ཨ་རིར་རྟེན་གཞི་བྱས་པའི་རྒྱ་ནག་གི་སློབ་ཕྲུག་དང་མཁས་པའི་རང་དབང་མཐུན་ཚོགས་ནས་བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་རྒྱ་རི་སྒྲོལ་མས། འགྲོ་བ་མིའི་ཐོབ་ཐང་དང་རང་དབང་དོན་དུ་སྐུ་ལས་བསྐྱོན་པའི་ངོས་འཛིན་གྱི་ཆེད། ཁོང་ལ་རང་དབང་གི་སྙིང་སྟོབས་ཞེས་པའི་གཟེངས་རྟགས་ཤིག་ཕུལ་བའི་གསལ་བསྒྲགས་སྤེལ་འདུག ཕྱི་ལོ་༢༠༢༥ ཟླ་༥ པའི་ཚེས་༣༡ ཉིན། རྒྱ་རིགས་མང་གཙོ་དོན་གཉེར་བ་དང་ཤེས་ཡོན་པ། རྒྱ་རིགས་ལས་འགུལ་ཚོགས་པ་ཁག་གི་སྐུ་ཚབ་སོགས་མཉམ་ཞུགས་ཐོག་ཨ་རིའི་ནིའུ་ཡོག་ཏུ་རྒྱ་ནག་གནམ་སྡེ་སྒོ་མོ་ཆེའི་དྲུག་བཞིའི་དོན་རྐྱེན་རྗེས་དྲན་སྲུང་བརྩིའི་མཛད་སྒོ་ཞིག་ཚོགས་ཡོད་འདུག་པ་དང་།

དྲུག་གཅིག་བྱིས་པའི་དུས་ཆེན་ཟེར་བ་འཆར་ཉེའི་མཚམས་དེར། རང་སྐྱོང་ལྗོངས་ཟེར་བའི་དམར་ཤོག་གི་འགོ་ཁྲིད་ཝང་ཅུན་ཀྲེང་གིས་ལྷ་སར་ལོ་ཆུང་བྱིས་པའི་སློབ་གསོ་དང་སློབ་ཁྲིད་ལ་བརྟག་ཞིབ་བྱས་ཏེ། དགེ་རྒན་ཚོ་ལ་བྱིས་པ་ཚོ་ཆུང་དུས་ནས་ཏང་ལ་དགའ་ཞེན་ཡོད་པའམ་རྒྱལ་གཅེས་རིང་ལུགས་ཀྱི་སློབ་གསོ་དང་རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱབ་གདལ་གཏང་རྒྱུར་ཤུགས་སྣོན་རྒྱག་དགོས་པར་བརྗོད་པ་དང་། གཞན་ཡང་ཉེ་ཆར་རྒྱ་གཞུང་གིས་དྲྭ་རྒྱའི་འཕྲིན་གཏོང་དོ་དམ་བྱེད་ཕྱོགས་སྐོར་མི་མང་ལ་ཚ་ཚ་འུར་འུར་གྱིས་སློབ་གསོ་སྤྲོད་བཞིན་འདུག ཟླ་བ་འདིའི་ཚེས་༡ ཉིན་རྒྱ་ནག་གཞུང་འབྲེལ་གྱི་བརྒྱུད་ལམ་བོད་ལྗོངས་ཉིན་རེའི་ཚགས་པ་ཟེར་བ་དང་དེ་མིན་གྱི་བརྒྱུད་ལམ་ཁག་གི་ཐོག་ཏུ་གནས་ཚུལ་བཀོད་དོན།     དྲུག་གཅིག་བྱིས་པའི་དུས་ཆེན་ཚེས་ལ་ཉེ་སྐབས་ཝང་ཅུན་ཀྲེང་གིས་ལྷ་ས་གྲོང་ཁྱེར་ཚོད་ལྟའི་སློབ་ཆུང་དུ་ཕྱིན་ཏེ་སློབ་གྲྭའི་ཁོར་ཡུག་སོགས་དང་སློབ་གསོའི་གྲུབ་འབྲས་འགྲེམས་སྟོན་ལ་ལྟ་ཞིབ་བྱས་ཏེ།

རྒྱ་གར་ནས་དབྱིན་ཡུལ་དུ་འཕུར་མཁན་གྱི་གནམ་གྲུ་ཞིག་གནམ་ཐང་ནས་ལྡིང་སྟེ་ཅུང་མ་འགོར་བར་བརྡབ་སྐྱོན་བྱུང་སྟེ། འགྲུལ་པ་གཅིག་མ་གཏོགས་གཞན་ཚང་མ་འདས་གྲོངས་སུ་ཕྱིན་པའི་གནས་ཚུལ་ཐོན་འདུག ཟླ་འདིའི་ཚེས་༡༣ ཉིན། རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། ཚེས་༡༢ ཀྱི་ཉིན་རྒྱབ་ཆུ་ཚོད་༡་༣༨ ཐོག་རྒྱ་གར་གྱི་གྷུ་ཇི་ར་ཐི་མངའ་སྡེའི་ཨ་མེ་དྷ་བྷ་ཐི་གྲོང་ཁྱེར་ནས་དབྱིན་ཡུལ་གྱི་རྒྱལ་སར་འཕུར་མཁན་གནམ་གྲུ་ཞིག་འཕུར་འགོ་བཙུགས་ནས་དུས་ཡུན་སྐར་མ་ཁ་ཤས་ཀྱི་རྗེས་སུ་གནམ་གྲུ་བརྡབ་སྐྱོན་བྱུང་སྟེ། གནམ་གྲུ་གཏོང་མཁན་གཉིས་དང་ལས་བྱེད་མི་བཅུ།