུན་ལྡན་ཞིག་ཡིན་པ་མ་ཟད་ནམ་རྒྱུན་གངས་སྐྱིད་ཀྱི་སྒྲུང་གཏམ་དགའ་ཚལ་ནང་ཁྱོ་ཀ་ལས་ཁུངས་སུ་སོང་རྗེས་སྐྱེ་དམན་མི་བུ་གཞན་ལ་ཉལ་པོ་བྱས་ཤིང༌། ཁྱོ་ཀ་ཕྱི་རྒྱལ་ལ་ཡོད་པའི་ཨ་མ་དེ་ཚོས་རླ་དང་ནུ་མའི་གཡོ་འགུལ་རེ་རེས་རྡ་སའི་ཁོར་ཡུག་གི་ལྷིང་འཇགས་དཀྲོག་པའི་གནས་ཚུལ་ཉུང་ཉུང་མིན་པའི་དངོས་སྒྲུང་མང་པོ་ཞིག་གླེང་རེས་བྱེད་པ་ཡང་སྤྱིར་བཏང་ལྟ་བུ་ཡིན་ཀྱང༌། ཉིན་ཤས་སྔོན་ནས་གངས་སྐྱིད་ཀྱི་སྒྲུང་གཏམ་དགའ་ཚལ་དེའི་བརྗོད་གཞི་གཞན་ཞིག་ཏུ་ཕྱིན་སོང༌།

 འབུམ་རམས་པ་བློ་བཟང་སེང་གེ།
ཕ་ཡུལ་དྲ་རྒྱའི་ནང་དུ་༢༠༠༩ ཟླ་༧ ཚེས་༢༠ ཉིན་བཀོད་པ། ཨེ་ལི་ཨོ་ཊིས་པེར་ལིང་གི་རང་སྐྱོང་ཨེ། བསམ་བློ་བསྐྱར་དུ་ཐོངས། ཞེས་པའི་ཆེད་རྩོམ་གྱིས་རྩ་བའི་བྱེད་ནུས་ཀྱི་ཆ་ནས་རང་ཉིད་ཡུལ་ལུང་སོ་སོའི་ཁྲིམས་ལུགས་ཐད་ཤེས་རྨོངས་ཅན་ཞིག་ཡིན་པ་ཁུངས་སྐྱེལ་ར་སྤྲོད་བྱུང་བ་རེད། ཁོང་རང་གིས་གནས་ལུགས་ཡོད་རྒུ་ཤེས་ཤིང་དྷ་རམ་ས་ལ་ནས་གང་ཡང་ཤེས་ཀྱི་མེད་པའི་ཁེངས་སྤོབས་དེར་ཨེཊ་ཝར་ཌ་སེ་ཊི་དུར་ས་ནས་རོ་ལངས་བརྒྱབ་ནས་འཁྱམ་དགོས་པ་ལྟ་བུར་གྱུར་ཡོད་པ་རེད། ཁོ་རང་གི་སྒེར་གྱི་ཞིབ་བཤེར་གྱིས་ཀྱང་པེ་རི་ལིང་གི་ཆེད་རྩོམ་དཔྱང་གློག་ནང་གི་སྦྲུལ་ཆེན་(anaconda in the chandelier)ཞེས་པ་དང་གཅིག་མཚུངས་སུ་གྱུར་ཡོད།

མུ་ཏིག གོལ་པལ་པུར་བོད་ཁྱིམ། འཛིན་གྲྭ་༡༢
རྒྱ་ནག་གི་རྩོམ་པ་པོ་ཝང་ལི་ཞུང་གིས་རྩོམ་ཡིག་ཅིག་གི་ནང་དུ་“ལོ་འགའ་ཤས་གོང་ལ་ཨ་རིའི་གྲོང་ཁྱེར་བྷོ་སི་ཀྲོན་གྱི་ནང་དུ་འཚོགས་པའི་མི་རིགས་སོ་སོའི་གནད་དོན་དང་འབྲེལ་བའི་དཔྱད་གླེང་ཚོགས་འདུ་ཞིག་གི་སྟེང་དུ་ཇར་མན་ནས་ཕེབས་པའི་ཡུ་གུར་མི་རིགས་ཀྱི་འཐུས་མི་ཞིག་གིས་ཚོགས་ཞུགས་པ་ཡོངས་ལ། གལ་ཏེ་མི་ཞིག་གིས་ཤིན་ཅང་ཞེས་པའི་མིང་ཚིག་གཉིས་པོ་དེ་བེད་སྤྱོད་བཏང་ཚེ། ཁོ་རང་ཚོགས་ཐོག་ནས་ཕྱིར་འཐེན་བྱེད་རྒྱུ་ཡིན་ཞེས་བརྗོད་སོང༌།” ཞེས་བྲིས་འདུག

