ཀ་རྩོམ་བྱིས་པ་དགའ་བའི་གཏམ
ཏ་ཐཱ་ག་ཏའི་ལུང་རྟོགས་བསྟན་པ་ལ།།
ཐ་ཤལ་ང་ཚོས་སྦྱང་རྒྱུའི་གོ་སྐབས་ཐོབ།།
ད་ཕྲུག་ཡིན་ཡང་བདེ་གཤེགས་སྙིང་པོ་ནི།།
ན་གཞོན་ང་ཚོའི་རྒྱུད་ལ་ཡོད་ཅེས་གསུངས།།
པ་ལོ་བཅད་དེ་ཆོས་སྒོར་འགྲིམ་བསམ་ཡང༌།།
ཕ་ལོ་དམ་པས་ཕ་ཤུལ་འཛིན་དགོས་ཟེར།།
བ་གམ་བརྩེགས་པའི་ཕོ་བྲང་པོ་ཏཱ་ལར།།
མ་ཡི་ཆེད་དུ་གསོལ་བ་སྨོན་ལམ་འདེབས།།
ཙ་རི་གནས་དང་དབུས་གཙང་གནས་ཆེན་དག།
ཚ་གྲངས་ངལ་དུབ་བསྐོར་ན་བཟང་མོད་ཀྱང༌།།
ཛ་རྟགས་ཡོད་མེད་བོད་ཡིག་དག་ཆ་ལ།།
ཝ་ལེར་ཡུན་གྱིས་སྦྱངས་ན་མི་བཟང་ངམ།།
ཞ་སྨྱུག་ཁ་མ་བཟོས་ཏེ་ཡིག་གཟུགས་ལ།།
ཟ་རྔམ་ཅན་གྱིས་ཟས་ལ་འདོད་པ་ལྟར།།
འ་ལ་ན་མའི་འབྲི་སྟངས་ལེགས་སྦྱངས་ན།།
ཡ་བཏགས་མགོ་འདོགས་སོགས་ཀྱང་ཤེས་པར་འགྱུར།།
ར་ལུག་ཕག་པ་གསོད་པའི་བཤན་པ་དང༌།།
ལ་གནས་རི་དྭགས་གསོད་པའི་རྔོན་པ་སོགས།།
ཤ་ཚ་སྙིང་རྗེ་ཅན་གྱིས་གཟིགས་པའི་ཚེ།།
ས་གཞི་འདི་ཡང་དམྱལ་བ་མིན་ནམ་སྙམ།།
ཧ་ཧ་སློབ་ཕྲུག་ཆུང་ཆུང་རྩོམ་དཔེ་རུ།།
ཨ་མཚར་བྲིས་པའི་ཀ་རྩོམ་སྙན་དངགས་འདི།།
སྒྲ་དབྱངས་ལྷ་མོ་དགྱེས་པའི་མཆོད་སྤྲིན་དུ།།
བྱང་ཕྱོགས་སིམ་ལ་ཡུལ་དུ་ཤར་མར་སྤེལ།།