རྒྱལ་མཆོག་ཀརྨ་པ་སྐུ་ཕྲེང་རིམ་བྱོན་གྱི་རྣམ་ཐར་མདོར་བསྡུས།
ཀརྨ་པ་སྐུ་ཕྲེང་དང་པོ་དུས་ གསུམ་མཁྱེན་པ་ནི། རབ་བྱུང་གཉིས་པའི་ལྕགས་སྟག་༡༡༡༠ལོར་མདོ་ཁམས་ཏྲེ་ཤོད་ར་སྟག་སྟེང་དུས་ཕྱིས་ ལྷ་ལྡོང་བེ་རི་རྒྱལ་པཱུའི་མངའ་ཁོངས་ཏེ་ཕྲན་གྱི་སྐྱེས་ཡུལ་གཙང་འགྲམ་གྲོང་གི་ གཙང་པཱུའི་ཕ་ཁ་ན་ཡིནདུ་ཡབ་ལྷ་ལྡོང་རྡོ་རྗེ་མགོན་པོ་དང༌། ཡུམ་སྒང་ལྕམ་མིང་འདྲེན་གཉིས་ཀྱི་སྲས་སུ་སྐུ་འཁྲུངས། བྱིས་པའི་མིང་ལ་དགེ་འཕེལ་ཞེས་ཞུའོ།།དགུང་ལོ་ཆུང་ངུའི་དུས་ནས་ཡབ་ལས་ཡི་གེའི་ འབྲི་ཀློག་ལེགས་པར་སྦྱངས། དགུང་ལོ་བཅུ་གཅིག་པར་ལྷ་མོ་སྒྲུབ་པས་ཞལ་གཟིགས། བྲག་ལ་ཞབས་རྗེས་བྱུང༌། དགུང་ལོ་བཅུ་གཉིས་པར་སློབ་དཔོན་ཆག་སེང་གེ་གྲགས་ལས་རབ་ཏུ་བྱུང་སྟེ་མཚན་ལ་ དཔལ་ཆོས་ཀྱི་གྲགས་པ་ཞེས་གསོལ། དགུང་ལོ་བཅུ་དགུ་པར་དབུས་སུ་བྱོན་ཏེ། དགེ་བཤེས་རྒྱ་དམར་བ་དང༌། ཕྱཱ་བ་ཆོས་ཀྱི་སེང་གེ་གཉིས་ལས་དབུ་མ་དང༌། ཚད་མ། བྱམས་ཆོས་སྡེ་ལྔ་སོགས་ལེགས་པར་གསན། དགེ་བཤེས་ཤ་ར་བ་དང༌། ཤེས་རབ་རྡོ་རྗེ་གཉིས་ལས་བཀའ་གདམས་ཀྱི་ཆོས་སྐོར་སོགས་ལོ་ངོ་དྲུག་ཏུ་སྦྱངས་ པར་མཛད། མཁན་པོ་མལ་འདུལ་འཛིན་སོགས་ལས་བསྙེན་པར་རྫོགས་ནས་འདུལ་བ་ལ་མཁས་པར་བསླབས། དཔལ་རྒྭ་ལོ་དང་ཁམས་པ་ཨ་སེང་གཉིས་ལས་དུས་འཁོར་སྦྱོར་དྲུག་སོགས་བསྐྱེད་རྫོགས་ ཀྱི་གདམས་པ་མང་དུ་གསན། དགུང་ལོ་སུམ་ཅུ་པར་དྭགས་ལྷ་སྒམ་པོར་བྱོན་ནས་རྗེ་སྒམ་པོ་བ་དང་མཇལ། ཐོག་མར་ལམ་རིམ་དང༌། དེ་ནས་དབང་དང་ཐབས་ལམ་གྱི་གདམས་ངག་ཞུས་ཏེ་བསྒོམས་པས་སྒོམ་ཆེན་བརྒྱད་བརྒྱ་ལས་ སྒོམ་བསྲན་ཆེ་བར་གྲགས། དེ་ནས་ཁམས་སུ་ཕེབས་ཏེ་ཆོས་ཀྱི་འཁོར་ལོ་སྐོར། རབ་བྱུང་གསུམ་པའི་ཤིང་སྤྲེལ་༡༡༦༤ལོར་ཀཾ་པོ་གནས་ནང་དུ་དགོན་པ་གསར་འདེབས་མཛད། རབ་བྱུང་གསུམ་པའི་ཤིང་འབྲུག་༡༡༨༤ལོར་ཀརྨ་དགོན་པ་གསར་འདེབས་མཛད། རབ་བྱུང་གསུམ་པའི་ས་བྱ་༡༡༨༩ལོར་སྟོད་ལུང་མཚུར་ཕུའི་དགོན་པ་གསར་འདེབས་མཛད། སྐུ་ཚེ་གང་བོར་སློབ་མའི་ཚོགས་པ་བསྐྱངས་ནས་དུས་འདའ་བར་མཛད་དེ། བཀའ་རྒྱུད་སྤྱི་དང་ཀརྨ་བཀབ་བརྒྱུད་ཀྱི་བཞེད་སྲོལ་གསར་དུ་གཏོད། མཐར་རབ་བྱུང་གསུམ་པའི་ཆུ་གླང་༡༡༩༣ལོར་སྐུ་གཤེགས། རྗེ་འདི་ཉིད་ཀརྨ་པའི་སྐུ་ཕྲེང་དང་པཱུ་དེ་ཡིན་ཞིང༌། སློབ་མའི་ཚོགས་ནི་བཀའ་བབ་ཀྱི་བུ་ཆེན་ལྔ་དང༌། རྒྱུད་འཛིན་གྱི་བུ་ཆེན་བཞི། ཉེ་གནས་འོད་བཞི། བླ་མ་བཞི། སྔ་བུ་བཞི། ཕྱི་བུ་བཞི་སོགས་གཙོས་པའི་སློབ་མ་མང་དུ་བྱོན་ནོ།།
སྐུ་འཕྲེང་གཉིས་པ། ཀརྨ་པཀྵི་ཆོས་ཀྱི་བླ་མ་ནི། རབ་བྱུང་གསུམ་པའི་ཤིང་བྱི་༡༢༠༤ལོར་མདོ་ཁམས་འབྲི་ཀླུང་དམ་པ་ཆོས་ཀྱི་ཕྱུག་ པའི་ཡུལ་སྨེ་མདོར་དཀྱིལ་ལེའི་ཙག་ཏཱུའམ། བྱིན་ལེའི་ཚག་ཏོར་ཞེས། དེང་གི་ཆབ་མདོ་འཇོ་མདའ་རྫོང་ཁོངས་བྱི་ལིའི་ཚན་ཏོར་ཞེས་བྱ་བར་ཆོས་རྒྱལ་སསྒྲ ༽་མཇིང་ཡོན་གྱི་གདུང་རབས་བཅུ་གསུམ་པ་གྲུབ་ཐོབ་ཆེན་པོ་ནམ་མཁའ་ལྷ་གཟུངས་ཀྱི་ རྒྱུད་པ། ཡབ་རྒྱ་དབང་ཚུར་ཚ་སྤྲང་ཐར་དང༌། ཡུམ་མང་སྐྱིད་གཉིས་ཀྱི་སྲས་སུ་སྐུ་འཁྲུངས། བྱིས་པའི་དུས་ཀྱི་ མཚན་ལ་ཆོས་འཛིན་ཞུ། དགུང་ལོ་དྲུག་པར་ཡི་གེའི་འབྲི་ཀློག་ལེགས་པར་མཁྱེན། དགུང་ལོ་དགུ་པར་གསུང་རབ་ཐམས་ཅད་ཀློག་འདོན་ཐེངས་རེ་ཙམ་གྱིས་ཐུགས་སུ་ཆུད། དགུང་ལོ་བཅུ་གཅིག་པར་ལྕང་མང་ཕུ་བ་ལས་རབ་ཏུ་བྱུང་སྟེ་མཚན་ལ་ཆོས་ཀྱི་བླ་མ་ ཞེས་གསོལ། དེ་ནས་ཆོས་རྗེ་སྤོམ་བྲག་པ་དང་མཇལ་ཞིང་ཕྱག་ཆེན་ལྷན་ཅིག་སྐྱེས་སྦྱོར་གྱི་ ཁྲིད་རྣམས་གསན་ཏེ་ངོ་སྤྲོད་སྐབས་ཆོས་ཐམས་ཅད་རང་རིག་ཡེ་ཤེས་རབ་འབྱམས་སུ་ངོ་ འཕྲོད། བཀའ་བརྒྱུད་ཀྱི་རྒྱུད་པའི་གདམས་པ་ཡོད་ཚད་གསན་ནས་དག་པའི་སྣང་བ་འབྱམས་ཀླས་པ་ བྱུང༌། ཀཿཐོག་པ་བྱམས་པ་འབུམ་གྱིས་མཁན་པོ་དང༌། སྤྱན་སྔ་མང་ཕུ་བས་སློབ་དཔོན་མཛད་དེ་བསྙེན་པར་རྫོགས། དེ་ནས་གནས་རི་དང་ཡུལ་སྡེ་མང་པོར་ཞབས་ཀྱིས་བཅགས་ནས་འགྲོ་དོན་རྒྱ་ཆེན་མཛད། སྤུངས་རི་ལ་ལོ་ངོ་བཅུ་ཙམ་བཞུགས་ནས་དགོན་པ་བཏབ། དེ་ནས་མཚུར་ཕུར་ཕེབས་ཏེ་ལོ་ངོ་དྲུག་ཙམ་བཞུགས་ནས་ཆོས་ཀྱི་འཁོར་ལོ་བསྐོར། དེ་ནས་ཧོར་རྒྱལ་གོར་བེ་ཡིས་གསེར་ཡིག་པ་བཏང་ནས་གདན་འདྲེན་ཞུས་པ་ལྟར་ཕོ་བྲང་ འུ་ཏུར་ཕེབས་ཏེ་རྒྱལ་བློན་འཁོར་དང་བཅས་པར་ཆོས་ཀྱི་སྦྱིན་པ་རྒྱ་ཆེན་མཛད། བོད་དུ་ཕེབས་པའི་ལམ་ཁ་ནས་མི་ཉག་གི་ཡུལ་ཐམས་ཅད་ལ་ལྷ་ཁང་སུམ་སྟོང་ཙམ་གསར་ བཞེངས་དང་ཞིག་གསོས་མཛད། ཡང་རྒྱལ་པོ་མོང་གོལ་ཧན་གྱིས་གདན་འདྲེན་ཞུས་པ་ལྟར་ཕེབས་ནས་རྒྱལ་བློན་འཁོར་ བཅས་ལ་འཁོར་ལོ་སྡོམ་པའི་དབང་བསྐུར་ཞིང་ཕོ་བྲང་ནང་གི་ཆང་ཐམས་ཅད་དུས་གཅིག་ལ་ བཞེས་པ་སོགས་ངོ་མཚར་གྱི་རྫུ་འཕྲུལ་མང་པོ་བསྟན། མུ་སྟེགས་ཀྱི་རྟོག་གེ་བ་རྣམས་ལ་རྫུ་འཕྲུལ་འགྲན་ནས་བཏུལ། རྗེ་འབངས་ཐམས་ཅད་ནང་པའི་བསྟན་པ་ལ་བཙུད། དེ་ནས་སེ་ཆེན་རྒྱལ་པོས་ཁོང་ལ་གྲི་མཚོན་མདུང་གསུམ་གྱིས་བསྣུན་པ་དང༌། དུག་བླུད་པ། ཁྲིམས་ཤིང་ལ་བཅིངས་པ། བྲག་གི་རྩེ་ནས་བསྐྱུར་བ། ཆུ་བཱུའི་གཞུང་དང་མཚོ་གཏིང་དུ་བསྐྱུར་བ། ཚེར་དོང་དང་སྦལ་དོང་དུ་བསྐྱུར་བ་སོགས་ཆད་པ་བཅད་པ་ཐམས་ཅད་ལས་རྣམ་པར་རྒྱལ་ བའི་རྫུ་འཕྲུལ་བསྟན། གཅུང་རྡོ་རྗེ་གྲགས་པས་ཀྱང་ལུང་བསྟན་མང་དུ་མཛད་པས་ཁོང་གི་རྩ་བའི་བླ་མར་གྱུར། དེ་ནས་རྒྱལ་པོ་ཡང་སེམས་འགུལ་ཐེབས་ཏེ་བཟོད་གསོལ་དང་བཤགས་པ་མཛད། གུ་ཤྲིའའི་གསེར་ཐམ་དང༌། ཞྭ་ནག་གསེར་མདོངས་ཅན། པཀྵི་སྟེ་སློབ་དཔོན་ཞེས་པའི་ཆོ་ལོ་གནང༌། དེ་ནས་བོད་དུ་ཕེབས་ཏེ་མཚུར་ཕུ་གདན་སར་ལྷ་ཆེན་འདོམ་བཅུ་གསུམ་པ་ལུགས་སུ་ བླུགས་གྲུབ་སྟེ་མཚན་ལ་ལྷ་ཆེན་དབང་འབར་འཛམ་གླིང་རྒྱན་ཞེས་གསོལ། ཀཾ་པོ་གནས་ནང་དུ་སངས་རྒྱས་མར་མེ་མཛད་སྐུ་ཐོག་ཚད་དང༌། ཀརྨ་དགོན་དུ་རྒྱལ་བ་བྱམས་པ་སོགས་བཞེངས་པར་མཛད། མཐར་རབ་བྱུང་ལྔ་པའི་ཆུ་ལུག་༡༢༨༣ལོར་སྐུ་གཤེགས། སློབ་མ་མཆོག་ཏུ་གྱུར་བ་ནི་གྲུབ་ཐོབ་ཨུ་རྒྱན་པ་ཡིན། ཁོང་གི་གསུང་རྩོམ་ནི་སངས་རྒྱས་ཀྱི་ཞིང་ཁམས་ལྟ་བ་དང༌། ཁ་བ་དཀར་པཱུའི་ལམ་ཡིག་བཅས་མང་དུ་བཞུགས་སོ།།