བློ་བཟང་རྒྱ་མཚོ།    དྷ་ས།
མི་རྣམས་ཀྱི་དགའ་སྡུག་དང་ཕྱོགས་འབྱེད་ཀྱི་ལངས་ཕྱོགས་ལས་དྲང་བདེན་དང་གཡོ་སྒྱུ། ཉམས་རྒུད་དང་འཕེལ་རྒྱས་སོགས་དབྱེ་འབྱེད་དཀའ་བའི་འཚུབ་ཆ་ཞིག་གི་གྲིབ་གཟུགས་ཉིན་ལྟར་ངའི་མདུན་གྱི་བཀག་རྡོར་གྱུར་འདུག་མོད། ཉམས་རྒུད་དང་འཕེལ་རྒྱས། གཡོ་སྒྱུ་དང་དྲང་བདེན་རྒྱབ་སྤྲོད་ཀྱི་ཆབ་སྲིད་ལངས་ཕྱོགས་གཉིས་ཀྱི་བཙིར་གནོན་བར་མི་སུ་ཡིན་རུང་དྲང་ལྡོག་གང་ཐད་ནས་དམིགས་བསལ་གྱི་ཉམས་མྱོང་ངེས་ཅན་ཞིག་ཐོབ་ཡོད་པ་ནི་སྨོས་མེད་རེད།

 འབའ་པ་སྐལ་བཟང་འཕྲིན་ལས། བློ་གླིང།
ཡུལ་སྲོལ་རིག་གཞུང་ཡོད་ཚད་ནི་འགྲོ་བ་མིའི་འཚོ་ཐབས་ཀྱི་ཆོ་ག་ཡིན་ལ། ཅི་སྟེ་ཉིན་རེ་ཉིན་རེ་ཡི་འཚོ་བའི་ལག་ལེན་ཁྲོད་དུ་དགོས་མཁོའི་སྟོང་ཆ་ཁག་བསྐང་མི་ཐུབ་ན། ཨ་འཐས་ཀྱིས་རོ་འཐམ་མ་བྱས་པར་ཚུར་ལེན་གྱི་སྙིང་སྟོབས་སྤྱད་དེ་སྙིགས་དོར་བཅུད་ལེན་དང། རྙིང་དོར་གསར་ལེན་གྱི་བྱ་གཞག་སྤེལ་ནས་འཚོ་བའི་དཔལ་ཡོན་སྐྲུན་ཐབས་བྱ་འོས། འགྲོ་བ་མིའི་བྱུང་རིམ་ཐད་གནའ་དེང་གི་མཁས་པ་དུ་མས་ཐོག་མར་དུད་འགྲོ་ནས་རིམ་བཞིན་མི་རུ་གྱུར་པ་ཡིན་པའི་ཁ་མཐུན་གྱིས་སྡོམ་ཚིག་བཀོད་པ་ལྟར་བདེན་ན།

བློ་བཟང་མཁྱེན་བརྩེ།  ས་རྭ་མཐོ་སློབ།
ང་ཚོ་མཐོ་སྒང་གི་ས་གཞི་རྙིང་པ་འདི་ལ་རྒྱ་དང་རིག་གཞུང་གི་གོད་ཆག་ཁྲོད་ནས་གཏན་དུ་ཐར་མེད། ལྷག་པར་དུ་ཉིས་སྟོང་དགུ་ལོའི་དུས་ཚོད་ཀྱི་བཞུར་རྒྱུན་ནི་མགོ་གང་ནས་བཙུགས་པ་དང། མཇུག་གང་ཞིག་ནས་བསྒྲིལ་འགྲོ་བ་མི་ཤེས་པའི་ཆོས་ཉིད་དང་འགྲོགས་ནས་བཞུར་བཞིན་འདུག་ན། ང་ཚོའི་མགོ་ཐོག་ཏུ་ཤར་ཡོང་བར་གདོན་མི་ཟ། དེའི་ཕྱིར་ང་རང་ཤེས་ཡོན་དང་ལྷག་བསམ་གྱིས་ཕྱུག་པའི་བོད་རིགས་ཤེས་རྒྱ་ཅན་ཞིག་མིན་ན་ཡང།

