རྩོམ་ཡིག

བཀའ་ཟུར་མདོ་སྔགས་བསྟན་འཛིན།  
༄༅། ། རྒྱལ་གཅེས་བོད་རིགས་སྤུན་ཟླ་རྣམ་པའི་སྙན་ལམ་དུ།
    ཁེ་ན་ཌར་བཞུགས་པའི་སྤྱི་འཐུས་ཟུར་པ་ཐུབ་བསྟན་བསམ་འགྲུབ་ལགས་ཀྱིས་ཡོངས་ཁྱབ་གཞེན་སྐུལ་གནང་བ་ལྟར། ད་ལམ་གུས་བཀའ་ཟུར་མདོ་སྔགས་བསྟན་འཛིན་ནས་བོད་བཙན་བྱོལ་གཞུང་གི་སྐབས་རྗེས་མའི་བཀའ་བློན་ཁྲི་པའི་འོས་དམིགས་ཆེད་དུ་མི་གྲངས་བརྒྱད་ཀྱི་མཚན་ཐོ་ཁག་སྤྱན་ལམ་དུ་བསྟར་འབུལ་ཞུས་པར་ཞིབ་དཔྱད་ཡོང་བ་དང། ཡང་ང་རང་ཚོས་འཛམ་གླིང་ཡར་ཐོན་ཅན་གྱི་ལམ་ལུགས་ལ་བཟང་ས་ནས་དཔེ་ལྟ་ཉམས་ལེན་ཉུང་སྐྱོན་ཡོད་མུས་ལ་བརྟེན་ཁ་དཔེར། ཕོ་རབ་གཅིག་གི་བློ་རྩེ་ལས་ཕོ་འབྲིང་གསུམ་གྱི་གྲོས་བསྡུར་ཟབ་ཟེར་བ་ལྟར་གཞུང་ལས་སྡེ་ཁག་བདུན་ལ་ལས་བྱུས་སློབ་སྟོན་པ་དགོས་ངེས་ཆེ་བར་བསམས་ཏེ་དཔེ་མཚོན་མི་འགྲོ་མཚན་སྟོན་འདི་མཉམ་འབུལ་ལམ་ཞུས་ཡོད་པ་རྗེས་སུ་བཀའ་བློན་ཁྲི་པ་བློ་སྐྱེད་ཡངས་པ་ཞིག་ཕེབས་ན་ནི་ཐུགས་བསམ་བཞེས་རེ་ཆེ། ཡང་གཞི་རྩའི་སློབ་སྟོན་པ་བསྐོ་ཕྱོགས་ཐད་ཁོང་རང་གི་ལས་དབང་ཡིན་པ་བཅས་ཀྱི་བསམ་འཆར་དུ་ཕྱི་ལོ་༢༠༠༩ ཟླ་༤ེས་༢༨ ལ།

དབང་འདུས།      གསོག་སྒར།
དགུན་ཟླ་འདིར་བསམ་གཞིག་རིང་པོའི་ཁྲོད་ལུས་པའི་གངས་ཅན་པའི་སྐྱེས་ཕོ་མོ་རྒན་གཞོན་རྣམས་ལ་སླར་ཡང་༢༠༠༩ ལོ་ཞེས་ལོ་གསར་པ་འདི་ལོ་ནག་ཅིག་ཏུ་སྲུང་བརྩི་བྱེད་དགོས་པའི་ལས་དབང་ཤར། འདས་པའི་ཉིས་སྟོང་བརྒྱད་ལ་བསམ་གཞིག་ཅིག་བྱས་ཚེ། བོད་ཆོལ་གསུམ་ཁྱོན་དུ་འཚོ་གནས་བྱེད་པའི་བོད་མི་ཕལ་མོ་ཆེ་ནི་སྡུག་བསྔལ་དང་འཇིགས་སྣང༌། མནར་གཅོད། ལྐོག་གསོད་སོགས་ཀྱི་འོག་རྒྱ་ནག་དམར་པོའི་སྲིད་གཞུང་གིས་བརྩམས་པའི་ལས་དབང་འདིའི་གནས་བབས་མི་ཁུར་ཐབས་མེད་བྱུང༌།