སྐུ་འཕྲེང་གསུམ་པ། ཀརྨ་པ་རང་བྱུང་རྡོ་རྗེ་ནི། རབ་བྱུང་ལྔ་པའི་ཤིང་སྤྲེལ་༡༢༨༤ལོར་མང་ཡུལ་སྐྱིད་གྲོང་འཕགས་པ་ཝ་ཏིའི་ལྷ་ཁང་ གི་ལྷོ་ཕྱོགས་གངས་ཞུར་མོར་ཡབ་ཆོས་དཔལ་དང༌། ཡུམ་ཇོ་མོ་གཡང་འདྲེན་གཉིས་ཀྱི་སྲས་སུ་སྐུ་འཁྲུངས། དགུང་ལོ་ ལྔ་པར་གྲུབ་ཆེན་ཨོ་རྒྱན་པ་རིན་ཆེན་དཔལ་མཇལ་བར་བྱོན། དགེ་བསྙེན་གྱི་སྡོམ་པ་ཞུས་ནས་མཚན་ལ་གྲུབ་ཆེན་པའི་བླ་མའི་གསང་མཚན་རང་བྱུང་ རྡོ་རྗེ་ཞེས་པ་དེ་གནང༌། དགུང་ལོ་བདུན་པར་ཁྲོ་ཕུ་ཤེས་རབ་ལས་དགེ་ཚུལ་གྱི་སྡོམ་པ་མནོས། འདུལ་བའི་སྐོར་གྱི་ཆོས་རྣམས་གསན། དེ་ནས་ལོ་ཤས་འགོར་རྗེས་གནས་བརྟན་གཞོན་ནུ་འབྱུང་བ་ལས་དགེ་སློང་གི་སྡོམ་པ་ མནོས། སློབ་དཔོན་ཤེས་རབ་དཔལ་དང༌། རྒྱ་སྒོམ་ཡེ་ཤེས། སྙེ་མདོ་ཀུན་དགའ་དོན་གྲུབ་སོགས་ལས་བཀའ་བསྟན་འགྱུར་རོ་འཚལ་ཐམས་ཅད་གསན། དེ་ནས་ཀརྨ་པའི་གདན་སར་བྱོན། ཡུན་རིང་མ་བཞུགས་པར་ཀམ་པོ་གནས་ནང་དུ་བྱོན། དེ་ནས་ཁམས་སུ་བྱོན་ནས་སོག་ཆུར་ལྕགས་ཟམ་བཙུགས། དགུང་ལོ་ཞེ་བརྒྱད་པར་གོང་མ་རྒྱལ་པོས་གདན་དྲངས་པ་ལྟར་རྒྱ་ནག་ཕོ་བྲང་ཆེན་པོར་ ཕེབས། རྒྱལ་བུ་རསྒྲ༽་ཤྲིའ་སོགས་ཀྱིས་བསུ་བ་རྒྱ་ཆེན་མཛད། དེ་ནས་རྒྱལ་བུ་འདས། དེའི་གཅེན་པོ་ཐོ་གན་ཐེ་མུར་སྨན་རྩེའི་ཡུལ་ནས་གདན་དྲངས་ཏེ་རྒྱལ་བློན་འཁོར་ དང་བཅས་པར་དབང་བསྐུར་ཆོས་བཤད་གནང༌། དགུང་ལོ་ལྔ་བཅུ་པར་བོད་དུ་ཕེབས་ཁར་གོང་མས་ཚལ་པ་སི་ཏུ་དགེ་སྦྱོང་ཆེན་པོ་ལ་ གཱུ་ཤྲིའའི་མིང་དང་ཤེལ་ཐམ། མཚུར་ཕུ་དང་ཀརྨ་པ་སོགས་ལ་བདག་རྐྱེན་དང་བོད་སྤྱི་ལ་ཕན་པའི་འཇའ་ས་གསུམ། བསྟན་འགྱུར་བཞེངས་པའི་ཆ་རྐྱེན་སོགས་ཕུལ་ནས་བོད་དུ་ཕེབས། དགུང་ལོ་ང་གཅིག་པར་བོད་ཀྱི་ཆེ་དགུ་ཁག་ལ་རྒྱལ་པཱུའི་འཇའ་ས་གསུམ་བསྒྲགས། གསེར་དངུལ་ཞུན་མས་བསྟན་འགྱུར་པཱུ་ཏི་བརྒྱ་དང་དྲུག་ཅུ་བཞེངས། དགུང་ལོ་ང་གཉིས་པར་སླར་གོང་མའི་ཕོ་བྲང་དུ་ཕེབས། སྐབས་དེར་ས་གཡོས་ཆེན་པོ་བྱུང་དུས་ཁོང་དང་གོང་མ་གཉིས་ལྷན་དུ་བཞུགས་པས་སྐྱོན་ མ་བྱུང་བར་གྲགས། སྐུ་ཚེ་གང་བོར་མི་རིགས་དང་རྒྱལ་ཁབ་ཀྱི་དོན་བསྒྲུབས་ནས་དུས་འདའ་བར་མཛད། མཐར་རབ་བྱུང་དྲུག་པའི་ས་ཡོས་༡༣༣༩ལོར་རྒྱ་ནག་ཏུ་སྐུ་གཤེགས། སློབ་མ་གྲགས་ཆེ་བ་ནི་ཞྭ་དམར་གྲགས་པ་སེང་གེ་དང༌། མཁས་གྲུབ་གཡུང་སྟོན་པ། རྟ་སྣ་གཱུ་ཤྲིའ་ཀུན་རྒྱལ། ཚལ་པ་སི་ཏུ། གཡག་སྡེ་པཎ་ཆེན། ཀུན་མཁྱེན་དོལ་པོ་པ་སོགས་ཡིན། ཁོང་གི་གསུང་རྩོམ་ནི་སྟོན་པའི་སྐྱེས་རབས་དང༌། ཟབ་མོ་ནང་དོན་གྱི་རྩ་འགྲེལ་སོགས་པོད་གསུམ་དུ་བཞུགས་སོ།།
སྐུ་འཕྲེང་བཞི་པ། ཀརྨ་པ་རོལ་པའི་རྡོ་རྗེ་ནི། རབ་བྱུང་དྲུག་པའི་ལྕགས་འབྲུག་༡༣༤༠ལོར་ཀོང་པོ་དང་མདོ་ཁམས་ཀྱི་བར་རྔོད་ཨ་ལ་ རོང་གི་བྲག་ར་གོ་ཆེ་ངདཀར་གྱི་གནམ་རྫོང་དེས་སང་ཆབ་མདོ་ཁོངས་དཔལ་འབར་རྫོང་ར་ ཡུལ་ཤོག་ཨ་ལ་མདོ་ཞེས་བྱ་བར་ཡབ་ལྷ་ལྡོང་བསོད་ནམས་དོན་གྲུབ་དང༌། ཡུམ་བརྩོན་འགྲུས་རྒྱན་གཉིས་ཀྱི་སྲས་སུ་སྐུ་འཁྲུངས། དགུང་ལོ་གསུམ་པར་ཡུམ་ལ་ང་ཀརྨ་པཀྵི་ཡིན་གསུངས། དགུང་ལོ་ལྔ་པར་ཡི་གེའི་འབྲི་ཀློག་མཐོང་བ་ཙམ་གྱིས་ཐམས་ཅད་མཁྱེན། དགུང་ལོ་དྲུག་པར་བྲག་སྐྱིལ་ལྷ་ཁང་དུ་བྱོན་ནས་སྐུ་གོང་མའི་དབུ་ཞྭ་སོགས་ངོས་ འཛིན་མཛད། དགུང་ལོ་དགུ་པར་མདོ་དབུས་ཁམས་གསུམ་གྱི་མི་ཆེན་བླ་དཔོན་རྣམས་ཀྱིས་འབུལ་བ་ རྒྱུན་མ་ཆད་པར་ཕུལ་མཁན་བྱུང༌། འོ་ཐང་གི་རྒྱབ་ཏུ་ཆོས་རྗེ་གོང་མའི་ཁྲི་ལ་བཞུགས་ནས་ཆོས་བཤད་མཛད། རྟོགས་ལྡན་ཡེ་རྒྱལ་གྱི་མདུན་ནས་དགེ་བསྙེན་གྱི་སྡོམ་པ་བཞེས་ཤིང་གསང་སྔགས་ གསར་རྙིང་གི་ཆོས་སྐོར་མང་དུ་གསན་པར་མཛད། ཏཱའི་སི་ཏུ་བྱང་ཆུབ་རྒྱལ་མཚན་གྱིས་བཀུར་སྟི་མཛད་ཅིང་ཆོས་ཀྱིས་ཚིམས་པར་མཛད། དེ་ནས་མཚུར་ཕུའི་གདན་སར་ཕེབས། མནལ་ལམ་ནས་རིག་པའི་གནས་མཐའ་དག་མཁྱེན་པས་འགྲན་ཟླ་བྲལ་བར་གྱུར། བསྙེན་རྫོགས་ཀྱི་སྡོམ་པ་བཞེས་ཚུན་ཤ་ཆང་གི་དྲི་ཙམ་ཡངགཟིགས་སར་མི་འགྲིམས་པ་ དང༌། སྐུ་འཁོར་ཐམས་ཅད་དགེ་སློང་ཚུལ་ལྡན་རིག་གྲོལ་གྱི་སྤོབས་པ་ཅན་ཤ་སྟག་འཚོགས། དེ་ནས་གོང་མ་ཐོ་གན་ཐེ་མུར་ཡབ་སྲས་ཀྱིས་གདན་འདྲེན་ཞུས་པ་ལྟར་ལྕགས་བྱི་༡༣༦༠ ལོར་གོང་མའི་ཕོ་བྲང་དུ་ཕེབས། རྒྱལ་བློན་འཁོར་བཅས་ལ་དབང་བསྐུར་མན་ངག་བཤད་ཁྲིད་སོགས་གང་དགོས་གནང༌། རྒྱལ་པོས་འཇའ་ས་དང་བཀའ་ལུང་གནང༌། མི་ཉག་གི་ཡུལ་བརྒྱུད་དེ་བྱང་ངོས་སུ་ཕེབས། གོ་ར་དགོན་གཙུག་ལག་ཁང་ཆེན་པོ་བཞེངས། ཡུ་གུར་དང་མི་ཉག་ཀཾ་ལོག་ཧོར་ཡུལ་སོགས་ནས་ཟླ་ལམ་གཉིས་གསུམ་ཚུན་ཆད་ཀྱི་དད་ ལྡན་རྣམས་བསུ་བ་གནང་ཞིང་ཚིམས་པར་མཛད། ཇོ་བཱུའི་མདུན་དུ་དངུལ་བྲེ་བཅུ་གཅིག་གིས་བརྡུངས་པའི་ཀོང་བུ་ཕུལ། མཚུར་ཕུའི་ལྷ་ཆེན་སྐུ་ལ་གསེར་བྲེ་ཆེན་ལྔའི་གསེར་ཤོག་དང༌། དངུལ་བྲེ་སུམ་ཅུ་རྩ་གཅིག་གིས་བརྡུངས་པའི་ཀོང་བུ་ལྔ་སོགས་བགྲངས་ལས་འདས་པའི་ མར་མེ་རྒྱུན་འབར་དང༌། བསྟན་མཆོད་རྒྱ་ཆེན་པོ་མཛད། རྗེ་ཙོང་ཁ་པས་དགེ་བསྙེན་གྱི་སྡོམ་པ་བཞེས་སྐབས་མཚན་ལ་ཀུན་དགའ་སྙིང་པོ་གསོལ་ ཞིང་སྐྱེས་བུ་དམ་པ་ཡིན་པར་ལུང་བསྟན། དེ་ནས་བོད་ཀྱི་འདན་དང༌། ཀརྨ་ལྷ་སྟེང༌། ཀརྨ་དགོན། རི་བོ་ཆེ། སྨར་ཁམས། ཀཾ་པོ་གནས་ནང༌། ཏྲེ་ཤོད་མབྲསྤྱལ་ཐང༌། འབོམ་སོགས་ནས་དར་མདོ་བར་ཞབས་ཀྱིས་བཅགས་ཏེ་བསྟན་འགྲཱུའི་ཕན་བདེ་ཁོ་ན་ བསྒྲུབས་ནས་སྐུ་ཚེ་འདའ་བར་མཛད་དོ། རབ་བྱུང་དྲུག་པའི་ཆུ་ཕག་༡༣༨༣ལོར་སྐུ་གཤེགས། སློབ་མ་གྲགས་ཆེ་བ་ནི་རྟོགས་ལྡན་མཁའ་སྤྱོད་དབང་པོ་དང༌། མཚུར་ཕུ་ཀུན་སྤངས་པ། ཀརྨ་དཀོན་གཞོན། རྟོགས་ལྡན་མཚོ་དཀར་བ། ཡོལ་བ་ཡེ་ཤེས་པ་བཅས་ཡིན། ཆོས་འབྲེལ་ཡོད་པའི་སྐྱེས་ཆེན་ནི་རྗེ་ཙོང་ཁ་པ་དང༌། འབྲི་གུང་ཆོས་ཀྱི་རྒྱལ་པོ། ཀུན་སྤངས་ཡེ་ཤེས་རྒྱལ་མཚན། ཀ་བཞི་རིན་ཆེན་དཔལ། སྤངས་མཁན་ཆེན་འོད་ཟེར་བླ་མ་བཅས་མཐའ་ཡས་པར་བྱོན་ནོ།།