ལི་ཐང་འཇམ་བཟོད།      དྷ་ས།
ཕྱི་ལོ་༢༠༠༩ ཟླ་བ་༡༠ པའི་ཚེས་༡ ཉིན་ནི་རྒྱ་ནག་དམར་ཕྱོགས་ཚོགས་པས་གོ་མིན་ཏང་དང་དམག་འཐབ་ཀྱིས་རྒྱལ་ཁ་ཐོབ་སྟེ། རྒྱ་ནག་ཡོངས་རྫོགས་དམར་ཕྱོགས་ཚོགས་པའི་སྲིད་དབང་འོག་ཏུ་གོང་བུ་གཅིག་བསྒྱུར་བྱས་ནས། མི་ལོ་ཧྲིལ་པོ་༦༠ འཁོར་བའི་རྒྱལ་སྟོན་དུས་ཆེན་ཡིན་ལ། དེང་སྐབས་རྒྱ་ནག་གི་ས་གནས་གང་སར་རྒྱལ་སྟོན་དུས་ཆེན་གྱི་གྲ་སྒྲིག་སྣ་ཚོགས་བྱེད་བཞིན་ཡོད་པ་དང༌། ལྷག་དོན་ནུབ་ཕྱོགས་དང་རྒྱ་ནག་ཏུ་སྙན་གྲགས་ཆེ་བའི་གློག་བརྙན་འཁྲབ་སྟོན་པ་མང་པོ་ཞིག་ལ། རྒྱ་ནག་གཞུང་ངོས་ནས་འགྲོ་སོང་བཏང་ནས་དམར་ཕྱོགས་ཚོགས་པས། རྒྱ་ནག་གི་ལོ་རྒྱུས་དང་མི་མང་གི་འཚོ་བར་འཕོ་འགྱུར་ཆེན་པོ་བཏང་ཡོད་ཚུལ་གྱི་གློག་བརྙན་མང་པོ་ཞིག་གོ་སྒྲིག་བྱེད་བཞིན་ཡོད་པ་རེད།

ཉ་མཚོའི་ཚུལ་ཁྲིམས་སྦྱིན་པ། (སེར་བྱེས་ལྡན་མ་ཁམས་ཚན།)
འཛམ་གླིང་གོ་ལའི་མཐོ་སྒང་དུ་ཆགས་པའི་གངས་ཅན་གྱི་བོད་པ་ཟེར་བ་འདི། མི་ལོ་སྟོང་ཕྲག་མང་པོའི་ལོ་རྒྱུས་ལྡན་པའི་མི་རིགས་ཤིག་ཡིན་ན་ཡང༌། བློ་ཕམ་པ་ཞིག་ལ་དམ་ཆོས་བདུད་རྩིའི་སྨན་མཆོག་ལ་དུག་ཏུ་ལྟ་བའི་ཀླ་ཀློ་དྲག་སྤྱོད་པ་རྣམས་ཀྱིས། ལོ་རྒྱུས་ནག་བསུབ་དང། མི་རིགས་ལ་ཁྱད་གསོད་སོགས་བསམ་ངན་གྱི་སྤྱོད་པ་ཚབས་ཆེན་བཏང་བ་མ་ཟད། བོད་མི་རྣམས་ཀྱི་ཁོག་པའི་སྙིང་དང༌། དཔྲལ་བའི་མིག་ལྟ་བུའི་ྋསྤྱི་ནོར་གོང་ས་སྐྱབས་མགོན་ཆེན་པོ་མཆོག་རང་ཡུལ་ནས་མི་ཡུལ་ལ་བཙན་བྱོལ་དུ་ཕེབས་དགོས་བྱུང་བ་སོགས་གདོང་དམར་བོད་མིའི་སྙིང་ལ་བཟོད་པར་དཀའ་ཞིང་ནམ་ཡང་བརྗེད་ཐབས་མེད་པའི་ལོ་རྒྱུས་ལྕི་མོ་ཞིག་བྱུང་ཡོད། འོན་ཀྱང། གངས་ཅན་བོད་འབངས་ཡོངས་ཀྱི་ལྷ་སྐལ་ྋའཛམ་གླིང་ཞི་བདེའི་དེད་དཔོན་ཆེན་པོ་མཆོག་གིས་རྨད་དུ་བྱུང་བའི་ཐུགས་བསྐྱེད་སྙིང་སྟོབས་ཀྱི་གོ་ཆ་བཙན་པོས་བཙན་བྱོལ་དུ་བོད་མིའི་ཤེས་ཡོན་བསྟི་གནས་གཞི་རིམ་སློབ་གྲྭ་དང། རིས་སུ་མ་ཆད་པའི་དགོན་སྡེ་ཁག་འཛུགས་སྐྲུན་དང་བྱམས་བརྩེའི་གཟིགས་སྐྱོང་ཚད་མེད་གནང་བའི་ཐུགས་རྗེ་བཀའ་དྲིན་ཉག་གཅིག་ལ་བརྟེན་ནས།