བེ་རི་དཔལ་ལྡན་རྣམ་རྒྱལ།

ལད་ཟློས་བྱ་བ་ནི་མི་ཀུན་དང་འདྲིས་མྱོང་བ་ཞིག་ཡིན་པ་དང༌། ཆེས་ཆུང་དུས་ནས་གཞན་ལ་ལད་ཟློས་བྱས་ནས་སྐད་དང་སྤྱོད་པ་སོགས་སློབ་དགོས་པ་ཞིག་ཡིན་པས་ང་ཚོའི་སེམས་སུ་ལད་ཟློས་ཀྱིས་བཞག་པའི་བག་ཆགས་ནི་ཆེས་མཐུག་པོ་ཞིག་རེད། འོན་ཏེ་ལད་ཟློས་ནི་གྲུ་གཟིངས་དང་འདྲ་བར་ལོ་ཚད་གང་མཚམས་སླེབས་དུས་ངེས་པར་དུ་འདོར་དགོས་པ་ལས་དེ་ལ་དགའ་ཞེན་གྱིས་འཐམ་བསྡད་ན་ཡར་རྒྱས་དང་མདུན་སྐྱོད་ཅེས་པ་ནི་ནམ་ཡང་ཡོང་མི་སྲིད་པ་ཞིག་རེད།