སྐུ་འཕྲེང་ལྔ་པ། ཀརྨ་པ་དེ་བཞིན་གཤེགས་པ་ནི། རབ་བྱུང་དྲུག་པའི་ཤིང་བྱི་༡༣༨༤ལོར་ཉང་ཡུལ་མྱང་འདམ་དུ་ཡབ་གུ་རུ་རིན་ཆེན་དང༌། ཡུམ་ལྷ་མཱུ་སྐྱིད་གཉིས་ཀྱི་སྲས་སུ་སྐུ་འཁྲུངས། དགུང་ ལོ་གསུམ་པར་སློབ་དཔོན་ལ་རང་རེ་རྒྱ་ནག་ཏུ་ཕྱིན་དུས་རྒྱལ་པོ་ཡུམ་སྲས་དང་བཅས་ པར་དབང་གནང་ལུགས་དང༌། འབུལ་བ་ཕུལ་ཚུལ་སོགས་གསལ་པོར་གསུངས། རྟོགས་ལྡན་མཁའ་སྤྱོད་པས་སྐུ་གོང་མའི་དབུ་ཞྭ་ཞྭ་ནག་ཕུལ་ནས་ཁོང་གི་དབུ་ལ་ མནབས་པས་དབུ་ལ་ཆེ་ཆུང་མཚུངས་པར་གྱུར་པ་སོགས་ངོ་མཚར་གྱི་མཛད་པ་ཤིན་ཏུ་མང༌། དགུང་ལོ་བཅུ་གཉིས་པར་མཚུར་ཕུའི་གདན་སར་ཕེབས། དབུས་གཙང་དང་མངའ་རིས་སོགས་ཀྱི་གདུལ་བྱ་རྣམས་སྨིན་པར་མཛད། ཚོགས་དགེ་འདུན་སྒང་དུ་སྡེ་སྣོད་འཛིན་པ་བརྒྱད་ཅུའི་དབུས་སུ་བསྙེན་པར་རྫོགས། བཀའ་བཞི་པ་རིན་ཆེན་དཔལ་སོགས་ལས་གཞུང་ལུགས་མཐའ་དག་སྦྱོང་ཚུལ་མཛད། དེ་ནས་གོང་མ་ཏཱ་མིང་རྒྱལ་པོས་གདན་འདྲེན་ཞུས་པ་ལྟར་གོང་མའི་ཕོ་བྲང་དུ་ཕེབས་ ནས་རྒྱལ་བློན་འཁོར་བཅས་ལ་ཆོས་ཀྱི་སྦྱིན་པ་གནང༌། གོང་མ་ཆེན་པོས་ཁོང་ལ་དེ་བཞིན་གཤེགས་པ་རིན་པོ་ཆེ་ཆོས་ཀྱི་རྒྱལ་པོ་ནུབ་ཕྱོགས་ ཀྱི་བྱམས་པ་ཆེན་པཱུ་ཞི་བ་དབང་ཕྱུག་གི་སངས་རྒྱས་ཞེས་བྱ་བའི་མཚན་གསོལ་བ་དང༌། གསེར་སྲང་བརྒྱ་ལས་བརྡུངས་པའི་འཇའ་ས་གཅིག ཤེལ་ཐམ་ཡིད་བཞིན་ནོར་བུ། གསེར་དང་དངུལ། ཙན་དན་བཅས་ལས་གྲུབ་པའི་ལྷ་སྐུ་མཆོད་ཆས་སོགས་བགྲང་གིས་མི་ལང་བ་ཕུལ། ཉེས་ཅན་མང་པོ་བཙོན་གྲོལ་བཏང༌། བསྟན་པ་ཤེད་སྤྱད་ཀྱི་ལུང་གི་འཇའ་ས་བསྒྲགས། དེ་ནས་བོད་དུ་ཕེབས་ཏེ་ཐོག་མར་ཀརྨ་དགོན་ལ་བྱོན། ཡུན་རིང་མ་བཞུགས་པར་དབུས་སུ་ཕེབས་ནས་བོད་ཀྱི་མི་ཆེན་བླ་དཔོན་དང༌། སློབ་དཔོན་དགེ་བའི་བཤེས་གཉེན་སོགས་ཀྱིས་བསུ་བ་རྒྱ་ཆེན་པོ་མཛད། ཇོ་བཱུ་རིན་པོ་ཆེ་ལ་མུ་ཏིག་གི་སྣམ་སྦྱར་རིན་ཐང་མེད་པ་གསོལ། མཚུར་ཕུར་བཀའ་འགྱུར་བཞེངས། བོད་ཀྱི་གནས་རི་གྲགས་ཆེན་རྣམས་སུ་ཞབས་ཀྱིས་བཅགས་ནས་སྐུ་ཚེ་གང་བོར་བསྟན་ འགྲཱུའི་བྱ་བ་འབའ་ཞིག་བསྒྲུབས་ནས་དུས་འདའ་བར་མཛད། རབ་བྱུང་བདུན་པའི་ཤིང་ལུག་༡༤༡༥ལོར་སྐུ་གཤེགས། སློབ་མ་གྲགས་ཆེ་བ་ནི་གུ་ཤྲིའ་སངས་རྒྱས་རིན་ཆེན་དང༌། གུ་ཤྲིའ་བློ་གྲོས་རྒྱལ་མཚན། གུ་ཤྲིའ་རིན་ཆེན་དཔལ། གུ་ཤྲིའ་དོན་གྲུབ་འོད་ཟེར། གུ་ཤྲིའ་ཆོས་ཀྱི་རྒྱལ་མཚན། གུ་ཤྲིའ་ཤཱཀྱ་བཟང་པོ། སྤྲུལ་སྐུ་ཆོས་དཔལ་ཡེ་ཤེས་བཅས་ཡིན།།
སྐུ་འཕྲེང་དྲུག་པ། ཀརྨ་པ་མཐོང་བ་དོན་ལྡན་ནི། རབ་བྱུང་བདུན་པའི་མེ་སྤྲེལ་༡༤༡༦ལོར་ཁམས་ཀརྨའི་ཉེ་ལོགས་ངོམ་སྟོད་དུ་ཡབ་གོ་ འཇོ་བསམ་གྲུབ་རྡོ་རྗེ་དང༌། ཡུམ་སྟོད་བཟའ་པདྨ་མཚོ་གཉིས་ཀྱི་སྲས་སུ་སྐུ་འཁྲུངས། དགུང་ལོ་ གསུམ་པར་འཇམ་དབྱངས་གྲགས་པ་དང༌། སོག་དབོན་བཀའ་བཞི་པ་རྣམས་ལ་དབང་ལུང་བཤད་གསུམ་མང་དུ་གསན། འོལ་ཁ་བཀྲ་ཤིས་ཐང་དུ་མཁན་ཆེན་བསོད་ནམས་བཟང་པོ་སོགས་ལས་རབ་ཏུ་བྱུང༌། མཚན་ལ་ཆོས་གྲགས་དཔལ་བཟང་པོ་ཞེས་གསོལ། དེ་ནས་ཙཱ་རི་དང༌། བཀྲ་ཤིས་ལྗོངས། མཚུར་ཕུ། ཟུར་མང༌། ཀརྨ། སྤུངས་རི་སྤང་ཕུག་སོགས་སུ་ཕེབས་སྐབས་ཡི་དམ་དང་སངས་རྒྱས་བྱང་སེམས་རྣམས་ཀྱིས་ ཞལ་གཟིགས་གནང༌། རོང་སྟོན་རིན་པོ་ཆེ་ལས་གཞུང་ལུགས་དུ་མ་གསན་པས་རོང་སྟོན་རིན་པོ་ཆེས་ང་ལ་སངས་ རྒྱས་སློབ་མ་ཡོད་ཅེས་བསྒྲགས་པར་མཛད། སྟག་ལུང་དུ་འདུས་སྡེར་ཆོས་གསུངས་སྐབས་མེ་ཏོག་གི་ཆར་མངོན་སུམ་བབས། ལྷོ་རོང་དུ་བསྟན་འགྱུར་གོས་དར་གྱི་ཐུམ་ཅན་བཞེངས། ཛ་ལབ༼་རར་གསེར་གྱི་བཀའ་འགྱུར་གླེགས་ཤིང་ཅན་བཅས་བཞེངས། རོང་པོ་དང་མི་ཉག་གི་འཁྲུག་པ་དང༌། སྒོ་སྡོང་གི་འཁྲུག་ཆེན་སོགས་སྟོད་སྨད་ཀྱི་འཁྲུགས་པ་མང་པཱུ་ཞི་བར་མཛད། གསང་ཕུར་ཕེབས་ནས་རྟེན་ཐམས་ཅད་རྟེན་སྒམ་དུ་བཞག་ནས་ཕྱག་ཐམ་གྱིས་མནན། དབུ་ཞྭ་དང་ཞལ་གདམས་ཀྱི་ཕྱག་དཔེ་སོགས་གུ་ཤྲིའ་རིན་པོ་ཆེ་ལ་གཏད་དེ་ལུང་བསྟན་ བཀའ་རྒྱ་ཅན་མཛད། དགུང་ལོ་སོ་བརྒྱད་པ་རབ་བྱུང་བརྒྱད་པའི་ཆུ་བྱ་༡༤༥༣ལོར་སྐུ་གཤེགས། སློབ་མ་གྲགས་ཆེ་བ་ནི་གཱུ་ཤྲིའ་དཔལ་འབྱོར་དོན་གྲུབ་དང༌། ཀུན་མཁྱེམ་འཇམ་དཔལ་བཟང་པོ། སྟག་ལུང་ཞས་དྲུང་སོགས་ཡིན།།
སྐུ་འཕྲེང་བདུན་པ། ཀརྨ་པ་ཆོས་གྲགས་རྒྱ་མཚོ་ནི། རབ་བྱུང་བརྒྱད་པའི་ཤིང་ཁྱི་༡༤༥༤ལོར་གསའ་ཕུའི་བྱང་རྔོད་སྤྱི་མདའ་ཨོ་རྒྱན་རི་ ཁྲོད་པ་ཡབ་གྲུབ་ཐོབ་གྲགས་པ་དཔལ་གྲུབ་དང༌། ཡུམ་ཡེ་ཤེས་ཀྱི་མཁའ་འགྲཱུའི་སྤྲུལ་པ་ཇོ་དར་བཟའ་ལྷ་མཱུ་སྐྱིད་གཉིས་ཀྱི་སྲས་ སུ་མདོ་ཁམས་ཏྲེ་ཤོད་དཀར་མཛེས་ཁང་དམར་དུ་སྐུ་འཁྲུངས། ཟླ་ངོ་ དགུ་པར་སྒར་ཆེན་འཛམ་གླིང་རྒྱན་ཆེན་གྱི་སེང་གེའི་ཁྲི་ལ་བཞུགས། མཚན་ལ་རང་བྱུང་ཀུན་མཁྱེན་ཆོས་ཀྱི་རྒྱལ་པོ་ཞེས་གསོལ། དེ་ནས་ཀརྨ་དགོན་དུ་ཕེབས་ཏེ་གི་ཤྲིའ་རིན་པོ་ཆེས་དགེ་བསྙེན་གྱི་སྡོམ་པ་ཕུལ། དགུང་ལོ་བཅུ་གཉིས་པར་ཀུན་མཁྱེན་འཇམ་དཔལ་བཟང་པོས་རབ་བྱུང་ཕུལ། མཚན་ལ་ཆོས་གྲགས་རྒྱ་མཚོ་དཔལ་བཟང་པོ་ཞེས་གསོལ། དེ་ནས་སྤུངས་རི་དང་འབའ་ཐང༌། རྨ་ཆུའི་རྒྱུད་སོགས་ས་གནས་མང་པོར་ཞབས་ཀྱིས་བཅགས་ཏེ་བྱིན་རླབས་དང་རྫུ་འཕྲུལ་ ངོ་མཚར་ཅན་ཤ་སྟག་མཛད། དེའི་སྐབས་སུ་གོང་མ་ཆེན་པཱུ་ཆིང་ཧྭའི་ལུང་གིས་དབུ་ཞྭ་དང༌། མུ་ཏིག་སྣམ་སྦྱར། གསེར་བྲེ་ཆེན། གོས་དར་ཁྲི་ཕྲག་སོགས་ཀྱི་འབུལ་བ་ཡང་འབྱོར། ཀརྨ་གྲྭ་ཚང་གི་བཤད་གྲྭ་ཐོག་མར་བཙུགས། འབྲི་གུང་མཐིལ་དུ་ཕེབས་ནས་ཟབ་ཆོས་ཅི་རིགས་དང་ཕྱག་ཆེན་ཆོས་དྲུག་གི་དབང་ཁྲིད་ དང༌། སྒྲུབ་སྡེ་འཛུགས་པ། ཆོས་ཁྲིམས་བསྡམས་པ་སོགས་ཀྱིས་འབྲི་གུང་གི་བསྟན་པ་གཞི་ནས་གསོ་བར་མཛད། སྤོ་བཱུའི་ཕྱོགས་སུ་ཕེབས་ཏེ་བྲེ་མོ་ཆུ་མདོ་ལ་རྣམ་རྒྱལ་གླིང་གི་དགོན་པ་གསར་ འདེབས་མཛད། སྨོན་ལམ་གྱི་ཆོ་ག་ཡན་ལག་ཉི་ཤུ་པ་ཡང་མཛད། ཁོང་སྐུ་ཚེ་གང་བོར་རྒྱ་གར་དང༌། རྒྱ་ནག་འཇང༌། བལ་བོ། ཁ་ཆེ། མངའ་རིས། ཀློ་བོ། མདོ་ཁམས། དྭགས་ཀོང༌། ལྷོ་མོན། དབུས་གཙང༌། ཡར་འབྲོག བྱང་རིན་སོགས་ཀྱི་རིགས་སོ་སཱུའི་སྐྱེ་བོ་མཆོག་དམན་ཀུན་ལ་ཆོས་ཀྱི་སྦྱིན་པ་ བཏང་ནས་དུས་འདའ་བར་མཛད། རབ་བྱུང་བརྒྱད་པའི་མེ་སྟག་༡༥༠༦ལོར་སྐུ་གཤེགས། སློབ་མ་གྲགས་ཆེ་བ་ནི་ཞྭ་དམར་ཆོས་གྲགས་ཡེ་ཤེས་དང༌། གྲུབ་ཆེན་སངས་རྒྱས་མཉན་པ། པཎ་ཆེན་ཤཱཀྱ་མཆོག་ལྡན། ཀརྨ་འཕྲིན་ལས་པ་བཅས་ཡིན། ཁོང་གི་གསུང་རྩོམ་ནི་ཚད་མ་རིག་གཞུང་རྒྱ་མཚོ་དང༌། མངོན་རྟོགས་རྒྱན་འགྲེལ་འཇིག་རྟེན་གསུམ་གྱི་སྒྲོན་མེ། འདུལ་བ་གཞི་གསུམ་གྱི་ཆོ་ག གསང་འདུས་མི་བསྐྱོད་པའི་མངོན་རྟོགས། བསྟོད་ཚོགས་བཅས་བསྟན་བཅོས་མང་དུ་བཞུགས་སོ།།
སྐུ་འཕྲེང་བརྒྱད་པ། ཀརྨ་པ་མི་སྐྱོད་རྡོ་རྗེ་ནི། རབ་བྱུང་དགུ་པའི་མེ་ཡོས་༡༥༠༧ལོར་ཆབ་མདཱུའི་ངོམ་ཆུའི་རྒྱུད་གཡས་ལུང་དཀར་ཏི་ ཕུག བྲེ་བྲག་ས་ཏམ་གྱི་གྲོང་དུ་ཡབ་ཨ་བྱམས་དང༌། ཡུམ་ལྡོང་བཟའ་བླ་མ་སྒྲོན་གཉིས་ཀྱི་སྲས་སུ་སྐུ་འཁྲུངས། དགུང་ ལོ་ལྔ་པར་རྒྱལ་ཚབ་བཀྲ་ཤིས་རྣམ་རྒྱལ་དང་རི་བོ་ཆེའི་མི་སྣ་ལྷོ་རོང་གི་གུ་ ཤྲིའ་སོགས་ནས་ཀརྨ་པ་སྐུ་ཕྲེང་བདུན་པ་ཆོས་གྲགས་རྒྱ་མཚཱུའི་ཡང་སྲིད་དུ་ངོས་ འཛིན་མཛད། དགུང་ལོ་དྲུག་པར་ཁྲི་འདོན་མཛད། རྒྱལ་ཚབ་བཀྲ་ཤིས་རྣམ་རྒྱལ་ལས་ཐེག་ཆེན་སོ་ཐར་གྱི་སྡོམ་པ་བཞེས་ཏེ་མཚན་ལ་ཆོས་ ཀྱི་གྲགས་པ་དཔལ་བཟང་པོ་ཞེས་གསོལ། ཡི་གེའི་འབྲི་ཀློག་བསླབས། དགུང་ལོ་བརྒྱད་པར་ཟུར་མང་དེང་སང་ནང་ཆེན་དུ་བྱོན། དེ་ནས་ཀམ་པོ་གནས་ནང་དུ་བྱོན། དགུང་ལོ་དགུ་པར་འཇང་ཡུལ་དུ་ཕེབས། ས་ཐམ་རྒྱལ་པོས་བོད་ལ་ལོ་བཅུ་གསུམ་བར་དམག་ཁྲལ་དང་བཙུན་ཁྲལ་ལོ་ལྟར་ལྔ་བརྒྱ་ རེ་ཕུལ། དགོན་པ་བརྒྱ་འདེབས་པར་ཁས་བླངས། དགུང་ལོ་བཅུ་པར་འདན་མ་གྲུབ་ཆེན་སངས་རྒྱས་མཉན་རས་ལས་དགེ་ཚུལ་གྱི་སྡོམ་པ་ བཞེས། དེ་ནས་འདན་ཁོག་བྱང་ཆུབ་གླིང་དུ་བྱོན་ཏེ་ལོ་གསུམ་བཞུགས་ནས་དབང་ལུང་ཁྲིད་ གསུམ་གསན། དགུང་ལོ་ཉེར་གཅིག་པར་མཁན་ཆེན་ཆོས་གྲུབ་སེང་གེ་ལས་དགེ་སློང་གི་སྡོམ་པ་བཞེས། ཀརྨ་ལོ་ཙཱ་བ་རིན་ཆེན་བཀྲ་ཤིས་ལས་སྒྲ་དང་སུམ་རྟགས་སོགས་གསན། དགུང་ལོ་སོ་གཅིག་པར་མཚུར་ཕུར་ཕེབས། དེ་དུས་དབུས་གཙང་གི་བར་ཆིངས་མཛད། སྐུ་ཚེའི་མཇུག་ཏུ་ཙ་རིར་གནས་སྐོར་ལ་ཕེབས་ནས་སྒྲུབ་པ་ཉམས་ལེན་མཛད། རབ་བྱུང་དགུ་པའི་ཤིང་སྟག་༡༥༥༤ལོར་ལྷོ་ཁ་ཡར་ཀླུང་དུ་སྐུ་གཤེགས། སློབ་མ་གྲགས་ཆེ་བ་ནི་ཞྭ་དམར་དཀོན་མཆོག་ཡན་ལག་ དཔའ་བོ་གཙུག་ལག་ཕྲེང་བ། རྒྱལ་བ་གྲགས་པ་དཔལ་འབྱོར། ཟུར་མཁར་བློ་གྲོས་རྒྱལ་པོ། ལྷ་མཐོང་ལོ་ཙཱ་བ་སོགས་ཡིན། ཁོང་གི་གསུང་རྩོམ་ནི་རང་གཞན་གྱི་བྱུང་བ་བརྗོད་པའི་གཏམ་དང༌། བླ་མ་བསྟེན་ཚུལ༌། རྒྱལ་བ་འབྲི་གུང་པ་ཁུ་དབོན་གསུམ་གྱི་རྣམ་ཐར༌། ཀ་ལཱ་པའི་གཞུང་གི་དོན་འགྲེལ། སུམ་ཅུ་པའི་འགྲེལ་བ་ལེགས་བཤད་ཉིང་ཁུ་མཁས་པའི་དགའ་སྟོན། རྟགས་འཇུག་གི་འགྲེལ་བ་ཚིག་དོན་སྣང་བར་བྱེད་པ་བཅས་པོད་ཉི་ཤུ་རྩ་བརྒྱད་ཡོད་ སྐད་ཀྱང་ད་ལྟ་བྲིས་མ་པོད་བཅུ་གསུམ་ཡོད་པ་མི་རིགས་རིག་གནས་ཕོ་བྲང་དུ་བཞུགས་ སོ།།
སྐུ་འཕྲེང་དགུ་པ། ཀརྨ་པ་དབང་ཕྱུག་རྡོ་རྗེ་ནི། རབ་བྱུང་དགུ་པའི་མེ་འབྲུག་༡༥༥༦ལོར་མདོ་ཁམས་ཏྲེ་བོའི་ཡུལ་གྱི་ས་སྟོད་ཇོ་བོ་ ཐུགས་རྗེ་ཆེན་པཱུའི་རང་བྱོན་དང་ཧ་ཅང་མི་རིང་བ། ཏྲེ་སྨད་ཁ་བ་གླིང་རིའི་ཞོལ་སྟག་བཟང་ཞེས་བྱ་བར། ཡབ་ཨ་རྡོར་དང༌། ཡུམ་གླིང་བཟའ་ཨ་ལོད་གཉིས་ཀྱི་སྲས་སུ་སྐུ་འཁྲུངས། ཁོང་གི་ བྱིས་པའི་མིང་ལ་ཡུམ་གྱིས་ནམ་མཁའ་རྒྱལ་པོ་ཞེས་བཏགས། དེ་ནས་སྐུ་གོང་མའི་ཕྱག་ཆས་སོགས་ངོས་འཛིན་གནང་བ་བཅས་མངོན་མཁྱེན་དང་རྫུ་ འཕྲུལ་སྟོན་པ་སོགས་མཛད། དགུང་ལོ་བདུན་པར་རྗེ་ཞྭ་དམར་དཀོན་མཆོག་ཡན་ལག་གིས་གཙུག་ཕུད་བཞེས་ནས་མཚན་ལ་ དཔལ་ལྡན་མི་ཕམ་ཆོས་ཀྱི་དབང་ཕྱུག་ཅེས་གསོལ། དེ་ནས་འཛམ་ཐང་དང༌། ཤེལ་ཁོག ལ་མེ་རྩེ། མགོ་ལོག ཀཾ་པོ་གནས་ནང་བཅས་ཕེབས་ནས་ཆོས་ཀྱི་འཁོར་ལོ་བསྐོར། དེ་ནས་དབུས་སུ་ཕེབས་ལམ་གླིང་ཚང་གི་མགུ་ཟི་ལ་སྤྱན་འདྲེན་ཞབས་ཏོག་དང༌། དྲན་ཐང་བརྒྱུད་དེ་ཀརྨར་ཕེབས། ཆབ་མདོར་ཞལ་ཐང་ལ་ཕྱག་ནས་གནང་བས་ཟུག་པ་དང༌། གང་དུ་ཁྱེར་ཡང་མི་འདྲིལ་བར་བྱུང༌། ལྷ་སྟེང་དང་ཟུར་མང་ཕྱོགས་སུ་ཕེབས། འབུལ་ཞབས་བསྙེན་བཀུར་མང་པོ་བྱུང༌། དགུང་ལོ་བཅུ་པར་ཡངས་པ་ཅན་བརྒྱུད་དེ་མཚུར་ཕུའི་གདན་སར་ཕེབས། དགུང་ལོ་བཅུ་གཅིག་པར་རྗེ་ཞྭ་དམར་དཀོན་མཆོག་ཡན་ལག་པས་མཁན་པོ་མཛད་ནས་རབ་བྱུང་ གི་སྡོམ་པ་བཞེས། སྡེ་པ་རིན་སྤུངས་པས་ངོ་མཚར་བའི་བཀོད་པ་བཤམས་ནས་སྤྱན་འདྲེན་ཞུས་པ་དང༌། ཐུབ་སྐུ་ཁྱད་ཆོས་གསུམ་ལྡན་དང༌། དུང་དཀར་གཡས་འཁྱིལ་སོགས་འབུལ་ཆེན་མཛད། འབྲོང་བུ་དགོན་རྙིང་ཞིག་གསོ་དང༌། མཚུར་ཕུའི་འདུ་ཁང་ཆེན་མོ་བསྐྱར་གསོ་མཛད། དགུང་ལོ་བཅུ་དྲུག་པར་སློབ་དཔོན་རྣམ་རྒྱལ་གྲགས་པ་ལས་ཕར་ཚད་མངོན་པ་སོགས་མདོ་ ཕྱོགས་རྣམས་ལ་ལེགས་པར་གསན། སྒོ་རབ་བརྟན་གྱི་གཙུག་ལག་ཁང་དང༌། ཐར་གླིང་གྲྭ་ཚང་གི་གཙུག་ལག་ཁང་སོགས་རྟེན་དང་བརྟེན་པ་བཅས་པ་གསར་བཞེངས་མཛད། དགུང་ལོ་ཉེར་བཞི་པར་རྗེ་དཀོན་མཆོག་འབངས་ཀྱིས་མཁན་པོ་མཛད་ནས་བསྙེན་པར་རྫོགས། མདོར་ན་དབུས་གཙང་ཁམས་གསུམ་གྱི་དགོན་སྡེ་བསྐྱར་བཞེངས་དང༌། དབང་ཁྲིད་གདམས་ངག་གནང་བ། ཡུལ་སྡེའི་འཁོན་རྩོད་བསྡུམས་པ་སོགས་འགྲོ་དོན་མཐའ་ཡས་པ་མཛད་དོ། རབ་བྱུང་བཅུ་པའི་ཆུ་ཡོས་༡༦༠༣ལོར་སྐུ་གཤེགས། གསུང་རྩོམ་ནི་ཚད་མ་རིགས་གཞུང་སྙིང་པོ་དང༌། མངོན་པ་མཛོད་ཀྱི་འགྲེལ་བ་སོགས་པཱུ་ཏི་བཅུ་སྐོར་བཞུགས་སོ།།སློབ་མ་གྲགས་ཆེ་བ་ ནི་རྗེ་བཙུན་ཏཱ་ར་ནཱ་ཐ་དང༌། སི་ཏུ་ཆོས་ཀྱི་རྒྱལ་མཚན། དཔའ་བོ་གཙུག་ལག་རྒྱ་མཚོ། ཏྲེ་ཧོར་ལྷག་བསམ་རྒྱ་མཚོ། ཟུར་མང་ཀརྨ་ལེགས་བཤད་སྒྲ་དབྱངས། ཞྭ་དམར་དྲུག་པ་ཆོས་ཀྱི་དབང་ཕྱུག་བཅས་ཡིན།
སྐུ་འཕྲེང་བཅུ་པ། ཀརྨ་པ་ཆོས་དབྱིངས་རྡོ་རྗེ་ནི། རབ་བྱུང་བཅུ་པའི་ཤིང་འབྲུག་༡༦༠༤ལོར་མདོ་ཁམས་རོལ་ཆེན་བཅོ་བརྒྱད་ལས་སྨད་རོལ་ མགོ་ལོག་ཏུ་གྲགས་པའི་ཀམ་ཟི་ཐང་དུ་ཡབ་ཁྱི་གུ་ཐར་དང༌། ཡུམ་ཨ་མཚོ་གཉིས་ཀྱི་སྲས་སུ་སྐུ་འཁྲུངས། བྱིས་པའི་དུས་ཀྱི་མིང་ལ་ཡུམ་གྱིས་ཨོ་རྒྱན་སྐྱབས་ཞེས་བཏགས། ཀཾ་པོ་གངས་ར་ནས་རྨ་ཆེན་སྤོམ་རའི་བར་དུ་ཞབས་ཀྱིས་བཅགས་ཚེ་ཡུལ་ལྷ་གཞི་བདག་ གིས་གསེར་སྐྱེམས་དང་མཆོད་འབུལ་ཞུ་བ་མངོན་སུམ་དུ་བྱུང༌། འཇང་བོད་སོགས་མཆོག་དམན་གྱི་སྐྱེ་འགྲོ་རྣམས་དགེ་བའི་ལམ་བཟང་དུ་སྨིན་པར་མཛད། དབུས་གཙང་སོགས་སུ་ཆིབས་ཁ་བསྒྱུར་སྐབས་ཕ་ཝང་རོག་གཏམ་ཞེས་པ་ལ་ཞབས་རྗེས་བྱོན་ པ་དང་བྱང་ཆུབ་དགོན་དུ་འབྲི་ཆུའི་གནོད་པ་བཟློག་པར་མཛད། རྗེ་བཙུན་གཙུག་ལག་རྒྱ་མཚོས་གཙུག་ཕུད་བཞེས། ས་སྐྱོང་ཀརྨ་བསྟན་སྐྱོང་དབང་པོས་རྒྱལ་རྩེར་སྤྱན་དྲངས་ཏེ་འབྱོར་བ་རྒྱ་ཆེན་ པཱུའི་མཆོད་པ་དང༌། དགེ་འདུན་ཚོགས་པ་རྒྱ་ཆེའི་དབུས་སུ་སྨོན་ལམ་གྱི་མཛད་སྒོ་གནང༌། དགུང་ལོ་ཞེ་གཅིག་པར་བསྙེན་པར་རྫོགས། སོག་པོ་བསྟན་འཛིན་ཆོས་རྒྱལ་གྱིས་བོད་ཀྱི་སྲིད་དབང་བཟུང་ནས་ཡོན་བདག་གཙང་པ་ སྡེ་སྲིད་རྩ་གཏོར་བཏང་བར་བརྟེན། ཁོང་ཁམས་ཕྱོགས་བརྒྱུད་འཇང་ཡུལ་དུ་བྱོན། འཇང་དུ་དགོན་ཁག་བཅུ་གསུམ་གསར་འདེབས་མཛད་ཅིང༌། ཀརྨ་བཀའ་བརྒྱུད་ཀྱི་ཆོས་ལུགས་དར་སྤེལ་རྒྱ་ཆེར་མཛད། དེ་ནས་རྒྱལ་དབང་ལྔ་བ་ཆེན་པོས་བོད་དུ་འབྱོར་དགོས་པའི་བཀའ་ལྟར་མཇལ་འཕྲད་གྲུབ། སེམས་ཅན་དབུལ་ཕོངས་ཅན་རྣམས་ལ་ཟང་ཟིང་གིས་ཚིམས་པར་མཛད། སྣང་སྲིད་བདེན་མེད་དུ་གཟིགས་པས་དགའ་སྡུག་གི་སྣང་བ་མི་མངའ། གནོད་སྐྱོན་སྐྱེལ་མཁན་རྣམས་ལ་འཁོན་འཛིན་མེད་ཅིང་ལྷག་པར་བརྩེ་བར་མཛད། ཐུགས་མཉམ་རྗེས་བྲལ་བའི་ཏིང་ངེ་འཛིན་ལས་མི་གཡོ་བར་བཞུགས་སོ། རབ་བྱུང་བཅུ་གཅིག་པའི་ཤིང་སྟག་༡༦༧༤ལོར་སྐུ་གཤེགས། སློབ་མ་གྲགས་ཆེ་བ་ནི་ཞྭ་དམར་ཡེ་ཤེས་སྙིང་པོ་དང༌། རྒྱལ་ཚབ་ནོར་བུ་བཟང་པོ། དཔའ་བོ་འཕྲིན་ལས་རྒྱ་མཚོ། སི་ཏུ་མི་ཕམ་འཕྲིན་ལས་རབ་བརྟན། གནས་མདོ་ཀརྨ་ཆགས་མེད། ཁྱབ་བདག་གྲུབ་མཆོག་དང་པོ། ཁ་རེག་ཀརྨ་བསྟན་སྲུང་བཅས་ཡིན།
སྐུ་འཕྲེང་བཅུ་གཅིག་པ། ཀརྨ་པ་ཡེ་ཤེས་རྡོ་རྗེ་ནི། རབ་བྱུང་བཅུ་གཅིག་པའི་ཤིང་ཡོས་༡༦༧༥ལོར་མདོ་སྨད་སྨར་ཁམས་ཀྱི་ས་ཆར། ཡབ་ཡུམ་རིགས་ལྡན་པའི་སྲས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་ལྷ་ལྡན་གྱི་ཕྱོགས་སུ་གཤེགས་པའི་ཚེ་ཡངས་པ་ཅན་གྱི་ གཙུག་ལག་ཁང་ཆེན་པོར་རྒྱལ་བ་ཡབ་སྲས་ལྷན་རྒྱས་རྟེན་འབྱུང་འགྲིགས་ནས་མཆོག་དམན་ སྐྱ་སེར་གདུལ་བྱའི་ཚོགས་རྣམས་གང་ལ་གང་འདུལ་གྱིས་སྨིན་པར་མཛད། དེ་ནས་འོག་མིན་མཚུར་ཕུའི་གདན་སའི་སེང་ཁྲིར་ཞབས་བཀོད་ནས་མཐོན་མཐིང་ཅོད་པན་ བཞེས་ཏེ་དོན་བརྒྱུད་ཀྱི་བསྟན་པའི་བདག་པོར་འགྲན་ཟླ་དང་བྲལ་བར་བཞུགས་ཤིང༌། ཁྱབ་བདག་ཡེ་ཤེས་སྙིང་པོ་དང༌། ཡབ་སྲས་སྐྱེས་ཆེན་དུ་མ་རྣམས་ལས་དབང་ལུང་མན་ངག་གསན་བསམ་མཐར་ཕྱིན་པ་གནང་སྟེ། བཤད་སྒྲུབ་བསྟན་པའི་སྒྲོན་མེ་ཕྱོགས་ཐམས་ཅད་དུ་སྦར་བར་མཛད། རིག་འཛིན་མི་འགྱུར་རྡོ་རྗེ་དང༌། སྟག་ཤམ་ནུས་ལྡན་རྡོ་རྗེའི་ཟབ་གཏེར་རྣམས་ཆོས་ཀྱི་བདག་པོར་ལུང་བསྟན་ཅིང་བཀུར་ བ་མཛད། གདན་སའི་ཉམས་གསོ་དང༌། རྟེན་དང་བརྟེན་པ་གསར་བཞེངས་མཛད། མདོར་ན་སྐྱེ་རྒུ་མ་ལུས་པ་སྨིན་གྲོལ་གྱི་ལམ་དུ་བཀོད་ཅིང་ཞྭ་དམར་བརྒྱད་པ་དཔལ་ ཆེན་ཆོས་ཀྱི་དོན་གྲུབ་རྒྱལ་ཚབ་ཏུ་མངའ་གསོལ་ཞིང་བསྟན་པ་གཏད། རྟག་འཛིན་ཅན་རྣམས་ཆོས་ལ་སྐུལ་ཕྱིར་དགུང་ལོ་ཉེར་ལྔ་པར་རབ་བྱུང་བཅུ་གཉིས་པའི་ ས་ཡོས་༡༦༩༩ལོར་སྐུ་གཤེགས། སློབ་མ་གྲགས་ཆེ་བ་ནི་ཞྭ་དམར་དཔལ་ཆེན་ཆོས་ཀྱི་དོན་གྲུབ་དང༌། གྲུབ་དབང་ཏྲེ་ཧོར་ཀརྨ་བསྟན་པ་དར་རྒྱས། མཁན་ཆེན་ཀརྨ་དོན་ཡོད་སྙིང་པོ་བཅས་ཡིན།
སྐུ་འཕྲེང་བཅུ་གཉིས་པ་ཀརྨ་པ་བྱང་ཆུབ་རྡོ་རྗེ་ནི། རབ་བྱུང་བཅུ་གཉིས་པའི་ལྕགས་འབྲུག་༡༧༠༠ལོར་ཁམས་སྡེ་དགེ་དབོན་སྟོད་ཀྱི་ས་ཆ་ ཆུ་བོ་གསེར་ལྡན་གདན་གྱི་འགྲམ་ངོགས་དཀྱིལ་ལེ་ལ་ཙག་ཏོར་བོད་ཀྱི་རྒྱལ་པཱུའི་ གདུང་རྒྱུད་ཡབ་ཀརྨ་ཚེ་བརྟན་དང༌། ཡུམ་དཀར་མཱུ་སྐྱིད་གཉིས་ཀྱི་སྲས་སུ་སྐུ་འཁྲུངས། ཁོང་འཁྲུངས་ ནས་ཟླ་ངོ་གཉིས་པར་ཀརྨ་པ་ཡིན་ཞེས་གསུང་འབྱོན། སྐུ་གོང་མའི་ཕྱག་མདུད་དང་སྐུ་འདྲ། ཕྱག་ཕྲེང་སོགས་ངོས་འཛིན་མཛད། དགོན་ཆེན་དང་ལྷ་ལུང་ཁུག་ཏུ་ཕེབས་སྐབས་སྡེ་དགེ་བླ་མ་བསོད་ནམས་ཕུན་ཚོགས་ཀྱིས་ མཇལ་སྟོན་སྐུ་བརྫངས་དང་འབུལ་ཞབས་རྒྱས་པར་ཕུལ། དེ་ནས་སྐྱབས་ཆེ་དང༌། ཟུར་མང༌། རྒྱུན་ནེ། ཀརྨ་དགོན། ཇ་པ་དགོན་སོགས་སུ་ཕེབས་ནས་འགྲོ་དོན་མཛད། ནང་ཆེན་རྒྱལ་པཱུའི་སྒར་དུ་ཡང་སྤྱན་འདྲེན་འབུལ་ཞབས་ཞུས། དེ་ནས་ཞྭ་དམར་བརྒྱད་པ་དང་ལྷན་དུ་རྒྱ་ནག་ཏུ་ཕེབས། རྒྱལ་དབང་ཞྭ་དམར་ནག་ཡབ་སྲས་གཉིས་ཉིན་གཅིག་ཀྱང་འབྲལ་མེད་དུ་སྐུ་མྱ་ངན་ལས་ འདས་པའི་བར་དུ་ཕེབས་པས་ཞྭ་དམར་བརྒྱད་པའི་རྣམ་ཐར་དང་གཅིག་མཚུངས་སུ་གྱུར། རྒྱ་ནག་བཀྲ་ཤིས་ཁྲི་སྒོར་སྐུ་གཤེགས་ནས་གདུང་ཐལ་མཚུར་ཕུར་སྤྱན་དྲངས་ཏེ་དངུལ་ གདུང་བཞེངས་ནས་དད་པའི་རྟེན་དུ་བཞུགས་སོ།།རབ་བྱུང་བཅུ་གཉིས་པའི་ཆུ་གླང་༡༧༣༣ ལོར་སྐུ་གཤེགས། སློབ་ མ་གྲགས་ཆེ་བ་ནི་སི་ཏུ་ཆོས་ཀྱི་འབྱུང་གནས་དང༌། དཔའ་བོ་སྤྲུལ་སྐུ་གོང་འོག་རྣམ་གཉིས། འབྲུག་ཐམས་ཅད་མཁྱེན་པ་བཀའ་བརྒྱུད་འཕྲིན་ལས་ཤིང་རྟ་བཅས་ཡིན།
