གཏོ་ལུགས་ཀྱི་སྟོན་པ་གཤེན་རབས་དང་བོན་ལུགས་ཀྱི་སྟོན་པ་གཤེན་རབས།

   སྔོན་འཕགས་པ་སྤྱན་རས་གཟིགས་གཤེན་རབ་མི་བོ་ཆེའི་སྐྱེ་བ་བཞེས་ནས་འཁོར་གཡུང་ དྲུང་སེམས་དཔའི་ལྷ་ཚོགས་ལ་ཟབ་མོ་བོན་གྱིས་ཚིམ་པར་མཛད་དེ། བྱང་གྲོལ་ལམ་དུ་འཁྲིད་པར་མཛད་པས་གང་ལ་གང་འདུལ་དེ་ལ་དེར་སྟོན་པ།  བཙུན་པ་སྤྱན་རས་གཟིགས་ལ་ཕྱག་འཚལ་ལོ།  ཞེས་པའི་ཚིག་འདི་བྱུང་བ་རེད་ཟེར་བ་ཞིག་མ་ཎི་བཀའ་འབུམ་ནང་དུ་ཡོད་པ་དྲན་གྱི་ འདུག

      ཡང་གདོན་མའི་བོན་གཞུང་རྣམས་སུ་སྲིད་པའི་སྒོ་ང་དཀར་ནག་ལས་སྲིད་པའི་རྒྱལ་བོ་ དང་རྒྱལ་མོ་གཉིས་བྱུང་བ་དང༌། དེ་གཉིས་ལས་མིང་སྲིང་དགུ་གཉིས་བཅོ་བརྒྱད་བྱུང་བ་སོགས་རིམ་པར་འགྲོ་བ་སེམས་ ཅན་གྲོལ་ཚུལ་བཤད་པ་ཞིག་ཀྱང་དྲན་ཀི།

      ཡང་འཇང་གི་གཏོ་ལུགས་ཁྲོད་དུའང་འགྲོ་བ་རིགས་དྲུག་ལ་བདེ་འགྲོ་དང་ངན་འགྲོ་ གཉིས་སུ་ཕྱེས་ནས་མི་དགེ་བའི་ལས་བསགས་པ་ལ་བརྟེན་ནས་ཡེ་སྐུ་ཏིང་ནག་གིས་གཙོ་ བོར་དབང་བསྒྱུར་བའི་སྲིད་པའི་སྒོ་ང་ནག་པོ་རུ་སྐྱེས་ཏེ་སྡུག་བསྔལ་སྣ་ཚོགས་ མྱོང་དགོས་པ་དང༌།  ལས་དགེ་བ་བསགས་པ་ལ་བརྟེན་ནས་གཙོ་བོར་ཡེ་སྐུ་འོད་དཀར་གྱིས་དབང་བསྒྱུར་བའི་ སྲིད་པའི་སྒོ་ང་དཀར་པོ་རུ་སྐྱེས་ཏེ་བདེ་སྐྱིད་མཛད་མཐའ་མེད་པ་ལ་རོལ་ཆོག་པར་ བཤད་ཡོད་པ་གོ་སོང༌།

       རྒྱུ་མཚན་དེ་འདྲ་ལ་དཔགས་ན་བོན་དང་གཏོ་གཉིས་ནི།  མིང་གི་རྣམ་གྲངས་ཡིན་པ་འདྲ་ལ། བོན་ལུགས་ཀྱི་སྟོན་པ་གཤེན་རབ་དང་གཏོ་ལུགས་ཀྱི་སྟོན་པ་གཤེན་རབ་གཉིས་ཀྱང་ འཁྲུངས་ཡུལ་དང་འཁྲུངས་ཚུལ་སོགས་གང་ཐད་ནས་མིང་གི་རྣམ་གྲངས་ལྟ་བུ་ཞིག་དང་ གཅིག་མཚུངས་ལྟ་བུ་ཞིག་གི་རྣམ་པ་སྟེར་བས་དྲ་གྲོགས་ཚོས་འདིའི་ཐད་བརྡ་ལན་གསལ་ བོ་རེ་གནང་བའི་རེ་བ་ཞུ།

འདི་ནི་བདག་གི་སྦྲ་རྒན་ནག་ལྡང་ནང་ནས་འདིར་ཆེད་འགོད་བྱས་པ་ཡིན།  ཁྱེད་དྲ་གྲོགས་མཁྱེན་ལྡན་རྣམས་ཀྱི་དགོངས་ཚད་ཀྱི་ཆེད་དུ་འདིར་ཆེད་འགོད་བྱས་པ་ཡིན།