སེམས་ཁོང་གི་དག་ཞིང་
གསེར་མདོག་རྒྱ་ཕེགས་ཨ་སྔོན་དབྱིངས་སུ་ཟུག།
བྱིན་ཅན་རྟེན་རྫས་དད་ལྡན་གསོས་སུ་སྨོན།།
ཟུང་བཞི་ཁམས་མཚན་ལྔ་རིགས་གཙུག་ལག་མཛོད།།
སུམ་རྩེན་དགའ་འཚལ་གླིང་དེ་མི་ཡུལ་འཕོས།།
བསུང་ཞིམ་དྲི་ལྡང་ཆུ་སྐྱེས་འདབ་མ་གཡོ།།
རྩེན་དགའ་ཕྱེ་ལེབ་ཚོགས་ཀྱིས་འཕུར་ལྡིང་རོལ།།
ཤ་ཤེད་རྒྱས་པའི་འབྲི་གཡག་ཞི་བདེར་འཚོ།།
མར་གད་མདོག་མཛེས་ཕ་ཡུལ་བསིལ་མོ་ལྗོངས།།
ལྷུག་ལྷུག་གཡོ་བའི་ལྕུ་ཕྲན་ལག་གདང་སྦྲེལ།།
སྙན་འགྱུར་སྒྲོག་པའི་འདབ་ཆགས་གཤོག་རྩལ་རྔོམ།།
འབྲས་བཟང་བརྟས་པའི་རྐང་འཐུང་སྣ་འཛོམས་ཞིང་།།
སྟུག་པོའི་ནགས་ཁྲོད་ལྷིང་འཇགས་གངས་ལྗོངས་ཡུལ།།
མཛེས་ལྡན་གངས་ལྷ་མེ་ཏོག་གོང་ན་བཞད།།
སྙན་འགྱུར་ཁུ་བྱུག་གླུ་དབྱངས་ཤོས་ནས་གྱེར།།
གཡང་དཀར་ལུག་གུའི་འབར་སྒྲ་སྦང་ན་སྙན།།
ཡིད་སེམས་འཕྲོག་བའི་ཕ་ཡུལ་དག་པའི་ཞིང་།།