སྐུ་འཕྲེང་བཅུ་གསུམ་པ། ཀརྨ་པ་བདུད་འདུལ་རྡོ་རྗེ་ནི། རབ་བྱུང་བཅུ་གཉིས་པའི་ཤིང་སྟག་༡༧༣༤ལོར་བོད་ཡུལ་དབུས་ཀྱི་ལྷོ་ཕྱོགས་སྙེན་ལྕ་ བ་གྲོང་དུ་རིགས་རུས་རྣམ་པར་དག་པའི་ཡབ་ཡུམ་གྱི་སྲས་སུ་སྐུ་འཁྲུངས། དགུང་ ལོ་གཅིག་བཞེས་སྐབས་ཀུན་བཟང་འཇིགས་བྲལ་སོགས་ཀྱིས་སྐུ་གོང་མའི་ཡང་སྲིད་དུ་ ངོས་འཛིན་མཛད། དགུང་ལོ་བཞི་པར་འོག་མིན་མཚུར་ཕུའི་གདན་སར་ཕེབས་ཏེ་རྒྱལ་བ་སྐལ་བཟང་རྒྱ་མཚོ་ དང༌། མི་དབང་བསོད་ནམས་སྟོབས་རྒྱས། བཀའ་བརྒྱུད་ཡབ་སྲས་རྣམས་ཀྱིས་གུས་པའི་མཆོད་སྤྲིན་བཅས་སེང་ཁྲི་ཆེན་པོར་མངའ་ གསོལ། སི་ཏུ་བསྟན་པའི་ཉིན་བྱེད་ལས་རབ་བྱུང་དགེ་ཚུལ་གྱི་སྡོམ་པ་ཅིག་ཅར་དུ་བཞེས། མདོ་རྒྱུད་གསར་རྙིང་གི་དབང་ལུང་ཁྲིད་གསུམ་ཟབ་རྒྱས་མཐའ་དག་བུམ་པ་གང་བྱཱུའི་ ཚུལ་དུ་གསན་ནས་རིགས་ཀྱི་བདག་པོར་འཛིན། གསང་མཚན་ལ་དབང་ཆེན་རྡོ་རྗེ་ཞི་བ་རྩལ་ཞེས་གསོལ། སི་ཏུ་བསྟན་པའི་ཉིན་བྱེད་མཁན་པོ་དང༌། དཔའ་བོ་གཙུག་ལག་དགའ་བས་སློབ་དཔོན་མཛད་ནས་བསྙེན་རྫོགས་ཀྱི་སྡོམ་པ་བཞེས།
དགུང་ ལོ་སོ་དགུ་པར་མདོ་སྨད་སྡེ་དགེའི་ཕྱོགས་སུ་བྱོན་ནས་རྒྱལ་བའི་དབང་པོས་དབུ་ མའི་ལྟ་བ་དང་ཐུགས་དམ་ཉིན་མཚན་ཁོར་ཡུག་མངའ་བའི་རྟོགས་འབུལ་མཛད། དེ་ནས་དབུས་སུ་ཆིབས་ཁ་བསྒྱུར་ཏེ་བྱོན་ལམ་གྱི་གདུལ་བྱ་ཐམས་ཅད་བསྡུ་བའི་དངོས་ པོ་བཞིས་ཚིམས་པར་མཛད་ནས་རིམ་པར་མཚུར་ཕུར་ཕྱག་ཕེབས། ཁོང་གིས་དབུ་མ་དང༌། ཕར་ཕྱིན། འདུལ་བ། མཛོད་བཅས་ལ་གསན་རྒྱ་ཆེ་ཞིང་སྒོམ་བྱུང་གི་མཁྱེན་ལ་མངའ་དབང་འབྱོར་བས་ཤེས་བྱ་ ཐམས་ཅད་ཐུགས་སུ་ཆུད། ལྷ་སའི་ཇོ་བཱུ་རིན་པོ་ཆེ་ལ་གསེར་ཞོ་ལྔ་བརྒྱ་ལས་གྲུབ་པའི་ཏིང་བདུན་དང༌། ལྷ་ཆེན་ལ་དངུལ་སྲང་ཉིས་བརྒྱ་ལྔ་བཅུ་ལས་བཟོས་པའི་ཏིང་བདུན། མབྲསྤྱལ་རྡིལ་ཚད་དྲུག་ཅུ་ལས་མཆོད་རྟེན་རྣམ་བརྒྱད་དང༌། གསེར་ཞོ་ལྔ་བརྒྱ་ལས་གྲུབ་པའི་སྟོན་པའི་སྐུ་བརྙན། མདོར་ན་གསེར་དངུལ་སྲང་སྟོང་ཕྲག་དུ་མ་ལས་བརྒལ་བའི་སྐུ་གསུང་ཐུགས་རྟེན་བཞེངས་ པར་མཛད། སེམས་ཅན་མཆོག་དམན་ཐམས་ཅད་ལ་མ་གཅིག་པའི་བུ་ལྟར་ཐུགས་བྱམས་བརྩེ་ཆེན་པོས་བཅོས་ མིན་དུ་ཁྱབ་པར་མཛད། དེ་ལྟར་སྤྲུལ་པའི་སྣང་བརྙན་དེས་གདུལ་བྱ་མཐའ་ཡས་པ་སྨིན་གྲོལ་མཛད་པའི་འཕྲིན་ ལས་རེ་ཞིག་ཟིན་ནས་སྙིང་པོ་དོན་གྱི་བསྟན་པའི་རྒྱལ་ཚབ་སི་ཏུ་པདྨ་ཉིན་བྱེད་ དབང་པོ་མངའ་གསོལ་ཞིང༌། མཆོག་སྤྲུལ་ཕྱི་མ་གང་དུ་བྱོན་པའི་ཡུལ་དང་ཡབ་ཡུམ་སོགས་ལུང་དུ་བསྟན་པའི་ཕྱག་ བྲིས་བཀའ་རྒྱས་བཏབ་པ་གནང༌། རབ་བྱུང་བཅུ་གསུམ་པའི་མེ་སྦྲུལ་༡༧༩༧ལོར་སྐུ་གཤེགས། སློབ་མ་གྲགས་ཆེ་བ་ནི་སི་ཏུ་པདྨ་ཉིན་བྱེད་དབང་པོ་དང༌། འབྲུག་ཆེན་ཀུན་གཟིགས་ཆོས་ཀྱི་སྣང་བ། དཔའ་བོ་གཙུག་ལག་ཆོས་ཀྱི་རྒྱལ་པོ། རིག་འཛིན་རྡོ་རྗེ་དྲག་པོ། རས་ཆུང་སྤྲུལ་སྐུ་ཤེས་རབ་རྒྱ་མཚོ། རྟོགས་ལྡན་ཀརྨ་ཡན་ལག ཟུར་མང་ཀུན་ཁྱབ། ལྷ་ལུང་སྤྲུལ་སྐུ་མཁས་གྲུབ་འཇིགས་མེད་སེང་གེ་བཅས་ཡིན།
སྐུ་འཕྲེང་བཅུ་བཞི་པ། ཀརྨ་པ་ཐེག་མཆོག་རྡོ་རྗེ་ནི། རབ་བྱུང་བཅུ་གསུམ་པའི་མེ་སྦྲུལ་༡༧༩༧ལོར་མདོ་ཁམས་ཟལ་མོ་སྒང་གི་ཟླ་ནང་ཡིད་ ལྷུང་བཀྲ་ཤིས་མཐོང་སྨོན་ཞིང་ཁམས་ཀརྨ་དགོན་དང་ཉེ་བའི་ས་ཆར་ཡབ་མགོན་པོ་ལྷ་དར་ དང༌། ཡུམ་བསོད་ནམས་ལྷ་མོ་གཉིས་ཀྱི་སྲས་སུ་སྐུ་འཁྲུགས། འབྲུག་ཆེན་ཆོས་ཀྱི་སྣང་བས་སྐུ་གོང་མའི་ཡང་སྲིད་འཁྲུལ་མེད་དུ་ལུང་བསྟན་བཞིན་ ངོས་འཛིན་མཛད་དེ་མཚན་ཡང་ཐེག་མཆོག་རྡོ་རྗེ་ཞེས་གསོལ། དེ་ནས་བསུ་བ་རྒྱ་ཆེན་པོ་མཛད་ནས་ཀརྨ་དགོན་དུ་ཕྱག་ཕེབས། སི་ཏུ་པདྨ་ཉིན་བྱེད་དབང་པོ་ལས་རབ་བྱུང་དགེ་ཚུལ་གྱི་སྡོམ་པ་ཅིག་ཅར་དུ་བཞེས་ ཤིང༌། གསང་སྔགས་གསར་རྙིང་གི་སྨིན་གྲོལ་ཟབ་རྒྱས་རྣམས་རིམ་བཞིན་གསན་པར་མཛད། བོད་ཆེན་པཱུའི་ཕྱོགས་ཀྱི་སྐྱེ་འགྲོ་ཐམས་ཅད་འབྲེལ་ཚད་དོན་ལྡན་དུ་མཛད་ནས་རིམ་ པར་འོག་མིན་མཚུར་ཕུར་ཕྱག་ཕེབས། འབྲུག་ཆེན་ཆོས་ཀྱི་སྣང་བ་དང་སི་ཏུ་པདྨ་ཉིན་བྱེད་དབང་པོ་གཉིས་ལས་བསྙེན་པར་ རྫོགས། དགེ་བའི་བཤེས་གཉེན་མང་པོ་ལ་བསྟེན་ནས་ཕྱི་ནང་ཐུན་མོང་གི་རིག་གནས་ཐམས་ཅད་ལ་ མཁྱེན་རྩལ་ཕྱོགས་མེད་དུ་རྒྱས་ཤིང༌། སྡེ་སྣོད་གསུམ་ལ་འཆད་རྩོད་རྩོམ་པ་དང༌། ཟབ་ལམ་རྡོ་རྗེ་ཐེག་པའི་རྣལ་འབྱོར་གྱི་ཟུང་འཇུག་རྡོ་རྗེ་འཆང་གི་གོ་འཕང་མངོན་ དུ་མཛད། གཙུག་ལག་ཁང་གི་ཞིག་གསོ་དང༌། སྐུ་གསུང་ཐུགས་རྟེན་མང་དུ་གསར་བཞེངས་མཛད། ས་ག་ཟླ་བའི་དུས་ཆེན་ཚེས་བཞི་ལ་གསང་འདུས་དང༌། རྡོ་རྗེ་ཕུར་པའི་སྒྲུབ་ཆེན་གར་འཆམ་ཆེན་མོ་གསར་འཛུགས་མཛད།