 ཌལ་ཧོར་གནས་སྡོད། བྱམས་ཆེན།
དཔལ་ལྡན་རང་གཞུང་ཆེས་མཐོའི་སློབ་དེབ་བསྐྱར་ཞིབ་ཚོགས་ཆུང་གིས་བསྐྱར་ཞིབ་དང་གཏན་འབེབས་བྱས་ཤིང༌། བོད་གཞུང་ཤེས་རིག་ལས་ཁུངས་ནས་ཕྱི་ལོ་༢༠༠༢ ལོར་འགྲེམས་སྤེལ་ཐོག་མར་བྱས་པ་ནས། ཕྱི་ལོ་༢༠༠༥ བར་དཔར་སྐྲུན་ཐེངས་བཞི་ཙམ་བྱས་ཟིན་པའི་འཛིན་གྲྭ་དྲུག་པའི་རིགས་ལམ་ནང་ཆོས་སློབ་དེབ་ནང་རྩོད་པ་བྱེད་པའི་གང་ཟག་ངོས་འཛིན་བྱེད་པའི་སྐབས་སུ། ༼སློབ་དེབ་ལས། དམ་བཅའ་བའམ་རིགས་སློང་པ་སྟེ་སྔ་རྒོལ་དང༌། དམ་བཅའ་སུན་འབྱིན་བྱེད་པའི་ཕྱི་རྒོལ། དེ་གཉིས་ཀྱི་བར་ཡིན་མིན་ཐག་གཅོད་བྱེད་མཁན་དཔང་པོ་དང་བཅས་ཡོད།༽ ཅེས་རྩོད་པ་བྱེད་པའི་གང་ཟག་ངོས་འཛིན་བྱེད་སྐབས་གང་ཟག་མི་འདྲ་བ་གསུམ་ལ་ངོས་འཛིན་བྱས་ཡོད། ཐོག་མ་དེར་སྔ་རྒོལ་ངོས་འཛིན་བྱེད་སྐབས་དམ་བཅའ་བའམ་རིགས་སློང་པ་སྟེ་སྔ་རྒོལ་དང་ཞེས་བརྗོད་དེ། དམ་བཅའ་བའམ་རིགས་སློང་པ་ཟེར་པ་ནི་སྔ་རྒོལ་གྱི་གང་ཟག་དེ་རེད་ཅེས་གང་ཟག་གཅིག་ཉིད་ལ་ངོས་འཛིན་བྱས་ཡོད། གལ་སྲིད་ཐ་སྙད་དེ་གསུམ་སྔ་རྒོལ་གྱི་གང་ཟག་གཅིག་ཉིད་ལ་འཇུག་པ་ཡིན་ན། དེ་མ་ཉིད་དུ་༼སློབ་དེབ་ལས། རྩོད་པ་དངོས་ཀྱི་སྐབས་སུ། རིགས་སློང་པས་བརྩད་བྱའི་གཞི་སྟེ་རྩོད་གཞི་དང༌། ཐལ་བར་སློང་བའི་གསལ་བ། སྒྲུབ་པར་བྱེད་པའི་རྟགས་སོགས་ཚང་བའི་རིགས་ལམ་ཡང་དག་པ་མང་དུ་བཀོད་དེ། དམ་བཅའ་བའི་ཁས་ལེན་བཤིག་ཅི་ཐུབ་བྱ་བ་དང༌།༽ཞེས་རིགས་སློང་པ་ཞེས་པ་ནི་སྔ་རྒོལ་དང༌། དམ་བཅའ་བ་ཞེས་པ་ནི་ཕྱི་རྒོལ་ལ་ངོས་འཛིན་མཛད་དེ། གང་གི་དམ་བཅའ་བའམ་རིགས་སློང་པ་སྟེ་སྔ་རྒོལ་དང་ཞེས་པ་དང་སྔ་ཕྱི་འགལ་བར་གྱུར་ཡོད། བསྐྱར་ཞིབ་ཚོགས་ཆུང་ནང་ཡོད་པའི་མཁས་མྱོང་ལྡན་པའི་མི་ངོ་འདི་དག་བསྐྱར་ཞིབ་ཚོགས་ཆུང་གི་ཚོགས་མིའི་མཚན་བཀོད་པ་ཙམ་ལས་ཁ་ཡོད་ལག་ཡོད་ཀྱི་བལྟ་ཀློག་གིས་བསྐྱར་ཞིབ་ཚད་ལྡན་ཡག་པོ་ཞིག་གནང་གི་ཡོད་དམ་སྙམ། འོ་ན་སྐབས་འདིར་རྒོལ་སྔ་ཕྱི་གཉིས་འཇོག་ཚུལ་ཇི་ལྟར་ཡིན་ནམ་ཞེ་ན། དེ་ཡང་གདན་ས་ཆེན་པོ་འབྲས་སེར་དགའ་གསུམ་གྱི་ཆོས་རྭའི་ནང་དུ། ཕྱོགས་སྔའི་ནང་མ་ལོངས་གོང་དགག་པའི་ཉི་མ་ཤར་ཞེས་ཡོངས་སུ་གྲགས་པ་བཞིན། དམ་བཅའ་བའམ་སྔ་རྒོལ་གྱི་གང་ཟག་དེ་ལ། སྔ་རྒོལ་ཞེས་ཟེར། རིགས་སློང་པའམ་ཕྱི་རྒོལ་གྱི་གང་ཟག་དེ་ལ། ཕྱི་རྒོལ་ཞེས་ཟེར་བ་ཡིན། འདི་ཉིད་རྒྱབ་བརྟེན་གྱི་ཁུངས་ལུང་དང་བཅས་པའི་མཁས་པའི་བཞེད་དགོངས་རྨ་མེད་པའོ།།