ཆོས་མཚོ་ནས། (སུ་ཇཱ་སློབ་གྲྭའི་འཛིན་རིམ་བདུན་པ)
ཐེངས་འདིར་ངའི་སེམས་ནང་གི་ན་ཟུག་ཅིག་དང་བཤད་མ་ཕོད་པའི་གསང་བ་ཞིག་སྨྱུག་རྩེ་ནས་བཞུར་སོང་བས། ང་རང་གི་བསམ་ཚུལ་དེ་མི་རྒན་པ་གཅིག་གི་བསམ་ཚུལ་དང་ལྟ་བ་ཡིན་པའི་མ་ཁྱབ། གལ་སྲིད་འདི་ནི་དོན་ཆེན་ཞིག་མཐོང་གི་འདུག་ན། བོད་རིགས་སྤུན་ཟླ་ཚོ། ཐུགས་བསམ་བཞེས་ནས་དཔྱད་པ་བྱེད་ན་གང་འདྲ་འདུག དེ་ཡང་སྐད་ཡིག་ནི་མི་རིགས་ཀྱི་སྲོག་རྩ་ཡིན་ཞེས་བཤད་བཞིན་པ་ལྟར་ཡིན་སྟབས། མིའི་ཚེ་སྲོག་ནི་གལ་འགངས་ཆེ་ཆུང་ག་ཚོད་ཅིག་དང་རིན་ཐང་ཆེན་པོ་ག་ཚོད་ཅིག་ཡིན་མིན་བཤད་མི་དགོས་པར་དངོས་མཐོང་ལག་ཟིན་ཡིན་མོད། ཡིན་ནའང་ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་ནས་འདོན་སྤེལ་ཞུས་པའི་བོད་ཀྱི་བང་ཆེན་དང་གཞན་དུས་བབ་སོགས་བོད་ཡིག་ཚགས་ཤོག་མང་པོ་ཞིག་འདོན་སྤེལ་ཞུས་པ་དེ་དག་ནི་དབྱིན་ཡིག་མང་པོ་བསྲེ་བ་དེ་ལ་རྒྱུ་རྐྱེན་ག་རེ་ཐུག་ཡོད་དམ།

བློ་བཟང་བརྩོན་འགྲུས་ནས།   (སེར་བྱེས།)
མི་རིགས་ཤིག་གི་ཆག་སྒོ་དང༌། ཆབ་སྲིད་ཀྱི་དཀྱོག་མཚམས་སྣ་ཚོགས་ལས་བོད་མིའི་དབུ་ཁྲིད་སྐུ་འཁོར་དང། བོད་མི་ཁྲི་ཚོ་བརྒལ་བ་བཅས་ཧི་མ་ལ་ཡི་རི་བོ་བརྒྱུད་ཡུལ་གྱར་དུ་ཕེབས་དགོས་བྱུང༌། དེ་ནས་བཟུང་ང་ཚོ་བཙན་བྱོལ་ཞེས་པའི་མིང་བྱང་འོག་ཆ་རྒྱུས་གང་ཡང་མེད་པའི་ཡུལ་ལུང་ཞིག་ཏུ་འཚོ་བ་གསར་པ་ཞིག་སྐྱེལ་འགོ་ཚུགས། དེ་དང་མཉམ་དམིགས་བསལ་གྱི་འགན་འཁྲི་ཞིག་ཕྲག་ཏུ་བབས་པ་ནི་མི་རིགས་རང་གི་ཆོས་རིག་ལེགས་བྱང་དང་བཅས་འཆི་གསོན་ལ་ཐུག་པ་སྲུང་སྐྱོབ་བྱ་རྒྱུ་དེ་ཡིན། དེར་བརྟེན་བོད་མི་སྤྱི་བོ་གནམ་བསྟན་སུ་ཞིག་ནས་རིག་གཞུང་སྲུང་སྐྱོབ་ལ་སྨན་པའི་ལེགས་སྤེལ་ཉེས་འགོག་གི་དགོངས་ཚུལ་བཏོན་ན་འོས་ཤིང་འཚམས་ལ་དེ་ལྟར་དགོས་པ་ཡང་ཡིན། འོན་ཀྱང་བསམ་ཚུལ་འབྲི་བ་ལ་ས་མཚམས་མེད་པ་ཞིག་ཏུ་གཏན་ནས་བསམ་མི་རུང། གནད་དོན་གང་ཞིག་གི་ཐོག་འབྲི་བ་དེའི་འཕྲལ་ཕུགས་རྒྱང་གསུམ་ལ་འདང་རྒྱག་ཐུབ་པའི་དཔྱོད་ཤེས་དང༌། གཡས་ཐལ་གཡོན་ཐལ་ཅན་གྱི་ཕྱོགས་ལྷུང་དུ་མ་སོང་བ་དགོས་པ་ལས། དེ་མིན་རང་འདོད་གཙོར་བཟུང་གིས་གང་བྱུང་ཡིག་ཐོག་ཏུ་བཀོད་ན་རྩོམ་རིགས་སྒྱུ་རྩལ་གྱི་ཆེ་མཐོང་དང་དབུ་འཕང་དམའ་རུ་འགྲོ་རྒྱུ་ལས་གཞན་ཅི་ཡོད།