མདོ་ དབུས་ཁམས་གསུམ་གྱི་གནས་རི་དང་སྡེ་དགོན་ཕལ་ཆེར་ལ་ཞབས་ཀྱིས་བཅགས་ཏེ་བསྟན་ འགྲཱུའི་བྱ་བ་ཁོ་ན་བསྒྲུབས་ནས་དུས་འདའ་བར་མཛད་དོ།།ཁོང་ཚེ་ལ་རིག་འཛིན་བརྙེས་ ཀྱང་གདུལ་བྱ་རྟག་འཛིན་ཅན་རྣམས་འདུལ་ཕྱིར། སྙིང་པོ་དོན་གྱི་བསྟན་པ་རིན་པོ་ཆེའི་རྒྱལ་ཚབ་འབྲུག་ཆེན་མི་ཕམ་ཆོས་ཀྱི་རྒྱ་ མཚོ་མངའ་གསོལ་ནསརབ་བྱུང་བཅོ་ལྔ་པའི་ས་སྦྲུལ་༡༨༦༩ལོར་སྐུ་གཤེགས། སློབ་མ་གྲགས་ཆེ་བ་ནི་འབྲུག་ཆེན་འཇིགས་མེད་མི་འགྱུར་དབང་རྒྱལ་དང༌། ཀོང་སྤྲུལ་ཡོན་ཏན་རྒྱ་མཚོ། མཆོག་གྱུར་གླིང་པ། དཔའ་བོ་གཙུག་ལག་ཉིན་བྱེད། སི་ཏུ་པདྨ་ཀུན་བཟང༌། རྒྱལ་ཚབ་ཡེ་ཤེས་བཟང་པོ། ངེས་དོན་བསྟན་པ་རབ་རྒྱས། ཆགས་སྤྲུལ་གསང་སྔགས་བསྟན་འཛིན། འཇམ་དབྱངས་མཁྱེན་བརྩེ་དབང་པོ། ཀླུ་འབུམ་དགེ་བཤེས་བཅས་ཡིན།།
སྐུ་འཕྲེང་བཅོ་ལྔ་པ། ཀརྨ་པ་མཁའ་ཁྱབ་རྡོ་རྗེ་ནི། རབ་བྱུང་བཅོ་ལྔ་པའི་ལྕགས་ལུག་༡༨༧༡ལོར་གཙང་མྱང་སྟོད་ཤེལ་དཀར་རྒྱལ་རྩེར་ཡབ་ སྙན་གྲགས་དབང་པོ་དང༌། ཡུམ་སྐལ་བཟང་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། ཆུང་དུས་མཚན་ལ་དོན་གྲུབ་རྡོ་རྗེ་ཞེས་གསོལ། དགུང་ལོ་ལྔ་པར་སྐྱེས་སྟོབས་ཀྱི་ཤེས་རབ་འགྲན་ཟླ་མེད་པས་ཡི་གེའི་སྦྱོར་ཀློག་ ལེགས་པར་མཁྱེན། དགུང་ལོ་དྲུག་པར་སྐུ་གོང་མའི་ཡང་སྲིད་དུ་ངོས་འཛིན་མཛད་དེ་འོག་མིན་མཚུར་ཕུར་ གདན་དྲངས་ཏེ་སེང་ཁྲི་ཆེན་པོར་མངའ་གསོལ། མཚན་ལ་དཔལ་ལྡན་ཀུན་བཟང་ཆོས་ཀྱི་ཉི་མ་ཆེན་པོ་འཕྲིན་ལས་མཁའ་ཁྱབ་རྡོ་རྗེ་ ཕྱོགས་ལས་རྣམ་པར་རྒྱལ་བའི་སྡེ་ཞེས་གསོལ། འབྲུག་ཐམས་ཅད་མཁྱེན་པ་དང༌། ཡོངས་འཛིན་ཤེས་བྱ་ཀུན་མཁྱེན་གཉིས་ལས་རབ་ཏུ་བྱུང༌། དགུང་ལོ་བརྒྱད་པར་རྒྱལ་བ་ཐུབ་བསྟན་རྒྱ་མཚོ་དང་མཇལ་འཕྲད་མཛད་པས་ཤིས་བརྗོད་ དང་གཟེངས་བསྟོད་གནང༌། མཁན་ཆེན་བཀྲ་ཤིས་འོད་ཟེར་ལས་བཀའ་འགྱུར་གྱི་ལུང་དང༌། དཔའ་བོ་གཙུག་ལག་ཉིན་བྱེད་ལས་འཇའ་ཚོན་པོད་དྲུག་གི་དབང་ལུང༌། སྔགས་གྲྭ་རིག་འཛིན་ཆེན་པོ་ལས་སི་ཏུ་ཀུན་མཁྱེན་བཀའ་འབུམ་སོགས་གསན་བཞེས་མཛད། རྗེ་འཇམ་མགོན་བླ་མ་ལས་བཀའ་བརྒྱུད་སྔགས་མཛོད་སོགས་ཀྱི་དབང་ལུང་ཁྲིད་གསུམ་ དང༌། འཇམ་དབྱངས་མཁྱེན་བརྩེའི་དབང་པོ་ལས་དཀར་པོ་རྣམ་གསུམ་གྱི་དབང་ལུང་བཅས་གསན་ བཞེས་མཛད། སླར་རྗེ་འཇམ་མགོན་བླ་མ་ལས་རིན་ཆེན་གཏེར་མཛོད་ཀྱི་དབང་ལུང་ཁྲིད་གསུམ་དང༌། ཤེས་བྱ་ཀུན་ཁྱབ། དབུ་མ་འཇུག་པ། མངོན་རྟོགས་རྒྱན། རྒྱུད་བླ་མ། བདེ་མཆོག་རྩ་རྒྱུད། གསང་འདུས། དྲི་མེད་འོད། སྒྱུ་འཕྲུལ་གསང་བ་སྙིང་པོ་རྣམས་ཀྱི་བཤད་ཁྲིད་གསན་ཏེ་ཐོས་པ་རྒྱ་མཚཱུའི་ཕ་ རོལ་ཏུ་ཕྱིན་པར་མཛད། ཁོང་གིས་སི་ཏུའི་མཆོག་སྤྲུལ་དང༌། འབྲུག་ཆེན་གྱི་མཆོག་སྤྲུལ། འཇམ་མགོན་བླ་མའི་མཆོག་སྤྲུལ་བཅས་ཀྱི་ཁྲི་འདོན་ལེགས་པར་མཛད། མཚུར་ཕུར་དགེ་འདུན་ཟུར་རེའི་འདུ་ཁང་གསར་རྒྱག་དང༌། ཕོ་བྲང་ཉམས་གསོ་དང༌། ལྷ་སའི་གཙུག་ལག་ཁང་དུ་ཚེ་རིང་མཆེད་ལྔའི་རྟེན་དང་བསྐོང་གསོལ་རྒྱུན་འཛུགས་ མཛད། སྐུ་ཚེ་གང་པོར་མངའ་རིས། དབུས་གཙང༌། འབྲས་ལྗོངས། ལྷོ་མོན། སྤུ་ཀོང༌། བྱང་འབྲོག ཁམས་སྟོད། བར་ཁམས། སྨད་ཁམས། རྒྱ་འཇང༌། ཧོར་སོགས་ཚུན་ལ་ཞབས་ཀྱིས་བཅགས་ཏེ་གསུང་གི་བདུད་རྩིས་སྐྱེ་བོ་མཆོག་དམན་ བགྲངས་ཀྱིས་མི་ལང་པ་གཏན་བདེ་སྨིན་གྲོལ་གྱི་ཞིང་དུ་བཀོད་པར་མཛད་དོ། རབ་བྱུང་བཅོ་ལྔ་པའི་ལྕགས་བྱ་༡༩༢༡ལོར་སྐུ་གཤེགས། སློབ་མ་ནི་སི་ཏུ། རྒྱལ་ཚབ། དཔའ་བོ། ཏྲེ་ཧོ། ཟུར་མང་གར་དབང༌། ཟུར་མང་རས་ཆུང༌། ཁྲ་ལེབ་སོགས་སྤྲུལ་བའི་སྐུ་མང་དུ་བྱོན་ནོ། གསུང་རྩོམ་ནི་ལྷ་རྩེའི་དགེ་སློང་འཇམ་དཔལ་ཚུལ་ཁྲིམས་ཀྱིས་བཀའི་བསྡུ་གསོག་ མཛད་པས་པཱུ་ཏི་བཅུ་སྐོར་བཞུགས་སོ།།
སྐུ་འཕྲེང་བཅུ་དྲུག་པ། ཀརྨ་པ་རང་བྱུང་རིག་པའི་རྡོ་རྗེ་ནི། རབ་ བྱུང་བཅོ་ལྔ་པའི་ཤིང་བྱི་༡༩༢༤ལོར་ཁམས་འདན་ཁོག་ཏུ་ཡབ་ཨ་ཐུབ་སྲས་པོ་ཚེ་དབང་ ཕུན་ཚོགས་དང༌། ཡུམ་རྒྱ་མཁར་སྐལ་བཟང་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། འདའ་ཁའི་ཞལ་འཆེམས་གཞི་བཟུང་གིས་རྫོགས་ཆེན་ཐུབ་བསྟན་ཆོས་ཀྱི་རྡོ་རྗེ་དང༌། སི་ཏུ་པདྨ་དབང་མཆོག་རྒྱལ་པོ། ཀོང་སྤྲུལ་བེ་རི་མཁྱེན་བརྩེ་འོད་ཟེར་རྣམས་ཀྱིས་སྐུ་གོང་མའི་ཡང་སྲིད་འཁྲུལ་ བྲལ་ཡིན་པ་མཁྱེན་ནས་དགེ་བསྙེན་གྱི་སྡོམ་པ་ཕུལ། དགུང་ལོ་བརྒྱད་པར་དཔལ་སྤུངས་དགོན་དུ་གདན་དྲངས་ཏེ་སེང་གེའི་ཁྲི་ལ་མངའ་གསོལ། དེ་ནས་རིམ་པར་དབུས་ལྷ་ལྡན་དུ་ཕེབས་ཏེ་རྒྱལ་བ་ཐུབ་བསྟན་རྒྱ་མཚོས་གཙུག་ཕུད་ བཞེས། མི་རིང་བར་མཚུར་ཕུའི་གདན་སར་ཕྱག་ཕེབས་ཏེ་མི་ཆེན་བླ་དཔོན་རྣམས་ཀྱིས་བསུ་བ་ རྒྱ་ཆེན་མཛད་ནས་ལེགས་སྐྱེས་མང་དུ་ཕུལ། དེ་ནས་གངས་དཀར་པ་པབྲསྤྱ༣་ཏ་ལས་ཕྱི་ནང་གི་རིག་གཞུང་རྒྱ་མཚོ་ལྟ་བུར་ཐོས་བསམ་ སྒོམ་གསུམ་གྱིས་སྒྲོ་འདོགས་ལེགས་པར་ཆོད་དེ་ས་ལམ་གྱི་རིམ་པ་མཐའ་དག་གྲོལ་བའི་ ཚུལ་བསྟན། དགུང་ལོ་བཅུ་གཉིས་པར་མཚུར་ཕུའི་གདན་ས་ནས་བཏེགས་ཏེ་མདོ་ཁམས་ཀརྨའི་གདན་སའི་ ཁྲི་ལ་ཕེབས། སི་ཏུ་པདྨ་དབངམཆོག་ལས་བཀའ་བརྒྱུད་སྔགས་མཛོད་དང༌། གདམས་ངག་མཛོད་ཀྱི་དབང་ལུང་ཁྲིད་གསུམ་གསན་ནས་དོན་བརྒྱུད་ཀྱི་གདམས་པའི་མཛོད་ དུ་གྱུར། དགུང་ལོ་ཉེར་གསུམ་པར་སི་ཏུ་རིན་པོ་ཆེ་ལས་བསྙེན་རྫོགས་ཀྱི་སྡོམ་པ་བཞེས། རྒྱལ་བ་བསྟན་འཛིན་རྒྱ་མཚོ་ལས་དུས་འཁོར་དང༌། སྨིན་གླིང་ཁྲི་ཆེན་གཅུང་རིན་པོ་ཆེ་ལས་མཆོག་གླིང་གཏེར་ཆོས་ཡོངས་རྫོགས་ཀྱི་ དབང་ལུང་ཁྲིད་གསུམ་བཅས་གསན། གླིང་ཁ་དར་རྒྱས་ཆོས་གླིང་གསར་བཞེངས་གནང༌། དགུང་ལོ་སོ་ལྔ་༡༩༥༩པར་བདེ་ཆེན་ཆོས་མགོན་རིན་པོ་ཆེའི་གདན་ཞུ་ལྟར་རྒྱ་གར་དུ་ གནས་མཇལ་ལ་ཕེབས། དེ་ནས་རྡོ་རྗེ་གདན་དང༌། ཝ་རཱ་ཎ་སིའ། རྩྭ་མཆོག་གྲོང༌། ལུཁྲརྟ༣་ཚལ། བལ་ཡུལ་མཆོད་རྟེན་རྣམ་གསུམ་སོགས་ལ་མཆོད་འབུལ་དང་ཐུགས་སྨོན་རྒྱ་ཆེར་གནང༌། འབྲུག་སྟོད་དུ་རྒྱལ་སྲས་རྗེ་བཙུན་དབང་མོ་མཆོག་ནས་སྦྱིན་བདག་བྱས་ཏེ་དར་རྒྱས་ ཆོས་གླིང་དགོན་རྟེན་དང་བརྟེན་པ་བཅས་པར་གསར་བཞེངས་དང༌། འབྲས་ལྗོངས་རུམ་བཏེགས་སུ་གདན་ས་བཤད་སྒྲུབ་ཆོས་འཁོར་གླིང་དང༌། འབྲུག་གྲྭ་གསར་བཞེངས་གནང༌། བལ་ཡུལ་དང་ལ་དྭགས་གཉིས་སུ་དགོན་སྡེ་དུ་མ་གསར་འདེབས་མཛད། རྒྱལ་བའི་བཀའ་འགྱུར་ཚར་ལྔ་བརྒྱ་ཐམ་པ་པར་སྐྲུན་མཛད་ནས་རིས་མེད་ཀྱི་དགོན་སྡེ་ ཀུན་ལ་ཆོས་སྦྱིན་གནང༌། རྒྱ་གར་དུ་བོད་རིག་པའི་ཞིབ་འཇུག་ལས་ཁུངས་གསར་དུ་འཛུགས་པར་མཛད། ཡོ་རོབ་དང༌། ཨ་གླིང༌། ཤར་ལྷོ་ཨེ་ཤི་ཡ་སོགས་རྒྱལ་ཁབ་བཅུ་ཕྲག་ཁ་ཤས་ཀྱི་མི་རིགས་རྣམས་ལ་ཆོས་ཀྱི་ སྦྱིན་པ་དང༌། བསྟན་པ་རིན་པོ་ཆེ་འབའ་ཞིག་ལ་ཐུགས་གཏད་ནས་འཛིན་སྐྱོང་སྤེལ་གསུམ་གྱིས་དུས་ འདའ་བར་མཛད་དོ། རབ་བྱུང་བཅུ་དྲུག་པའི་ལྕགས་བྱ་༡༩༨༡ལོར་ཨ་མེ་རི་ཀའི་ཤིང་ཁ་གྷང་སྨན་ཁང་དུ་ སྐུ་གཤེགས སློབ་མ་གྲགས་ཆེ་བ་ནི་ཞྭ་དམར་རིན་པོ་ཆེ་དང༌། སི་ཏུ་རིན་པོ་ཆེ། ཀོང་སྤྲུལ་རིན་པོ་ཆེ། རྒྱལ་ཚབ་རིན་པོ་ཆེ་སོགས་ཡིན།
སྐུ་འཕྲེང་བཅུ་བདུན་པ། ཀརྨ་པ་ཨོ་རྒྱན་འགྲོ་འདུལ་འཕྲིན་ལས་རྡོ་རྗེ་ནི། རབ་བྱུང་བཅུ་བདུན་པའི་ཤིང་གླང་༡༩༨༥ལཱུའི་བོད་ཟླ་༥ ཚེས་༨ ཉིན་མདོ་ཁམས་ལྷ་ཐོག་ཁུལ་དུ་ཡབ་ཀརྨ་དོན་འགྲུབ་བཀྲིས་དང་ཡུམ་བློ་དགའ་གཉིས་ ཀྱི་སྲས་སུ་ཡ་མཚན་པའི་རྟགས་དུ་མ་དང་བཅས་སྐུ་བལྟམས། དགུང་ལོ་བརྒྱད་པ་༡༩༩༢ལཱུའི་ཟླ་བ་ལྔ་པའི་ནང་གོང་མའི་ཞལ་ཆེམས་དང་ར་འཕྲོད་ བྱུང་དོན་བཞིན་ཏཱ་སི་ཏུ་དང༌། མཚུར་ཕུ་རྒྱལ་ཚབ་རྣམ་གཉིས་ཀྱིས་ྋགོང་ས་མཆོག་ལ་སྙན་ཞུ་ཕུལ་བའི་ཕྱིར་ཕེབས་སུ་ གོང་མའི་ཡང་སྲིད་འཁྲུལ་བྲལ་ངོས་འཛིན་ཐག་གཅོད་གཏན་འཁེལ་གནང༌། ཡང་སྲིད་རིན་པོ་ཆེ་ཉིད། ལྷ་ཐོག་ཀ་ལེགས་དགོན་ནས་མཚུར་ཕུའི་གདན་སར་སྤྱན་འདྲེན་ཕེབས་གསུ་རྒྱ་ཆེར་ཞུས། ལོ་དེའི་ཟླ་བ་༧ ཚེས་༡༣ ཉིན་སི་ཏུ་རིན་པོ་ཆེ་དང་རྒྱལ་ཚབ་རྣམ་གཉིས་མཇལ་བཅར་སྐབས། སྐུ་ཚེ་སྔ་མའི་གོམས་པ་ལ་བརྟེན་ནས་ཐུགས་ཤིན་ཏུ་མཉེས་པོ་གནང༌། ཇོ་ཤཱཀྱ་རྣམ་གཉིས་དང་རྩེ་ཕོ་བྲང་སོགས་གནས་ཆེན་ཁག་ལ་མཆོད་སྤྲིན་རྒྱ་ཆེར་ དཀྲིགས་པ་དང༌། དབུ་སྐྲ་གཙུག་ཕུད་གསིལ་ཞིང་མཚན་བྱང་ལྗགས་ཀློག་ཞུས། ཟླ་བ་༩ པའི་ཚེས་༡༧ ཁྲི་འདོན་མངའ་གསོལ་མཛད་སྒོ་གྲ་རྒྱས་ཞུས། སི་ཏུ་དང་རྒྱལ་ཚབ་རྣམས་གཉིས་སོགས་བཀའ་བརྒྱུད་སྤྱི་དང་སྒོས་སུ་ཀམ་ཚང་བཀའ་ བརྒྱུད་པའི་དམ་པ་གོང་མའི་བརྒྱུད་པ་མ་ཉམས་པའི་དབང་ལུང་མན་ངག་རྒྱ་ཆེར་གསན། རྒྱ་བོད་ཀྱི་སྐད་ཡིག་དང་བརྡ་སྤྲོད་པའི་གཞུང་ལུགས་ལའང་གསན་བསམ་རྒྱ་ཆེར་མཛད་ པར་མ་ཟད། སྐུ་ན་ཧ་ཅང་ཕྲ་བའི་སྐབས་ནས་ལྗགས་རྩོམ་གནང་བའི་སྙན་ཚིག་ཁག་དུས་དེབ་དང་ཚགས་ པར་ཁག་ཏུ་བཀོད་པ་བརྗོད་བྱ་དང་ཚིག་སྦྱོར་གཉིས་ཐད་ནས་འགྲན་དུ་མེད་པ་ཚད་ མཐཱུའི་གྲས་སུ་སླེབས། གཞིས་སུ་དད་ལྡན་ཁྲི་ཕྲག་དུ་མར་སྔ་ཕྱིར་བཀའ་ཆོས་རྒྱ་ཆེར་གནང༌། གུང་ཁྲན་གྱིས་འབྲོང་གཡག་སྒོ་ཟོག་ལ་རེ་ནས་རྒྱ་བོད་སོག་གསུམ་ལ་ལྟ་སྐོར་དུ་ ཁྲིད་པ་དང༌། ཅང་ཙེ་རྨིན་དང་མཇལ་འཕྲད་བྱེད་འཇུག་པ་སོགས་གང་དྲག་ཞུས་ཀྱང༌། བོད་ཀྱི་བསྟན་སྲིད་བདེ་དོན་ལ་སྨན་པའི་རླབས་ཆེན་གྱི་མཛད་པ་སྐྱོང་དགོས་ན་རང་ དབང་གི་ཡུལ་གྲུར་ཕེབས་ན་མ་གཏོགས་མི་ཡོང་བར་མཁྱེན་ནས། དགུང་ལོ་བཅུ་དྲུག་༢༠༠༠པར་རྒྱ་གར་འཕགས་ཡུལ་དུ་བྲོས་བྱོལ་ལ་ཕེབས། ྋགོང་ས་རྒྱལ་དབང་ཐམས་ཅད་མཁྱེན་པ་མཆོག་དང་མཇལ་འཕྲད་ལྷུག་པོར་གནང་བར་མ་ཟད། ྋགོང་ས་མཆོག་གིས་གཞན་དང་མི་འདྲ་བའི་གདེང་འཇོག་ཆེན་པོ་གནང་སྟེ། ངས་མ་འོངས་པར་རེ་བ་རྒྱག་ས་ཆེ་ཤོས་དེ་ཀརྨ་པ་འདི་ཉིད་ཡིན་གསུངས། གསུང་འདིས་དེ་སྔོན་བཀའ་དགེ་བར་གྱི་འགལ་བ་དང༌། རྒྱལ་དབང་མཆོག་དང་ཀརྨ་པའི་སྐུ་རབས་བར་གྱི་གནས་བབ་ཡོངས་རྫོགས། ཕྱག་མཛོད་བསོད་ནམས་རབ་བརྟན་ལྟ་བུའི་སྨོན་ལམ་ལོག་པའི་སྲིད་ཀྱི་སྣ་བོ་ཆེ་འགའ་ ཞིག་གི་བྱེད་བབ་ཁོ་ན་ལས། སྐྱེས་ཆེན་དམ་པ་ཁོང་རྣམ་གཉིས་བར་དམ་ཚིག་ལ་སེལ་ཞུགས་པ་གང་ཡང་མེད་པ་མཚོན་ནུས་ སོ་སྙམ་སྟེ། ད་དུང་དུ་ཀུ་ལའི་གོས་བཟང་དང༌། ཀར་རབས་རིམ་བྱུང་གི་རྣམ་ཐར་ལ་ཞིབ་ཏུ་གཟིགས་ན། སྐྱེས་ཆེན་གོང་མ་དེ་དག་ཐུགས་ཡིད་འོ་ཆུ་གཅིག་འདྲེས་ལྟ་བུ་ལས་འགལ་ཟླའི་རྣམ་པ་ གང་ཡང་མེད་པ་ཤིན་ཏུ་གསལ་བའང་འཕྲོས་གླེང་ཙམ་སྟེ། དམ་པ་འདིའི་མཚན་སྙན་ནི། འཛམ་གླིང་ཤར་ནུབ་ཡོངས་སུ་ཁྱབ་བཞིན་ད་ལྟར་འཕགས་ཡུལ་ནུབ་བརྒྱུད་ཀང་ར་རྡ་སའི་ ཉེ་འདབས་རྒྱུད་ཆེན་ཀུན་དགའ་དོན་གྲུབ་ཀྱི་གདན་ས་གསང་ཆེན་རྒྱུད་སྟོད་གཙུག་ལག་ ཁང་དུ་གཏན་ཆགས་ཀྱིས་བཞུགས་ནས་མདོ་སྔགས་གསུང་རབ་ལ་ཐོས་བསམ་དང༌། འཛམ་གླིང་ཡུལ་གྲུ་གང་ས་ནས་ཡོང་བའི་མཇལ་བཅར་བ་ཚོར་ཞལ་མཇལ་དང༌། འདོད་ཆོས་ཅི་རིགས་གནང་ནས་འཚོ་ཞིང་བཞུགས་པ་འདི་བཞིན་ལགས་སོ།།
མདོར་ན་རྗེ་དུས་གསུམ་མཁྱེན་པ་ནས་ཨུ་རྒྱན་འགྲོ་འདུལ་འཕྲིན་ལས་རྡོ་རྗེའི་བར་ཀར་རབས་བཅུ་བདུན་བྱུང་བ་ཐམས་ཅད་ཀྱང༌། འཆད་རྩོད་རྩོམ་གསུམ་དང་མཁས་བཙུན་བཟང་གསུམ་ཡ་མ་བྲལ་བའི་མཛད་པ་བཟང་པོས་ཕྱག་རྒྱ་ཆེན་པཱུའི་བསྟན་པ་རིན་པོ་ཆེ་ནམ་ཡང་མི་ནུབ་བླ་ན་འདེགས་པའི་རྣམ་ཐར་རྨད་དུ་བྱུང་བ་ཁོ་ན་སྟེ། མདོ་སྔགས་དང་ཐ་སྙད་རིག་གནས་བཅས་པའི་རྩོམ་ཆོས་གླེགས་བམ་དུ་བཀོད་པའང་ཤིན་ཏུ་མང་པཱུའི་རྒྱུན་སྐྱོང་བ་ལས། དཔའ་བོ་གཙུག་ལག་ཕྲེང་བ་དང༌། སི་ཏུ་པཎ་ཆེན། ཞྭ་དམར་སྐུ་ཕྲེང་རིམ་བྱོན་སོགས་ཀར་རབས་སྐུ་ཕྲེང་སྔ་ཕྱི་ལ་སློབ་མ་དང་ཡང་ སློབ་མདོ་སྔགས་རིག་གནས་དང་བཅས་པར་ནང་བྱན་ཆུད་པའི་མཁས་གྲུབ་གཉིས་ལྡན་གྱི་ སྐྱེས་ཆེན་ཤིན་ཏུ་མང་པོ་བྱུང་སྟེ་ཀརྨ་ཀཾ་ཚང་གི་ཆོས་བརྒྱུད་དང་དགོན་སྡེ་ཤིན་ཏུ་མང་པོ་འཕེལ།