རྡོ་རྗེ་རིན་ཆེན།
རྒྱ་ནག་དམར་ཤོག་གིས་བོད་ལ་དྲག་པོས་དབང་བསྒྱུར་བྱས་ནས་མི་ལོ་དྲུག་ཅུ་དང༌། བོད་མི་སྐྱབས་བཅོལ་བ་ཆགས་ཏེ་མི་ལོ་ལྔ་བཅུ་འཁོར་བའི་དེ་རིང༌། ད་དུང་བོད་པ་རེ་ཟུང་གིས་མི་ལོ་ལྔ་བཅུ་དེ་རྒྱ་གར་དབྱིན་ཇི་ཡི་དབང་བསྒྱུར་འོག་གནས་པ་དང་བསྡུར་ཚེ་ཅང་མ་རེད་ཅེས་རང་གིས་རང་ལ་ངལ་གསོ་སྟེར། བོད་པ་ཚང་ལ་འདི་ལྟའི་མི་གཤིས་ཅན་མང་སྟབས་ང་ཚོའི་ལས་དབང་འདི་ད་དུང་དེ་མུར་གནས་ཡོད། དབྱིན་ཇིས་རྒྱ་གར་ལ་དབང་བསྒྱུར་དང༌། རྒྱ་ནག་དམར་ཤོག་གིས་བོད་ལ་དབང་བསྒྱུར་བྱས་པའི་བརྒྱུད་རིམ་གཉིས་གཞི་གཅིག་ཏུ་བལྟ་ག་ལ་རུང༌། རྒྱ་གར་དེ་བཞིན་འཛམ་གླིང་ཐོག་མི་འབོར་མང་ཤོས་ཨང་གཉིས་པ་དང༌། ས་བབས་དབྱིན་ཡུལ་དང་ཁ་ཐག་རིང༌། བར་གནས་ཀྱི་རྒྱ་གར་རྒྱ་མཚོ་དེ་ཕྱི་དགྲ་འགོག་སྲུང་གི་སྒོ་གླེགས་ཆེན་པོ་ཞིག་རང་བྱུང་གིས་གྲུབ་ཡོད། དེར་བརྟེན་དབྱིན་ཇི་ཡི་མི་རྒྱ་གར་དུ་ཐོག་མར་ཡོང་རྐྱེན་ཡང་རྒྱ་གར་གྱི་བདག་ཐོབ་ཧམ་བཟུང་བྱེད་ཆེད་མིན།

ལི་ཐང་བློ་བསྟན།
ད་ལྟ་ང་ཚོ་གངས་ཅན་པ་ཀུན་གྱི་མགོ་ཐོག་ཏུ་སྔར་བྱུང་མྱོང་མེད་པའི་ཆག་སྒོ་གཞིས་བྱེས་གཉིས་སུ་གྱེས་ནས་སྡུག་གི་ཁུར་པོ་ལྕི་མོ་ཞིག་གི་འོག་ཏུ་ལུས་བཞིན་ཡོད། འོན་ཀྱང་གཞིས་བྱེས་བོད་མི་ཀུན་གྱི་མགོན་སྐྱབས་རྒྱལ་བ་ཡབ་སྲས་ཟུང་གི་ཡང་དག་པའི་དབུ་ཁྲིད་དང༌། རྒན་རབས་མཁས་དབང་དམ་པའི་རམ་འདེགས་ལ་བརྟེན་ནས། ཆེས་ཐོག་མར་མ་འོངས་གངས་ཅན་པའི་བདག་པོ་གཞོན་སྐྱེས་རྣམས་ལ་ཤེས་ ༼དེང་རབས་༽ཡོན་བསྐྲུན་རྒྱུའི་རྨང་གཞིར་བཏིང་ནས་མི་ལོ་བཅུ་ཕྲག་འགའ་ཤས་ལས་སོང་མེད། དེའི་རིང་ལ་འཛམ་གླིང་ནང་ཆེས་འབུར་དུ་ཐོན་པའི་མཁས་༼དེང་རབས་༽པའི་དབང་པོ་ཞིག་མ་བྱུང་ཡང༌། ལོ་གྲངས་ཀྱི་ཉམས་མྱོང་ལ་དཔག་པའི་གྲུབ་འབྲས་ནི། དེང་སང་སྐྱེ་བོ་ཀུན་གྱི་ཡིད་དབང་ཅིག་ཅར་དུ་འཕྲོག་པའི་གོ་ལ་ཟླུམ་པོའི་དེང་རབས་ཅན་ལ་མིག་དབང་ཕྱོགས་རྒྱུ་བྱུང་བ་འདི་ནི་ཆེས་ཕུལ་དུ་བྱུང་བའི་གྲུབ་འབྲས་སུ་འདོད་དགོས་སྙམ།

