ཀ་རྩོམ་ཞེན་ལོག་མ།
ཅ་ཅོ་དོན་མེད་བཤད་དུས་ཁ་མཁས་མ།།
ཆ་ལུགས་འདྲ་མིན་དགའ་བའི་ཨ་གསར་མ།།
ཇ་ཆང་ཨ་རག་འཐུང་པའི་ར་བཟི་མ།།
ཉ་རོ་ཁྱོད་ལ་ཞེན་པ་གཏིང་ནས་ལོག།
ཏ་རེ་མི་ཆེ་མདུན་ལ་ནུར་འགྲོ་མ།།
ཐ་ཤལ་སྐྱོ་བོ་ཚོགས་པའི་གྲལ་མགོ་མ།།
ད་དུང་མི་ལ་འཕྱ་བའི་མཛུབ་ཀེར་མ།།
ན་ཆུང་ཁྱོད་ལ་ཞེན་པ་གཏིང་ནས་ལོག།
པ་ལོ་སི་ལི་བྱེད་པའི་སྐྲ་རིང་མ།།
ཕ་མ་གཡུགས་ནས་འགྲོ་བའི་སྤྲང་འཁྱམས་མ།།
བ་ཕྱུགས་གླང་གོག་འདྲ་བའི་རྨོངས་རྒན་མ།།
མ་རབས་ཁྱོད་ལ་ཞེན་པ་གཏིང་ནས་ལོག།
ཙ་ཀོ་ར་དང་འདྲ་བའི་སྐད་མཛེར་མ།།
ཚ་གེ་ཚི་གེ་འགྲོ་བའི་རྐུབ་ཀྱོགས་མ།།
ཛ་དྲག་འགག་ལ་ཐུག་དུས་གླེན་ལྐུགས་མ།།
ཝ་མོ་ཁྱོད་ལ་ཞེན་པ་གཏིང་ནས་ལོག།
ཞ་ར་ལས་ཀྱང་སྐྱོ་བའི་མི་ཀྱོགས་མ།།
ཟ་འཐུང་གཉིད་གསུམ་དགའ་བའི་གོ་རྒན་མ།།
འ་རེ་འུ་རེ་བྱས་ནས་རྒྱུག་མཁན་མ།།
ཡ་མེད་ཁྱོད་ལ་ཞེན་པ་གཏིང་ནས་ལོག།
ར་སྐད་ལུག་སྐད་ལྟ་བུའི་འབའ་དགའ་མ༎
ལ་ཐུང་ལུས་ལ་གོན་པའི་རྐུབ་ཀྱོགས་མ༎
ཤ་ཚ་སྙིང་རྗེ་མེད་པའི་གསོན་འདྲེ་མ༎
ས་རྫོད་ཁྱོད་ལ་ཞེན་པ་གཏིང་ནས་ལོག།
ཧ་དྲོ་ཧཱུཾ་གིས་འཁྱགས་པའི་མགོ་སྟོང་མ།།
ཨ་མའི་བཀའ་དྲིན་བརྗེད་པའི་ཁྲེལ་མེད་མ།།
ཧ་ཅང་ཐལ་ཆ་ཆེ་བའི་མོ་ཁྱོད་ལ།།
ཨ་རེ་ང་ནི་ཞེན་པ་གཏིང་ནས་ལོག།
ནོར་གླིང་ནས་དགེ་ཕྲུག་ཕོ་གསར་ཞིག་གིས་ཁ་པར་ནང་དཀའ་ངལ་མང་པོ་ཞིག་བཤད་བྱུང་བ་བརྗོད་གཞིར་བྱས་ནས་
༢༠༠༨།༡༠།༧ ཉིན་རྒྱུན་ལས་ཁང་དུ་བྲིས།།