ལོ་སར་མི་གཏོང་བར་ངན་སྐུལ་བྱེད་དོན་ནི་རྒྱལ་ནང་དུ་བོད་རང་བཙན་གྱི་ཤུགས་རྐྱེན་ཇེ་ཆེར་གཏོང་བའི་བསམ་ངན་བཅངས་པ་ཡིན།
ཏཱ་ལའི་རུ་ཚོགས་ཀྱིས་ཤེས་རྟོགས་བྱུང་ཡོད་པ་ཞིག་ནི། ལོ་མང་པོའི་རིང་ལ་ཁོ་ཚོས་ཕྱི་རྒྱལ་དུ་སྡོད་པའི་ཀྲུང་གོའི་གཞུང་ཚབ་ཁང་དུ་ གཏོར་བརླག་དང་། པེ་ཅིང་གི་ཨོ་ལིམ་ཕིག་ལུས་རྩལ་འགྲན་ཚོགས་ཀྱི་དཔལ་འབར་བརྒྱུད་སྐྱེལ་བྱེད་པར་ བར་ཆད་བཟོ་བ། “ཟས་བཅད་ངོ་རྒོལ་བྱེད་པ།” རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚོགས་པར་བོད་ཀྱི་འགྲོ་བ་མིའི་ཐོབ་ཐང་གི་ གནད་དོན་སྐོར་གྱི་རེ་ཞུའི་ཡི་གེ་ཞེས་པ་འབུལ་བ་སོགས་ཀྱི་བྱེད་སྒོ་སྤེལ་བ་ཚང་ མར་ཕན་འབྲས་ཆེན་པོ་མ་ཐོབ་ཅིང་། ཕྱི་རྒྱལ་ནས་གཏོར་བརླག་བྱས་པ་དེ་རྣམས་ཀྱིས་ཀྲུང་གོའི་སྲིད་གཞུང་ལ་གནོན་ ཤུགས་ཆེན་པོ་སྤྲད་མ་ཐུབ་ལ། བོད་དམངས་ཀྱི་རྒྱུན་ལྡན་འཚོ་བར་ཡང་ཤུགས་རྐྱེན་ཆེན་པོ་བཞག་མེད་པ་རེད། “༣·༡༤”དོན་ རྐྱེན་གྱིས་འཛམ་གླིང་ཡོངས་ཀྱི་མིག་ཟུང་བོད་ལ་ཕྱོགས་པ་དང་། རྒྱལ་ཡོངས་མི་དམངས་ཀྱི་སེམས་ལ་ཤུགས་རྐྱེན་ཐེབས་པ། བོད་དམངས་ཀྱི་བདེ་སྐྱིད་ལྡན་པའི་འཚོ་བར་ཤུགས་རྐྱེན་ཚབས་ཆེན་བཟོས་པ་བཅས་ ཀྱིས་ཁོ་ཚོའི་འདོད་པར་རྒྱལ་ནང་ནས་གཏོར་བརླག་བྱས་ན་ཕན་འབྲས་དེ་བས་ཆེན་པོ་ འདུག་སྙམ་པ་རེད།
ཐེངས་ འདིར་ཏཱ་ལའི་རུ་ཚོགས་ཀྱིས་བོད་དམངས་ལ་ལོ་སར་མི་གཏོང་བའི་ངན་སྐུལ་བྱེད་དོན་ ནི་སྲོལ་རྒྱུན་གྱི་གོམས་སྲོལ་དང་རིག་གནས་འཚོ་བའི་སྐོར་གྱི་གནས་ཚུལ་གསལ་བོ་ མི་ཤེས་པའི་བོད་དམངས་ལ་མགོ་སྐོར་དང་ངན་སྐུལ་བྱས་ནས། རྒྱལ་ནང་དུ་བོད་རང་བཙན་གྱི་ཤུགས་རྐྱེན་ཇེ་ཆེར་གཏོང་བའི་བསམ་ངན་བཅངས་པ་རེད།
ལོ་སར་མི་གཏོང་བར་ངན་སྐུལ་བྱེད་དོན་ནི་བྱེད་ཐབས་ལ་འགྱུར་བ་བཏང་ནས་བོད་ལྗོངས་ཀྱི་རིགས་སོ་སོའི་མི་དམངས་ལ་གནོན་ཤུགས་སྟེར་བ་ཡིན།
