རླུང་བུའི་རྒྱུ་ཕྱོགས་ཤིག་གིས
ཚག་སྒྲ་དང་འཚིག་སྒྲ་གྲག་ཚད་དེ་དག
དགོན་པ་ཞིག་གི་རླུང་དྲིལ་གསིལ་བ་ལས་ཀྱང་ཐུ་རེད
མྱེ་ལྕེའི་དུ་བ
ཉི་མ་ནས་ཉི་མར་མཐུད་དེ
ལོ་ནས་ལོར་བརྐྱངས་ཏེ
མི་ཚོགས་དང་མིག་ཟུང་འཕྱུར་ས་རུ
གཞོབ་དྲི
མིག་ཆུ
དངངས་སྐྲག་དེ་དག་དུ་བས་ཤན་ནས
གླིང་བར་དང་བཞི་མདོ་རུ་ལྷག་འདུག
དོན་དམ་པར་མྱི་སྐད་གཉོམ་ས་དེར
ཁྱི་སྐད་འཚུབ་ས་དེར
མྱེ་ལྕེས་རྨུག་འདུག
མྱེ་ལྕེའི་དུ་བས་ཀྱང་ལྡག་འདུག
ཡུན་གྱིས་དུ་བ་རུ་འཁྲུལ་བའི་ལོང་སྤྱོད་དམ
རྣམ་ཤེས་ཚོགས་པ་དེས་དབང་བོ་སྒོ་ལྔ་བོ་གདངས་ནས་གང་ན་འཕུར
གང་ཞིག་བཙལ
༢༠༡༡ ༡༠ ༡༢ ཉི་དྲོས་སུ།།
གོང་གི་རྩོམ་ཡིག་དེ་གཞི་ལུས་བོད་མི་ཞིག་གི་དུང་སེམས་ཀྱི་འཆི་མ་ཞིག་ཡིན།
http://www.sangdhor.com/blog_c.asp?id=4951&a=maliysia
