འདི་ག་ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་གིས་རྩོམ་སྒྲིག་གཙོ་གཉེར་བྱེད་བཞིན་པའི་བདུན་རེའི་གསར་ཤོག་བོད་ཀྱི་བང་ཆེན་དང་དྲ་རྒྱའི་ཆེད། བོད་ཡིག་གི་གསར་འགོད་པ་གཅིག་དགོས་པས་གཤམ་གསལ་ཆ་རྐྱེན་ཚང་ཞིང་ཞུགས་བློ་ཡོད་པ་རྣམས་ཀྱིས་ཕྱི་ལོ་༢༠༡༥ ཟླ་༦ ཚེས་༢༠ ནང་ཚུད་འདི་ག་སྲི་ཞུ་ཁང་དུ་ཡིག་ཐོག་སྙན་ཞུ་འབྱོར་དགོས། སྙན་ཞུ་འབྱོར་མཁན་རྣམས་ལས་ཤེས་ཚད་རྒྱུགས་སྤྲོད་ཀྱི་ལམ་ནས་འདེམས་སྒྲུག་བྱ་རྒྱུ་ཡིན་ཞིང་། འདེམས་སྒྲུག་ཟིན་རྗེས་དགོས་མཁོའི་མཐུན་རྐྱེན་རྣམས་སྲི་ཞུ་ཁང་གི་སྒྲིག་གཞིའི་ནང་གསལ་ལས་བྱེད་སྤྱི་མཚུངས་ལྟར་འཐོབ་རྒྱུ།
དགོས་མཁོའི་ཆ་རྐྱེན་ཁག
༡༽ བཙན་བྱོལ་བོད་མིའི་དྭང་བླངས་དཔྱ་ཁྲལ་ལག་དེབ་ཡོད་པ་དང་དཔྱ་དངུལ་དུས་ཐོག་ཕུལ་ཟིན་པ།
༢༽ རྒྱ་གར་དུ་གནས་སྡོད་ཆོག་པའི་ལག་ཁྱེར་ཡོད་པ།
༣༽ བོད་ཡིག་གི་ཐོག་ནས་རྩོམ་འབྲིའི་ཉམས་མྱོང་དང་ཚིག་སྦྱོར་གྱི་བྱང་ཚད་མཐོ་ཞིང་དག་ཆ་ལྡན་པ།
༤༽ གློག་ཀླད་ཀྱི་རྨང་གཞིའི་ཤེས་ཚད་ཡོད་པ།
༥༽ གསར་འགོད་རིག་པའི་སྐོར་ལ་ཆེད་སྦྱོང་ཉམས་མྱོང་ཡོད་པའམ། དབྱིན་ཇི་དང་། ཧིན་དི། རྒྱ་ཡིག་སོགས་ཀྱི་ཤེས་ཚད་ཡོད་ན་དམིགས་བསལ་ཆ་རྐྱེན་དུ་བརྩི་རྒྱུ།
༦༽ གཟུགས་ཐང་ལས་ཕེར་ཡིན་པ་སྨན་ཁང་ཚད་ལྡན་ཞིག་ནས་ངོས་སྦྱོར་ཡོད་དགོས།
༧༽ གཞུང་སྒེར་གང་རུང་དུ་ལས་ཀ་བྱེད་བཞིན་པ་ཡིན་ན་སྒྲིག་འཛུགས་དེ་ནས་དགག་བྱ་མེད་པའི་ངོས་སྦྱོར་ཡོད་དགོས།
༨༽ དམའ་མཐའ་ལོ་གསུམ་ལ་སྲི་ཞུ་ཁང་དུ་ལས་ཀ་བྱ་རྒྱུའི་ཆོད་སེམས་ཡོད་དགོས།
༩༽ སྙན་ཞུའི་མཉམ་གོང་གསལ་དགོས་མཁོའི་ཡིག་ཆ་ཁག་དང་ཤེས་ཚད་ལག་ཁྱེར་གང་ཡོད་ཀྱི་ངོ་བཤུས་བཅས་འབུལ་དགོས།
གོང་གསལ་ཆ་རྐྱེན་རྣམས་ཚང་ཞིང་ས་མིག་དེར་འཛུལ་ཞུགས་བྱ་འདོད་ཡོད་པ་རྣམས་ཀྱིས་དུས་བཀག་ནང་ཚུད་འབྲེལ་བ་གང་མགྱོགས་གནང་སྐྱོང་ཡོང་བ་ཞུ་རྒྱུ་བཅས། ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་ནས་ཕྱི་ལོ་༢༠༡༥ ཟླ་ ༦ ཚེས་༣ ཉིན།
ཡིག་ཚང་ཁ་པར།
/229302
ལག་འཛིན་ཁ་པར།
9816178505/9882550002
གློག་འཕྲིན་ཁ་བྱང། tibetexpress@gmail.com
tsultrimserta@hotmail.com
འབྲེལ་གཏུག་ཁ་བྱང་།
Executive Director
Khawa Karpo Tibet Culture Centre
C.M.O Road
P.O Dharamsala-176215
Distt. Kangra (H.P)