ན་ནིང་གི་“༣·༡༤”དོན་རྐྱེན་ལ་ཕམ་ཁ་ཁུར་རྗེས། ཏཱ་ལའི་རུ་ཚོགས་ལ་གོ་རྟོགས་ཤིག་བྱུང་ཡོད་པ་ནི། “དྲག་སྤྱོད་”དེ་ངེས་པར་དུ་“ཞི་བའི་”ཐབས་ ལམ་དུ་བསྒྱུར་དགོས་པ་དེ་རེད། ཟླ་གསུམ་པའི་སྔོན་དུ་ལོ་སར་མི་གཏོང་བར་ངན་སྐུལ་བྱེད་དོན་ནི་བོད་ལྗོངས་ཀྱི་ རིགས་སོ་སོའི་མི་དམངས་ལ་གནོན་ཤུགས་སྟེར་བ་ཡིན་ཞིང་། བོད་ལྗོངས་དང་རྒྱལ་ཡོངས་ཀྱིས་ཞིང་བྲན་ཁྲི་ཚོ་བརྒྱར་བཅིངས་གྲོལ་ཐོབ་ནས་ལོ་༥༠ འཁོར་བར་དགའ་སྟོན་དང་རྗེས་དྲན་བྱེད་པའི་བྱེད་སྒོར་བར་ཆད་བཟོ་བ་དང་། བོད་ལྗོངས་རྙིང་བའི་མངའ་བདག་ཆེན་པོ་གསུམ་གྱིས་ཞིང་བྲན་རྣམས་ལ་གཉའ་གནོན་བྱས་ པའི་ལོ་རྒྱུས་གཡོ་འགེབས་བྱེད་ཆེད་ཡིན།
ལོ་སར་མི་གཏོང་བར་ངན་སྐུལ་བྱེད་དོན་ནི་“འཚེ་མེད་ཞི་བའི་”ཐབས་རྫུན་མ་ཡིས་བོད་དམངས་མགོ་སྐོར་གཏོང་བ་ཡིན།
ཏཱ་ལའི་རུ་ཚོགས་ཀྱིས་རང་གི་འདོད་པ་ལྟར་“བོད་རང་བཙན་”བྱེད་པའི་རྨི་ལམ་རྨི་བཞིན་ཡོད་ཅིང་། ན་ནིང་“བོད་ཡུལ་གྱར་སྲིད་གཞུང་”གིས་འབོད་སྐུལ་བྱས་འོག་“བོད་མིའི་དམིགས་བསལ་ཚོགས་ཆེན་”འཚོགས་ཤིང་། ཚོགས་ཐོག་ཏུ་རྗེས་ཕྱོགས་སུ་“འཚེ་མེད་ཞི་བའི་ཐབས་”ལ་བརྟེན་ནས་“རང་སྐྱོང་གཙང་མ་”བརྩོན་ལེན་བྱེད་པའི་བསམ་ཚུལ་བཏོན་པ་རེད། “འཚེ་མེད་ཞི་བའི་ཐབས་”ལ་མགོ་སྐོར་རང་བཞིན་ངེས་ཅན་ཞིག་ལྡན་ཡོད་ཅིང་། གནས་ཚུལ་གསལ་བོ་མི་ཤེས་པའི་མང་ཚོགས་རྣམས་དེའི་གཡོ་འོག་ཏུ་ཚུད་སླ་བ་རེད།
དོན་ དངོས་ཐོག་འདི་ནི་ནུབ་ཕྱོགས་དགྲར་འཛིན་སྟོབས་ཤིག་གི་བྱེད་ཐབས་རྙིང་བ་ཞིག་ ཡིན་ཞིང་། ལོ་སྔོན་མ་དག་དུ་པོ་ཧེ་དང་། ཁོ་སོ་ཝོ། ཁྲེ་ཁྲིན་སོགས་སུ་ཡང་སྣང་ཚུལ་འདི་ཐེངས་མང་བྱུང་པ་རེད། མི་རྣམས་ཀྱིས་མཇུག་མཐར་ཏཱ་ལའི་རུ་ཚོགས་ཀྱི་“འཚེ་མེད་ཞི་བའི་ཐབས་ལམ་”གྱི་ངོ་བོ་གསལ་བོར་ཤེས་སྲིད་པ་དང་། གཤིས་བཟང་གི་བོད་དམངས་རྣམས་ལས་སླ་བོ་བྱས་ནས་དེའི་གཡོ་འོག་ཏུ་ཚུད་མི་སྲིད་དོ།།