ཚེ་བསྟན་བཀྲ་ཤིས།

  སཱ་ར།ཟླ་འདིའི་ཚེས་༧ ཉིན་རྒྱ་ནག་མི་མང་འཐུས་མི་ཚོགས་ཆེན་སྐབས་ཕྱི་སྲིད་བློན་ཆེན་ཡཱང་ཇིས་ཁྲི་ཟེར་བས་གསར་འགོད་གསལ་བསྒྲགས་ཤིག་སྤེལ་བའི་ནང༌། “རྒྱ་ནག་དང་མཐུན་འབྲེལ་བཟང་དུ་འགྲོ་བཞིན་པའི་རྒྱལ་ཁབ་ཚང་མས་ྋཏཱ་ལའི་བླ་མ་རྒྱལ་ཁབ་ཁག་ཏུ་གདན་འདྲེན་ཞུ་མི་ཆོག་ལ། རྒྱ་ནག་དང་ཁ་བྲལ་རང་བཙན་གྱི་ལས་འགུལ་ཡང་སྤེལ་མི་ཆོག་”ཅེས་བརྗོད་ཡོད་པ་ནི་རྒྱ་ནག་དཔོན་རིགས་ཚོས་རྒྱུན་ལྡན་གྱི་ཁ་འདོན་ཞིག་ཏུ་གྱུར་ཡོད། འོན་ཀྱང་མི་འདྲ་བ་ཞིག་ནི་ཁོས། “ཏཱ་ལའི་བླ་མའི་ཕྱོགས་ནས་མིང་དོན་མཚུངས་པའི་རང་སྲིད་རང་སྐྱོང་ཟེར་བ་དེ། རྒྱ་ནག་ས་ཁུལ་གྱི་བཞི་ཆ་གཅིག་ཟིན་གྱི་ཡོད་”ཅེས་པ་ལས། ང་ཚོས་མཐོང་ཐུབ་པ་ནི་འབྲེལ་མོལ་ཐེངས་བདུན་པའི་སྐབས་ཕྱི་ལོ་༢༠༠༨ ཟླ་༧ ཚེས་༡ དང་༢ ཉིན་དབུས་འཐབ་ཕྱོགས་གཅིག་གྱུར་རྒྱུན་ལས་བློན་ཆེན་གཞོན་པ་སྐུ་ཞབས་ཀྲུའུ་ཝེ་ཆོན་གྱིས་ང་ཚོའི་ངོས་ནས་རང་སྐྱོང་གི་ཚད་གཞིའམ་རྣམ་པ་གང་འདྲ་ཞིག་འཚོལ་གྱི་ཡོད་པའི་འགྲེལ་བརྗོད་ཁ་གསལ་དང༌། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་མི་འགལ་བའི་ས་གནས་རང་སྐྱོང་སྐོར་ཁྱེད་ཚོས་བསམ་ཚུལ་ཇི་ཡོད་ཉན་འདོད་ཅེས་གསུངས་པ་གཞིར་བཟུང་༢༠༠༨ ཕྱི་ཟླ་༡༠ ཚེས་༣༡ ཉིན་འབྲེལ་མོལ་ཐེངས་བརྒྱད་པའི་སྐབས་རྒྱ་གཞུང་ལ་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་ཕུལ་བ་དེ། རྒྱ་ནག་དཔོན་རིགས་ཚོར་སྤྱང་ཀིའི་རྣ་བར་ཆོས་བཤད་དང༌།

པེ་ཅིང་དུ་ཡོད་པའི་སྦི་སྦི་སིའི་གསར་འགོད་པ་ཇཱམ་སི་ཟེར་བས་བོད་རང་བཙན་ཤོར་ནས་མི་ལོ་༥༠ འཁོར་བའི་དུས་དྲན་དང་བསྟུན་ནས་བྲིས་པའི་ཆེད་རྩོམ།

དེ་རིང་གི་བདུན་འདིའི་ནང་བཙན་བྱོལ་དུ་གྱར་བསྡད་ཡོད་པའི་ྋཏཱ་ལའི་བླ་མས་དབུ་ཁྲིད་དེ་བོད་མི་ཚོས་རང་དབང་སྒེར་ལངས་བྱས་ཏེ་མི་ལོ་༥༠ འཁོར་བའི་དུས་དྲན་སྲུང་བརྩི་བྱེད་ཀྱི་ཡོད་པ་དང༌། སྐབས་དེར་བཙན་བྱོལ་ནང་གི་དཔོན་རིགས་ཚོས་དམྱལ་བ་ས་སྟེང་དུ་འཕོས་པའི་བོད་ཀྱི་ལུང་པ་ཞེས། ད་ལྟའི་བོད་ཀྱི་གནས་སྟངས་ལ་འགྲེལ་བརྗོད་བྱས་ཡོད་རུང་རྒྱ་ནག་གཞུང་ཕྱོགས་ནས་ངོས་ལེན་བྱས་མེད་པ་རེད། དུས་ཚོད་འདིའི་རིང་ལ་རྒྱ་ནག་གཞུང་གིས་ཕྱི་རྒྱལ་གྱི་གསར་འགོད་པ་རྣམས་བོད་ཀྱི་ས་ཁུལ་དུ་འགྲུལ་བཞུད་བཀག་བསྡོམས་བྱས་ཡོད་རུང༌། བོད་མཐོ་སྒང་རྒྱ་ཡི་མངའ་ཁོངས་སུ་ཡོད་པའི་བོད་མི་མང་པོ་གནས་སྡོད་བྱེད་ས་བོད་ཀྱི་ས་ཁུལ་དེ་ཁོ་ནར་རྒྱུན་ལྡན་ང་ཚོ་འགྲོ་ཆོག་གི་ཡོད་ཀྱང༌། ཉེ་བའི་ཆར་རྒྱ་ནག་གི་དབང་འཛིན་པ་ཚོས་ཕྱི་རྒྱལ་གྱི་གསར་འགོད་པ་རྣམས་ས་ཆ་དེ་ལའང་འགྲུལ་བཞུད་བྱེད་རྒྱུ་བཀག་འགོག་བྱས་ཡོད་ཅིང༌། ང་ཚོ་ཕྱི་རྒྱལ་གྱི་གསར་འགོད་པ་མང་པོས་ས་ཆ་དེར་འགྲོ་ཐུབ་ཐབས་སུ་ཨུ་ཚུགས་མང་པོ་བརྒྱབ་པས། མཚམས་མཚམས་སུ་རྒྱ་མིས་ཕྱི་རྒྱལ་གྱི་གསར་འགོད་པ་ཚོར་རྡུང་རྡེག་དང་སུན་སྣང་སྐྱེས་དགོས་པ་བྱེད་ཀྱི་འདུག

ཁྲེན་བའོ་ཁུང་གིས་རྒྱ་ཡིག་ཐོག་བརྩམས། ཚེ་རིང་དབང་ཕྱུག་གིས་བོད་བསྒྱུར་བྱས།
རྒྱ་ནག་དམར་གཞུང་གིས་བོད་ལ་དབང་བསྒྱུར་བྱེད་པ་ཁྲིམས་མཐུན་ཡིན་ཚུལ་ར་སྤྲོད་བྱེད་ཆེད། ཕྱི་ལོ་༡༩༥༩ ལོའི་གོང་གི་བོད་དེ། “བཀས་བཀོད་རྒྱུད་འཛིན་ཞིང་བྲན་ལམ་ལུགས་”ཀྱི་ངོ་བོར་གཏན་འབེབས་བྱས་ཏེ། “དུས་རབས་བར་མའི་ཡོ་རོབ་གླིང་ཆེན་ལས་ཆེས་མུན་ནག་”ཡིན་ཚུལ་དྲིལ་བསྒྲགས་བྱས་པ་དང༌། རྒྱ་ནག་དམར་གཞུང་གིས་བོད་དུ་དཔུང་བསྐྱོད་དང་དབང་བསྒྱུར་བྱེད་པ་དེ་“ཞིང་བྲན་ལ་བཅིངས་བཀྲོལ་བཏང་བ་ཡིན་”ཟེར་ནས་རྒྱ་ནག་གཞུང་ཕྱོགས་ཀྱི་འདོད་གཏམ་བསྒྲགས་ཡོད། དེར་བརྟེན། འདི་ལོར་“ཞིང་བྲན་ཁྲི་ཚོ་བརྒྱ་ཡར་ལངས་ཀྱི་དུས་དྲན་ཉིན་མོ་”ཞེས་སྲུང་བརྩི་བྱས་ཏེ། ཁོང་ཚོའི་སེམས་ནང༌། ལོ་རྒྱུས་དུམ་བུ་དེ། ལྕགས་གཟེར་བརྒྱབ་པ་ནང་བཞིན་བརྟན་པོ་བཟོ་ཁུལ་གྱིས་རྒྱ་ནག་གཞུང་གིས་གང་བཤད་ལ་གནས་ཀྱི་ཡོད་སྙམ།

རྒན་གསོ་ཁང་གི་མ་བྱན་ཚ་བ་རྣམ་རྒྱལ་ཚེ་རིང༌།
ཕྱི་ལོ་༢༠༠༩ ལོ་འདི་ནི། རྒྱ་ནག་གཞུང་གིས་བོད་ནང་ལ་དྲག་པོའི་དཔུང་དམག་བཀྲམ་ནས། དྲག་གནོན་ཚབས་ཆེན་བྱས་པ་དང༌། ཆོལ་གསུམ་བོད་མི་གྲངས་ལས་འདས་པའི་ཚེ་སྲོག་ཕྲོགས་ཡོད་པ་དང། ྋགོང་ས་སྐྱབས་མགོན་ཆེན་པོ་མཆོག་དང༌། བོད་མི་ཁྲི་ཕྲག་མང་པོ་བཙན་བྱོལ་དུ་འགྲོ་དགོས་ཐུག་པ། བོད་རང་དབང་རང་བཙན་གྱི་བདེ་སྐྱིད་ཀྱི་འཚོ་བ་སྐྱེལ་བའི་སྐབས། རྒྱ་གཞུང་གིས་དྲག་པོའི་བཙན་བཟུང་བྱས་ནས། བོད་མདོ་དབུས་ཁམས་གསུམ་གྱི་རང་དབང་ལུང་པ་བཙན་འཕྲོག་བྱས་ནས་ལོ་ལྔ་བཅུ་ཟིན་ཡོད་པ་དང༌། ༡༩༥༩ ལོ་ནས་དུས་ད་ལྟ་བར་ཆོལ་གསུམ་བོད་མི་རྣམས་གདུག་རྩུབ་མནར་གཅོད་ཀྱི་འོག་ཏུ་གནས་མུས་ཡིན། ༡༩༥༩ ལོར་བོད་བཙན་བཟུང་བྱས་ཏེ། བོད་མི་གྲངས་ལས་འདས་པའི་ཚེ་སྲོག་ཕྲོགས་པ་དང༌།